Gram Cafe & Pancakes

营业中

休息中

嚟自大阪嘅超人氣班戟店，主打多款口味嘅Pancake，另有梳乎厘、芭菲、主食、飲品等供應。店內裝潢簡約，採用植物元素點綴，感覺舒適，而且地點方便，經過可以一試呀。提拉米蘇班戟有三層，濕潤度適中，中間夾住邪惡嘅吉士醬，面頭灑上朱古力粉，再用塊朱古力做裝飾。味道比想像中甜，個人好鍾意。食落層次感豐富，一個人食啱啱好。想外賣嘅朋友仔可以要特定嘅外賣班戟，一盒有五件，亦可單點。口味分別為草莓、肉桂蘋果、焙茶、開心果、抹茶、朱古力同原味。每日限量供應，咬落鬆軟，忌廉入口幼滑，性價比高。

今日食完飯，去咗食甜品。其實之前成日經過The One，都見到有間疏乎厘好吸引，但係就一直都冇去試。今日終於有時間，可以食吓佢嘅三層梳乎厘。Premium Smile Pancake $138見到佢都有好多款唔同嘅pancake，今次就叫咗佢呢一個每日限量發售嘅款式。佢分咗三層，而三層都有唔同嘅味道。最上面嗰一層就係雜果加cream，生果種類有甜有酸，混合埋一齊味道都幾夾。中間嗰一層係朱古力，不過我就略嫌佢啲cream有啲太多。而最底嗰一層就好特別，係一粒流心蛋，食到最後突然間見到有啲蛋漿爆咗出嚟，都好驚喜。而味道上面，粒蛋浸味都好出，呢個配搭有啲奇怪之餘有幾特別，鍾意食甜品嘅朋友不妨可以一試。😎

3 assorted penne雜錦長通粉班戟🥞呢款pancake唔係甜品，而係一款正餐啲Bacon燒得香噴噴，但唔會過於乾，仲帶有少少肥豬肉，口感豐富，咬落去好有層次而且搭配咗三文魚，味道非常平衡，不會過於鹹最特別嘅係長通粉，係用肉醬長通粉味道濃郁，但唔會太膩，長通粉煮得適中，啱啱好入味當然有最出名嘅pancake蛋香十足，又有淡淡嘅甜味想食pancake又驚自己食太多，不妨直接食佢做正餐😜Gram Cafe & Pancakes (尖沙咀)📍 尖沙咀彌敦道100號The ONE 4樓L408號舖#gramcafeandpancakes #foodieintern學英文👩🏻‍🏫 #尖沙咀 #尖沙咀美食 #pancakehk #雜錦長通粉班戟

之前bookmark 了好耐的日本過江龍 - 人氣梳乎厘班戟Gram，終於有機會試試！Gram 的梳乎厘Pancake有多款選擇，今次決定試試「招牌梳乎厘班戟」。店員將Pancake送到時，見佢「搖搖欲墜」，就睇得出其輕盈蓬鬆柔軟，充滿空氣感。當你打卡打咗10分鐘，Pancake仍能保持原狀，一啲都冇塌下來，不得不讚廚師的技術👍🏻Pancake軟綿綿，入口即化；同時蛋味濃郁，並夾帶淡淡的奶香，配上蜜糖及忌廉一齊品嚐，令人一口接一口食唔停，好好味😋

超人氣招牌梳乎厘班戟，梳乎厘班戟新鮮出爐，暖笠笠，有成三層厚身嘅梳乎厘，騰騰震上枱！食落口軟綿綿，充滿空氣感！自己因個人喜好加入糖漿，配埋新鮮嘅忌廉，幾好味！紫薯火山流漿班戟，一上枱就已經好吸睛！輕輕力拉起膠塊，紫薯流漿流哂出黎，好靚！口感綿密嘅班戟入面有滿滿嘅紫薯蓉，好香！甜度適中啱啱好，好好味！餐廳舒適，上菜速度都好快，梳乎厘全部都係即叫即製，甜品質素幾好，難怪好多人都係嚟食呢度嘅梳乎厘啦！！

平時好鍾意周圍食疏乎厘班戟，會周圍試吓邊啲好食，但都未試過難食到要寫食評。今日咁啱去尖沙咀有時間就試吓呢間日本過江龍。開頭佢就有min charge，每人要嗌一個item。就嗌咗一個疏乎厘班戟同埋一份焦糖香蕉班戟。但係個疏乎厘班戟份量好細，先得平時嘅一半，唔值138$，最低嗰層有個流心蛋好腥，真係食到反胃。焦糖香蕉班戟又乾又硬，好似煎起咗好耐咁，得個cream過到關。呢間真係經驗咗一次就算🙂‍↕️ 。

