GAVI

营业中

休息中

這晚係開完會真氣難下。開足半日同老闆頂足半日。感覺好委屈自己。心裡決定要食返些好野去平衡自己的心態。決定係找找好食餐廳。**泰式燒原條烤魚**的呈現讓我眼前一亮。這道菜的魚選用的是新鮮的原條魚，外皮烤得金黃酥脆，內裡卻保持著鮮嫩的肉質。魚內部加上泰式香茅。泰式的調味醬汁酸辣適中，搭配香菜和檸檬的清香，讓整道菜品充滿了熱帶風情。每一口都能感受到魚肉的鮮美與醬汁的層次感。**凍抹茶焦糖咖啡**這杯飲品的抹茶香氣濃郁，與焦糖的甜味相互交融，形成了一種獨特的風味。冰涼的口感讓人感到清爽，特別是在用餐後，這樣的飲品能夠有效解膩，抹茶的微苦與焦糖的甜蜜形成了完美的平衡，讓人一口接一口，欲罷不能。**松露野菌帶子意粉**意粉的烹製恰到好處，口感彈牙，搭配的松露醬香氣四溢，帶子的鮮嫩與野菌的香氣相互輝映，帶子入口彈牙肉嫩。讓每一口都充滿了豐富的層次感。這道菜不僅在味道上令人驚喜，還在視覺上帶來了享受，讓人感受到意大利料理的精髓。意大利粉混合松露醬極之出色。GAVI (觀塘)觀塘偉業街180號Two Harbour Square 1樓

❤️蜜糖咸香豬手配燒汁 (切件上)豬手下面有薯蓉和紫椰菜薯蓉口感軟綿～混入了牛油，入口滿口牛油香～皮脆入口帶鹹香朋友用手拎起豬手食，侍應主動遞上濕紙巾，好貼心～讚👍🏻。❤️龍蝦汁蟹肉扁意粉 蟹肉意粉內有洋蔥蟹肉好鮮甜❤️日式櫻花蝦炸豆腐 4件 炸豆腐上面鋪滿了炸櫻花蝦好香口又脆❤️GAVI 串燒拼盤有雞軟骨、豬肉和牛肉豬肉半肥瘦，有少少肥膏，入口脂香滿溢牛肉鋪滿黑椒粒，辣辣地好正！❤️Matcha Latte 有心形拉花，好靚～😍❤️Bufferfly Soda 有片檸檬🍋，酸酸甜甜好開胃～呢間餐廳係pet-friendly餐廳，有戶外座位，歡迎有寵物的朋友帶同寵物一起進餐🍽️。

今日打算去同狗狗食個brunch ，去咗一間有outdoor area露台的cafe。經歷表示以往有客戶投訴，所以狗狗必須 1) 穿著尿片 ($18/塊) 2)不能放繩。 我哋亦有好好跟蹤以上指示。食物未到前，同狗狗係outdoor area 周圍行吓，經理走過嚟同我講，唔可以比周圍行。客人人多嘅時候會俾人投訴。我哋係outdoor area 行嘅時候亦都冇放過繩，又或者跑。以上嘅安排實在好無理，對有狗既人士嘅一群極不尊重。連最基本同隻狗周圍行吓都唔比用餐體驗不愉快。今日嗌咗兩道菜，全日早餐和卡邦尼意粉，味道正常，環境也舒適。但如要帶狗狗，不是一個dog friendly 之地。

唔會再去佢寫係寵物友善，但並唔係，首先狗狗落地就要用尿片，冇就要買$18/片，另外幾隻小狗係草地行，已經俾員工話狗狗唔好追逐，會影響客人，但想講果時冇客係出面，而且狗狗只係係度行，另外食物質素一般又貴，完全唔值，唔會再去

