Green Common (QRE Plaza) (已結業)

本身成日都會泥食green common 漢堡，疫情期間佢地推出左半價優惠，Beyond Meat 系列單點有半價優惠，搞到我食得密過平時好多平時最鐘意食既一定係Beyond Burger Plus 未來漢堡，單點一個漢堡已經非常飽，今次想試下其他口味，就嗌左Beyond Sausage系列既Beyond All-day，餐廳人流都唔少，尤其多人嗌外賣，不過等餐都唔算耐。如果唔知呢個係素腸，其實食落去會以為係真既腸仔，個口感同味道好似。薯餅新鮮整熱，幾脆好香口。至於蘑菇炒蛋，由於呢間係全素既餐廳，所以採用Just Egg植物蛋，作為蛋控，食落真係一啲都唔似蛋，覺得水左啲，而all day breakfast泥講，蛋既比例真係幾多，但其實幾好食。食完係超級飽，而且一啲都唔油膩，係健康素食之選！

未來漢堡係可以對於一啲無得食牛又可以想食牛肉既人一個機會，店內 環境唔大，相信多數辦公人員都是選擇外賣，而店舖內亦都有可以供人外賣嘅一些肉類或其他產品，他們都是主力提供環保產物為主，而今次我和友人叫的都是未來漢堡，牛肉甥 和其他番茄等產品，它和牛肉的口感都很逼真，還有一些類似炒蛋的都是用磨菇醬打成的，感覺好滑，都可以給一些素食者一個機會去嘗試新食物

素食控出沒😈未來漢堡Deluxe (期間限定)Rating: 8/10HK$98新豬肉擔擔麵Rating: 7.5/10HK$79為咗健康,其實而家間唔中都會同朋友去食素菜。你一間素食餐廳係香港數一數二，都有好多間分店，而且食物種類好多：有西餐去到中式、東南亞菜都有。今次佢叫咗個素肉漢堡包同擔擔麵。未來漢堡扒配火箭菜、蕃茄、蘑菇及秘製黑松露醬。佢嘅肉質唔會硬,不過稍嫌少咗啲汁,可以再Juicy D。植物肉豆乳擔擔面，雖然食落去唔係好辣，但都有擔擔面嘅配料,有豆乳的順滑感同豆奶味。整體來講,素食落去其實好似真嘅肉一樣,係唔會食得出係用豆做嘅。對於第一次食素嘅人來講係好好嘅選擇。

想食素，又咁啱搵到呢間係黃店，咁就試下。嗰日係最後一日有優惠，我嗌左個classic beyond burger有半價好似係$39，加左個15蚊嘅薯條同埋18蚊嘅紅棗茶。入面嗰塊beyond burger真係食唔出係素食！唔知真係以為係肉，香味同味道都差唔多。塊包出面好脆，熱辣辣好好食外加嗰份數條本身以為得少少，點知黎到咁大份，值呢個price薯條炸得好脆入面好淋，又唔會太細條大細啱啱好，茄汁都俾得好足。仲嗌左左份八十幾蚊嘅意粉。嗰個冇半價有啲後悔冇嗌有特價嘅😭但味道都好唔錯，有返咁上下水準，雖然就真係幾貴。最後配左杯熱朱古力，呢個真係要讚！！！有5粒星！！！朱古力味超濃郁，質感唔會太水，味道唔會太甜，飲落去唔會覺得加左太多水，總之就好正！想食素黎呢間唔會中伏~

今日繼續搵好嘢食，發現green common灣仔分店外賣自取指定食物半價，仲包括未來漢堡和熱狗，咁真係要試下啦!今次買咗未來熱狗，食落同真嘅熱狗腸無分別，大家真係可以趁有半價試下呢款人造肉嘅味道。

一間有表達支持既小黃店💛難得佢做抗疫優惠 我就黎支持下keke😎😎·樂樂雞 $18/5件好耐無食過麥樂雞啦😏如果大家同我一樣掛住既話不妨黎呢度試下 我尤其欣賞佢地個包裝 真係一模一樣😂😂佢係即刻炸出黎 都幾熱辣辣 不過個味就無好似啦 佢係口感比較扎實 食唔出係咩野 不過最後個after taste有少少豆 都唔錯 幾趣緻🥳🥳未來漢堡Deluxe $98我幾中意呢個burger 佢個醬整得幾好 好香黑松露味 所以個包整體黎講唔會太趕 而且入眠既火箭菜同埋番茄都好新鮮🍅不過個beyond meat就無整得好似肉啦我自己覺得🤔但係都幾好既😋·omni肉醬意粉 $74茄醬omni肉丸 $42/4粒呢兩個相比我就中意個意粉多D啦 佢個汁係酸酸甜甜咁 幾開胃 唔會太重負擔😍個肉丸調味都唔錯既 不過我覺得佢太扎實啦 食一粒飽30%😂😂個飽腹感超高 所以我地最後將佢切開左慢慢食🙊😂😂·

