Futago HK大阪燒肉 (已搬遷) 新店位置

銅記燒肉平價之選啊！間野開左我估都有半年多，一直都想試，但望個樣似係超級貴，所以一直都無去。咁我呢排想試試燒肉，就上網睇下邊到有，廢事去尼去去都係某角。原來呢間野都唔係貴，牛肉、雞肉都幾新鮮，d汁都幾入味，我地仲追加左牛舌，好正爆！我地燒得幾脆，所以好好味。大家想試燒肉可以試下呢間，位置係利園二期果頭，有少少唔方便。不過有d熱氣啊，我食完第二日就生暗瘡，唔知大家食完燒肉後會唔會飲返杯涼茶既呢？？？

從未試過日本燒肉，多番朋友推薦，今天下午休假，恰巧行經過此店，單獨勇闖...店子充滿日本風味，因為，從未食過，便詢問究竟，看看待應有什麼好介紹，擾讓一輪，結果，選定和牛set lunch ，＄188，滿有期待上菜時，是白飯一大碗，紫菜兩片，紫菜湯一小碗，沙律是粟米粒，生菜，蕃茄2個，2-3片生菜，大豆芽一小碗，兩小片甜糕，主角上時，看見只有8小小薄片，放在烤箱上，因為，沒有留意，原來火很猛，轉眼燒成炭，白白浪費了2片，其實，和牛燒肉味道鮮美，有肉汁，入口即溶，肥美甘香，但只有6小片，不夠飽，要求補單，sorry，原來已經截單了，望門興嘆呢，結果，要扒白飯填飽肚子...招呼普通！下次不會來了！

平時食開晚市，今日試下佢既午餐先。依間店既肉不嬲都好食，同我平時去日本食開既燒肉黎講佢跟得最貼切。雖然我無咩去過食d千幾二千蚊一餐既貴價牛燒肉，但論燒汁醃料黎講我覺得好好味。今餐午餐燒肉埋單每人180蚊左右，但本人認為晚市更抵，晚市單點兩人埋單700蚊左右，店鋪亦細心會附上圍巾，防止燒肉既油彈到客人既衫上面。食到最後仲會俾茶同乳酸飲用消滯，很貼心

路過好幾次都覺得好吸引，呢間日本🇯🇵燒肉店果然無失望，各種肉類有唔同級數嘅選擇，豬🐽牛🐮雞🐔唔同部位都好高質，仲有海鮮🦞🦐🐙、蔬菜🥬，飯麵壽司🍣等食物搭配，比起連鎖的更有誠意更有水準，雖然每款都係得幾片，但絕對是質量取勝，而餐後仲有一杯乳酪同粟米茶俾你解油解膩，十分窩心👍🏿。位於利園二期又可享泊車優惠，加上環境確實舒適寧靜，絕對能夠令你享受一餐豐富嘅晚餐，實在幸福又滿足🤡

先來說一下 Futago HK的情況，這裏是一家日式燒肉店，但這裏卻又同時混合了韓國的元素，所以也算是日韓混合 。「馬格利韓國糯米酒（1L）」，金銅色的酒煲加上兩個大碗，就跟我在RM上看到的情節有點相似，而拿着大碗喝米酒的影響是這1L喝了很久。這米酒的味道沒有很強的酒味，反而更多是糯米香味，酒精的量看來不多。「大得驚人牛小排」是石先生覺得到此必定要吃的菜式，而當中的主因來自其只有點這個才搭配上菜的特製Wasabi醬料，這Wasabi醬料也是碎料般端上來的，只要加一點點在牛肉上即可，其味道不會很嗆喉，也不會太猛壓到牛肉的味道，較桌上本來安排好的特製醬油更出色。

今天諗住和太太一起去大阪燒肉食燒烤午餐，因為之前每次都是夜晚食，覺得幾好食。所以特登想去品嚐一下午餐 。知道他們今天12點才開始營業，便12點鐘才致電他們，點知他們回覆午餐不設電話訂位，我們便問他們今天中午午膳幾點關門，幾點 last order? 接線生回覆我們今天三點關門，兩點半 last order。我們為了避免午膳高峰期，便2時08分到達店舖，點知服務員話今天 order 太多，已經不再接單和休息，眼見好多吉位，而唔比入座，你話掃唔掃興。所以，平時少寫評語嘅我，都要寫比大家知道！Last order 時間可以隨時改 !!!

