Goobne Chicken (M88) (已結業)

上次去港島半山朋友屋企，佢用網上外賣平台叫左Goobne 烤雞，我覺得好食，所以尋晚同朋友上左中環M88呢間坐底試其他款式，睇餐牌時睇到佢哋嘅概念係「不再讓我們的下一代食垃圾食品」，佢哋啲雞係不經油炸，係用烤嘅方式將雞肉烤得香脆細嫩，保持鬆脆口感之餘，亦做到低熱量、低膽固醇、低納、無反式脂肪等，從而推進健康飲食文化，睇完覺得Goobne 好有使命感，值得讚賞。果味蒜香烤雞，如果唔係食之前睇左佢哋段＂使命＂，我真係以為係炸雞，外面又甜又香又脆，入面好多肉汁，$185有成隻雞咁多，好抵食👏🏼招牌凱撒沙律$108，蔬菜好新鮮韓式雞蛋卷$148，煎蛋卷包住紙菜、黃瓜、醃蘿蔔、餐肉、芝士等等，上枱仲熱，蛋味濃厚，好味道天氣好凍，我同朋友見沙冰類好多好吸引，但都無叫，我哋飲左兩杯大大杯熱拿鐵，咁大杯都只係$48，一杯係綠茶，一杯係黑朱古力芝士，兩杯都滑，但杯朱古力芝士，飲唔到芝士味😅

要食道地韓式烤雞已經唔需要特地飛去韓國啦！由食物菜式到服務員都是來自韓國，可以同oppa落單點菜，今次已經係我第４次來到光顧，終於忍唔住要介紹一下。中環店地方非常大，裝潢都是新的，乾淨衛生。最近推出了一個套裝優惠，只要以優惠價$268就可以點一款芝士烤雞再加rice wine，大家不妨試試，這個價錢算是不錯的。我點了sweet&spicky chicken with chesse，這款算是最傳統的酸辣醬味道，辣度是中等，烤雞外層香脆，連皮一起烤，雞皮烤至薄薄的不帶油膩感，雞肉夠嫩有肉汁，配上鐵板上的芝士一起圈起來吃，實在非常滿足！這款rice wine我選了密桃口味的，上層是打出來的泡泡，帶有少量新鮮水果的碎碎口感，酒精濃度中等，大約可以倒出５～６杯，香香甜甜的蜜桃味能提升雞的鮮味。cheese toppokki 芝士年糕炒麵應該是必點之選，非常豐富的賣相實在加分，鐵板上滿滿的芝士令味道更濃，最喜歡年糕的煙韌口感，辣度同樣是中等，夠刺激～芝士的拉絲效果真令人食指大動！最後來杯藍橙沙冰中和一下辣醬的濃味，將鮮橙、糖漿和冰塊打成的沙冰，無酒精成份，大人小朋友都岩，而且口味清新，真是配送烤雞

今晚食韓國烤鷄，叫左鐵板軟芝士蜜糖烤鷄(無骨)，同埋1 jar柚子蜜鷄尾酒，上枱嘅鐵板乾淨企理，中間放左一堆bite size嘅烤鷄，因為已經去骨，食入口啖啖肉，啲蜜糖甜味幾好，唔會太甜，加上鐵板底鋪滿了軟芝士，蜜糖烤鷄撈埋芝士一齊放入口，都幾嘢味，韓國柚子蜜已經飲過好多次，見到餐牌上面呢款柚子蜜喺加埋燒酒，所以叫左嚟試下，酸酸甜甜咁，都幾易入口，要嚟送烤鷄都幾啱key，順帶一提，走嘅時候喺cashier見到有網上外賣平台 logo，或者下次直頭喺網上落order。

