GF Bistro

营业中

休息中

芝士pizza好鬆脆, 羊架肉質鮮美, 好好味，又有一流嘅音樂現場表演,唱咗好多懷舊歌, 如Sealed with a Kiss, 蘑菇湯好熱, 服務一流，芝士餅好creamy! 環境一流，值得推介!

行過見呢間價錢唔貴又有live band，入去試吓。果然有驚喜，食物味道唔錯！侍應叔叔好好人，好有禮貌。成餐飯食得好舒服，唔會比人趕！3個晚餐加埋甜品都係四百幾蚊，好抵！好到阿仔都要發表吓🤭：This restaurant service is very good ,the food is delicious and the price is reasonably. The waiter is polite and the live band is so impressive,the dessert is beautiful and also very tasty, the drinks is innovative and the burgers is big to full me.

3:00pm 去食左個下午茶，一入門口，一位較年長嘅叔叔帶你坐低，又即刻斟杯暖水比我同朋友。 叫左蒜片蜆肉炒意粉同龍蝦湯海鮮天使麵。野食上得好快，熱辣辣出哂煙好新鮮。味道不過不失啦，但份量好大碟同好大料，抵食眼見兩位店員，一位四眼姨姨，一位較年長嘅叔叔，上野食、落單、比錢都不停講多謝、多謝，覺得好感動，好耐冇聽過店員咁講。加上餐廳係轉角位好靜，呢個下午茶食得好舒服

今晚我們的聚會 繼續蠔情夜🦪 荃新天地GF Bistro 我本身是一個生蠔愛好者 就是喜歡吃生蠔嫩滑的口感及質感 喜歡各項生蠔弄淡不一的味道 這間餐廳 亦是我經常喜歡光顧的 他們的$20一隻太平洋生蠔 我個人認為性價比高所以keep住經常幫襯😊 這𥚃幫襯任何12隻生蠔 可以以優惠價錢$120換購一支紅酒或者白酒 平時隨隨便便入任何一間餐廳 餐牌上最平的紅酒或白酒都要二百幾蚊一支 而家用$120可以換購一支 而且酒嘅質素唔差 所以性價比較高 食完生蠔 再order 一份卡邦尼意粉 簡直一試難忘意粉材料很簡單 只有煙肉及芝士 但煙肉的香味 簡直撲鼻而來 非常之香 濃濃的煙燻香味 芝士掛滿每一條意粉 味道濃郁 入口濃郁芝士及煙肉味道 值得一試 還叫了一客新鮮出爐的芝士蒜蓉包 香脆可口😊 雖然簡單但非常大滿足 留港消費 撐一下小店 為香港小店多出一分綿力 請大家也多多支持香港小店

今天中午過嚟荃灣荃新天地行UNIQLO, 於是在此西餐廳吃頓飯。午市套餐有固定的10款選擇，包括沙律類、意粉類及Pizza類；午餐精選就有五款， Menu是會定期更改的，另有追加：$15龍蝦湯及一客吞拿魚或鵝肝醬多士$15 藍莓芝士蛋糕或紐約芝士蛋糕$18 雜果沙律/炸手指魚配薯條/炸麥樂雞配薯條$20意大利芝士餅伴咖啡雪糕$22心太軟拌雪糕$28焗法式田螺🌹忌廉汁煙三文魚天使麵$65🌹洋蔥汁豬扒太陽蛋飯$78值得一讚的是這裏的服務很好，應該是家庭式的，店員較為年長，但很有禮貌👍👍

有次經過荃新天地嘅呢間西餐廳睇到竟然有現場音樂演奏！！望左一望晚餐價錢唔貴！一於下次試試佢過左一排 wsp問餐廳幾時會有現場演奏原來係每日都有現場演奏到星期六，星期日 同假期就會有兩個，其中一個係吹色士風🎷餐廳係一半係開放式設計 所以有現場演奏嘅時候經過餐廳出面都會聽到音樂有時有小朋友經過 佢地仲會演奏幾下兒歌氹小朋友開心🥰晚餐嘅價錢唔貴，大慨$7x-11x，包一杯熱飲可以簡配飯/意粉/薯菜落單10分鐘左右黎左份羊扒羊扒份量有2件叫左5成熟，唔錯肉質唔會好un好鞋調味都唔錯👍🏻香辣雞扒飯等嘅時間比較耐大約20-25分鐘但係值得等嘅！因為真係好好食佢個汁似泰式辣汁 酸酸辣辣好惹味好多醬汁送飯一流不過都幾辣唔食得辣嘅要注意番🙈雞扒大大塊所以唔怕白飯食到最後冇餸最後叫左一個開心果格仔餅外賣拎走佢地外賣嘅甜品好抵食呢個$18有另一個外賣甜品優惠係芝士蛋糕加凍朱古力都只係$28😍附近住嘅街坊真係有福🙏🏻👍🏻

