Glasshouse Greenery (K11 Musea)

营业中

休息中

餐廳地點優越，環境尚算可以，但音樂聲太大破壞優雅環境，食物水準質素有待改善，員工服務尚可，價錢中上但食物質素可說是基本水準以下，炸蝦餅好像煎魚餅，吃不到蝦味道，蝦味道偏淡，有點奇怪，龍蝦芒果沙律，龍蝦味道偏淡，芒果帶酸，沙律沒味道，炸魷魚鬚，超級難食，填鴨pizza. 有創意但失敗，鴨肉超鹹跟Pizza唔配合，藍莓沙冰亦沒有藍莓味道，另外二杯亦都飲吾出什麼果味道，我們三人都非常失望，吃了過千元但食物質素真的令我們好失望！

假日約了友人去high Tea，網上見到呢個Tea Set賣相幾靚同幾平，位於K11 Musea，位置方便，加上商場入面唔怕落雨，之前幫襯過中環果間食晚餐覺得不俗，就試下呢間，點知就瀨野😑。Book 左兩位，15:00準時去到，好快入座，復活假期，但餐廳唔多人嘅，餐廳面積頗大，裝潢有田園之感，設有露天位置，店面外圍都有不少位子，坐位闊絡都幾舒適。為食Tea而來，好快點左Tea Set，問個職員包咩飲又唔知，要加幾錢轉特飲又唔知，算⋯最後要咖啡及伯爵茶。等左半個鐘見未黎，問左1次，之後個職員話check下，之後又等左半個鐘冇回覆，之後再問仲要好大話等陣先，咩料呀大佬😨，前前後後催左3次先上餐，等左1個鐘以上，仲要西面。如果好多客，又真係做唔切，味講聲唔好意思，問又唔答又要西面冇禮貌，態度真係差到😨。咖啡。伯爵茶，跟餐+$18。Afternoon Tea for two，$388。酥脆炸蝦米紙卷，一般。煙三文魚芝士卷，個賣相好流下。蘑菇甜椒撻，正常水準。迷你牛肉漢堡，比較飽肚的鹹點，龍蝦沙律杯，正常。脆薯皮棒棒蝦，脆薯皮口感有點硬。小富士綠茶蛋糕，賣相幾靚，有綠茶味但唔算太突出，味道普通。

約左狗狗friends去k11 musea個寵物公園玩😆🐶玩完到人類開餐🍽️.員工對狗狗都好friendly，我地坐喺室外位置，不過太近喇叭，有少少嘈🫣好彩狗狗們對聲浪唔會太敏感🔊同埋近植物既地方有蜜蜂同d飛蟲仔，好彩有狗友帶左驅蚊用品🙈希望餐廳可以注意吓驅蟲啦！.揀左甜酸吉列豬扒burger、海南雞意大利飯、班蘭越南咖啡、雜莓奶昔😋😋.✨甜酸吉列豬扒burger🍔✨豬扒唔夠肥美🐖食落偏柴有d乾，但夾埋波羅同甜酸醬一齊食都唔錯，就好似食咕嚕肉咁🤣✨海南雞意大利飯🐓✨呢個好有驚喜😳尤其係個飯🍚有濃郁雞肉味之餘又唔會好似油飯咁油淋淋😍雞肉無骨又夠滑，沾醬都無hea，食得出精緻感✨班蘭越南咖啡☕️✨呢個飲品一上枱全枱起哄🤣🤣係一個好有儀式感既咖啡☕️班蘭味係黎至個綠色糖漿，所以唔夠濃，但夠晒打卡同好玩😆✨雜莓奶昔🍹✨飲得出落左好多莓類落去🫐真材實料，不過我嫌佢一d甜味都無🙈🙈太健康既感覺，但飲落去係好smooth既🧊

為左比負評公仔我決心要寫200字以上今日本來開開心心同老公提早慶祝生日上網見呢度環境幾吾錯，而且食物是亞洲風味 應該吾會有咩閃失掛 就即管試下點知原來係直升機的叫聲⋯ ⋯ 伏伏伏伏伏唉 原來openrice的負評十分中肯一入去 室內有少少怪味 又逼然後落單 職員十分粗魯想點生豪 但無 後黎聽到隔離枱點幾樣野 又係無無無點完要等好耐都無得食黎到啦 個牛都可以既 但海鮮好似一推白烚既野 加煎三文魚 但又凍又吾無味 好古怪真係又貴又難食十分差的體驗 too bad吾會有第二次😣我第一次比負評 都係吾想大家慘遭中伏

