Gram Cafe & Pancakes

营业中

休息中

Weekend 食完晚飯想食個甜品，經過The One 見到呢間專做pancake 嘅甜品店😃😃 呢間嘢之前係大阪都食過，個疏乎厘pancake味道幾好又夠鬆軟，所以就懷住期望嘅心情坐低咗😋😋坐低先知，原來疏乎厘package 只有三個時間限量供應，不過咁樣冇阻擋吃貨嘅興致，一於就點左個望落唔錯嘅香蕉pancake😃😃食物上到嚟都十分期待，見到香蕉上面層焦糖就流口水🤤 點知用刀一切舊pancake - 出事！點解咁難切開？！一啖試落口😅😅😅搞唔掂，打破咗我對pancake 嘅理解，女朋友話口感以scone😅😅😅😅 真係M記個熱香餅都鬆軟過佢😅😅😅To be fair 個焦糖香蕉係好食嘅😋😋 個cream都好香好濃牛奶味🥛不過個pancake真係好有待改善

原本好期待點知個pancake送到上來一睇 哇 勁細個囉用叉拮個pancake 一拮就爛入口仲要成pat野咁勁難食唯一可以滿意既係d生果完全無語😓以後唔會再幫襯呀！

係尖沙咀食完晚餐，口痕想食甜品，好耐都無食PANCAKE啦～一於去Gram cafe & pancakes！餐廳位於The ONE 4樓，晚飯時間要排一陣隊。Gram主打梳乎厘班戟，不過一日三回好快就賣哂。另外有多款班戟、兒童餐、期間限定雪花冰、沙冰等。一向都好鍾意食Tiramisu，決定叫意大利芝士蛋糕斑戟試下～面頭鋪滿咖啡粉同可可粉，賣相好靚，斑戟偏厚身，食落好有口感，鹹斑戟唔會有好甜膩感覺，配埋軟滑mascarpone cheese同食，軟綿綿帶鹹香pancake都幾特別。焦糖香蕉班戟 幾乎每次食pancake都會揀焦糖香蕉呢個組合～一客三塊班戟蛋香突出，淋上蜜糖、配忌廉同食，提升口感層次！焦糖香蕉軟熟香棉，伴碟仲有唔少合桃粒，好脆口。

自從家裡多了個B，就沒有寫過食評了。轉眼就一年，這是重出江湖的第一篇。雜果朱古力班戟有不同的水果，士多啤梨，橙，奇異果，色彩繽紛。加上朱古力醬。不知由何時開始，對朱古力有種麻煩的講究。這個朱古力醬反而讓我想起兒時的味道。焦糖香蕉班戟厚厚的焦糖，咬下去幾脆。焦糖跟香蕉很夾。班戟有分梳乎厘班戟和班戟。梳乎厘班戟要等指定的時間。這種薄薄的班戟跟近年走紅的梳乎厘班戟不同，實心的，入口充滿份量，不是吃空氣。也不是梳乎厘班戟那麼濕濕像流心般，而是乾乾的。要比較，我會說像麥當勞熱香餅，但沒那麼甜，應該沒那麼多牛油，感覺較健康。還好吧。不想走在街上，在商場涼下冷氣。不用等位，靜靜地吃個午餐，傾下計，享受人生。

香港好多專門食pancake嘅日本甜品店 見到The One有一間就專登上去試下！店面唔算大 餐牌都係以甜品pancake為主 不過12:30已經好多人 店員好似比較忙唔過來🤨🥞雜果朱古力班戟💰108三塊班戟上面有奇異果 士多啤梨 橙同埋藍莓 水果全部淋上一層朱古力醬 而且夠清甜👍🏻班戟單獨係鹹嘅熱香餅口感 外表亦係扁身 不過同水果 cream夾埋一齊食就唔會漏！🥞焦糖香蕉班戟💰98擺盤好靚🧡條蕉切開兩半分別淋上焦糖等佢凝固 份量好足而且唔算太膩 cream同雜果一樣 班戟都係鹹 送埋核桃食還不錯～🍧紫薯沙冰💰49一開始擔心食完班戟會覺得太漏所以遲嗌定🤣 紫薯味滲透入每一粒冰碎入面！而且飲落係十分解暑 冰冰涼涼～本身唔算太甜撈埋上面嘅奶油就啱啱好！如果製作時間可以快D就perfect 我地最後攞走飲🤣整體來講環境不錯 班戟算不甜膩 店員如果多D人手幫助可能會更有效率！見呢到都有鹹pancake例如和牛漢堡 都可以一試！

