Foodhall by Moon Thai

营业中

休息中

喺openrice見到食評唔錯，諗住放心一試，已提前預約，準備一家人提早去食母親節晚餐。 全員提早到達餐廳，同女侍應確認訂座，當時女侍應手上嘅訂座紀錄同女侍應開口打算安排我地入座嘅枱號都係同一個號碼，但突然有一位男侍應(或者係經理，因為之後所有最後決定女侍應都要請教於佢)衝出黎話安排第二張枱俾我地，我地一家人於是跟隨住安排去到佢新安排嘅座位。 但新安排嘅座位係對正兼貼近廚房，油煙，熱力迫人，又嘈吵，即刻同女侍應反映要求安排其他位置，女侍應都即刻來來回回想解決辦法，但最後都係嗰位男侍應行過黎，板起塊面只係一句話餐廳好full, 無得換位。 咁真係有趣，話餐廳full晒，但你地可以由當初一早安排好嘅A枱轉我地去B枱，而且睇返其他人嘅食評相片，本身係無佢地新安排嗰張枱，而我亦唔係臨時預約，點解男侍應口中嘅咁full(當時餐廳亦都只有大概40％滿)，而你又可以臨時轉到我地去其他枱呢？ 香港人出名靈活變通，但呢到嘅服務係會令人大開眼界，又或者佢根本唔稀罕小一枱客，唔憂做。原本滿心期待一家人開心試新餐廳，點知攪到一肚氣。嗰位男侍應(定唔知係咪經理)今時今日咁嘅服務態度，真係要好好檢討下

食物質素高。推介柚子沙律，五粒星泰式金邊粉，四粒半星燒豬頸肉，四粒半星炒通菜，四粒半星。五粒星最高。生菜包偏辣，唔可以食辣朋友建議小辣。環境舒適。總括嚟講，環境，食物質素，價錢比九龍城高。性價比高，會再到訪。

獲《米芝蓮港澳版》推介的泰式美食市集· Foodhall by Moon Thai牛頭角站一分鐘就到相當方便地方相當闊落 裝置好靚 座位坐得舒服😌👍🏻.✨牛肉船麵 $88船湯濃郁😍仲有陣胡椒香 牛肉軟腍 仲有啲通菜同炸至黃金香脆的炸豬皮好足料 食得好滿足😙.✨ 濕炒豬肉河 $122炒得好有鑊氣😍油潤河粉軟滑中帶點韌性 掛哂芡汁 入口濕潤豬肉片薄切嫩滑帶點鹹香 正👍🏻.✨烤香茅豬頸肉 $48豬頸肉厚薄適中 邊緣微焦脆口咬下去肉質彈牙又juicy 仲有陣香茅香🥰.✨ 蛋咖喱 配 雞肉 $158咖喱🍛湯汁融入金黃嘅的半熟蛋花 質地濃稠口感層次豐富 雞肉大塊嫩滑 用黎撈飯/配薄餅食一流😚.✨ 煎薄餅 $25食咖哩🍛一定要點薄餅沾點咖啡食真係好正😚完美😍

是日晚餐餐廳做緊母親節優惠，食夠$400以上就送一個心形芒果糯米飯 ， 賣相非常討喜，芒果飯以心形呈現，甜度適中，糯米飯香滑，配上鮮甜的芒果，非常有泰國風情。食物部分沙爹雞肉串燒 - $48沙爹醬非常濃郁，甜味偏重，雖然少了一點傳統沙爹醬的香料層次，但整體味道還算不錯，適合喜歡偏甜口味的朋友。冬陰功 - $48這碗冬陰功讓我印象深刻，口味偏酸甜，湯底濃郁開胃。與傳統偏辣的冬陰功不同，這款更適合不太能吃辣的人，但同時保留了泰國湯品的靈魂。泰式滷水豬手 - $168豬手的質感非常軟腍，肉質入口即化，滷汁帶有濃郁的香料味道。這道菜屬於fusion風格，有別於傳統泰式滷水豬手，算是一次新穎的嘗試，值得一試。蝦炒金邊粉 - $128金邊粉炒得乾身不油膩，蝦肉新鮮彈牙，整體味道中規中矩，但沒有特別驚喜，屬於穩妥的一道菜。---飲品部分青瓜蘋果Soda - $48這款飲品非常清新，青瓜和蘋果的香氣搭配得恰到好處，氣泡感剛剛好，是炎熱天氣下的解暑佳品。Sparkling Negroni - $68這款氣泡酒的口感偏苦澀，酒精的餘韻較強，適合喜歡苦味調酒的人，但可能不太適合偏愛甜口飲品的朋友。---整體

