Focaccino (已結業)

昨晚同兩個舊同學黎呢度食晚飯..見佢人唔係咁多，以為唔好食.點知有意外驚喜喎煙三文魚凱撒沙律--好味好大份火腿pizza--好味..不過上面d菜唔好食雞肉意粉--好味不過好細碟不過呢度竟然唔serve水！仲叫左三杯野飲..我個杯都ok埋單每人都係88元..唔太貴喎

約左好友D shopping, 路過此間cafe, 有好多人tea, 想必屬佳品, 於是決定試一試.要了一杯cafe latte 同一份三文治share. latte 適合我, 有cofee味, 又有奶味, 最重要係唔甜.三文治內裡有tomato, cheese 同ham, 材料新鮮, 夠大份, 但畸嫌包烘得太脆. 但以價錢來說, 都算超值.仲有, 呢間店其實都幾細, 枱與枱嘅空間感不夠, 但總體氣氛不錯. 有機會一定會再試其他食物.

等人，見未夠鐘，亦想打個電話打發時間，於是找到這間食意大利野的餐\廳坐著等。環境唔錯，見侍應在忙著沖咖啡，幾鍾意呢款開揚的設計，叫了杯espresso，邊等邊傾，飲慣濃郁的味道，加上未訓醒的狀態，呢杯「叫苦連天」的espresso正好將靈魂招返來，電話中，得知友人順風順水，希望下一水會有時間帶些戰利品回來啦。

昨日下晝跟女友一起放假辦點私務，攪掂後都只係大約四點左右，行過美麗華，女友話不如坐低飲杯嘢，心諗好似未嚟過呢度，就順步就過嚟。呢間鋪打正旗號叫Focaccino，當然主打就係賣意大利嘅pizza始祖foccacia包la...正字意大利咖啡亦係賣點之一。唔想食太飽，於是叫咗一個seafood foccacia，自己order一杯double expresso，女友唔太鐘意飲咖啡，就叫咗熱朱古力加cream。Foccacia屬OK之作，包夠厚身，嗰底焗得微焦而且脆卜卜，咬口十足；包上嘅餡料有小魷魚、蝦及小青口，份量不算足，味道普通，不及包本身吸引；芝士焗得比較硬身，無嗰種半溶嘅感覺，差少少...杯expresso夠香且濃，甘味十足，我要加差唔多兩大包黃糖先至中和到D味道；Hot chocolate亦相當不俗--- 不太甜，好香朱古力味，加埋D cream令杯嘢更滑更易入喉，上佳之作。慢食慢飲，傾吓偈，說說笑，一樂也..^_^

隔一個星期又翻炒黎食早餐, 今次試左朱古力牛角包, 同坊間o既朱古力牛角包唔同, 佢係用朱古力吉士, 好鬼好味呀! 仲正過原味吉士餡! 但係兩次黎到都得一兩檯客, 反而隔離o既starbucks就有好多遊客, 睇黎佢需要多d宣傳!

變回自由身後, 以後周末周日就可以四圍逛街啦! 上周日瘋狂shopping前先到美麗華, 新開o既米蘭cafe focaccino食早餐. 同同伴一式一樣, 要左大cap同坊間較少見o既吉士croissant. croissant脆口唔油, 內餡o既吉士唔甜但好滑, 有水準!可惜唔係開o係灣仔, 否則會經常幫趁!p.s.據悉此店所有o既麵包包括三文治用o既foccacia都係自家製