烤雞慢慢取代炸雞？，因為不用油炸可以講係健康小小。以喺中環區嚟講，呢度算去好寬敞，地方好大嘅一間連鎖店就係Goobne chicken.今日六點半到達。1小時內已經全場爆滿一見到個餐牌， 好多好多選擇 ，都唔知喺邊度可以入手。鯊魚之淚：$88大大杯類似思樂冰嘅飲品,不太甜,好香濃嘅酒味。韓式炒粉絲雞蛋卷：$148包括粉絲,青瓜,蟹柳,餐肉 連埋茄汁同芥末醬一齊食，口感層次非常豐富。必試鐵板軟芝士黑椒烤雞(無骨)：$185入口好香黑椒味嘅雞，厚厚芝士鋪滿個底，啖啖肉，因為無骨關係食兩三嚿都已經好飽。甜辣烤雞拼果味蒜香烤雞：$218果味蒜香烤雞 一陣香嘅果味加上好濃好香嘅蒜蓉味，烤雞本身肉質非常嫩滑 ， 入面不太乾 ，食雞胸都唔覺得好(鞋)。我個人比較喜歡辣味， 甜同辣味分得清楚，入邊啲肉仲好豐富，係會食上癮至愛

上次book位食烤雞， 點知full晒無得book，咁唯有walk in 排隊等。點知去到好多人，要等好內，結果食唔到，好失望。今次醒目，提早一星期book，終於比我book到啦！一入到去好有韓國特色，環境開揚，光猛,舒適同好闊落。對於中環食野嘅地方嚟講， 好難得有個咁大同咁舒適既地方。由於本人同老公都好鍾意食雞，所以主打叫左三款雞，分別係果味蒜香烤雞，甜辣烤雞和鐵板軟芝士黑椒烤雞(cheese in city)。 果味蒜香烤雞一食落去好惹味， 好香蒜蓉味， 表面好乾身，肉質好嫩滑， 一啲油都冇。 而甜辣烤雞帶少少鮮甜同微辣既口味， 我本身唔食得辣, 但食落口,又有甜味又有小小辣既味道好獨特，味道好夾， 感覺食完1件好想即刻食多一件。 而黑椒燒烤雞以為會好勁黑椒味， 點知又唔係喎! 淡淡嘅黑椒味再配上芝士竟然一啲都唔漏， 仲可以帶出肉質嘅鮮味。而雞肉烤得好脆同好有光澤， 一啲油都冇，感覺一d都唔肥膩同唔熱氣。另外叫咗杯熱蜜糖西柚茶， 含有豐富維他命c ， 又可以降低膽固醇，飲落去有種甜甜酸酸嘅味道，味道一流， 又可以係咁涼既天氣滋潤一下。呢到還有外賣嘅服務，真係好適合中環上班一族嘅繁忙

一直追捧開 Goobne Chicken，貪佢啲烤雞健康又味美，重點係烤雞而唔係炸雞，烤雞令雞皮唔會有多餘既油份，皮下既脂肪被悉數迫出，真正做到又薄又脆之餘，皮下面又真係好少脂肪故喎，食埋雞皮都唔會太有罪惡感，啱哂一啲又為食又怕肥既朋友。Goobne Chicken 既中環分店喺正老蘭附近，食正老蘭條水，去蒲之前可以上嚟食飽飽先，餐廳位於威靈頓街的士站既尾尾，威靈頓廣場M88五樓，即係咸豐年號時卑精嗰幢大廈，餐廳環境舒適，枱與枱之間夠哂闊落，又有為數唔少既屏風做間隔，私隱度都算唔錯。Cheese in the city，呢個Cheese in the city 係新菜式，灼熱嘅鐵板上面放滿芝士，形成一層半溶化嘅美味，再將佢哋嘅招牌烤雞放喺上面，烤雞有四隻味道選擇，我揀咗鐵板軟芝士黑椒烤雞，烤雞嘅黑椒味道相當強烈，個醬汁辣得嚟甜甜地，個甜味同個辣味相輔相承，配合內裏無骨既嫩滑雞肉，滋味滿足。佢呢個新既二人套餐就啱哂我，每樣野都係半份，連烤雞都可以揀兩隻味，咁就可以試多啲款式啦。招牌凱撒沙律(半份) + 韓式雞蛋卷(半份) ，沙律菜非常新鮮，仲有香脆既麵包粒，芝士粉同埋凱撒沙律醬，係論淨食