估唔到係牛頭角宏利大廈入面竟然隱藏着一個全港首個全泰菜主題嘅food court🦩 夏天濕濕熱熱食返啲泰菜就岩哂😙招牌和牛船麵食泰菜必點 船麵亦好反映個師傅手勢正唔正宗 呢個船麵份量都適中 唔係泰國嘅細碗🤣 湯底係好濃郁 飲得出係牛骨同無味精 泰式豬肉碎生菜包🥬豬肉碎同生菜都大大份 包極都仲有！豬肉碎炒得岩岩好 唔會過火過乾 仲食得出有肉汁柚子沙律🥗加大蝦🍤熱到無胃口就可以考慮呢個沙律 因為係滿滿柚子 食落好爽口開胃 再配埋大蝦非常爽口 沙嗲雞肉串燒沙嗲汁個配料調得幾好 口感偏甜 甜品就叫左班蘭椰汁千層糕班蘭味唔係話非常出 但係口感係好煙韌 甜度亦好適中餐廳用餐環境亦好優雅 唔似日常food court咁逼迫 枱與枱之間有一定距離 唔會有壓迫感 食完可以再慢慢傾下計

蛋咖喱炒皇帝虎蝦我地加左個薄餅😍 香脆既薄餅配上濃郁既咖喱，正虎蝦都好大隻，total 有4隻👍🏻 牛肉冬陰功金邊粉有得揀豬/牛/羊/和牛🤣（價錢會唔同）我地就揀左普通牛啦，份量都算多冬陰功香香辣辣咁，配上金邊粉，好惹味🤤 Tequila manhattan幾好飲😍 有tequila, sweet vermouth, lychee syrup, lime juice 荔枝味好出，又唔太甜，好易入口 泰式髒髒奶茶有個分層都幾特別😂飲落就係正常好飲既泰奶 .__. .__. .__.🐥🐥🐥.__. .__. .__. 環境：🐥🐥🐥🐥🐥/5服務態度：🐥🐥🐥🐥🐣/5食物質素：🐥🐥🐥🐥🐣/5 性價比：🐥🐥🐥🐥/5 回頭率：🐥🐥🐥🐥🐣/5

同事話呢度開左間泰國菜館-Foodhall by Moonthai，環境裝修夠清新，地方空間感十足，食物🥘質素唔錯，用餐舒服嘅地方，所以我哋就約埋一齊黎慢慢嘆下啦。馬拉盞炒通菜, 通菜新鮮爽脆，調味剛好，唔會過咸夠晒鑊氣，惹味又開胃呀。招牌和牛船湯金邊粉🍜，配菜有炸過既豬油渣，通菜&芽菜，牛肉脂肪比例平均，大片且牛味濃，有入口即溶感，仲有個湯底濃郁有微辣感，金邊粉軟淋亦掛湯。正宗滷水豬手飯，豬手炆煮得入味夠晒腍，仲有2隻滷水蛋，豬皮有彈性充滿骨膠原，唔錯啊！蛋咖喱牛肉，個汁甜甜地啱晒我哋口味，牛肉冇根有咬口，配菜豐富有洋蔥、青椒、芹菜，咖喱汁拌勻油飯很夾。沙嗲豬肉串燒，豬肉夠彈性，配合惹味濃郁的沙嗲醬，最啱配上啤酒🍻。

