Godiva Chocolatier (PopCorn 1)

营业中

休息中

近日氣溫去到差唔多30度，再加上係地鐵燈箱成日見到godiva賣雪糕廣告，就知道應該去會一會呢個舊朋友。對上一次食已經係上年4月既事，記得果次食完後驚為天人，覺得godiva除左朱古力出色外，連雪糕都同樣出色。今次有少少爭扎，諗緊嗌cone好定milk shake，最後決定要支dark chocolate cone。跟上次一樣同樣細滑，啖啖朱古力香，每吃一口就好似吃了一粒Godiva 朱古力，就連個cone都同樣好味，cone邊沾有朱古力脆脆，不會太甜搶左雪糕味，兩者平衡得剛好。

Godiva嘅朱古力軟雪糕都出左一段日子 成日都係ig呀facebook呀見到 好似好正好濃味 今日經過就不妨一試啦! 雖然雪糕來講 個價錢真係有D貴 不過佢個賣相已經夠哂正 個雪糕筒已經唔係禁簡單 個邊邊係有朱古力脆脆架 雪糕面又有朱古力醬 仲有個godiva牌 係有水準嘅~

以前試過Godiva的杯裝雪糕，朱古力味濃。今天晚餐後路經發現原來有軟雪糕，立即買來試試看。45元一杯沒有堂食的軟雪糕應該是我印象中吃過最貴的軟雪糕了，但份量亦同樣大得很，兩人吃也足夠有餘。軟雪糕的朱古力味雖不及杯裝雪糕濃，但也比其他地方吃到的濃，質感亦很滑。雪糕筒鬆脆，邊上沾上朱古力，很貼心的小detail。

經過Godiva得知新出杯裝夏日雪糕，便買杯回家試試。甫入店，「選擇困難症」又來了，有牛奶、白、黑、草莓及焦糖味，凝望張圖款款也頗吸引。最後選了白朱古力雪糕，杯雪糕並不便宜，細細杯盛惠$4X元。打開金色的雪糕蓋，粒粒朱古力碎藏在雪糕內，雪糕質地軟滑，可惜有少少點，幸好有苦苦地的朱古力碎中和味道，不過如果無咁甜，且份量大少少就Perfect 啦~ 

第一次試薄荷純朱古力~叫左店員走CREAM,, 但佢好似聽吾到-_-但係佢畀杯野我戈陣話: 整大左杯野, 飲得開心D;)服務;3好好啊;))味道, 兩者平衡得好好 吾會有薄荷就冇左朱古力 哈~~~又好似飲緊薄荷朱古力沙冰 好好味最後,, 覺得原來CREAM加朱古力都幾好味真係飲得好開心~~