自從阿仔入咗大學之後，我們一家人已很少一起吃午餐。今天來到荃新天地呢一間西餐廳，是由二期那邊搬過來一期的，一直都覺得很抵食。我們叫了：🌹 卡邦尼意粉$62大大碟，較為淡味🌹洋蔥豬扒太陽蛋飯$78不錯，洋蔥豬扒大大塊，雞蛋亦煎得很靚。🌹蜆肉炒意粉$62很多蘑菇，味道較為清淡，都是很大碟🌹吞拿魚三文治配炸飯球$58炸飯球內很多芝士，有啲熱氣以上包餐飲，加$15可配龍蝦湯及兩件多士（碎蛋及鵝肝味）。從前加$22已包括湯、多士及甜品如心太軟雪糕，現在要再額外加錢$20才追加甜品。

GF Bistro一間起級平民版意大利餐廳都係我會經常去呢一間餐廳 嚟到呢度 我一定係食生蠔 $20.一隻有交易 生蠔鮮甜肥美 唔會太細隻 就係因為太搶手 所以訂位之前 要預留$20生蠔🤣 否則可能會賣晒失望而回 主菜有豬牛羊雞或者意粉pizza 價錢相宜 平靚正 性價比高 因為今日同朋友係嚟食下午茶 點了一打$20生蠔 +2杯白酒再加一份鴛鴦餡料牛角包 仲加咗一碟雞扒配意粉 買單都係$480😊😊 各位喜歡食生蠔的 不妨到來試一試 絕對有驚喜

今日去荃灣西站，在Citywalk一期試小店嘅lunch。點了煙三文魚天使麵，有小小湯再即磨D黑椒上去非常好味，而且份量好足及非常熱。咖啡亦有誠意，雖然有加一服務費，但都係$71，非常親民。比連所店高水準好多。店前有小量自家制麵包，店員話冇添加防腐劑，亦有自家制 芝士蛋糕。店內装修比較簡單，但都乾淨舒服。店員亦有推介下午茶由$25起，及晚餐有live band唱懷舊歌，都係由$100起，而早餐就由$28起至到11：30。行完商塲想找下午茶及休息下，大記已超多人排隊，最後都係去返GF Bristol, 友人點了cheese cake tea set,超靚仲有藍苺伴碟，都只係$31有找，非常超值。老麥嘅cheese cake雖然大件D都要$40。我就試了朱古力心太軟加雪榚，連咖啡及加一都$42有找。隔離嘅食客原來是常客，試過不同嘅menu,推介好多款，她說基本上樣樣都好食。下次我們有機會一定再試

GF Bistro 是一間意大利式西餐店，每次晚餐時段行經，都會見到有外籍人士 live 演奏 🎷saxophone，食客們一邊聽著懷舊經典音樂、一邊吃著美食 ，那種復古兼融的視聽美感真是十分輕鬆愜意 🍽️ 以往印象中都是一些「高檔」級餐廳才能享受的服務，但在這裡一般街坊也能體驗呢 😍😍✔️ 今天早上行經發現他們原來也有「早餐」供應，所以便進店一試，價格竟然是 $28 ! 比快餐店更「親民」👏🏻✔️ 點選了A餐 🍽️ 米通粉配黑松露炒蛋+煙三文魚，感覺今天早餐非常「高級」😅✔️ 通粉不是我們常吃到的那種，這個口感比較軟淋，湯底非常清淡 ……. 😅✔️ 黑松露滑蛋再加上煙三文魚多士，這個組合稱為「無敵」😝✔️ 最後一杯 🥃 檸檬水，一個滿足的早晨😍