好少寫劣評。。。但這餐廳破壞了我復活節假期嘅Monday mood今天本想在假期最後一天chill下，10:50am行入了這間餐廳。 睇咗陣餐牌，諗住叫個All Day Breakfast ….. 因為餐廳剛由早餐時段轉午餐，要多等10分鐘才可以落單，fine.11:05am再次下單，成功叫了兩杯coffee及龍蝦包。 咖啡先到，食物未到，fine. 繼續等。。。30分鐘後，龍蝦包仍然未到，咖啡也變色及涼了。 招來侍應問問情況，換來嘅回應係話「我有落單」，不過廚房忙著做外賣到會，所以未出到。 😵‍💫😵‍💫😵‍💫 驚為天人的服務態度及回應。 之後都沒有話「趕」出嚟（的確誠實，讚！ 可能百多元嘅龍蝦包，不值一提），只是問我仲要唔要做。仲等？令人失望，沒有心情完成我那杯放涼了的咖啡，唔該埋單😤

酒店 High Tea 試得多今日同閨密來到 K 11Glasshouse Greenery Hige tea$388/2 Tea set 配飲品 3層精緻咸/甜都有吾使只食甜品蛋糕龍蝦沙律/鵝肝多士....漢堡包/炸蝦卷......馬卡龍/Brownie/爆珠奶凍...款式份量太多, 食物高質環境味道比美酒店2個女仔 Higt tea基本上一定要打包

book 左檯等左陣都慢慢安排好座位後，除左帶位哥哥面口好d 之外，其他都唔願做，黑口黑面。order 野食 已經係諗好，但係個女staff 就不屑望住客黎聽order, 左擰右擰，西口西面。到食完上梳乎里，我地叫個staff 幫手影張合照都係西口西面🤡 見到小朋友生日，都唔會歡容d, 影完即走👍🏽平心而論，食物上Margherita Pizza 意粉 雞翼 加drinks 都好味既。

呢日嚟到K11 Musea食glasshouse 揀左outdoor座位outdoor燈光 座位同園藝擺設都好chill 🌿唔會太空曠 有微風吹嚟就好舒服😇夜晩8點半後入座仲有8折香辣龍蝦意粉 $238🍜龍蝦粒粒飽滿 色澤鮮嫩 新鮮爽口 🦞幼身意粉微微油香 配上蔥花 辣椒同炒蒜 鑊氣十足 過癮惹味 推薦!👍🏻秘製海南雞燴意大飯 $178🐔好特別嘅配搭 用個鍋上 🥘海南雞比較似白切雞 略嫌欠缺嫩滑燴意大利飯倘算容易入口 雞湯味意大利飯似乾水既雞粥 未到好impressed炸薯條配黑松露蛋黃醬 $48🍟配黑松露蛋黃醬好難失準嘅小食 炸得啱啱好 整體不過不失印度煎薄餅配沙嗲醬 $58雖然薄餅略欠酥脆 帶微微花生香嘅沙嗲醬搭夠😉越式手沖咖啡(椰子) $78☕️咖啡好香 配上椰子絲冰底 可以另外再落d奶好surprise 好match 成set好打卡添🌟切餅費$150

今晚放工後係尖沙咀行街，夜晚去左K11 Musea試試平時門口人山人海排隊的「Glasshouse Greenery」晚餐。由於我們今晚早點去避開了放工時間，所以不用等位。厚燒豬腩肉串及薯格配泡菜醬：這菜式賣相巳很吸引，豬腩肉脆卜卜效果，配埋大蔥及蕃茄仔一起吃，清甜酸香，好好食，還可以中和豬腩片的油膩感，沾少少泡菜醬吃口感更佳。炸雞粒及單骨雞翼配芝士醬：雞粒啖啖肉之餘，再加上芝士醬，絕對是「芝士控」的口感享受。而單骨雞翼的做法比一般雞翼更入味，更香脆。兩款炸物絕對是可說是美味的邪惡化身，必試之選。燒龍蝦及和牛橫隔肌：燒龍蝦有濃烈的烤香味，口感鮮美而彈牙。而七成的和牛橫隔肌肉比較緊實，味道比較強烈，令人食過番尋味。