Gram cafe & pancakes (尖沙咀)尖沙咀彌敦道100號The ONE 4樓L408舖放工約朋友去尖沙咀上workshop,朋友講明想食甜品，覺得無食正餐咁heavy,所以就揀左去the one食pancake,6:15pm去到，係門口見無咩人，所以等左唔洗5分鐘就可以入座，6:30pm左右落order, 侍應話招牌梳乎厘唔係呢段時間銷售，剛剛6點已出左一輪，咁我同朋友唯有揀其他班戟款式～都有諗過影得咁靚而且仲讚pancake好食，會俾人認為似鐥稿，但事實完全唔係！係真心覺得幾好食～ 同友人一致認為個smile pancake 蜜糖糖漿值得再去🤤Premium Smile Pancake $1383層班戟3重口味🥞不過比較細塊～第1層topping舖滿水果的原味班戟，第2層甜味，中間以cream cheese點綴、朱古力脆皮再配上雪糕😚，第3層咸味，圓形空心班戟，中心由暖暖的流心蛋黃漿作為內餡，個人十分喜愛smile隨碟嘅清甜蜂蜜🍯😚甜得嚟好順喉、清香舒服🤤個種甜味清得嚟完全唔會漿住條脷同口腔，有別於平時濃甜嘅蜜糖/糖漿味😍完全係幫到呢款班戟提升層次🥰🤤清酒士多啤梨大山

女人有兩個胃依句說話，我是100%同意，因為好多時我和女性朋友們食完晚飯都會 R 去搵甜品吃。朋友是班戟控，而且喜歡日式班戟，既然我地在尖沙咀，我就建議朋友不如去 The One 試吓來自大阪Gram Cafe & Pancakes 。晚上人客不多，可以直接就座。餐牌成本電話簿厚，不過我哋鎖定左兩款以水菓為主嘅班戟，感覺冇咁邪惡。不一會兩碟班戟同時奉上。朱古力雜果班戟$108色彩繽紛，加上超多不同種類的雜菓，加上朱古力醬，十分吸睛。班㦸非Fluffy 種類，較似美式班戟，口感尚算鬆軟，富蛋香，配埋牛奶忌廉令口感更滑啲，可以一試。焦糖香蕉班戟 $98香蕉加糖再燒香過，令香蕉多一層糖膠狀的焦香，如果嫌吾夠甜，還可以加點糖醬落班㦸，整體味道十分香甜、可口。

而家食pancake🥞既熱潮感覺好似減退左d，我真係好怕要排隊，所以去到差唔多9點先走黎Gram cafe & pancakes到試下佢既pancakes🥞！好彩唔使等位🤣同男朋友一人試一款🤣然後濟死左xd一入到黎就俾棵樹吸引左，好似圍住個園景食甜品咁😂雜果朱古力pancake：一睇落好colorful，令人好開心，有好多唔同既新鮮雜果🍓🍊🥝，再加埋朱古力醬，個醬又唔會好甜👍pancake外香內軟，唔覺唔覺都成碟清曬🤡焦糖香蕉pancake：香蕉上佈滿左焦糖，金黃金黃🍌，又脆又香，好夾個pancakes！面頭既cream好綿，我不停就咁食cream😂環境：⭐⭐⭐⭐價錢：⭐⭐⭐⭐

之前成日行過The One嘅時候，都見到呢間賣日式pancake嘅甜品永遠都係排晒長龍，今日難得星期一同朋友食完飯，又見到咁啱冇人，就即刻衝咗入去！餐廳嘅裝修走大自然風，喺最角落嘅地方有一棵大樹，所以就同朋友揀咗嗰個位置食甜品！呢度啲pancake可以選擇鹹同甜，而今次因為唔想食太甜嘅關係，所以我同朋友都決定揀咗鹹味，再配埋甜甜嘅toppings😂😂咁就唔會甜到傻！🍡焦糖香蕉班戟 HK$98Pancake好軟綿綿，唔會太乾，亦都唔會太粉！配上焦糖香蕉，都唔覺得甜膩！而焦糖係因為用火槍噴過，所以令到個焦糖好脆身！但成個班戟最畫龍點晴嘅係佢的糖漿！糖漿超香蜜糖味，質地唔會太稀亦都唔會太杰身，味道唔會超級甜但就啱啱好中和到班戟本身嘅鹹味！🍡雜果朱古力班戟 HK$108反而呢個朱古力班戟就比較失望，佢個朱古力嘅甜味比例比較高，冇咗朱古力本身帶有少少苦澀既味！好彩嘅係佢生果完全搭救左個班戟，生果都比較鮮甜而且唔酸！

