From Seed To Wish (已結業)

星期六休息日，返娘家九龍灣剪頭髮。剪完諗下食lunch時上網見到有人介紹淘大戲院隔離有間高質餐廳Cafe。我鍾意「超超」既生活一定會去試啦⋯⋯一入到去已經覺得比想像中交寧靜。自助式搵位落Order拎餐具。我覺得咁樣非常之好。因為享受人生有啲野係要自己親力親為。咁我scan QR code落Order。我一諗就會試下All Day Breakfast 啦⋯⋯份量足夠同個麵包好好味。仲有半個牛油果。最特別之處有個泰式肉碎。係All Day Breakfast 黎講比較新穎嘅菜式。大家行開淘大戲院附近又或者睇戲前都可以一試喔😋

週末做完劇烈運動就去附近搵嘢食 醫番個肚🫃🏻行過淘大戲院見到新Cafe開咗就入咗去Cafe通常都會有招牌全日早餐，我例牌諗都冇諗就叫咗🤣睇餐廳名已經覺得同植物有關喺香港呢個石屎森林入面 見到店內有唔少綠色植物佈置 有種份外怡人清新嘅感覺🌿🪴🌱 有啲盆栽重可以比客人直接買走慢慢欣賞添㗎上枱時見到呢份ADB嘅配搭幾特別 望番餐廳海報先知係 “FSTW 招牌泰式全日早餐”除咗炒滑蛋、炒菇、蕃茄仔、牛油果，呢個ADB重有 泰式生菜包(微微辣) 豬肉腸 健康嘅藜麥 同埋斑蘭多士！多士嘅斑蘭味本身都幾濃，重要烘得夠火喉，搽埋牛油，放入口 除咗好味，重帶有一絲絲嘅邪惡感😈我落咗單之後出咗去toilet返嚟時店員重好好人咁幫我拎埋餐具😍 唔洗我再行去自助區～ 所以我食完都自己拎番啲餐具去櫃檯比職員

地點係淘大戲院地下方便就腳上餐都幾快而且平得黎質素唔錯🥳想喺睇戲前食quick meal嘅話呢間係唔錯嘅選擇👍🏻***🥢香煎帶子龍蝦汁燴飯 $65好多地方嘅香煎帶子意大利飯/意粉話就話香煎但係似掂一掂鑊就起碟所以呢碟燴飯一上餐即刻覺得好驚喜😍煎帶子淨係睇賣相已經100分👏🏻味道帶鑊氣而且幾鮮甜燴飯濕度適中每一啖都帶綠色菜解左膩感👍🏻(知識貧乏唔知係咩蔬菜😂）***🥢香烤雞扒藜麥沙律配班蘭吐司 $62醬汁一大碟好吸引😂配沙律嘅雞扒黎講稍嫌濃味左啲😗不過斑蘭吐司好好食🤤吐司本身帶甜味好正😍***🥢香脆洋蔥圈 跟餐+$10 洋蔥味唔算好突出但係勝在夠熱又夠脆而且價錢得$10真係冇得輸🤭

今天飯後去淘大MCL戲院側的 "From Seed to Wish" Cafe ，先飲厨師推介的「玫瑰鮮奶咖啡」，濃郁咖啡伴隨玫瑰花香， 再吃特色「斑蘭花生醬西多士配MÖVENPICK® 雪糕」，西多士脆而不膩。想不到在大眾化的cafe可以吃到酒店級的美食，真是大滿足!

淘大商場戲院旁邊，有一間白色的Cafe，平時經過並不起眼，一不留神就會錯過。環境簡簡單單，乾淨企理，自帶一種休閒感。午餐的價錢不貴，相對飲品的選擇比較多。沙律細細碟，但好新鮮，配上橄欖醋，口感清新。野菌卡邦尼扁意粉 ＄58份量並不多，但味道濃郁，忌廉奶油香味足夠。喇沙海鮮扁意粉 ＄65咖喱味道濃郁，扁意粉口感並不會太淋，海鮮雖然份量不多，但這樣的價錢也算可以了。Cappuccino(L.)+$20，奶泡濃厚，咖啡味偏苦。價錢同質素成正比，味道也不錯，自助QR code落單，店員也不多，下次可以試吓晚餐。