📍 GAVI｛觀塘｝餐廳設有室內同室外座位更加係一間寵物友善餐廳🍴日間嘅環境比較光夜間嘅環境比較浪漫🩷而且環境仲好寧靜！感覺好寬敞，店內都有好多不同嘅打卡位📸可以享受食物嘅同時，又可以享受環境嘅優雅🩵✨ 無花果鹅肝多士鵝肝嘅口感非常柔軟，細膩而豐滿，鵝肝融化係嘴裡，帶來絲絲嘅脂肪香味同奶油般嘅口感，好greasy，好邪惡👿 配上超級脆多士已經系無敵🩷✨ 蜜糖威香豬手配燒汁切件上枱，好細心🩷切好之後再俾客人食，方便客人進食，肉質好厚肉，外皮香脆，仲有熱辣辣甘食就最正，配埋蜜糖芥茉燒汁同酸菜食超夾，同時可以去除油膩感，令我食唔停口！✨ 松露野菌帶子意大利飯帶子大大隻，煎得好香🥠意大利飯用松露野菌汁黎燴 十分香濃濃稠度岩岩好 唔會好爛 而且飯粒硬度適中 有嚼勁🍚✨抹茶鮮奶熱辣辣，濃濃抹茶味、奶•好輕好滑冇添加任何糖份🍵✨菠蘿梳打新鮮菠蘿在加入梳打水，味道鮮甜且清新 🍍

農曆新年將至，相約至友吃西式團年飯。觀塘~我倆曾一齊工作嘅地方，今次揀咗叫Gavi的餐廳。從踏入餐廳的那一刻起，就被這裡浪漫的環境深深吸引。🌹 柔和的燈光、優雅的裝潢，讓人感覺彷彿置身於另一個國度。✨服務更是無可挑剔！👏 每一位服務員都面帶微笑，態度親切，細心周到地照顧我們的每一個需求。🍽️ 無論是推薦菜品還是解答疑問，他們都表現得非常專業。👍菜品方面😍 無花果刺肝多士口感豐富，煙三文魚班尼迪蛋配酸種麵包更是美味至極。🍣 蜜糖咸香豬手配燒汁的香氣撲鼻，白鱔串和日式樱花蝦炸豆腐也讓人回味無窮。🍖飲品方面熱焙茶鮮奶和柚子檸檬碟豆花抗打都非常清爽，完美搭配了整頓餐點。🍵總括來說，這是一次極致的用餐體驗，無論是環境、服務還是食物，都讓人感到無比💯 滿足，🎉 期待再次光臨！🥂

今日要開OT😓唯有同老細食個late lunch～觀塘海濱附近有啲新餐廳，呢間西餐廳令我非常有驚喜🥰👍🏻已經過咗食飯時間，所以包場咁滯～🤭地方非常寬敞😍服務員話原來呢度可以畀人包場搞function或者婚宴～出面仲有戶外場地，屬於pet friendly area，今日就有蘭花公司擺展覽～肚餓啦～都係叫嘢食先！🐚法式香草牛油薯蓉焗田螺：好耐冇食過田螺啦～佢啲田螺肉好大粒！啖啖肉！面頭嘅牛油香菇好香～薯蓉好軟滑～佢側邊嗰幾片麵包烘到脆卜卜，搽啲薯蓉一齊食，非常香口！🥰👍🏻日式櫻花蝦炸豆腐啲豆腐包咗一層櫻花蝦去炸脆脆地好香而且充滿櫻花蝦嘅鮮味仲有日式昆布汁感覺唔會太熱氣🍢佢呢度係日、法、泰fusion菜，仲有串燒食！！叫咗一串鹽燒牛舌同一串白鱔，兩串都燒得好靚😍火喉啱啱好！牛舌爽脆，白鱔皮脆肉嫩，非常juicy！松露野菌帶子意大利飯：嘩！啲帶子size非常大～煎得啱啱好🥰意大利飯充滿松露嘅香味，真正有rissoti嘅口感，外面煙韌，飯心有一點硬！醬汁唔會太濃，食曬成碟都唔會好膩！！飲品叫咗一杯椰青咖啡：面頭仲有啲金箔做點綴，非常高雅～焙茶鮮奶：茶味香濃，個拉花仲幾靚添！！呢度環境真係唔錯～

約左幾隻狗狗一齊去食飯，餐廳室外位置係pet friendly，好多主人帶埋狗狗黎食飯🐶戶外地面舖晒假草皮，感覺都好舒服，但就比較多怪風，d紙巾飛到周圍都係💨職員態度都好友善，好中意同狗仔玩✨軟殼蟹炒蛋配酸種麵包✨原隻炸軟殼蟹視覺上都幾震撼，有好多沙律菜墊底可以清一清油膩感，但係無dressing就寡左少少同比較乾✨牛油果糖心蛋沙律✨份量算幾大，沙律醬都好夠，羅馬生菜都夠新鮮，細食女仔當lunch食都夠飽✨Cappuccino, 熱帶水果綠茶✨正常發揮，係覺得杯綠茶太細杯

