Goobne Chicken (The Hart)

营业中

休息中

 Goobne Chicken既雞同平時出面食韓式炸雞唔同，佢係用烤而唔係炸，冇咁油膩，但一樣做到外面脆身入面juicy🤤次次想食韓國炸雞都會諗起佢。 1⃣️UFO芝士火鍋（無骨）（$268）用左三種芝士調製既芝士火鍋🤤慢慢加熱，芝士熱融之後可以點烤雞食，滿滿既芝士包住烤雞，芝士控大愛🧀️芝士奶香味十足，夠曬邪惡，而且夠曬多，每件烤雞都點滿芝士食，正啊😋  烤雞有得揀兩款口味，揀左蜜糖香滑烤雞同埋三重芝士烤雞。蜜糖香滑烤雞味道甜甜地，雞肉好嫩滑。而芝士烤雞面頭灑滿芝士粉，唔點芝士火鍋就咁單食都已經好香好好味。特別係烤雞既皮，好脆好脆。點埋熱融左既芝士食，瘋狂拉絲，對芝士控黎講完全係芝士既雙重享受🤩  2⃣️韓式雞蛋卷（$148）雞蛋卷入面包住青瓜、餐肉、海苔、醃紅蘿蔔同埋芝士。雞蛋卷食落有少少甜味，而且食落唔會乾，煎得幾好，加埋入面既配料幾豐富👍另外有跟茄汁、芥末醬同埋千島醬。  3⃣️蕃茄奶油炒年糕（$155）前果排韓國勁興食玫瑰醬炒年糕🥰今次黎到goobne chicke，見到佢都推出左，緊係要試下啦☺好鍾意呢度既醬調得夠濃稠夠creamy，可以好好咁癡住曬落啲年糕同配料到，每一啖都係甜甜辣辣既

今晚剛巧在尖沙咀做完野，附近見到韓式烤雞店反正對上一次吃已是幾年前，一於再去食過，好彩未到7時不用等位就可以入座，我們點了烤雞和炒年糕等了10分鐘就到，甜辣烤雞(有骨)剛炸起即食的確唔錯辣炒年糕湯，已點了少辣，但仍覺得辣，不過係幾好味雖然食物唔錯，但是職員態度還是一般，我們吃的時候不是太多人，叫了2位職員拿水給我們都沒有下文，要到第3位才有反應我見其他人post都有職員態度問題，真係要改善一下。

身為一個炸雞超級愛好者 🐔🐔🐔一定係周圍搵好食既炸雞嫁啦！🐥🐥🐥而鍾意食炸雞既人一定會聽過呢間餐廳🐤🐤🐤炸雞名不虛傳外脆內嫩 味道亦都好突出 一試難忘 下次一定會再黎！

【韓式烤雞】食韓式烤雞，食黎食去都係Goobne 最岩胃口🤤 口味選擇多，份量夠，地方乾淨，餐具齊，店方一應提供膠手套濕紙巾。耐唔耐有新口味推出，襯住節日與朋友一齊黎。筆者怕人多，中午12點未到已入席（如果選晚餐時段，平時要預1~2小時排隊等位)。..筆者覺得店內Menu 好好，有Half & Half 提供，一次過讓食客可試晒兩種口味。❇️原味+ 韓式燒烤醬味❇️Goobne Oroginal Oven Roasted Chicken & Korean BBQ Chicken 💰HKD 238原味夠經典，食到本身烤雞既嫩滑多汁。高溫烤焗，可保留肉汁，雞質唔會乾淨淨。韓式BBQ 醬，帶少少甜既醬料。**店方提供烤雞「有骨」與「無骨」。筆者係選有骨，有骨 lun 既雞先至正。..❇️蜜糖蒜香炸雞❇️Honey Alio Chicken💰HKD 205烤雞配炸蒜片，香口又野味。..❇️芝加哥薄餅❇️Chicago Pizza💰HKD 207絕對係邪惡之選，用上5款芝士：細滑既「瑪蘇里拉芝士」、質地軟滑香甜既「瑞可達芝士」、味道強烈既「羅馬諾羊乳芝士」、鹹香口感既「格魯耶爾芝士」、以及芝味濃郁既「巴馬臣

