GoldBlack Creative Coffee Journey (已結業)

呢間咖啡店係以前麥當勞個位～位置幾開揚的～幾好呀！因為青衣城冇幾多間好坐既coffee shop...而且又成日爆場...可以分散下客流👍🏻👍🏻👍🏻呢度有幾款創意特飲係佢地自己用素材去調配出黎我係度揀咖啡果時 店員好熱心咁介紹左....《香蕉樂園》係一杯咖啡上面放一隻用焦糖燒左嘅香蕉《爆谷風暴》 係加左雲呢拿cappuccino上面放上左一粒粒嘅爆谷而且佢地每季都會推出創意特飲～都幾特別！可以間唔中黎睇下有咩新野飲添見到menu上一送到黎就會聞到好香雲尼拿味～店員會教你用隻羹食咗上面嘅爆谷之後先至再攪勻成杯咖啡去飲～但係原來有大半杯都係爆谷嚟㗎喎！都幾驚喜係嘢飲入面嘅爆谷食落嘅口感同上面嘅爆谷唔同～但都唔會淋晒！👍🏻👍🏻👍🏻而且咖啡入面既泡沫好滑～好似cream咖啡好香好濃滑～《熱溶瑞士芝士配薯蓉、小馬鈴薯&鴨油焗薯》薯！全部都係薯！🥔🥔🥔🥔🥔呢款小食我男朋友好鍾意，因為佢話令佢諗番起幾年前係瑞士讀書既味道😂😂😂佢回想起嗰時成日都食小馬鈴薯🥔所以就偏愛呢款菜式🙈🙈而麻麻地食薯仔的我就聞到好香鴨油味😂😂😂因為一款鴨油焗薯而令到成個小食都好香鴨油味🥰除左呢款小食，都仲有其他麵包🥯買的環境不

青衣城開咗間新cafe，裝修得好靚，又就腳，G樓一落扶手電梯就見到，當然要入去坐下，試下有乜好飲。分咗前面同後面兩邊座位，相對後面會多D位同私隱度高D，我就梗係揀前面嚟坐，大D舒服D，又可以影靚相打咭，當然，唔小得飲佢地D嘢試下有乜推介，呢間cafe都多特式選擇，除咖啡外，亦有沙冰、香茶丶水果蔬菜汁丶可可朱古力同梳打比大家揀，而且仲有創意咖啡提供，其中秘密彩旦咖啡係要儲夠印花先可以買到嚟飲，鍾意特別咖啡嘅不妨一試。我地揀咗爆谷風暴同藍海嚟試，爆谷風暴係特色咖啡，係有得食又有得飲既咖啡，店員仲會教妳㸃飲，係一個有三種層次的飲食法。而藍海其實係梳打系列，菠蘿＋青檸＋梳打，帶有微酸同菠蘿清香，整體嚟講都幾好，咖啡愛好者又多一選擇，雖然價錢貴左小小，但店員細心有禮，環境舒適，且亦有叉電位供應。如果唔想同人迫，呢度係不二之選

行到攰要坐底飲野休息下(￣∇￣)見間佢都幾好坐咁，就入左去啦！！！揾左個沙發位坐底(*¯︶¯*)睇下個餐牌先，佢既飲品好多種類，都好特別。。。重有好邪惡既芝士小食(⁎⁍̴̛ᴗ⁍̴̛⁎)有個好神秘既飲品，好吸引我(≧▽≦)但原來要過幾關，有三個金幣先可以叫這杯秘密的彩蛋咖啡，到底有係點呢？哈哈🤣等我有三個金幣先啦😝😝最後就揀咗一杯熱帶氣旋有好多芒果，正！！！個芝士小食勁多芝士😍😍😍😍😍