是次晚餐融合了燒烤、意式意粉以及創意飲品，菜式的多樣性令人耳目一新。雞翼串$38，簡單的鹽燒雞翼串，充分展現了食材的原汁原味。雞翼外皮燒得微焦，香氣撲鼻，口感外脆內嫩，肉汁豐富。鹽燒的調味恰到好處，既不過鹹又能帶出雞翼的鮮味。白鱔串$52，白鱔細嫩，脂肪分布均勻，燒製後保留咗自然嘅油香，魚皮微微脆口。蜜糖威香豬手配燒汁（原隻上）$258，豬手外皮燒得香脆，帶有蜜糖嘅甜香，內裡嘅肉質啖啖嫩滑，富有膠質感。墨魚汁鮮魷魚扁意粉$148，墨魚汁醬汁濃郁，鮮魷魚煮得剛剛好，保持咗彈牙嘅口感，與意粉非常搭配。無花果鵝肝多士（2件） $168，鵝肝煎得外脆內滑，香濃而入口即化，配上甜美嘅無花果醬，將鵝肝嘅濃郁同無花果嘅清甜融合得恰到好處。柚子檸檬碟豆花梳打（少冰） $42，呢杯梳打飲品清新解膩，柚子同檸檬嘅酸香帶出咗一種夏日嘅清爽感，碟豆花嘅天然色澤亦增加咗視覺美感。利寶納荔枝乳酸梳打$42，呢杯乳酸梳打帶有荔枝嘅果香，酸甜平衡得宜，氣泡感適中，飲完令人非常舒爽。

呢日收爐同事話要帶我哋去食好嘢，嚟到呢間西餐廳，有分室內同室外，環境寬敞優美，服務員好有禮貌，食物有質素，款款食物都可以打卡，仲好好味！一定會再幫襯。無花果鵝肝多士：無花果的甜美配埋肥美嘅鵝肝，口感上既豐富又細膩，多士的外酥內軟，令人食唔停口。香濃蟹肉龍蝦湯：蟹肉的鮮甜又多，龍蝦肉彈牙，成個湯龍蝦味濃郁好Rich，飲完個人暖哂。法式烤焗豬鞍配芥末籽汁：烤焗豬鞍個皮香脆，肉質juicy，搭配的芥末籽汁食，辣辣地，中和了豬肉嘅油膩，食落好開胃。松露野菌帶子意大利飯：啲帶子新鮮又大粒，食落彈牙又鮮甜，啲飯粒煮到啱啱好，個飯好creamy，再配埋芝士，食完好滿足。

我第一次去這家餐廳，亦因為他們說明是寵物友善，而我又有隻狗狗，所以才過去的。去到之後才發現很多限制及規則，已經是坐在室外，寵物也要戴上尿片，我預訂的時候也沒有通知我，這個我覺得還可以接受，但若寵物主人不記得帶的話，要收$18/1條，雖然那天經理給我免費一條，但若真是買的話，我就覺得實在太貴，加上他只有一個尺寸，我的寵物只是小型狗，根本穿上不久就掉下來.....跟着要限制寵物不可以落地玩，全程都一定要坐在椅子上，這個真的我覺得好有問題，標榜自己室外有1000尺的地方，卻不讓寵物活動，聲稱所謂寵物友善餐廳，連寵物放在地上活動也不可以，那你就不要說是寵物友善餐廳吧！食物質素我覺得算是正常，但也比別家餐廳貴，如果你們是因為寵物友善而打算去的話，就請三思，畢竟這家餐廳的位置也不是很方便，是觀塘和牛頭角地鐵站中間。寵物餐廳去過很多間，這間也算是對寵物最差待遇的。

當日同行4個朋友食中午叫左個（意式風乾芝士火腿拼盤）同其他菜式個拼盤最先上枱朋友一開始就有食，到中途我食到其中一款的時候食左一啖覺得怪怪地，再聞覺得臭臭地同行做廚師既朋友聞完都話臭而另一個朋友一早就食左一舊⋯同店員反映佢話唔收我地錢個拼盤但中途食左舊果個朋友開始柯進餐其間柯左兩次其後，朋友同我返到屋企都柯左幾次由於其他我地都有食都有埋單埋單果時都有同店員講佢地碟嘢真係壞咗我個朋友已經屙咗兩次⋯⋯處理食物不當，累死人