呢間素食好新潮 好好味 好鍾意食vegan pizza, 好鍾意vegan cheese 舖頭隔離仲有vegan cheese同vegan yogurt賣，強烈推介daiya呢個牌子，好濃好香，同一樣野，一樣味道，但cruelty free, 非常好 上網睇 原來vegan cheese係用果仁同coconut cream發酵整，冇真芝士嘅激素 hormones 同咁多脂肪，係健康嘅選擇～ 呢間雪櫃裡面個杏仁奶咖啡都勁好味！呢間主力宣揚環保素食 概念非常好👍👍

新一年新希望, 只望大家都身體健康, 這個地方的紛爭早日得到平息, 每個人都活得真正快樂平安, 真的是多奢侈的願望, 但人人都存著一顆感恩憐憫的心, 世界就會變得不一樣。前幾天, 和朋友到了灣仔QRE 的Green Common 食午飯, 間中不吃肉, 多吃不同蔬菜, 對身體好一點。我選了香辣素雞肉炒意粉(走辣), 甫上枱, 香氣四溢, 絕不是清淡的素菜, 而可以感受蒜蓉的濃烈香味。還有切絲的三色椒, 蘑菇及露荀等, 意粉份量多, 油炒卻一點都不油膩, 越吃越想繼續吃另外加錢點了中式素湯，都好味道，好香。超級推介喜歡較重口味的素食朋友

食得太多肉對身體百害而無一利，有時候都會想食得light一點，減少身體的負擔。想揀素食作午餐，但附近的素食的選擇不多，直至找到Green Common。今次叫了焗豬扒黃薑飯($82)、日式炒烏冬($76) 和沙嗲牛肉小食 ($18)，另外做緊優惠，+$10可以配果茶。日式雜菜野菌炒烏冬賣相不錯，份量適中，味道亦好。沙嗲牛肉小食就一般，唔夠入味，同牛肉既質感都有一些距離。焗豬扒黃薑飯作為餐廳的推介，我們很好奇如何用素食的食材做到豬扒的味道和質感呢？最上面有一層厚厚的芝士，大大塊素豬扒，最底係黃薑飯。賣相同連鎖式的焗豬扒飯有十成相似，連青豆同菠蘿都有。特別了一小塊豬扒出來看和品嚐，味道同質感真係食唔出係素食喎！同朋友邊食邊傾，直頭忘記了自己食緊素食，好神奇。份量十足，如果大家怕吃素食會唔飽，就揀這個吧，一定夠飽。另外兩支果茶都好好味，甜度適中，又有新鮮果肉，正！

我去灣仔Green common買咗一杯外賣oatmilk latte, 嗰杯咖啡拎上手輕飄飄，係得半杯，我就問佢點解，佢話啲泡係咁樣，我就同佢講我係要飲latte唔係cappuccino, 佢唔知道啦latte同cappuccino 嘅分別,佢哋嘅Staff對於食物嘅熱誠基本上係零，佢哋只係打一份工。跟住個杯蓋仲要係細嗰隻杯，滴到我件衫係晒，我問佢點解杯蓋會咁細，佢就話係咁樣我真係俾佢激到呢。我已經好耐冇喺Greencommon食過任何嘢，因為佢哋只係翻熱食物都可以翻得好難食，我只係會買佢哋嘅外賣返屋企自己煮，呢間鋪頭如果再係咁落去嘅話遲早要執笠，而我係覺得好可惜因為佢哋嘅concept 係好好嘅，希望管理層見到呢段review, 真係認真檢討一下你哋嘅staffs 點樣做嘢。我嘅總結係五個嬲嬲。