是日帶來自國內的朋友到蘭桂坊happy hour， 感受一下香港 metropolitan嘅特色。 朋友對於香港那份自由文化的氣息， 深表嚮往。及後，就帶他們到附近的一間出名韓國烤雞嘅韓式餐廳《Goobne Chicken》品嚐晚餐。 這家餐廳在韓國有超過1000間分店， 可謂韓國烤雞第一品牌。 由於k pop熱潮席捲香港及全國， 眾人對有韓國星級代言人的烤雞都表現出滿心期待。餐廳位於M88大廈5樓， 最特色嘅莫過於餐廳大多的侍應都是韓國人， 令人感覺置身於韓國首爾， 更具親切感。由於今次是三人行， 我們就精挑了一份Festive Set二人套餐， 以及一份韓式芝士炒年糕。二人套餐價錢$438， 包括咗四款口味嘅食物， 令人數少的我們都可以品嚐多幾款菜式。 而且每份菜色的份量亦是半份量， 保證唔會眼闊肚窄做大嘥鬼。先嚟嘅係招牌凱撒沙律以及韓式雞蛋捲。 凱撒沙律色彩繽紛， 裏面嘅材料相當豐富， 有新鮮嘅羅馬沙律菜， 爽脆的青瓜， 多汁嘅車厘茄， 脆卜卜嘅麵包糠， 以及鹹香嘅芝士碎， 配合埋酸酸甜甜嘅凱撒沙律汁， 分外清新。 由於韓國菜式味道普遍都比較重， 一份新鮮嘅沙律可以中和油膩感，

韓風係香港吹左好耐,炸雞、燒肉等應有盡有。今次試既係韓國烤雞。呢間GOOBNE CHICKEN已經想食好耐LU,不過一直都約唔齊朋友，結果兩個人去試，咁就唔使咁煩。台上既MENU 係做緊PROMOTION 既，因為第一次食，唔知份量有幾多，叫左一個COMBO有CHEESE CHICKEN + 果味米酒。我地叫左鐵板軟芝士蜜糖咖哩烤雞，芝士好綿密咁鋪滿鐵板上，入口蜜糖味甜甜地，後面先出D咖哩味。烤雞既辣係出乎我意料外，又幾MATCH 喎。相反，芝士味唔濃，不過都做到拉絲既效果。芝士軟滑加上杏仁片帶脆，烤雞又外脆內嫩，多重口感。果味米酒就揀左藍莓味，一向唔飲酒既另一半唔覺唔覺都飲左3,4,杯，佢話有D似沙冰，酒味好後期先散出黎。加埋有D碎冰粒同藍莓粒，酒精只係0.7%除左COMBO SET之外，我地仲叫左凱撒沙律同魚糕湯。凱撒沙律份量好大，芝士粉+番茄仔同青瓜片等等GOOD!魚糕湯幾清甜，魚糕款式都有好幾款，唔錯...鐘意食烤雞 又唔想熱氣的就唔好錯過：)

ot完約朋友嚟到中環食飯，作為韓食忠粉嘅佢當然揀食韓國野🤗 今晚就決定嚟到goobne🐥🐥🐥 先點左個sweet and spicy chicken with cheese + blueberry makgeolli ($268 set price)👅 甜辣雞好惹味，夾上熱辣辣拉絲芝士好正🔥🔥 雞件又夠嫩滑!! 而blueberry makgeolli 好易入口，又重藍苺味👍🏻👍🏻 之後再點左egg roll ($148)🤗🤗 蛋煎得剛好唔過熟，而餡料都好豐富！入面仲有小小芝士🤓 為減少罪惡感，所以嗌左Caesar salad($108)🥗🥗 非常大盆，上面沾滿哂芝士粉🙆🏻‍♂️🙆🏻‍♂️

