Fuzion Smoothie Cafe (已結業)

今日同老婆食tea，叫左個煙肉蛋三文治同埋朱古力奶。個煙肉蛋三文治完全可以講得上唔要得，舊煙肉鬼死咁"un"，咬都咬唔開，又冇味道，完全好似一件雪藏了很久的唔知咩肉一樣；塊麵包仲衰，都唔知係咪隔夜，焊底後已經不能再用力咬開，差唔多冇食過。杯朱古力奶都唔知似乜，唔識形容呀！冇下次！

前兩日經過見到好多人圍住間cafe，所以好奇排隊入去食野。我同兩個friend叫左一杯什莓味既、一杯芒果同一杯有rum酒既smoothies同埋個pizza、白汁意粉，仲有個蒜蓉包。杯莓味既smoothies少少酸，都幾好味。rum果杯好得，裡面有d提子乾，歛落去個質感都幾好得意，另一杯芒果就無試到喇。個pizza好正，但係細左d d lor，都唔係好夠喉。個意粉都ok，好濃芝士味。個蒜蓉包都唔錯，真係有好多蒜蓉同香草。服務都幾好，個個都好年青，好有活力咁。不過對我呢d學生黎都幾貴，但係係尖咀都差唔多o既。