今日去咗觀塘海濱嗰邊見到有棟Two Harbour Square嗰度望落好多嘢食 上到去見到有間餐廳叫做Gavi 地方好大 仲有啲室外嘅地方見到有人帶咗寵物嚟 仲種咗好多植物望落去好舒服啊我地叫咗松露野菌湯好濃郁嘅松露同埋野菌味 超好飲香濃蟹肉龍蝦湯龍蝦湯係非常之濃嘅一路飲一路食到仲有好多蟹肉 性價比極高無花果鵝肝多士 （2件）多士上枱嗰陣時仲係熱辣辣嘅 配埋厚切鵝肝 好夾完全食唔到油膩感 配埋藍莓同埋士多啤梨 味道係平衡晒松露野菌帶子意大利飯Risotto份量都多 好鍾意濃味既朋友話最鍾意佢每一啖飯都食到松露汁既味 仲要好有咬口 帶子超大粒 好加分呀! 法式烤焗豬鞍配芥茉籽汁 （切件上）一上碟已經切好晒 岩晒我地懶人 豬鞍被烤得外表金黃 柔嫩多汁 超值得提既係芥茉籽汁 將豬鞍既味提晒出黎 一試難忘 柚子檸檬蝶豆花梳打蝶豆花係近呢幾年飲品嘅潮流 上面夢幻嘅紫色 再配埋清新嘅檸檬同柚子香味 同埋梳打 好清新啊紫薯咖啡平時就係飲開latte嘅我今次飲紫薯咖啡 一入口飲得出面頭嘅紫薯同咖啡融埋一齊 兩個嘅味都冇比對方搶咗啊 好特別 仲要拉埋花

經典美式啤酒炸魚薯條~炸魚非常大件，配上特製醬汁，更加令人欲罷不能，薯條亦都非常香脆，份量頗大。軟殼蟹炒蛋配酸種麵包~整隻軟殼蟹上枱，用料十足，用特製酸種麵包、蛋、生菜墊底，每一層嘅口感/口味都唔同，但又非常融洽，完全可以衝擊味蕾。鹽燒牛肋肉串~咬每一啖都係啖啖肉！肉質非常香嫩！火喉控制恰到好處！日式櫻花蝦炸豆腐~櫻花蝦包圍整件豆腐，形成外脆內軟嘅口感，用鰹魚汁浸泡著，更加可以激發出獨特嘅香味！熱焙茶鮮奶~茶味非常香濃，每一啖茶香都可以滲入到深深處 呢個食物質素、環境、服務同可帶寵物，呢個$528既價錢真心OK!

呢期好多人都去觀塘海濱，嗰度係人都覺得Chill啦但其實附近都有好多好有氣氛又好靚嘅餐廳，最近都幾鍾意去呢一間人氣西餐，地方夠大，裝修有好有心思，而家出面仲有新年花展，真係坐得好舒服，亦都好目不暇給1️⃣ 無花果鵝肝多士（2件）$168呢款小食超級推介，首先兩塊鵝肝都非常大件，特別欣賞佢煎鵝肝煎得好好，真正做到外脆內軟，食到好creamy嘅口感而調味方面，用咗無花果放喺面，有種清甜嘅香味，解膩之餘都非常清新當然鵝肝最好嘅朋友就係多士，香脆嘅多士加上鬆軟嘅鵝肝簡直係最佳拍檔！而擺盤都好有心思，有啲生果，仲有比較濃稠嘅黑醋醬可以蘸2️⃣ 法式香草牛油薯蓉焗田螺 $138另一款小食都好特別，首先田螺嘅份量都幾驚喜，冇諗過呢個價錢可以有咁多田螺，真係每一啖都可以食到，而牛油薯蓉不過不失，係好豐富嘅一個小食3️⃣ 蜜糖威香豬手配燒汁 $258呢款豬手真係要大推！簡直係我食過最好食嘅豬手，絕對冇誇張！首先豬手切開有好多件，而佢調味上唔算好鹹，外皮真係笑得好香脆，就算擺咗一陣都仍然係好脆，而肉質就保持到鮮嫩一啲都唔柴加上餐廳特調嘅燒汁，帶有濃濃嘅蜜糖香味，非常滋味佢另外有芥辣醬，唔算好辣，更能夠調出豬手嘅鹹香非