冬蔭功蝦局意粉意粉配料有車厘茄,海蝦,疏菜和冬陰功酱汁,海蝦新鮮夠大隻,入口爽彈鮮甜,意粉軟硬適中,每條意粉沾滿冬蔭功醬汁,酸酸辣辣好醒胃,飲品有熱檸水。牛肉漢堡•紅咖喱蛋黃醬配有焗薯,漢堡包餡料內有雜菜,蕃茄,生菜,紅咖哩蛋黃醬和牛肉漢堡,牛肉漢堡厚身有牛味,與紅咖哩蛋黃醬味道好夾,飲品有水果茶。泰式魚餅魚餅配有泰式酸辣醬,有生菜作伴碟,圓型的泰式魚餅厚身,啖啖鮮魚肉帶有鹹香味,再點埋泰式酸辣醬更美味可口。香蕉朱古力煎餅甜品香蕉朱古力煎餅有4件,煎餅香脆和軟腍香蕉都帶有香濃朱古力味。Foodhall by Moon Thai餐廳位於觀塘觀塘道348宏利廣場一樓,餐廳裝修族新時尚,設計以橙色為主調,落地大玻璃環境光猛,座位寬敞用餐環境舒適,餐廳主打泰國菜,服務員招呼熱誠有禮。

今日我和朋友來了牛頭角Foodhall by Moonthai吃泰國菜，人均二百多就可以吃上高質泰菜！而且味道亦非常好，真的太划算了！😍我們先叫了烤香茅豬頸肉（$48），肉質厚還非常脆口🤩把醬汁淋上味道更佳😋再來就是蟹肉炒飯（$118），裏面有非常多的蟹肉，而且非常新鮮🤩還炒得非常乾身，非常出色！我和朋友都爭着吃🤣還有蝦炒金邊粉（$128），有非常多的蝦肉而且金邊粉不油膩還非常爽口，也是出色的一道菜😍接下來的是沙嗲豬肉串燒（$48），醃得非常入味，醮上醬汁會更好吃😋接下來到甜品時間，我們叫了班蘭椰汁千層糕（$58），非常煙靭還甜而不膩🤩飲品我們就點了青檸梳打（$48）和迷迭香檸檬梳打（$48）非常清新，不會太甜非常健康😉再加上餐廳舒適寬敞的環境，還播放輕鬆音樂🥰吃起來真的非常歡愉😍

由泰王御用廚師主理，獲得多年米芝蓮推介，主打清一色泰廚團隊，可以食到泰國皇室風味，餐廳位置寬敞，好適合朋友聚會👍🏻🔵泰式魚餅魚餅好厚身，都幾彈牙同有少少辣，配埋泰式辣醬都幾好食👍🏻🔵烤香茅豬頸肉好香口，肉質嫩滑，配埋泰式醬汁好惹味😍🔵豬肉碎生菜包炒到好香好乾身，酸酸辣辣都好開胃，配埋生菜一齊食，非常清新🫶🏻🔵乾炒雞肉河炒到好乾身，好有火候，雞肉保持到嫩滑，唔算太乾身，大推🫶🏻🔵香蕉朱古力煎餅煎餅好香脆，夾住新鮮香蕉配埋朱古力醬同煉奶，食到停唔到口😋

牛頭角地鐵站步行1分鐘宏利廣場就到環境闊落舒適 收工同朋友嚟食飯傾計可以坐得舒舒服服🤍蛋咖喱炒皇帝虎蝦🦐聽店員介紹必點 真係無令人失望 咖哩甜甜辣辣 味道好濃郁 配埋薄餅係絕配 隻虎蝦仲要爆膏😋招牌和牛船麵🍜肉質好好既和牛 又唔會太靭 仲有成五六塊 每塊都大大塊 湯底好濃郁 同喺泰國食既風味係一樣～🇹🇭烤香茅豬頸肉🐷都係店員推介必點 大大份 烤到外脆內軟 配埋泰式辣汁 味道好正宗😋烤原隻魷魚🦑肉質彈牙 燒得岩岩好 有輕微既煙熏味😋泰式豬肉碎生菜包🥬豬肉好juicy 味道唔會太辣 好香香茅味 配埋生菜食一流👍🏻香蕉朱古力煎餅🥞同喺泰國食既一樣 香蕉再配朱古力醬😋 再加煎餅松軟😋晚飯後必點！