有人喺度唱live 唱得好聽 亦可以點歌 見大概80蚊個餐有埋嘢飲 見坐得舒服入去試下。😖😖😖羊架跟薯菜 (羊架味道茶餐廳質素)， 但薯條夠脆😖😖豬扒好普通(豬扒茶餐廳質素)炒蛋ok ，如唔要意粉 飯可跟薯條😖😖😖😖焗田螺 唔好味 薯蓉亦好鹹拿破崙意粉ok有幾多風乾火腿片配料足 唔係日本拿破崙那種味 但整體味道夠,隔離枱叫卡邦尼意粉都唔錯❤️❤️❤️❤️❤️心太軟好好食 表皮勁薄 入面全滿朱古力流漿 啲漿勁多 絕對有 超出水準的期望 都係近呢幾年食過算係比較好食嘅 可以嚟坐低淨係叫個甜品食下 呢個好出色除咗意粉甜品 ,其他係茶餐廳水準心太軟 要嚟食 😍 下次嚟應該食意粉比較穩陣另外叫個心太軟 就ok ！最終埋單400蚊

呢間小店係行行吓無意中發現，入去不妨試吓，結果好驚喜。店面一邊窗透光，已經好有早餐感覺可能係平，唔算多人，望一望個餐牌，選擇都幾多，商場喎，竟然價錢唔貴。呢個早餐有雞扒，蒜蓉麵包、黑松露炒蛋，意大利菜湯、即磨咖啡。炒蛋炒得嫩滑，蒜蓉包好香軟，雞扒都唔細，意大利菜湯好多餸料，味道正宗。店面得個好有禮貌嘅叔叔幫手，但招呼周到。即磨咖啡貨真價實，都OK好好飲，亦好有咖啡香味。性價比真係好高，老闆良心價，一定會再幫襯！

之前早晨時間經過見到好多人食，諗住搵日去試下。夜晚經過又無咩人，見價錢食物啱就走入去試下，估唔到有意外驚喜原來呢間餐廳係有live music ，有吉他手同saxophone 樂手。佢地仲邀請我哋點歌，聽到咁jazz既音樂真係成個人放鬆咗，更enjoy啲食物。由於太enjoy既關係，無影啲食物。食物水平都保持得好好呀，食咗個安格斯牛粒焗飯，好味😋咁既市道，老闆都照請樂手真係難得之後傾傾下仲發現原來係以前二期果間餐廳嚟，真係好有童年回憶唔知有無街坊記得呢？

係餐廳前身已經係長期顧客，知道佢開返一定再次光顧啦！餐飲水準保持到一如既往既質素，重有改良進步一家5人嚟食返，大家都覺得好味牛扒拼鵝肝2人餐$488質素保持得好好，餐前小食熱辣辣好味道，餐湯龍蝦湯十分足料，主食好味，再跟2杯餐飲，2個餐後甜品更加係十分滿意！心太軟強烈推薦！豬手2人餐$188豬手10分好味，豬手入味唔會鹹皮脆肉嫩，豬手餐嘅辣味炒飯味道惹味，冇得頂春卷同咖喱角都10分出色，另外煙三文魚魚嘅質素更加係喜出望外。$188絕對係物超所值。未講到最抵食嘅晚市套餐豬柳扒拼黑松露炒蛋飯$78豬柳好大嘅兩塊，加埋特色嘅黃芥末醬，10分惹味，$78嘅價錢簡直超值雖然餐廳嘅位置比較難搵，但係食物同性價比絕對唔會令你失望。

原來的西餐廳已轉這間，午市餐牌價錢不貴，叫了三文魚天使麵，+$15有龍蝦湯及兩件小多士。龍蝦湯有蝦味，感覺帶點酸，鹹了少少。小多士質素一般，分不出是脆還是硬。三文魚天使麵，忌廉汁味濃得宜，三文魚是一大片厚厚的，有三四片。六十多元，很合理。最後再加$20配了心太軟及雪糕，這心太軟看是不見其好的，但你輕輕觸碰蛋糕外層，已感到只要一開口，朱古力岩就會湧出來。這是讚的，因為要認真焗才能有這外脆內溶的效果。加$20太抵了。整理滿意，不過餐廳環境的感覺、上菜速度及店員就真的不太像西餐廳。若轉化以大眾化價錢嘗西餐，這是好選擇吧！