淘大食店林立，不過呢類文青cafe 就冇乜，算係冇乜同類對手。店面裝修係純白文青風，座位唔算多，位置係戲院旁，是日喺午餐時間到訪，不過人客都唔太多。Shrimp Aglio E Olio Linguine香蒜欖油辣蝦扁意粉香蒜欖油好香口，蒜味都好出，有少少辣味，大蝦有4-5隻，蝦肉都係爽口彈牙嘅，唔錯。但個人口味覺得可以炒得再乾身少少，會更香，更有質感。整體來說，呢味意粉係唔錯。Grilled Chicken Salad with Pandan Toast烤雞藜麥沙律配斑蘭多士賣相出色，視覺效果未食已經覺得唔錯😂首先份量夠，一大塊雞扒配藜麥，大量沙律菜，雖然只係西生菜同蕃茄，不過好飽肚。配上兩片斑蘭多士，清新健康。

🥗沙律 (7/10)好爽口，有用橄欖油同埋醋汁！🍴野菌卡邦尼扁意粉 $58 (8/10)用咗扁意粉，材料有大啡菇洋蔥煙肉，洋蔥都真係幾多嘅，忌廉汁好香濃，有奶香又掛汁，$58都真係冇求其，真心好食😆☕️Cappuccino(L) +$20 (6/10)有得揀nutty，咖啡味唔濃，有香味，不過偏苦，麻麻哋！推薦指數: 8/10平日lunch真心$58可以食到咁高質嘅意粉！咖啡可能揀咗nutty，一般，可能凍飲好啲？

呢間cafe嘅價錢比較貼地，一個lunch set賣單$100有找，而且環境舒適，好多打卡位，可以喺嗰到好悠閒咁享受me time～ Laksa Seafood Linguine $65份量適中，而且好足料好多隻蝦！食嘅時候唔使驚太快食晒啲海鮮～扁意粉同洋蔥都好夾，而且都幾香喇沙味，好惹味！ Latte $46 (跟餐半價 $23)個拉花好eye-catching，打卡一流！而且可以揀nutty/fruity，我揀咗nutty，因為鍾意豆香味，味道不錯，好香醇！

裝修以簡潔白色🌱做主調座位唔多 但坐落都舒適以自助形式落單 可掃QR code菜式混合東南亞風味元素香煎魚柳配黃薑燴飯 ＄88魚柳煎得脆口 賣相似雞扒🤣，魚肉易散但嫩滑帶子輕煎表面 保持鮮嫩彈牙黃薑味重 味道鎖住飯粒 飯就比較濕潤啲 無太大咬口感卡邦尼意粉🍝 $80意粉軟硬適中 ，調味唔算好creamy少咸配埋流心溫泉蛋個醬汁啱啱好唔係平時食開個種濃郁油膩感煙三文魚式菠菜忌廉汁扁意粉🍝 $88濃郁嘅忌廉配上菠菜，清新口感煙三文魚擺盤花形 鮮味十足唔腥髒髒咖啡 ☕️配餐半價+$19Dirty與奶分明 咖啡甘味重啲😌整體食物質素唔錯 份量唔算大份價錢一般 fusion得黎唔肥膩～

好耐無去過啲文青風嘅cafe Hea下了～今次嚟到九龍灣嘅From Seed To Wish cafe，cafe喺淘大花園樓下，店內走純白簡約風格，配襯唔少綠色植物，成個環境好舒服✨見到店內有唔少主食及甜品提供。不過我係為咗佢個斑蘭西多嚟㗎～呢個斑蘭西多我只可以用豪華嚟形容👀皆因厚切嘅斑蘭西多入面係夾咗花生醬，而面頭除咗淋上大量朱古力醬同煉奶，再加多一球雲呢嗱味movenpick 雪糕！我鐘意將西多慢慢用刀叉切開一件件再浸落去啲雪糕汁到食💦再配多杯拉花Latte，就係10分滿足嘅下午茶！一邊食西多士一邊望住店內嘅植物，好療癒呢～

