Grass and Sea by PEKO PEKO

营业中

休息中

今次有機會來食飯，因為得知元朗開了新商場「元點」，所以專程來參觀打卡。而且這日更有由商場安排，各式貓狗寵物參與的「萌寵花車巡遊」，更加要來看啦。(影了很多靚相，但為免離題就不post啦)看巡遊前也要食餐好。但可能假日加上有巡遊看，商場非常多人，間間餐廳都大排長龍。所以食到這間也是緣份，因為這間最先有位店內環境不錯，裝修是我喜歡的亮麗、活潑風格，坐得也舒適。這個是我選的假日午市套餐組合 ($108)包括有：正常芝士圈質素，口感爽脆。很好味，口感彈牙軟滑。而且和咖哩汁配合，也不掩其鮮美。比想像中份量多，很大很厚，卻口感鬆軟可口，牛味豐腴，誠意之作。味道正常，但份量偏多，包你食到飽。總結來說今餐就是好味夾大件，$108 (未計加一)有如此豐富菜式也價錢很實惠。不知是否因新開業，特別有誠意。希望若能保持水準，一定再來光顧。

最近元朗開左元點， 所以帶埋小朋友去發掘新餐廳試試✌🏻 👍🏻餐廳用ipad 睇Menu , 唔錯！ 最怕出面拎住油淋淋 又甩皮甩骨Menu 睇🌚我地一家人叫左個二人套餐+一碟意粉。 老實講 食物質素一般，雖然唔難食 但又唔係好食🤷‍♀️ 餐湯太水又無味，意粉汁過多（搞到好似濕炒咁😮‍💨先生食食下聽到其中一個員工講「某枱號食左一個鐘啦啵，問下佢有無野要加」 。 聽到完全勁趕客… 🙃到我剛剛食完枱上食物， 已經有位員工問我加唔加甜品，我地表示唔洗了。 轉頭佢就放左張單落我枱。 哇 完全話比我聽個感覺似趕客！ 而且我都無話埋單，你就放張單比我，我坐在唔耐，正常時間炸wo ！ 超掃興，依個價錢去食其他餐廳起碼有服務可言。 如果咁趕客法 不如講明用餐時間？ 到最後從離開座位到門口， 一小段路遇到2-3個員工，一個員工都無講句再見👋🏻。 真係無下次。 服務很差 😑😑😑😑

聽講元朗最近開咗個新商場叫做「元點」，開左好多岩打卡嘅餐廳，等我放左工就即刻去chill下，釋放一下返工嘅壓力先。GG自爆下先，「新元中」呢個地方係我地呢啲元朗人由細到大叫開嘅，呢度充滿住我嘅童年回憶，細個每逢星期六、日、紅日都會同屋企人去行足一日，食下野、睇下野，甘就好開心ga la。適逢今日媽咪正日生日🎀，咁就一於帶佢泥重遊舊地，重溫返細個嘅回憶先。GG早幾日就上左openrice search 下，睇下有邊間餐廳岩feel，甘就見到有間裝飾得好有林木風格🪵🌲🌳🌴🌵☘️🍀嘅餐廳，又潮又relax。岩曬我同媽咪影靚相📸，而且仲見到可以係生日及週年紀念日透過openrice訂座就可以+$58有埋蛋糕寫名服務，精明嘅我就梗係即刻訂位la。一入餐廳店員就安排左我哋坐張要上一級樓梯嘅枱卡位，店員都好細心，好溫馨甘叫我哋小心D，好窩心🥰📌精選餐湯今日嘅餐湯係周打魚湯🐟仲配上一塊多士，個湯好creamy，好多切成正方體嘅雜菜，好易入口。多士烘得好靚，上面仲有金黃色嘅蒜蓉，好滋味！📌烤原隻日本鮮魷魚🦑真係唔講得笑，冇花冇假，真係原隻大大隻，仲好厚身彈口，有鮮味，一d都唔會變韌似橡筋，讚👍🏻📌白汁海鮮