Goobne 的蜜糖烤雞可算是百吃不厭、幾個月冇吃又心思思要吃烤雞、趁放工來到中環M88樓上的Goobne。下班後威靈頓街變得寧靜、樓上餐廳更加沒有中午那樣擠迫、可輕鬆跟友人吃飯談天。這陣子推出了Cheese in the City 系列、以鐵板盛著芝士烤雞、當然要一試！ Bees Love Curry 熱騰騰的鐵板上鋪滿軟芝士、蜜糖烤雞細細件放在上面、正好一口一件。雞肉同樣十分嫩滑、蜜糖外皮甜滋滋、帶點微辣咖喱味。捲著起絲的芝士吃真的很滿足！點了喜歡的魚丸湯 $150、微辣的魚湯伴著彈牙的魚丸吃後十分暖胃、尤其是那三角形魚丸最好吃。凱薩沙律 $108 沙律菜新鮮爽脆、麵包糠夠脆口、灑上芝士碎幾好吃不過這間分店是沒有水供應、要另外叫礦泉水或其他飲品。

作為炸雞愛好者的我Goobne是我的首選，今次因為就朋友關係，嚟到中環的分店食晚飯。由於係閒日既關係，一嚟到就安排左坐位！我同朋友對呢間炸雞都各有自己喜好，於是我哋揀左餐廳推介既Half & Half雙拼雞餐，我就揀左4 隻辣椒既辣雞，朋友就揀左西柚雞，份量足夠我哋一齊食！我最鍾意食呢個辣雞，辣味由淺入深，越食越有辣味！ 我本來叫左杯Mojito ,最後都因為太辣，再叫多左一罐汽水另外我哋仲叫多左一個韓式炒年糕，兩個人食，份量啱啱好！我除了order左杯mojito外，朋友仲叫左杯西柚沙冰是晚食得非常盡興，價錢500 多元，在中環區嚟講，不算貴！ 如果下次再喺附近約食飯，應會再嚟！

原來中環開左GOOBNE, 好開心! 今日加完班就拉同事同我去食DINNER! 炸雞! 啤酒! OPPA!火山烤雞 $185,  見佢有5個辣椒仔真係好想挑戰下! 因為我地都好鐘意食辣, 越辣越開心! 見到件件都紅當當就知佢勁!  我一黎就食件雞脾, 一咬落去都唔覺得辣, 甜甜地好好食! 入到口咬左幾下就黎料了, 辣氣直沖頭頂! 冇得頂! 雞肉十分嫩滑又夠晒JUICY, 唔係間間炸雞都可以做到呢個質素, 好回味啊!! 最正係件件都好多肉!部隊鍋 $160, 2個辣椒仔, 食完火山烤雞, 感覺部隊鍋唔辣, 料十分多, 好多腸仔、火腿、年糕、魚糕, 但我最愛的公仔就少左D, 如果可以多D 就PERFECT 了!韓式雞蛋卷 $148, 呢個都係我必點之一, 一層層甜甜的蛋卷燒得好靚! 內里包住青瓜、紅蘿蔔、餐肉等, 加埋沙律醬, 是100分的盡配! 鐘唔鐘意食辣的人都會鐘意佢! 熱推!