呢間大阪燒肉同朋友食過幾次夜晚，如果係特別日子慶祝都幾適合夜晚去食，價錢相對地貴少少。今日我去咗食lunch，呢個非常值得推介。因為佢個lunch set只係百幾蚊，比點肉都靚。我哋叫咗三個lunch set，一個係特上牛肋肉，一個係和牛牛肋肉，仲有一個係燒肉御膳加肉大盛，再加一份牛舌。三個大人一個小朋友食剛剛好。三款肉來講，燒肉御膳點牛肉相對係無咁好食，但係佢其他豬頸肉，雞肉都唔錯。其他兩款牛肋肉同埋牛舌，都幾好味，食落口好軟，啲味都調得好好味，呢個價錢，咁ge水準，不妨試試。

銅鑼灣中午最抵食嘅日式燒肉 🔥 🔥 🥩 🥩, Futago 重新開張之後, 我每個星期午餐至少食一次、我每次點的都是”燒肉御膳- 肉大盛 ‘ , 味道好之餘分量亦很多, 真是物超所值, 最好係兩個人去食，因為個燒烤爐不大，多人去會燒好耐， 我會繼續支持💪🏻💪🏻💪🏻💪🏻😋

服務方面係一流既，會幫你燒，會有交流。環境都一流，坐得舒服，寬敞。個人喜歡鹽燒多過汁燒，唔會太濃味蓋過肉味。但係真係唔平，但一分錢 一分貨，值得一試，係唔會出錯既選擇。大大塊牛排一定要book!

一到冬天對燒肉就無法抵擋！香港人多數會揀現時流行嘅韓燒！但本人就對日式燒肉情有獨鍾！呢間燒肉正正符合本人口味！你粒本人覺得驚喜嘅唔止係牛扒好大塊，佢個味道更加鮮嫩，配埋新鮮醬汁真係十分之夾，完全唔得輸！一定會再黎！

以前這餐廳係一間細酒店地下，又係返工路上對面馬路，一直覺得吸引，但一直都冇幫襯。酒店拆咗，佢哋居然係我返工路上重新開店，真係要去一去。我懶，冇訂枱，午餐去到冇位，今次早D去，終於幫襯到這間燒肉店。有set揀，價錢適中，選擇多，三個同事都揀咗同一個set lunch. 有前菜，有嘢飲。想講下個主菜，牛肉。真的不錯，有圖為証，不過三份裏面，只有一份是全部牛肉片，我和另一同事的牛肉片有些是邊位，有筋同厚，差少少。整體OK，會再嚟。

This is one of the worst restaurant I have been to in HK. The ventilation is real bad, I smell like a cooked beef after I came out of the restaurant. Seating is so close to each other as if you are rubbing shoulders with customers next to you. Food is ok.

Futago 事隔兩月終於重開當然要去試食下。係佢地官網fb知道重開日子即時訂位。另外一題11月份新開優惠，晚市3人-4人訂位，可以送3杯drink+1前菜，或4杯drink(贈送前菜會另外有張memu6選1，唔係大memu果d呀）由於舊鋪都去食過4，5次，老婆同朋友就交比我發支板，一坐低當然即刻叫個半殺泡菜同椰菜食，另加一個贈送嘅葱絲前菜，同埋叫個牛舌同內臟盛，再加一早訂好嘅招牌牛小排，再點drink.䱷山安心坐低一路傾計一路食牛牛舌同內臟都保持到水準，反而今次牛小排肥皂位置太多，變左好少肉有d失望。之後再補個普通牛肋肉，反而普通已經有驚喜。最後，我地點點個冷麵同牛尾湯加飯作結，完成一餐豐富嘅晚餐（8:00又食又傾，攪到人地收工）。最後最後，由於餐廳沒有衛生間了，要去利園商場。而家無刷牙同瀨口水，呢方面有點失望

自從上一間分店結業之後一直期待幾時會重開，終於等到了！難得有人生日就直接訂位了。新張期內仲每人送一杯飲品或者一款前菜，所以我們三個都叫左杯酒精飲品。壽星大人同我都係牛精，所以叫左好多款唔同部位的牛。有部分牛會有專人幫忙燒，而且會問你想要幾成熟，可以個個唔同，配合大家口味。我自己最鐘意係牛胸腹同牛舌，壽星大人就鐘意牛柳同牛肋肉。另外大得驚人牛小排面積真係好大，可以一次過試到唔同的部位，不過塊牛其實好薄，冇想像中咁大滿足，但一試無妨，記得訂位時要留定。另外一本壺漬牛肋條都好特別，係壺入面有兩條牛肋條，份量十足！不過腌過的肉類同醬料都偏鹹同濃味，略為掩蓋左牛肉本身的味道，可以的話選鹽燒更能品嚐牛肉的味道。我們還要了蔬菜盤、海鮮盤同海膽玉子飯，都非常新鮮很好食。服務員的服務態度都非常好，上菜速度就因為受限於燒個爐每次燒得唔多野，所以一定會慢啲，適合慢慢食傾下計。

決定中午再訪大阪燒肉.因電話訂位已滿, 只能walk-in等位, 順利於10分鐘後入座.上次已嘗過「三點盛御膳」, 這次改點「韓式香蔥豬肉飯」($85，另加一服務費)，套餐包括韓式香蔥豬肉飯、湯、沙律、韓式野菜、泡菜和韓國紫菜.與上次一樣, 那碗飯看著雖然份量不大, 但是飯上蓋上6塊烤豬肉, 肉烤的很鮮嫩, 滿滿是肉汁, 配上粒粒飽滿分明的日本米飯, 實在非常美味!今天涼了點, 就點了一杯熱柚子蜜($5), 杯子小小的, 很切合日式風格, 滿是柚子香.整頓飯也吃的很愉快!