端午節紅日黎到Yoho Mix 商場搵食，都有唔少鋪頭仲係圍緊板，搞到商場條路更窄。商場新開人流亦唔少，有唔少Bb 車同寵物車，相對嘈雜。唔少餐廳都用Gulu app 拎飛等位，呢間Peko Peko 地方比較大，所以一行3人揀左等呢間，大約等左15分鐘。$108 有1頭盤 + 2主菜+飯+湯， 以商場位置黎講一d 都唔貴，但份量都會細一d。 兩個大人如果叫set B, 每人各試兩款，都接近試哂佢既主食。問過店員，佢地都未必會定期轉menu。另外仲有貴少少既午餐選擇，但同場見都唔算多人食呢個。2大人+1 小朋友安排左4人枱，亦有提供Bb ikea highchair 。分別叫左2份set B lunch set ($108)。和風蛋卷（頭盤）-3片，蛋中間有少少紅蘿蔔粒，面有少少沙律醬+木魚絲+紫菜，味道正常胡麻脆豆腐 (主菜）-熱辣辣脆口，都幾好食法式燴牛面頰 (主菜）- 4舊，淋身，入味，味濃，都推介周打海鮮湯- 入面都幾多料，有雞有菜，杰身，份量唔多但都飽肚脆炸馬蘇里拉芝士圈（頭盤）-微暖，正常，粉漿唔算薄香煎石斑魚 (主菜）- 魚完全冇煎過，似蒸，汁係蕃茄膏茄醬味，唔好食香煎鴨

小编難得今日放假想享受一餐美好的，就選了這間新開的Grass and Sea, 但是食物質素一般，雖然賣相精美，但味道只屬中等水平，而服務質素就需大大提升，全程水都冇杯，服務員好快手收走你食完啲碗碟，連甜品都未上，咁快就收走啲餐具同紙巾，原因就係想趕客走，叫你快啲交番個位出嚟，唔好再繼續坐，阻住佢地做下一轉生意。環境方面尚可，休閒舒適，但比服務員成日趕客走嘅心態大大影響整體用餐體驗，唔當你係客人咁嘅款，欠缺熱誠和同理心，態度冷淡，毫無親切感，印象分大扣！

元點呢間餐廳新開張諗住試吓，點知食到寫下人生第一則食評。海膽三文魚子竹炭烏冬($198)上面件海膽係新鮮嘅，但個麵既海膽汁勁臭勁腥，直頭係公廁味。埋單嘅時候侍應問我哋係咪唔好食，因為食剩好多，我同朋友話個汁唔新鮮有異味。侍應話見到好多人都食淨呢個麵。其實見到咁多人都食淨同話臭，就要先暫停供應向廚房反映，或寫上售罄字眼，唔應該再寫係menu出俾客人點餐食用。唔係等個個食完，比完錢，先講返個狀況同話唔好意思。

4人枱 排左50分鐘，中間叫到107號，係107號停左廿分鐘，忽然叫返張88號，仲可以比入…….冇寫過左幾多個number唔比入既咩？朋友問receptionist,佢答陣間會順返叫架啦甘晏畫拎飛，夜晚返黎食都可能入到架～不防試下～～跟住6-7人枱拎飛拎左5分鐘就比人入，但4人既佢地就唔叫，問receptionist到底係點安排，佢答我地按拎飛時間，我show我張飛比佢睇，話我地拎左45分鐘，人地拎左5分鐘咋wo, 甘佢就話，入左細枱會入唔到大枱ok…甘你唔問下d 4人同2人枱搭唔搭枱？可能我地願意呢成餐飯，我地淨係落過一次單，跟住比過3次唔同既單我地😂次次都唔同價錢，最後話成張單唔見左…😂😂講返野食，賣相靚，但味道一般，石班魚好鯹，麻醬脆豆腐凍既，軟哂皮…..就連個周打海鮮湯都係室溫，唔熱的…最好食係個牛同個飯