Great Food Hall

营业中

休息中

恕我孤陋寡聞>.< 因為我真係勁白痴, 唔知係咩~見佢好似好得意咁就買o黎試下~有朱古力同士多啤梨味, 我o既係士多啤梨味~no... 一食... 甜到爆! 口水都流埋...我諗一定唔係咁食ga! 因為我咁鐘意食甜野食半個都要放棄啦...... 可能係整碎佢加其他野食....超"lor" o既行為...

呢個唔錯ar, 綠茶味一般啦, 唔太夠濃, 但內有ok多紅豆饀,i love it!~ 不過個bread 口感麻麻, 唔夠鬆軟!$5.5食得過!

1) 栗子bread >> 個bread 又dry 又硬, 唔得!d 栗子蓉酸的!有無攪錯!?2) 栗子tart >> 難食到爆!栗子蓉又酸又唔甜, 而且好d 好dry, 放o左好耐o甘.......成$20!早知食龍島!

今次試下Great o個D朱古力酥.外貌同A-1相似,但比起來較大個,酥皮較硬,但這裡的麵包都是較硬的,可能較適合外國人口味.價錢幾貴- $10!

好耐之前試過o係great 買大福餅, 雖然豆沙好食, 但係大福o既靈魂-- 糯米皮竟然係又硬又乾, 我極度失望!!!之後就一直無再o係度買過大福餅. 但係前幾日, 見到佢改左包裝, 用保鮮紙封實膠盒, 而且仲貼左張"北海道大福"o既貼紙. 見佢改左包裝, 就俾多次機會佢啦!果然係掂喎! 今次o既糯米皮煙煙韌韌, 裡面o既豆沙唔會太甜, o岩o岩好! 我覺得好食過源吉兆庵o既大福餅!

是日除了在triple食burger，還到了food hall買了碗米線，行了二次才能下決定，因為碗碗賣相都好吸引，最後要了魚蛋扎肉，只見師傳仔將三個米線放落滾水中，跟著配菜，上碗後，淋了大"喝"奶白色的魚湯放在托盤上，我一望，即刻嘩一聲，超多，除魚險扎肉外，還有粟米、椰菜、芽菜、昆布、西蘭花、金菇…好像將所有有o既菜蔬全數放進似的。米線滑，湯底都幾鮮味，但配菜真是過多了，雖然好夠味，卻似食多過食米線，可能言便是food court 的特色。

20041119 6pm響灣仔見完客, 落Great 打個白鴿轉, 經過bakery 口痕痕買o左兩個mini doughnut 搭叮叮食, 係有好勁icing 果隻, 一個白, 一個黑(朱古力, 食味一般啦. 唔夠軟熟.

見咁多正面食評, 就黎great買左個chicago bread試下. 店員聲稱呢種麵包no sugar, no butter, very healthy喎! 咦? 唔通個包只係小麥粉加水焗出黎?個包裡面有d提子同合桃, 不過我就覺得份量唔係好夠. 包底帶鹹味, 相信係因為no sugar o既縁故.味道我就唔係覺得好出眾啦, 不過係幾健康就真o既!

開通宵會，groupmate 買左一大盒飽餅返黎大家食，因為之前行開左，佢地留左個muffin俾我，係有我唔鍾意既玉桂味，不過都照食啦，個texture ok o既，但都係略油。

週末黃昏, 晚飯前和朋友來一個下午蠔情, 蠔餐有兩個選擇, 分別係$128 三款六隻細蠔配一杯白酒, 和$158 三款六隻細蠔配一杯白酒, 兩個餐也點了, 正好每人可人品嚐六種大小不一的生蠔; 等了十分鐘左右, 十二隻生蠔由淡至濃按次序排好, 幾款生蠔味道不錯, 不帶一點碎殼, 只是在灑上檸檬汁時, 看不出生蠔有半點活力.

我都有試過呢度既muffin,不過係前幾個禮拜去既時候,見到佢有試食個陣時食既,佢切到一粒粒,我食左隻朱古力味,當時又覺得ok喎,都幾甜,不過朱古力味係咁架啦!但係我就唔覺油,可能係因為細細舊唔會覺卦!我都有心大心細想買,諗左好耐,後來因為我都係想食包,所以無買到,聽到Avidog咁講,好在啫!

個人好鐘意食Muffin, 但都覺得Great 嘅 Muffin 唔好食。佢Ｄmuffin 好油好肥膩，又偏甜。雖然有幾多囗味選擇，但款款都差多味，得個甜字。所以我唔會喺 依度買Muffin 嘅。

好多款muffin....心大心細，於是就聽下售貨姐姐的推介啦，要了carrot muffin... 一吃...um...好粉，一d都唔好食既......!!! >.<

唔知依個叫做乜嘢面包，一包大概有八塊。每塊size 好似MD 咁細細，薄薄哋，啡色，每塊都佈滿sunflower seed。食落質感比較硬，有粗鞋嘅感覺，但食依種包就正正要享受佢粗糙的質感。麵包好香麥味，感覺好豐富。依隻包可以做健康三文治，例如夾芝士蕃茄一起吃，係健康嘅午餐。芝士方面，個人最近愛上Cambozala 芝士，味道比較濃郁，又煙un，好正！可以喺 Great 嘅芝士counter 買到。

今日去開金鐘, 梗係要黎呢度買包包!本來睇下有無一d比較多芝士既包,但係無,最後買左個raisin & cinnamon bagel,食落又幾好食,個bagel顏色啡啡地,充滿玉桂香,已經夠好味,而且硬內軟,唔錯!加埋個bagel夾雜左提子,多少少甜味,份量又足,配合得幾好!