今日終於去咗尖沙咀一間好想試嘅甜品店Gram Cafe & Pancakes，每次路經都好想食，今次終於有機會嚟試下．🥞 我哋二人叫咗招牌梳乎厘班戟 ($138)同士多啤梨流漿班戟 (Strawberry Cream Volcano Pancakes)（$118）。呢度嘅梳乎厘班戟真係名不虛傳，入口即融，口感非常軟熟，係梳乎厘班戟迷一定唔可以錯過嘅好地方！💖 招牌梳乎厘班戟有三層，造型靚得嚟好大件，上面仲放咗一塊牛油，同埋一杯蜜糖同cream做伴碟。食嘅時候可以自己調整甜度，真係非常貼心。梳乎厘班戟鬆軟又順滑，配埋cream一齊食，口感更加豐富，甜度啱啱好，食曬都唔會覺得膩🍯🧈。 至於士多啤梨流漿班戟，移走膠片即有流漿傾瀉，好有儀式感📸。士多啤梨流漿唔會太甜，帶有淡淡嘅奶味，非常滑溜，中間夾住濃郁嘅吉士醬，配上鬆軟綿密嘅班戟，真係絕配🍓🥞。呢款流漿班戟系列真係好受歡迎，唔試唔得！ Gram Cafe & Pancakes 📍尖沙咀彌敦道100號The ONE 4樓 L408

早排星期三同同事特登落The One嘅Aeon買嘢，貪佢有超級星期三特價🤭買完平嘢就順便喺The One食lunch，想食埋甜品，所以揀咗呢間。-唔算太肚餓，所以嗌咗個All day breakfast（lunch set$88連熱/凍茶）同埋tiramisu pancake ($118) share食~ 原本以為All day breakfast份量好少，點知原來炒蛋下面收埋兩塊pancakes，炒蛋同煙肉配埋pancake食好正👍🏻沙律菜都好爽脆，食得出好新鮮～-最正係個Tiramisu pancake，滿滿嘅朱古力粉鋪喺面，Pancake與pancake之間有好多cream cheese，食落去有平時食Tiramisu嘅感覺🤤份量都幾大，建議同朋友share試吓唔同嘢～

行開the one，想食返個甜品，於是就黎左4樓呢間Gram Cafe & Pancakes～呢間係黎自大阪既pancake店，同朋友坐低叫左一人一款pancake share 食😋1️⃣石板街班戟（$118）呢款係偏厚實type既pancake。造型好靚😍朱古力味既pancake中間一層夾住忌廉一層夾住吉士醬，面頭撒上左層可可粉，朱古力味唔會好甜，另外仲有啲藍莓、棉花糖係碟邊。2️⃣雜果朱古力班戟（$108）有三件既pancake，配上面頭繽紛既切片水果，再淋上圈朱古力醬，呢款味道會冇咁重，如果想味道同口感豐富啲，可以蘸埋佢既忌廉一齊食😚佢既忌廉奶味幾香，而且係偏輕身既質感👍

到工作日最後一天，中午同事話要我今日都開心加sweet，lunch 時間帶我去咗間專門食pancake 既餐廳 <<GRAM CAFE & PANCAKES >>🥰🥞All Day Breakfast： 一上枱就見到整個餐既顏色同搭配非常豐富，感覺所需既營養全部有齊。Pancake 口感軟綿綿唔會太甜，感覺好似食緊棉花糖一樣絲滑。沙律菜新鮮，炒蛋口感香滑，仲有茄汁焗豆、煙三文魚、煙肉煎到兩面金黃，入口金香。飽腹感滿滿！🍓士多啤梨流漿班戟：呢個絕對系有顏值有實力既傑作，首先有一層拉花系香濃既奶蓋加草莓醬上面，跟住有一粒超大草莓，下面就系香滑軟糯既班戟。系以上食材外面仲圍住一張包膠條，當你要食既時候，需要向上拉起膠條，等果層奶蓋同草莓醬好似火山熔岩咁流出離，覆蓋曬碟入面既班戟，顏值超高～儀式感滿滿。環境：整間餐廳主打綠植裝飾為主，感覺自然舒服。餐位較多，可接納最多7-8人用餐。餐廳所用的麵粉同雞蛋均為日本空運到店，確保還原日本大阪店的本來味道👅

