Gram Cafe & Pancakes

营业中

休息中

同女朋友係附近食完正餐，行左陣見個肚又有返少少位，就黎呢度叫份pancake share食，加杯熱檸水同凍橙汁。本來都無嘜期待，因為一入去位waiter既態度都好差下。點知野食黎就明點解員工係咁既服務。個pancake本來唔熱都應該暖吧，凍既；杯檸水應該熱既，凍到砂糖都幾乎融唔到；杯橙汁應該無死了吧；無味既。啲伙記對住啲咁既野食服務好就奇啦。一個字：正！

係日本大坂食過呢間，佢既疏乎厘pancake好食到無得頂，宜家進軍香港，當然要去食返個感覺，可惜.....佢既疏乎厘pancake每日限量，我同老婆去到門口，佢話賣曬，ok，最多食其他，我點左個石板街，我老婆點左個紫薯流漿。先黎石板街，黎到時賣相吾錯，跟menu個圖出入不大。跟住我一刀切落去，開始有d古怪，點解咁實既！再一口咬落去，救命，舊pancake實到一個點，好似雪左幾日既旦糕攞返出黎，連屋村面包鋪都好食過佢，d cream又打吾起，似大家樂牛油咁既質地，又黃，我食左幾啖，堅頂吾順...放棄吾食。個紫薯都一樣問題，太實。連我隔離台都order左同一樣石板街，都異口同聲話好難食。其實吾只難食，仲有另一問題，起初入場時話招牌疏乎厘pancake賣曬，點知我個石板街黎到後，其他台相繼出現返個招牌貨，本來我想追究，但見到黎左d野都咁難食，即使改單都吾方好食。最後極吾願意下埋單$248。三個字，無下次。

自從上次去完鹿兒島排隊食pancake 一試難忘因為佢的疏乎厘Pancake入口即溶非常鬆軟 原來在尖沙咀開了這間分店已經一段日子今日放假約了姊妹來試一試可惜不是疏乎厘pancake出爐的時間就去試下其他口味啦石板街班戟有好多可可粉加上好香奶味而又唔油膩的cream中間仲有一層係吉士 加埋都幾夾 多左一個層次每一口都有濃濃的朱古力味同cream的滋味焦糖香蕉班戟都係另一個熱門之選香蕉配上一層薄薄的焦糖 好正加埋原味pancake同食得出的蛋香配上滑滑的cream 感覺很清新!pancake加上一杯regular coffee 真係最高的享受 一口甜甜一口回甘呢個coffee 都真係唔錯 好香 唔酸個杯都好得意朋友點的蜜桃沙冰佢話唔算太甜都好濃蜜桃味 唔錯

日本過江龍Pancake 依間店係The One 開左好耐啦❤️之前一直都心思思好想食🤣見到啲人龍仔就自然唔想排隊，所以一直都未食🙈可能疫情既關係，人龍都少左😇.石板街班戟 $118唔同時間唔同季節都有唔同既味😸甘多層入面最欣賞係吉士醬😇都好滑身✨而班戟就有別於一般既班戟😂會偏實心少少，朱古力味既班戟出面配有朱古力🍫粉，雙重享受.焦糖香蕉班戟 $98焦糖味好夠😊Pancke 係原味，但都帶得出牛油🧈既咸味出黎，再配上滑身既忌廉😌依個班戟都係實心既，食完好飽肚🤗

從前去日本旅行，為的就是吃這間店的班戟，每每排上兩小時多~但現在，終於可在香港常常吃了😋😋環境都不錯，有裝修的，都以草原為主題，有打卡位~焦糖香蕉班戟～ 班戟本身比較淡，帶著淡淡的牛油香味～水果方面有香蕉，香蕉面層鋪上了一層燒香而薄脆的焦糖片，伴隨一起同吃，甜度剛剛好，還有外脆內軟的感覺～雜果朱古力班戟～雜果數量及種類也很多，有橙，士多啤梨，奇異果及藍莓，每樣水果都十分之鮮甜‼️而班戟更加上了朱古力醬，令整度甜品更加滿足😍

🍌焦糖香蕉班戟🥞 $98 Pancake唔似梳乎厘入口即溶，食嘅係佢嘅牛油咸香🧈。Pancake質地偏實，Cream勝在質地幼滑，加蜂蜜一齊食就啱哂☺️。一旁嘅焦糖香蕉食落有陣茉莉花香味，幾特別。⁣⁣☕️意大利芝士蛋糕班戟🥞 $118 依個嘅疊法係一層芝士一層班戟😈。芝士比較厚實同凍凍地，帶少許芝士味。因為每啖都有芝士包住班戟，同有咖啡浸泡過，入口比起上一款濕潤😬⁣🌳Gram cafe & pancakes 🥞 ⁣⛳地址：尖沙咀彌敦道100號The ONE 4樓L408舖⁣⁣

Chocolate Rock Road一見到石板街班戟，就覺得好吸引，朱古力控必食之選，軟滑忌廉夾著朱古力班戟，最上層有棉花糖、車厘子、 合桃、朱古力醬，口感非常豐富。Mixed Fruit有四款新鮮水果，香橙片、士多啤梨、奇異果、藍莓、色彩繽紛，一層班戟夾著一層忌廉，班戟口感鬆軟，忌廉輕盈，唔會覺得好膩。外賣有八折都幾抵，小小件幾精緻，可以買返屋企慢慢嘆，包裝得好穩陣，有膠帶保護住，返到屋企班戟都冇變形。