以前公司樓下間泰國餐廳午市特別旺，入面有三個攤檔，各自賣唔同嘢，當中有一檔係即炒專區，香味四溢，炒鑊聲此起彼落，成個午餐區都充滿泰式風味。我最鍾意就係佢哋嘅菠蘿炒飯，每次都忍唔住嗌。炒飯粒粒分明，唔油膩，炒得好乾身。入面有菠蘿粒、蛋、蔬菜同蝦仁，食落甜甜地，充滿果香，口感豐富又開胃，好啱夏天食。成個炒飯味道平衡得好好，唔會太鹹又唔會太清，令人食完有滿足感。等餐時間雖然係即炒，但效率好高，唔使等好耐就有得食。通常我都同同事一齊坐低，邊等邊傾計，吹吓水，講吓早上啲工作煩事，氣氛好輕鬆。呢個菠蘿炒飯唔單止係一餐飯，仲係我哋每日午飯時間嘅小確幸。雖然依家唔喺嗰度返工，但每次諗起都覺得好懷念。

以前公司樓下有間泰國餐廳，專賣午市快餐，入面有三個攤檔，各自賣唔同款式嘅泰式料理。中午時間好多人嚟幫襯，氣氛熱鬧。我最鍾意其中一款黃咖喱漢堡包，入面夾住咩菇，雖然唔記得確實名稱，但味道一直記得。咖喱汁香濃又帶少少辣，啱晒中午想開胃又唔想太重口味嘅人。套餐仲有跟焗薯批，外層金黃香脆，唔係油炸，食落少啲負擔，配埋漢堡包一齊食夠晒滿足。餐廳設有開放式廚房，煮嘢時煙比較多，成間舖都充滿香料味，有啲大煙，但亦都增添咗一種街頭風味。座位空間闊落，坐得舒適，唔會覺得逼。可惜而家唔喺嗰度返工，偶爾都會懷念返嗰個黃咖喱香氣滿滿嘅午餐時光。

估唔到係牛頭角會有間連續五年獲《米芝蓮港澳版》推介泰式美食市集😍餐廳好闊落，好啱一大班人聚餐沙嘇豬肉串燒 $48一客一共有4串，豬肉肉質嫩滑—d都唔會乾同柴（加埋沙慘醬汁再令成個調味昇華烤香茅豬頸肉 $48呢個有成大碟豬頸肉好抵食，勁香柴火味，外層烤到脆脆地，但係可以鎖住肉汁，裏面好嫩滑，做到外脆內軟，配埋泰式酸辣汁一流，呢個大推蝦炒金邊粉 ＄128金邊粉同出面嗰啲唔同特別煙靱，啲蝦好爽彈牙，調味唔會好似出邊有啲金邊粉咁成浸蕃茄膏味，同埋好足料加埋芽菜蛋碎豆腐乾，兩個人分都覺得好多蛋咖喱配牛肉$188+薄餅 $25咖喱完全唔會辣，好啱我呢啲唔識食辣嘅人，牛肉嫩滑，加埋啲滑蛋洋蔥三色椒好滿足，薄餅唔會太厚煎到好脆，點埋啲咖喱真係絕配斑斕椰汁千層糕 ＄58斑斕味同椰汁味都好濃，帶有少少鹹味，完全唔會膩，一啖一啖停唔到落嚟，一嘢就K.O.咗兩舊泰式茶湯力 $38泰式茶茶味濃郁，加埋tonic既甜味，中和返茶嘅澀味，呢個搭配既特別Overall: 9.5/10

Foodhall by Moon Thai(香港)地址: 香港觀塘觀塘道348號宏利廣場1樓101號舖出開kwun tong 做facial 都會去附近搵地方食野，試下一些未去過架餐廳，呢間泰國菜超推薦，菜品item 多，味道好$78 雞肉冬陰公船麵，個冬陰公酸酸辣辣，飲落開胃，仲有$48 satay 雞肉串，有4串好抵食！$168 泰式滷水豬手，qq 軟腍豬皮上色吸曬滷水味，仲有滷蛋，點個醬更惹味$88 馬拉盞炒芥蘭好香，芥蘭纖維足十分之爽口。$25 煎薄餅$88 芒果糯米飯，甜品呀，富芒果香，糯米黏黏有椰奶香。呢間拎過米芝蓮推介，堅好食要再來encore