中環一向都有好多高級餐廳選擇, 今日嚟到中環威靈頓街Goobne Chicken, 等左一陣坐低發現呢度裝修走簡約路線, 好有企理樸素嘅感覺, 坐得好舒服. 我同朋友拿起檯上的 menu 很快瞄了一遍, 二話不說就點左呢度嘅招牌菜－雙併烤雞同砂鍋魚糕湯.平時韓國炸雞就食得多, 烤雞就真係第一次. 呢個 Half & Half Special Menu 有分 tender 和 crispy 兩邊, 總之在其中一邊選兩款心儀的味道便可. Tender 有 原味烤雞, 韓式BBQ醬煙燻烤雞, 火山烤雞, 而 crispy 則有 甜辣烤雞, 果味蒜香烤雞, 黑椒烤雞. 我們點了原味烤雞併火山烤雞. 上桌後, 我地都急急咬了一口, 好正呀. 雞經過烤焗後油份少左好多, 但係照樣可以鎖住啲肉汁, 肉質唔單至更嫩滑, 而醬汁嘅辣味係漸漸滲出嚟, 愈食愈辣愈過癮⋯⋯鮮嫩多汁, 食到lam lam脷, 鍾意食辣一定要試吓! ! 烤雞另一配菜－酸白蘿蔔, 食幾件雞之後再食幾粒酸蘿蔔, 可以令口感清新, 仲可以解解膩, 成為左呢碟烤雞非常重要嘅配角.然後講返個砂鍋魚糕湯, 賣相唔錯而且配料好多, 爽口的雕魚

GOOBNE~已經食過3次以上了, 中環呢一間係第一次食! 收工同事即興食炸雞飲啤酒~就唸起佢!一入門就有個靚仔招牌~蜜糖咖哩烤雞 $185 - 份量超多, 有十幾件雞! 蜜糖味好重, 反而咖哩味比較淡, 雞塊醃得好入味, 炸得外脆內熱辣辣, 整體都有90分, 個個都爭住食!火山烤雞 $185 - 因為有同事好食得辣, 佢見到呢個餐牌上擁有5個辣椒仔的極級烤雞, 說一不二的點了! 好易入口, 剛開始唔會覺得好辣, 但入到喉嚨後真係火山爆發咁, 是超級辣, 我食一件就夠了, 岩晒各位辣妹!韓式雞蛋卷 $148 - 我每次必點! 層層蛋卷中包著黃瓜、醃紅蘿蔔、餐肉、海苔芝士等, 甜甜的~好好食!! 一上台, 留不過二分鐘便清晒了! 大愛!!!芝士炒年糕 $165 - 第一次食, 有3個辣椒仔, 辣度剛好! 連埋芝士食又香又滑, 有魚糕、年糕、公仔面等!大滿足的一餐, 食得盡興!!

炸雞熱潮已退？！不過比起炸雞，烤雞會相對健康一點，所以，當口癢想吃雞的話，就吃燒烤的吧！下班跟同事來到中環，目標就是在M88的Goobne~餐廳好大，座位又多又寬。這是六點半左右拍的，一小時後已全滿了！未看餐牌，看到張餐枱紙就決定要點combo! 另外加款熱食，兩個人一定夠~ 部隊鍋用來暖身最合適不過！combo可選一渣米酒，我倆選了應該最清新的西柚味。淺粉紅色好柔和的感覺，聞起來有好清新的西柚香和淡淡酒香。入口甜蜜略帶酸味，米酒的味道在最後段才散發出來，一點也不強烈，好易入口，就像果汁沙冰一樣好好喝啊鐵板軟芝士黑椒烤雞無骨真是名符其實的black and white，白色的芝士配烏黑的烤雞，所有表面都被黑椒汁包裹，咬下去先是蜜糖香甜味，之後黑椒的辣感慢慢滲出來充滿整個口腔，好刺激雞皮部份香脆，雞肉無骨，肉質相當嫩滑又多汁，非常滋味軟芝士能拉絲，一大坨舀出來又香又軟好邪惡好滿足，沾了黑椒蜜糖汁更惹味配菜是酸蘿蔔，用來中和一下強烈的味道。部隊鍋用泡菜湯底，酸酸辣辣好醒胃有麵，年糕，午餐肉，腸，洋蔥，芝士和茄汁豆等，用料好豐富。先撈起麵來吃避免浸軟，黃色的麵比普通公仔麵粗身，煙靭彈牙。辣度