又一間日本過江龍甜品店，因為朋友送的現金券，加上男朋友很喜歡吃梳乎里班戟，所以試試位於The One 的gram cafeChocolate Rocky Road（$118）朱古力+Tiramisu,味道很好，最喜歡中間的吉士醬，很細滑，又不會過甜，加上水果和nuts, 令人不禁一啖接一啖。超人氣梳乎里班戟（$138）現實同相相符，影相一流，不過因為新鮮製造，所以都等了25分鐘才有，質感很綿密，加上糖漿也不會過甜，cream換上雪糕的話會更喜歡，味道雖好，但略嫌有點單調，因為三大塊都是一樣的，吃過正餐的我們，也差點吃不完。

記得第一次去呢間甜品店係喺日本大阪，招牌嘅梳乎厘pancake甚至係每日限量供應，食過一次回味無窮。香港嘅分店舖頭裝修感覺差唔多，係一種麻雀雖小五臟俱全既感覺。意大利芝士蛋糕班戟，$118。賣相好靚，真係好似個蛋糕，擺款亦都非常別出心裁。班戟嘅口感非常鬆軟，同意大利芝士蛋糕不謀而合，甜度適中，貼近本舖水準。焦糖香蕉班戟，$98。係另一款精緻藝術品，焦糖烤過嘅香蕉，除咗靚亦都好味，配搭埋忌廉同埋糖漿嘅pancake幾好味，亦都幾飽肚。

焦糖香蕉班戟（ $98 ）🥞🍌賣相好吸引呀，除咗焦糖香蕉之外🍌🍌仲有日本忌廉比你伴pancake，想讚下個忌廉真係食到有日本嘅感覺💋💋唔會死甜油膩，反而係做到牛奶微甜空氣咁嘅感覺🧁🍦另外仲有一小杯蜜糖俾你淋喺面🍯🍯一杯我覺得唔係好夠喉，店員仲好好比多一杯蜜糖我添🤤🤤意大利芝士蛋糕班戟（ $118 ）呢個Tiramisu pancake 整到成個粒你蛋糕咁，都幾大個🎂🎂幾個朋友來可以順便慶祝生日哈哈，🍰pancake上面沈滿咗咖啡可可粉☕️☕️三層pancake夾住口口嘅雲呢拿吉士醬，唔會太甜，男仔都應該會鍾意食，食完兩個pancake我哋已經超飽，好滿足🥳🥳

這則只是簡短記錄一下自己感受的食評。環境不錯，價錢正常，不知是否我沒有吃過貴的pancake。這個pancake味道帶點鹹，唔係難食，只係覺得有啲新奇。但環境不錯，好似坐咗喺小花園度食嘢咁。

Pancake熱潮過後都好耐無食過Pancake喇，今日行到攰攰地就順便入去坐下同食tea🤪大概等左20分鐘就入得喇，一入到去waiter就問我地要唔要order定佢地超人氣招牌梳乎厘班戟Premium Pancake,因為係限量既我地聽到限量緊係話要啦，原來佢每個鐘只會出爐10份架炸，好好彩我地叫到第9份🤣 叫左杯蜜桃沙冰，唔太甜 幾解渴唔好見佢啲糖漿好少咁，落少少加埋啲cream已經好夠味。口感都係一慣梳乎厘班戟咁，入到口好快溶咁，可以不停食😆 好似$138一份，如果價錢低返少少會吸引啲

喺尖沙咀行街行到攰休息一下，見到呢間好靚嘅日本pancake店，門口有好多公仔和擺設，非常可愛，見到餐牌上面嘅甜品全部都好吸引，於是就同好姊妹入去嘆番個下午茶。雜果朱古力pancake $108顏色鮮艷，七彩繽紛嘅雜果，上面有香濃嘅朱古力醬，配上三件美味可口嘅pancake，實在係下午茶嘅極品， pancake鬆軟，又有好香嘅牛油和蛋味，真係非常好食。焦糖香蕉pancake $98 我最鍾意香蕉上面嘅焦糖，做得好薄好趣而且焦糖味好香， pancake配上特別嘅忌廉，仲有糖漿，真係一絕，好味到暈低，真係令人開心嘅下午茶。泡沫咖啡$40

睇食評知道尖沙咀The One商場入面有間食pancake好出名嘅叫Gram cafe & pancakes，就入去試下佢哋嘅pancake。今次order咗石板街pancake同埋雜果朱古力pancake。個石板街pancake 總共有6層，中間夾住venilla吉士醬，上面再加上特製嘅朱古力粉同埋棉花糖都喺上面 ，而且又有自家製杏仁，加上少量士多啤梨，成個賣相都好靚。每一啖都有唔同嘅口感層次。雜果朱古力pancake上面就有奇異果、香橙、士多啤梨同埋藍莓，每一種生果都好新鮮而且色彩繽紛，真係冇得輸。下次有機會去尖沙咀又想食甜品，我一定會再嚟Gram cafe & pancakes。

想食動L動L的pancakes 朋友話係日本食過依間 所以試下入座時說明最低消費一人一份食品或飲品叫左兩份pancakes 紫薯pancakes 中間真係有一大pat紫薯唔算好甜 士多啤梨清酒pancakes 中間有一pat 好似芝士啲嘢 清酒味都好出 個人來講比較鍾意士多啤梨嗰個 雖然甜dPancakes 就唔夠動L 太實但傾瀉嗰一刻 影相一流