影片
以上资料只供参考，请与餐厅确认详情
上个星期趁天气好，谂住买啲甜点去野餐，一直听朋友讲满月啲布丁烧同蛋卷好味，见近近地去买黎试下😍店内有好几款味道拣，女店员推介我哋买芋泥味，我本来都好喜欢芋泥，当然要一试，味道果然好好，又唔会好甜，而且布丁烧好滑，十分不错，我地另外仲买左两件满月奶冻卷，蛋卷质地好绵密，cream好丝滑，推介海盐芝士朱古力味😇当日买紧中女店员问我地几耐先食，仲跟埋冰袋俾我地，好有礼貌同细心🥰希望大家都可以支持有诚意嘅小店
继续阅读
最近突然好想食布丁烧, 见满月咁多好评虽然地点唔太方便都特登去买, 但试完之后好怀疑到底系咪我既问题, 点解会咁多好评??首先布丁烧系我认知中应该系轻, 甜同湿润既, 呢个系我问题, 我唔应该拣芋泥味, 因为我一早睇相已经知佢冇焦糖, 但芋泥层本身已经糕状偏干, 再加埋蛋糕层吸干埋口水, 咁仲可唔可以叫布丁烧, 定应该叫芋头糕比较适合? 曾经听过一句说话系对甜品最高评价系唔甜, 我都唔钟意太甜既甜品, 但我觉得唔甜系要平衡, 而唔系夹硬减糖令甜品唔甜唯有将期望放系奶冻卷度, 奶冻卷蛋糕同cream都好味, 但因为中间旧奶冻令cream既份量少左, 结果蛋糕层再次吸干口水, 奶冻糕本身唔甜令整体甜度拉低左, 不过仲系可以接受范围, 食完2样嘢完全冇食甜品应有既满足感, 只得空虚.....不过如果想食唔甜既甜品既人系值得推荐既
继续阅读
上网见到呢间布丁烧几得意，就去买黎试下！睇中咗‘’黑芝麻布丁烧‘’，真系有惊喜！！😍😍布丁面已经见到好靓嘅thank you logo，最底会有一层好浓郁嘅黑芝麻，一啲都唔甜。中间有黑芝麻布丁，口感好似炖蛋咁，我好钟意食。上面就系好香蛋味嘅海绵蛋糕咁，我想讲！一定要match一齐食，好夹😋😋好味！食咗一个已经好饱🤭🤭😍 仲要整体唔系好甜👍🏻👍🏻值得推介😍😍 我估热食应该仲正🤤🤤 好有诚意好用心嘅布丁烧💜💜 店主仲好好人，小店经营。下次一定会再去试其他口味😋😋
继续阅读
闲时走进咗全新开张嘅FullMoon满月，一场味觉嘅盛宴就喺眼前展开咯！🍰🌕✨ 同朋友一齐拣咗几款佢哋嘅人气招牌，包括满月兔奶冻卷同埋原味布丁烧。第一个试嘅就系呢只兔兔，外层蛋卷嘅松软啖啖都饶有趣味，当中嗅到淡淡嘅芋泥香气，感觉正到爆炸！😋里面𠮶层牛奶冻嘅口感，冰滑得嚟又唔会过于甜腻，减少咗罪恶感。跟住品尝咗张靓靓嘅原味布丁烧，焦糖香扑鼻，软绵绵嘅布甸搭配芝士蛋糕嘅扎实，口感好有层次，简直系幸福嘅滋味。💖焙茶奶冻卷都毫不逊色，焙茶香味扑鼻，配上冰凉滑进喉咙嘅奶冻，哗，真系叹为观止嘅好滋味。食物卖相方面，每样产品都做得精致典雅，盒装得宜，真系令人眼前一亮，好适合送礼或者自己犒赏下。当中个个小巧思，似乎都说明瞓呢间店嘅每一款甜品，都充满咗心思同创意，真心推介俾大家！👍🏻🎉🌙
继续阅读
几年前佢啱啱开舖，我已经去帮衬。还记得当时服务态度超好。店员会细心问喺街度逗留几耐，会比足够嘅干冰（for奶冻卷）。又会热心推介好多啱我嘅产品俾我哋。𠮶阵真系觉得佢系一间好有heart嘅舖头。但之后唔知乜野原因，服务态度越嚟越唔好。问佢有乜推介就话款款都好。以前佢会主动问我要帮我将奶冻卷切开几多件（免费），而家我叫佢帮我切开，佢会同我讲要切开要加钱同埋话要跟返Standard去切件数。总之你会feel到佢唔想你问咁多嘢。干冰又唔会话主动提供。不过无可否认佢啲奶冻卷系好食既。所以我都间唔中会嚟帮衬吓。我今日第一次试咗佢个冻芋泥奶茶。芋泥好多。我饮之前有摇过樽奶茶。但系根本啲芋泥结实都唔可以松开同唔可以用粗饮管吸入口。斋讲奶茶，其道味道几好。只不过而家芋泥同埋奶茶，根本唔可以融合为一杯嘢饮。我希望佢嘅服务态度真系可以改善下。我唔想因为佢既服务态度差咗而唔再去帮衬佢好食嘅奶冻卷。我出呢个post纯粹想佢哋正视下. 我都好想佢生意兴隆，继续食到佢地既奶冻卷。
继续阅读
您可能会有兴趣的...