2023.03.09 lunch 竟然隔咗一日就再食😄冇計，食物ok又平又算好坐。加上前日想叫香煎帶子龍蝦汁燴飯，但揀揀下變咗賣晒🫣 今次一坐低，快快手落單，飲品都唔揀😂 我自己要咗香蒜欖油辣蝦扁意粉試吓。燴飯到先，唔錯喎，好香，女友食就叫咗出嚟，好味呀，有龍蝦汁味😋👍🏼 我當然即刻試啦，果然好味喎😃 帶子就少咗啲得兩粒，都煎香咗，都好味道。至於我個香蒜欖油辣蝦扁意粉就麻麻哋，冇乜味，反而啲蝦有精心調味煮過，好味喎。當然繼續會嚟，但就唔會再叫呢個😝

🍴FSTW牛油果煙三文魚班尼迪蛋 HKD108用左足足成個牛油果🤩荷蘭醬超多 加上流心水波蛋 口感濃郁 味道清新😋煙三文魚有兩大塊 味道偏鹹 但係配埋多士食就剛剛好🧐side dish有新鮮沙律菜配黑醋汁 食到膩就可以refresh吓🤣🍴松露薯條 HKD52薯條都幾大盤 炸到脆卜卜🔥黑松露醬同薯條真係絕配 見到一定會叫🥳最適合同朋友一邊傾計一到慢慢食🙈🍴Flat White HKD40有得選擇Nutty豆或者fruity豆 👧🏿就揀左Nutty豆🙈咖啡飲落順滑 帶有微微嘅焦香回甘☕️🍴Iced Mocha HKD52Mocha 雖然冇得自己揀豆 但出黎既味道都係比較平均👌🏻亦都唔會覺得酸味太重😆個人覺得朱古力味可以再多啲添🫣

2023.03.07 lunch三月開始，疫情似乎真係減退咗，會外出食飯嘅意欲都大咗，係公司做到悶悶不樂🫥 都想lunch 行開吓，搵啲美味啲嘅食物，等個人都開心翻啲😁 呢日去咗淘大，又嚟返呢間我倆都鐘意嘅餐廳，發現又轉左少少，仲平咗少少添，我倆都好開心，加$20仲可以揀手調咖啡，終於可以試吓呢度嘅咖啡😃 揀咗Cappuccino，好香好滑，好飲😌 食物平咗少少，係有少少唔同咗，但味道依一樣好味，我倆都係鐘意，又算坐得舒服，咁嘅價錢真係幾抵食，女友仲要話一星期可以嚟一次添😄 女友嘅carbonara，唔好意思，整亂左先記得影相，我哋唔鐘意食呢啲草，每次都要推開晒先食😝 好味道，對我哋嚟講，唔出溫泉蛋仲好，又平咗，又一樣好味，正😁👍🏼 我個白汁雞扒燴飯都好味，其實之前食過呢度嘅雞扒沙律，知道雞扒係ok，所以揀，果然好味😋 個飯都好味，好香😋

今日心情麻麻，好想飲杯靚咖啡Comfort 下。於是就黎左位於淘大戲院旁邊既文青Cafe。餐廳以簡潔設計，白色為主色調，配以綠悠悠既植物作點綴，令人放鬆心情。🍀🌿☘️星期一至五11:30-18pm 可以點午餐！抵食啲！😜🍝野菌卡邦尼意粉意粉口感硬度適中，醬汁味道剛好唔會稀了了，份量對女士黎講就剛好，如果男仕就可能會唔夠飽啊！☕️Coconut Milk Coffee🥥如果你喜愛植物奶，相信都會鍾意呢度既Coconut Milk Coffee，估佢係用椰醬沖，口感較杰，椰香清新，配搭咖啡味道香甜。

位於淘大mcl戲院內的cafe。這裏是用QR code 落單的，算是自助形式的cafe，水同埋餐具都係喺出面拎嘅。呢度嘅燈光好適合打卡。食物方面：🍝喇沙海鮮扁意粉 $95味道好淡🤔個汁好水，唔係好食到喇沙味，不符合期望。食真正嘅喇沙好過。🍞黑松露炒蛋班蘭多士 $78加$10有洋蔥圈個多士雖然係綠色嘅，但又冇乜班蘭味🤔因為個包搽左牛油，牛油味比班蘭味重。個蛋幾滑，黑松露醬都多👍🏻洋蔥圈正常🥛班蘭椰奶特飲 $52又係綠色但冇乜班蘭味(´･ω･`)椰奶味重啲，是一杯綠色的椰奶🍵抹茶拿鐵 $48抹茶味香濃，不錯👍🏻