Through OpenRice 叫外賣，付款後才知道預計時間要一小時，如果付款前知道，一定不會選擇！！到店後，都差不多等了40分鐘，諗住問一問店員人都到了等了這麼久，是否一定要等足一小時才能取到外賣，如果到店堂食，無論怎樣餐都已上桌了，都不用預早用apps點餐，誰知道那店員真的說要等足一小時才行，那麼我說我取消訂單吧！我真的趕時間，但那店員用極差的態度對我說：「咁你上返OpenRice去取消囉！ 睇吓OpenRice俾唔俾你取消囉！（態度極之輕佻，擺到明根本知道取消唔到！）」😡😡😡 我走到去cashier 跟一個只會講英文的店員說取消訂單，因為我沒有預計用OpenRice叫外賣要等一個鐘頭，那店員沒有說不能取消，但是突然之間另一個店員就說您的外賣已經好了，還要取消嗎？（擺明玩嘢😡😡😡）由頭到尾，那個超沒有禮貌的店員從來沒有想過怎樣彈性處理訂單，亦不懂怎樣尊重人和什麼是禮貌！好聲好氣去詢問，但是就換來句句寸嘴，咀臉猙獰的回應！另外，就是如果用OpenRice叫外賣，在付款前能讓客人知道等候取外賣的時間的話，好讓客人選擇還是否繼續下單。一句到尾，不知所謂的服務態度，啲嘢幾好食都無用！

24/12平安夜，一家諗住食好西，多6點27去到店攞飛，職員話要等2個鐘，ok我等，再細問等位情況，門口扮聖誕鹿既職員話唔係按人頭入座，係按你攞飛時間入座，咁即係無論你係1至2人2，3至4人，5至6人都係接時間，好，平安夜好明白，當就到我既時候，扮鹿職員居然俾張攞住6點31分既飛客人，我問點解，佢用超無禮貌既語氣話：「張枱係座2人，你都坐唔到架啦，咁我點俾你！！」我話之前你話按時間入座， 咁即係個guidelines 唔清晰同公平，佢又再勁無禮貌大聲講：「你咁唔鐘意你可以走，你可以唔係呢到食！」我聽到勁😡，但因為帶住老人家同細佬就無走😭，後面有個好客人都話：「嘩，咩態度，咁無禮貌」，所以我有讚雞同蛋卷好食，但職員態度就強差人意😡😡

一家四口去睇燈飾前食好西老公收工話佢揀咗間炸雞喺赫德道我一個人拖住兩個小朋友（2歲及5歲）好彩好近港鐵出口由尖東站N1出口U turn步行五分鐘就到分叉路口前右手邊入大廈搭𨋢上二樓原來係Goobne ，正！我老公識揀吖😏我地（閒日）六點半左右去到唔使等位但走嗰陣已經超多人等緊我地叫左四樣嘢1）地中海檸檬沙律個檸檬汁好得 唔酸但有檸檬味小朋友lam曬脷沙律菜好齊種類仲有橙同西柚有四隻蝦左右 好足料下2）韓式雞蛋卷跟住上蛋卷煎蛋包住青瓜 黃瓜 紅蘿蔔 餐牌寫有芝士 但食落唔覺有咁 哈哈個韓式泡菜醬汁只係微辣 易入口 但辣少少3）蜜糖蒜香烤雞啲蒜片好脆好香 我開頭未食邊夾住邊懷疑過係咪蝦餅嗰類但真係蒜片嚟嘅蒜頭控表示非常滿意個烤雞外脆內嫩個蜜糖醬汁好味到非筆墨可以形容大家去試啦4）韓式炒牛肉粉絲食完烤雞已經極飽食咗好少最後打包第二日做午餐大人就覺得好好食不過有黑椒小朋友覺得有啲辣