Gram有咁多款pancakes、每次嚟到試2款都可以試好多次～今次就試左「紫薯流漿班戟」同「法式吐司」「紫薯流漿班戟」粉紫色咁夢幻，外表上比較難抗拒～而「爆漿」除左效果上好睇d之外，都會令到成個班戟更可以均勻沾上醬汁～而呢點係非常重要，因為呢個班戟最主要靠呢個醬嚟帶起成個紫薯香味～本身佢無論班戟定作為餡料嘅紫薯蓉都比較淡口～如果冇左呢個紫薯醬嘅「甜」你會感覺自己好似食緊「減肥餐單」～好彩就係有左呢個醬汁，即時就提升左成個班戟嘅質素及香味😋😋「法式吐司」「甜入心」就係一件法式吐司必要做到嘅重點～而呢個我估計佢都係用上楓葉糖漿，甜得嚟有種獨特嘅香氣～而且佢外面脆卜卜，入面極鬆軟，最緊要夠曬熱～全部配埋一齊食，啖啖都甜到入心入肺❤️好幸福呀～🚨警告：怕甜嘅人千祈唔好點，雖然佢唔會甜到覺得喉嚨唔舒服，但佢比起頭先嘅紫薯班戟甜好多㗎！「特濃朱古力沙冰」「特濃」唔等於「特甜」，佢係真係好香朱古力味～而且沙冰質地夠曬凍，用嚟配上熱辣辣嘅班戟又真係好夾～所以每次嚟都係必點飲品之一！😋😋

原來餐廳有多款mini pancake可供外賣🥞 可以輕輕鬆鬆拿回家和家人一齊品嚐，而且依然保持美美的賣相‼️😉▫️❥石板街班戟🥞 pancake與pancake之間一層層夾著cream cheese和吉士醬‼️👅 最上層放了幾顆棉花糖☁️和鋪滿朱古力碎，濃濃的朱古力味‼️🍫 ▫️❥意大利芝士蛋糕班戟🥞 和石板街截然不同的是pancake餅皮充滿蛋香🥚每層都有厚厚的cream cheese，口感很滑🧀 再配搭新鮮的藍莓和草莓🍓

曾經係東京食過Gram Cafe嘅pancake，一試難忘，疫情下思鄉病重，於是放假來到香港既Gram cafe回味一下。黎到見冇人排隊加上推出lunch menu，都覺得有陣伏味。結果叫左tiramisu pancake一試，結果都係一試難忘，係難食到令人難以忘懷！！首先pancake既質感係好錯，咬落去係一pat野冇彈性，質地比麥記仲要差。另外叫得tiramisu但冇espresso既味，中間吉士醬係過甜，更奇怪既係一個甜點，食到中間竟然係咸既？！成個pancake個味變到9唔搭8，有甜有咸有苦，唔知食緊咩🤭好老實講，有負於Gram cafe呢個名。

呢日我地出開尖沙咀，於是便到了位於The One呢間來自日本嘅人氣Pancake店【Gram Pancake】來個輕食，從拾日本之旅的美好回憶~我地點左兩款pancake同一個兒童餐~焦糖香蕉Pancake【$98】 香蕉面上淋上焦糖，入口香脆味美，Pancake滿滿蛋香，非常鬆軟，伴着cream、合桃和果仁一齊食，口感豐富~雜果朱古力Pancake【$118】 滿滿的雜果鋪在鬆軟的Pancake上，又fresh又健康，賣相也很吸引，十分討好，伴着cream一齊食，加倍美味~歡笑兒童餐【$58】 可愛的恐龍餐具已經好吸晴，小朋友食得特別開胃，餐內有三文魚和多種蔬果，十分健康又清怡，還有一串可愛的迷你小Pancake, 簡直得意到唔捨得食佢地喔！大人和小朋友都食得開心的好地方，Pancake控更是不能錯過啊！臨走去埋樹下打卡，畫上圓滿的句號~

朋友好想嚟呢間來自日本嘅 Gram Pancakes😍, 所以我地就係度食afternoon tea 🍵 雜果朱古力pancake🥞Mixed fruit and chocolatePancake 賣相吸引，有好多水果，有士多啤梨🍓,藍莓🫐,奇異果🥝同橙🍊 ！pancake有三件，鹹鹹甜甜，而且配有忌廉,非常creamy同埋好味道！😋😋😋 焦糖香蕉pancake🍌香蕉佈滿金黃香脆嘅焦糖，焦糖薄薄一層非常脆卜卜，令香蕉更加香甜！😍😍😍 另外有楓糖漿可以加，落多少可以自己選擇👍🏻 pancake一樣係三件，甜而不膩，同朋友食度好飽！🥰🥰🥰

同朋友喺the one 行街，晚飯時間見間間餐廳都多人，行過Gram café，同樣都係甜品控既我地一致通過今晚食甜品當晚餐。初時café唔係太多人，到我地食完既時候就差不多滿座，真係好彩。呢間café既班戟質感好充實，有口感。味道帶點點咸味，蛋同牛油香味重。而配班戟既忌廉又滑又豐厚，唔會好似空氣咁。蕉糖香蕉班戟 : 香蕉面上有一層脆卜卜既焦糖，配埋果仁碎粒好夾。 雜果朱古力班戟 : 雜果好豐富，有士多啤梨、奇異果、藍苺、橙，班戟上更灑上糖霜同朱古力醬，清新得黎又甜蜜。