同朋友諗住坐底飲下野傾下計(⁎⁍̴̛ᴗ⁍̴̛⁎)見到間餐廳好modern都幾好坐咁就入左去啦！！！揾左個靜靜地又坐得舒服既位坐底,睇下個餐牌先，佢既飲品都幾特別😝😝😝😝，重有好邪惡既芝士小食😋😋😋😋一定好正啦！！！有選擇困難，又心大心細，唔知飲咩好添有個好神秘既飲品，好吸引我,就決定飲佢啦！但原來要過幾關，有三個金幣先可以叫這杯秘密的彩蛋咖啡，到底有幾特別呢！？哈哈😄🤣嚟到真係幾特別嘅。。。好多葡萄🍇係面！😍朋友就揀咗一杯熱帶氣旋🤣😋有好多芒果，正!最後去到個芝士小食，香濃芝士軟滑，可以拉到絲架，真係太邪惡! 勁多芝士，太讚啦！下次再食過🙆‍♀️+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

係青衣城想搵個地方坐下飲杯野，靜靜地都唔係易。老牌綠色咖啡店唔靜之餘又唔係坐得舒服。最近發現左一間新既創意咖啡店開左係舊戲院果層，裝潢用上黑白色做主調，型格之餘仲帶點高檔同舒服既感覺。比起綠色果間，依間d咖啡走創意路線。除左咖啡，仲有好多款梳打、沙冰同花茶既選擇，夜晩黎想飲杯野一個人靜靜地，都唔驚飲完訓唔著。d飲品名實在太吸引，樣樣都想試下係咩黎，店員亦都好主動咁詳細推介。最後我地決定試下爆谷風暴同藍海。藍海，顏色係漸變青藍色，搞匀後又變左糊水藍色，真係超級靚👍🏻忍唔住要相機食先。而味道都好正，係青檸加菠蘿味既梳打，酸酸甜甜，好清新既感覺。另一杯我地要爆谷風暴，係店員重點推介！有爆谷係面既咖啡，真係創意滿分！依d創意咖啡系列原來每季都有四款，最岩鐘意試新野既我。一般凍咖啡其實都會加左冰同水之後變得冇乜咖啡味，但係依杯凍咖啡仲可以保持到超高水準嘅香濃咖啡味，甜度岩岩好。更加爆谷既襯托，又有另一份既新鮮感。小食就叫左個黑松露熱溶芝士鴨油薯仔，薯仔有幾個口感，有d係厚切，有d係原粒小薯仔，加左鴨油既油香，熱辣辣好咸香好野味。而且芝士係同平時果d係有分別，即場睇住佢熔好治癒，厚厚一層芝士，好足

約咗朋友到青衣城坐低飲吓嘢傾吓計~搵緊去邊間期間，發現呢間Gold Black~環境裝修幾靚~諗都唔諗就入咗去~皆因入面有個搖搖櫈~即刻坐上去影咗好多相~喪影完相之後~我哋揀嘢飲~咖啡比較多~都有其他特飲選擇~我原本係飲花枝招展~店員話當日咁啱無荔枝~所以改咗飲藍海~係加咗青檸同菠蘿嘅Soda~整出嚟好美觀~用藍海呢個名真係好貼切~影相一流~但味道就一般~可能一心諗住花枝招展，可惜朋友一開頭想揀秘密的彩蛋咖啡~不過要飲到呢杯秘蜜彩蛋咖啡需符合特定要求先飲到~於是我哋就問吓店員點先符合到~原來係要儲齊三個印花先買到呢杯彩蛋~我哋第一次嚟，當然買唔到啦~最後揀咗爆谷風暴~店員仲專登講解點飲~首先食吓啲爆谷先~再將啲爆谷浸落去再食差不多食晒啲爆谷之後就攪勻佢~爆谷好香焦糖味~而中間好creamy~最底層係好濃嘅咖啡~朋友好鐘意飲~我哋仲叫咗個小食~熱溶瑞士芝士配薯蓉，小馬鈴薯及鴨油薯蓉~超多芝士~薯蓉好好味~下次嚟再飲返花枝招展同集齊印花飲彩蛋先~