晏就去開尖沙咀， 咁想食韓國野就去左Goobne, 因為旺角好食 咁我就坐定粒六都認為尖沙咀都好食， 點知， 少年你太年輕了首先嚟咗芝士蛋， 呢個好好食！然後嚟咗甜辣雞set 可能叫咗無骨啦，口感麻麻哋 味都係麻麻地 熱度都係中規中矩但係印象中旺角就係好好食～至於員工方面可能晏晝時分啲客比較少 佢哋就比較chilli~不過有部分員工好好人～全日唔方便都會幫下你 你要嗌佢哋都要睇彩數 聽到就聽聽唔到呢你真係食自己算😂 因為攞隻碟好難攞😂😂😂

韓國過江龍Goobne chicken黎左香港咁多年依然保持高水準 仲越推越多款式👍🏻1）🍯蜜糖香滑烤雞烤雞比炸雞無咁熱氣而且肉質嫩滑蜜糖甜度岩岩好夠得唔夠味配埋蜜糖芥末醬 一流😋仲有得簡有骨無骨 勁貼心！2）🌶香辣炒年糕由於兩個人嗌兩樣都有啲多我地簡左無芝士 唔會好快滯年糕煙韌 配上辣醬入面仲有韓式粉絲 魚糕 雞蛋！份量十足3）🍓士多啤梨沙冰🧊沙冰打得好細 唔會成日咬到冰粒成杯野亦唔會太甜解渴一流😆

八點幾帶左幾個同事去食，一心想食炸雞飲啤酒，落單果陣叫左幾次職員，有個女職員應左我地兩三次，就係唔過黎，仲示意其他職員佢接左，唔洗過黎幫手，好啦，等左5分鐘，終於埋單埋到附近，肯幫我地落單，咁我地就等食啦。如是者等左半個鐘，連酒都未上，我地又餓，所以叫人check下單，睇進度。奇怪既事發生啦，有個男職員同我地解釋，我地張單同隔離檯交換左，所以未有食物上，即係人地可能食左我地啲野食，叫我地不如講一次落左咩，幫我地盡快跟進。我地覺得離譜，因為隔離檯上錯野會出聲，而且我地都應該會上人地檯既野食，但由始至終都冇，男職員堅持話想同我地落多次單保證會有野食上，咁我地又唔係搞事既人，都係餓，想快啲食晚飯姐，好啦，再落單啦。然後5分鐘左右就黎左啲酒，咁我地以為應該冇意外啦。點知坐到安心出行顯示逗留左1個鐘（你要知用餐只有90分鐘），成60分鐘都未有野食，會唔會太過分，然後我地太餓決定走，職員即刻解釋話野食出緊，好快會上，我地堅持走，職員再解釋話幫我地落單既女職員收左工，我地張單無從稽考，再落單時交待廚房要做我地啲野食先，點知因為冇相同既菜整緊，所以無法優先出菜比我地（我地叫左蛋捲、炸雞、沙律、魚糕，真

今日又同朋友去咗尖沙咀食最鍾意食嘅烤雞，覺得韓式炸雞或者烤雞來講Goobne係最好食！Goobne 原味烤雞拼蜜糖香滑烤雞 $238之前有試過蜜糖香滑烤雞覺得好好食😋今次就想再叫番蜜糖味，但又想試吓其他口味。見人地食原味會跟配3隻吾同的醬汁，分別有韓式辣醬、芝士醬和蜜糖芥茉醬！個人就最喜歡食蜜糖芥茉醬，點完原味烤雞令到雞肉又嫩滑又惹味😚😋鐵板煙肉芝士蝦仁炒飯 見到佢哋有呢個新出嘅芝士蝦仁炒飯就好想試吓，滿滿嘅芝士圍住中間嘅煙肉蝦仁炒飯，將炒飯同埋芝士撈勻之後一齊食非常好味😻佢嘅蝦仁非常鮮甜，而且份量都好多韓式雞蛋卷 $148韓式雞蛋捲見到相都非常之吸引，佢嘅雞蛋捲係巨大化咗，你平時食開嘅蛋捲會大嚿好多，而且份量都非常之多。雞蛋卷嘅配料都非常之多入面包左有午餐肉、青瓜、紅蘿蔔和雞蛋等等，非常豐富令到個口感都好多層次😆