2019年11月21日 12點20 我唸住買嘢食同買隻蘋果汁啦！被個職員告知：唔做我生意！麻煩我離開！咁我一來冇搗亂，二來冇食霸王餐，三來冇偷嘢！四來冇打尖！ 咁我就話：點解唔做我生意啊？你有乜資格話唔做我生意啊！叫你老細來同我講唔做我生意啦！咁佢就講：我就有資格，不需要經過我老細，麻煩你離開，我唔做你生意！佢地其他同事都聽到㗎！咁我想問呢間所謂嘅素食館出來嘅職員就係咁嘅態度對待個客人？乜叫服務性行業？連最基本比度個客嘅服務都做唔度？我唔理佢係乜職位啦，無啦啦被告知唔做我生意！我真係覺得好搞笑lor～呢間公司啲職員咁樣做上頭都唔理，咁嘅服務態度遲早執得啦！真係太差了！以後一定唔幫襯，都會叫身邊啲人唔好來！一大早唸住心情靚靚過來食個lunch，比個咁嘅職員搞度心情差曬！太嘔心了！順便上傳張職員相，冇著工衣，冇帶名牌，戴住耳機，禁住手機返工！唔知佢乜料到啦！奉勸各位米來幫襯，廢事食飽一肚氣！

之前同朋友去過呢間素食館午餐，意想不到的美味。同同事分享完對方唔太相信，就決定同同事再戰一次，專揀有肉既素食，睇下係米都禁正。為左試真d肉，我點左辣肉腸蕃茄磨茹意粉。蕃茄味充足又香濃，意粉不會煮得太冧身，沾上蕃茄汁食好味。重點在辣肉腸，咬落去，不論質感定味道同響西餐廳食既無分別，但你又知自己食緊既其實是素食，無任何肉既成份。同事就點左牛肉漢堡，包算鬆軟，菜都新鮮。重點在牛肉，由於是素食不是真肉扒，本身都怕會好鬆散，但咬落去偏偏不會，能夠保持到扒的形狀，仲有juicy既感覺。講真，呢間素食館好高質，食兩次都無失望，好適合想食肉但又想健康減碳人士！

Beyond meat相信是近年素食界的一大突破，將肉的味道和質感完美地複製出來，筆者這天途經Green Common，就來試試這植物肉是否真的如此神奇。未來熱狗 (8/10): 熱狗賣相吸引，生菜新鮮，麵包鬆軟，香腸做得和真的一樣，腸衣脆身，咬下去亦有很多「肉」汁，加上傳統熱狗醬料，幾可亂真。Latte (6/10): 用了豆奶沖出來的咖啡味道總有點奇怪，沒有拉花賣相也扣了分，建議飲這裡的牛油果奶昔。Summary: Green Common比一般素食餐廳優勝的地方是它的出品更像真的肉類，不像其他地方只具其形，想食得健康一點但又不想只吃菇菇菜菜可考慮這裡。

前2日約左朋友響灣仔食lunch，因為對方是素食者，就聽同事介紹，搵左green common來食，真心一試難忘！我地兩個人叫三樣野，先係野菌湯。其實我真心不是野菌湯愛好者，但不得不讚佢菇味非常香濃，又磨得細滑。每一啖都是菇，茹比水份還多，上上之選。如果係愛好者必試！由於朋友太愛菇，第二樣都係菇，野菌松露白汁薄脆，8吋大既pizza對兩個人來講剛剛好，食完不會太多，又剛好滿足到食pizza既慾望。本身對於pizza上是用白汁呢件事我係有保留既，食完我完全改觀，稍稍中和左強烈既菇味，好味得來又夾，食得好舒服！最後係焗豬扒黃薑飯。食落去我真心以為係食緊豬扒，少少素食既感覺都無！令我非常驚喜。加上黃薑飯炒得夠香，比起一哥更加好味。真心推介！唯一能挑剔係芝士太多，食完會好漏。但芝士愛好者應該會愛不釋手！綜合來講呢間素食店無得彈，樣樣都好味又高質。而且一般素食店價錢都會略貴，今日食埋單都不用200，非常開心！一定會回頭！

起初認為較少人食素，lunch time攞位冇難度。怎料食客頗多，係櫃臺落單比錢後等咗陣先有位🙈今次眼闊肚亦闊嘅我一口氣嗌咗4款菜式1\未來漢堡素肉扒選用Omnipork，內𥚃有馬蹄碎，有肉嘅口感，而且有陣牛羶味。2\新豬肉擔擔麵新豬肉口感較一般豬肉爽口，味道更加似煎香過嘅真豬肉。湯底同麫質較普通，帶點味精。若想食得健康啲，可選擇未來漢堡/海南雞飯3\海南雞飯素雞口感仿真度：7.5/10味道較清，可能因放涼嘅關係，覺得冇味道普通，唔特別4\沙嗲素牛柳牛柳口感仿真度：8.5/10如果起初唔知係素牛柳，真有機會誤以為真牛柳5\紫薯沙冰主食份量較light，食唔飽可加返杯紫薯沙冰紫薯味濃郁，好creamy ，大大杯非常飽肚