樓上就係寵物公園。落一層就黎到呢度。呢度既野食好多元化。但價錢就不太便宜，所以我揀左比較講究師傅手工既食物。因為自己屋企實煮吾到。我揀左朱古力脆皮梳乎厘同芒果印度薄餅，師傅手工好好。印度薄餅好好食，吾會感覺厚粉。但d芒果就酸吾夠甜，不過係fresh既。另外個朱古力脆皮梳乎厘簡直係神級之作👍🏻外脆內軟！仲有一樽濃厚朱古力醬。食完個脆面可以自由倒朱古力醬落去調味。D朱古力醬好濃好滑，吾太甜又吾太苦。

1.5小時限時晚飯，支酒飲到一半，啲嘢食份量又細，想叫多一次都唔夠時間，已經講完啦，唔係仲要幫襯啊？明明仲有好多吉檯⋯你個拼盤，兩隻雞翼變做單骨，即係四條骨，乾爭爭，冇肉，成個垃圾拼盤，二百幾蚊我食咗啲乜？你個龍蝦意粉，龍蝦肉係1cm ×2 cm，加埋肉碎， 10隻手指應該數曬，個意粉應該有半個碗嘅份量，一個小朋友都唔夠飽。個沙律當然亦都係一樣，同茶餐廳前菜嗰碗仔沙律有得揮，隻隻碟牛龜咁大，份量好似幼稚園茶點咁。唔該晒。

餐廳以田園風裝修🌿設有室外座位襯呢家仲係秋涼😌坐室外比較優閒放鬆而且四圍都有綠色植物包圍🌳環境氣氛一流🍔酸甜吉列豬扒漢堡🍔有別於平日食嘅漢堡，味道似咕嚕肉，但呢個係啖啖肉，仲有一大片菠蘿，加上酸甜汁，食完都唔覺膩，仲幾開胃，配有粗薯條，開心！😚🍳香草脆皮梳乎厘🍳好大的一個梳乎厘，表層係墨西哥包脆皮，梳乎厘口感軟熟，熱烘烘，另配草莓醬，有種酸酸甜甜味道，唔蘸醬都已經覺得好好味😋溫提：製作需20分鐘喔！😉Glasshouse Greenery📍尖沙咀梳士巴利道18號Victoria Dockside K11 Musea5樓501及503A號舖

總係想揀一啲日子優休閒咁飲個午飯，於是請假同朋友一齊慢活一下。去到尖沙咀k11 musea，平時星期六日都好多人嘅人潮減退，即刻覺得自己去咗異地旅行！泰式咖喱雞配白飯呢個泰式咖喱用一含黑鍋裝住，特別好打卡！哈哈 咖喱雞肉非常入味，而且肉質滑滑，咖喱汁味道香濃，薯仔入味，不錯黑松露pizza Pizza都幾大塊，餅底非常薄，食咗兩塊都唔覺得油膩！淡淡都好香濃，黑松露嘅味道，仲有拉斯芝士嘅效果。好味本來想飲蝶豆花茶嘅特色飲品，可惜當日沒有供應，我就選擇士多啤梨花茶，而朋友就選擇蜜桃果茶。我地邊食嘢同傾偈慢活咁渡過咗成個晏晝，我特別鍾意坐喺戶外位置吹吓涼風。餐廳戶外同室內嘅裝修都有少少唔一樣，你幾次打卡嘅位置都會有唔同嘅感覺！

前排嚟完K11 Musea 發掘到原來頂樓都有好多餐廳，決定要試下先，好彩book咗位咋，去到都好full。 我哋揀咗坐outdoor，環境好舒服。 呢度食物款式都幾多，中式西式都有，而且價錢都算實惠。 先食個小食先，炸櫻花蝦餅，個蝦餅好香脆，食落蝦肉爽口彈牙。 乾炒牛河就食得多，呢個高級版炒牛河有黑松露同埋鵝肝，將中西式嘅元素都放咗落去，比較特別。每條河粉都沾滿咗黑松露嘅香味，成個河粉都唔會炒得太過油，牛肉亦好嫩滑。 另外揀咗個Big breakfast，即係All Day Breakfast，有炸魚柳、脆皮腸、煙肉🥓、焗茄汁豆、煎蛋、牛角包、粟米粒🌽同埋蕃茄🍅，相當豐富。個炸魚柳外脆內軟，食落好滑，加埋沙律醬超正。牛角包香脆軟熟，好香牛油味。食完感覺好滿足好幸福😌

I think most ppl come here for photos and that’s what I though it would be as well, but ended up it had good food as well My flavour good that they have was chicken rice . The skin is crispy and the meat is juicy , which match the rice perfectly. Good food , good service and good place . 5 stars restaurant!!!