食過幾次，水準依然👍🏾所有食物嘅分量都比想像中多同大份，點咗分無骨烤雞，外皮唔係好脆個啲 但超好食！雞夠嫩🤤卡邦尼炒年糕超級出色！卡邦尼嘅味道好出，唔會食落無味，食完先發現卡邦尼年糕原來都可以咗好找食！雞蛋卷嘅價錢雖然貴啲，但味道都特別好好食😋😋值得一試

聽講goobne出左新menu，朋友介紹話三重芝士好正，一定要試！連我平時唔太中意芝士，食左都覺得好正，大家絕對值得一試！.▪️韓式雞蛋卷$148賣相吸引，一啲都唔馬虎！香滑嘅雞蛋包住餐肉、紅蘿蔔同芝士，▫️UFO蕃茄奶油炒年糕 $298需時較耐，提供埋gas爐，保持微熱既溫度！👅中間既係非一般既炒年糕！三層既芝士瑪蘇里拉、車打同grana padano 芝士令件事唔同左🤤口感層次都十分豐富!看似平平無奇的脆麵包球，加上軟蒜香忌廉更是非食不可！

今日同朋友嚟到尖沙咀分店食雞，我諗都唔使多介紹，goobne係韓國第一炸雞品牌，最近亦喺香港不停開新分店，聲名大噪😍 Half&half 「韓式BBQ醬烤雞+蜜糖香滑烤雞」$238🍗咁多種口味真係好難揀，好彩有得揀兩隻口味雙拼🤣 雖然叫做韓國炸雞，你會以為好肥膩，不過其實係烤雞黎。呢間嘅雞比出邊嘅做法較為健康。雞件不經油炸，雞件會喺烤焗嘅過程之中，將油分逼出。再加上雞件經過挑選，揀咗雞髀同雞胸部份，較為低脂，食落一啲都唔肥膩。整體而言就可以做出較低熱量嘅雞件😱 啱晒追求健康，但有時又想食下邪惡嘢嘅朋友仔🤭雞件外層香脆，沾滿醬汁，雞肉嫩滑，肉汁牢牢鎖緊。兩款醬各有特色，bbq醬較濃味；蜜糖醬較甜，個人就鍾意蜜糖醬多啲😋韓式烤牛肉粉絲 $128 🍴無論係牛肉定係粉絲嘅份量都十足。韓式粉絲爽彈。烤牛肉鮮嫩，易咬唔鞋口。除咗牛肉，仲加入左大量嘅配料，包括八色蔬菜：紅椒、青椒、蘿蔔絲⋯ 好豐富！整個粉絲充滿着麻油嘅香味，色香味俱全😊想同朋友食下韓國炸雞，坐得舒舒服服，傾吓計，呢間會係好好嘅選擇😎

點樣食推介✨⭐️非油炸韓式烤雞⭐️⭐️尖沙咀韓國菜⭐️Goobne Chicken 地址：尖沙咀赫德道4號The Hart 2樓🍖辣炒年糕湯 $145 (7.8/10)依個係goobne chicken嘅新菜色🤩，終於可以係goobne chicken食到辣炒年糕，真心味道好正宗，夠曬辣同甜，仲有勁多魚片同洋蔥😝，年糕都夠曬煙韌，不過唔食得辣嘅朋友可能就要小心d🤣，佢辣到我d鼻涕流曬出黎，但真係好好食🥰🍖韓式bbq醬醃燻烤雞+蜜糖香滑烤雞 $238 (7.8/10)唔知係我錯覺定點，食左幾間goobne chicken嘅分店之後覺得尖沙咀店嘅烤雞係最好食😙，兩隻味嘅雞都勁入味，外皮脆得黎又索曬d醬汁嘅味道，bbq醬偏甜勁惹味，蜜糖味都一樣好食🥰，店家仲會比兜bbq同蜜糖醬你額外點，完全唔係擔心d雞唔夠醬！回頭指數: 🍧🍧🍧🍧 (滿分:🍧🍧🍧🍧🍧)好坐指數: 🧎🏻‍♀🧎🏻‍♀️🧎🏻‍♀️🧎🏻‍♀️ (滿分:🧎🏻‍♀️🧎🏻‍♀️🧎🏻‍♀️🧎🏻‍♀️🧎🏻‍♀️）