近期青衣商場大翻新，不少創新型格的美食店進駐青衣城一期。餐廳以熱氣球為題，外型時尚高級，餐牌食材配搭創新，坊間少見，好奇心驅使下便光顧~爆谷風暴，創意咖啡，賣相獨特，醇香濃厚的咖啡，加上多粒香脆甜美的焦糖爆谷，口感豐富，濃度適中，香甜微澀，香味留有餘韻，充滿高級感的味道~橙色，天然鮮甜的香橙味尤其突出，同時嚐到菠蘿及蘿蔔的蔬果鮮味，果香四溢，清新可口，營養豐富，健康美味~熱熔法國芝士配鴨油焗薯，焗薯爽脆，富酥香的鴨油味及鹹香的椒鹽味，加上濃烈的法國芝士及黑松露，配搭創新，味道層次豐富，香口惹味! 配上醃蕎頭及醃青瓜，酸甜醒胃，中和焗薯的飽滯感~小食飲品創新滋味，座位闊落開揚，輕輕鬆鬆，邊歎咖啡小食，邊閒談，與家人共享美好的時光~P.S. 職員在點餐時也有詳盡介紹，就給點小費吧~

最近青衣城又有新店，呢間咖啡店好特別，真係創意十足，餐牌上的有趣飲品名，以及沖調咖啡的味道與造型都顯現出無限創意，加上用心製作，看來又多個咖啡店可以讓我流連忘返。以黑色為主的裝潢，加上大木枱、藤吊椅、舒適梳化，任君選擇，感覺型格得來帶點親切的舒適感。睇返主角飲品，多款口味的咖啡、朱古力、茶類.......特別在呢度加入酒類的元素，朱古力加上酒，配埋熱溶芝士的小食，今個冬天實暖笠笠。另外仲有每季都不同款的創意咖啡，幾有新鮮感。各款甜品及麵包都很吸引。我同友人點左咖啡梳打、抹茶朱古力、熱溶芝士......用心製作，飲品都好靚，影相打卡一流。黑色的金子 $38，由濃縮咖啡、檸檬、梳打調製成，還加入青蘋果，用水果沖咖啡真係幾特別。漸變層的顏色，看到梳打氣泡的活躍，味道係檸啡的升級版，檸檬微酸，加上梳打清爽，甜度適中，非常易入口，最後回返咖啡的香味同餘韻。抹茶可可朱古力 $44，兩層粉色的柔和感，朱古力味道同抹茶味平衡，抹茶正好中和朱古力的甜膩，抹茶味亦變的溫和。用專用的熱溶機，瑞士芝士大約數分鐘就熱至金黃傳出芝士香，非常誘人。將芝士直接刮落預先準備好的配料上，加上黑松露醬就完成，可以觀賞到製作

今日放假同朋友仔去青衣城行街shopping，行到累累地，就揾個地方坐低飲番杯野，見尼間新開嘅Goldblack幾grand幾舒服咁，就試試吧店內裝潢走型格路線，顏色以黑白同木色做主調，有一種柔和舒適嘅感覺坐位亦舒適闊落，有sofa，吧枱，卡坐等提供，非常多元化飲品方面有好多選擇，有牛奶咖啡，朱古力飲品，cocktail，沙冰，茶類，蔬菜汁同梳打等等，店員非常熱心為我們介紹呢！真係好nice店員仲特別推介創意咖啡比我地，有四種口味非常獨特，其中秘密的彩蛋咖啡係需要惠顧幾次才可換購，好有gimmick，而且每季都會有不同口味推出，有創意，我欣賞小食方面有三款選擇，有肉丸同焗香腸，比較特別嘅係熱熔瑞士芝士配薯蓉，小馬鈴薯及鴨油焗薯，仲有三款topping選擇，我尼個薯仔控梗係要叫一份試下啦飲品未到小食先到，賣相非常吸引，熱辣辣，黑松露醬好香，令人垂涎🤤小馬鈴薯🥔又香又cute，軟硬度剛好，果然薯不簡單鴨油焗薯好脆身，吸收左鴨油嘅香味又真係別有一番風味薯蓉配合芝士好creamy，味道好有層次仲配左酸青瓜同醃洋蔥，剛好中和薯仔嘅厚重感，而且令人非常開胃尼杯叫藍海，係青檸菠蘿蓉梳打，顏色漸層好靚