回想起九年前（2015年）去左大阪心齋橋嘅🇯🇵「Gram cafe & pancakes」，當年只有三個時段限量供應，仲要起碼早一個鐘頭去排隊先有機會食到超人氣、紅爆嘅空氣感班戟，嗰次一試難忘之後。最近去咗大阪心齋橋都想舊地重遊，先知原來已停業，得返大阪城公園嘅大阪城城下町分店。不過由於行程太緊湊，都唧唔到時間去，一直耿耿於懷。點知今日喺尖沙咀按摩之後，見到The One 竟然開咗，梗係要即刻入去了咗件心事😆📌超人氣招牌疏乎厘班戟🥞即叫即整，店員捧住到上到枱都一直動L動L🤲🏻三層鬆軟嘅Pancake疊起，仲有少少糖霜作點綴，賣相一流質地綿密柔軟，口感輕盈蓬鬆，空氣感滿滿，入口即溶帶有淡淡嘅蛋香🥚，楓糖醬另外上，鍾意落幾多就幾多一啲都唔覺得甜膩，撈埋非常幼滑又creamy嘅手打忌廉令口感同味道更加豐富有層次，讓人幸福感滿滿🥰📌雜果朱古力班戟🍓🫐🍫🥞外型比較似熱香餅，質地好厚實，飽肚感十足上面鋪滿色彩繽紛嘅雜果，仲有朱古力醬同忌廉，就好似一幅藝術品，好打卡able酸酸甜甜嘅雜果mix埋一齊食更加開胃🤗

店名：Gram cafe & pancakes地點：尖沙咀彌敦道100號The ONE菜式：日式班戟餐牌：鹹班戟同甜班戟，班戟有梳乎里款式又有熱香餅款式。其他野如三文治，法式多士，雪糕，雪花冰，沙冰，梳打，咖啡，茶，果汁，汽水。另外都有午市套餐。蟹肉忌廉意粉 $78 另加一蟹肉忌廉意粉上枱時就聞到好香！幼身spaghetti撈有滿滿白汁，面頭放有蟹肉，中間有明太子同大量紫菜絲。意粉撈埋洋蔥，可加添口感。呢款意粉夠al dente ，而且夠汁又鹹香，好味道，熱辣辣好正！招牌梳乎厘班戟 $138 另加一招牌梳乎厘班戟每日3次限量發售，有出爐時間。招牌梳乎厘班戟一客三大件排得高一高，服務員小心翼翼上枱，每件都有返一定厚度，真係熱辣辣上枱。最上面加一pat熱溶牛油，伴有一大pat非常香滑同甜絲絲嘅忌廉，同埋一小兜楓糖漿，最後灑上糖霜。班戟外皮有少少金黃色，入面就白雪雪，米味濃。口感方面，班戟真係幾鬆軟，不過又唔會太一陣風食完唔飽，都幾有口感。配忌廉食真係正。今餐兩款食物都好正！餐廳位於大商場The One，地點方便，餐廳環境呈開放式，感覺開揚。

次次路經呢間鋪都好想食，今日終於去食！🥞招牌梳乎厘班戟 呢個梳乎厘班戟好大件，三層疊埋一齊，造型好靚！上面放咗一塊牛油，仲有一杯蜜糖同埋cream做伴碟，食嘅時候可以自己調整甜度。梳乎厘班戟非常軟熟，配埋cream一齊食，口感順滑~ 🍸鮮果梳乎厘芭菲 呢個芭菲用新鮮水果製作，有士多啤梨、藍莓、橙、奇異果等，食落感覺非常清新。芭菲杯裡面仲有三件迷你梳乎厘班戟同埋乳酪，最上面仲有一球雲呢拿雪糕，真係好豐富！

今天在The ONE行街購物，在4樓見到一家裝修明亮的Cafe, 主打pancake，黃綠色裝修風格，位置也算寬敞，感覺來到春天的大自然，坐低吃份甜品應該不錯！雜果朱古力班戟色彩繽紛，讓人一看就心情愉悅。班戟輕薄柔軟，鮮紅的草莓和翠綠的奇異果在班戟上面躍然於目，周邊淋了幾圈朱古力醬。草莓的甜美與奇異果的微酸為味蕾帶來一種清新的對比。如果覺得班戟味道比較淡，可以再加上一些輕盈的鮮奶油，吃起來口感就會更加豐富。

同朋友係The One行街，行到接近頂層，竟然發現左呢間日本過江龍疏乎厘餐廳，即刻試下～.午餐 - 蟹肉忌廉意粉 $78非常日式的意粉，忌廉醬非常香濃，配上紫菜、蟹肉散同蟹膏，攪勻食用～意粉非常掛汁，啖啖忌廉味，食到停唔到口～～～～.招牌疏乎厘 $138一場黎到，當然要試埋佢嘅招牌疏乎厘～呢到嘅招牌疏乎厘即叫即做，配埋自家製忌廉同埋蜜糖，甜品狂嘅朋友食到停唔到～值得一讚呢到疏乎厘嘅口感，鬆軟可口，入口即溶～