Fatt's Place (已結業)

食完飯想搵個地方坐低飲杯野, 順便切蛋糕慶生去到赫德道好多都係好嘈,播緊DISCO歌既BAR印象中記得有間成地花生殼既係附近, 果然行左陣就搵到呢間野門面雖然好UP DUP, 仲成地花生殼但換個角度睇, 都係一種特色黎入到去, 冷氣都幾涼, 冇卡位冇乜特別位, 四個人就隨便搵個地方坐見到餐牌都幾SHOCKED平時星期六日係旺角飲一杯COCKTAIL, 加埋一都要8,90蚊今次見到佢一杯都係40幾蚊叫完野飲之後就叫佢幫我地切蛋糕, 餅費承惠50蚊但佢突然問我個蛋糕FOR邊個, 叫咩名, 我咪照講本來以為佢有想插個牌仔係個蛋糕度啦點知過左陣, 老闆娘同幾個伙記一齊唱住生日歌, 擺低個點左蠟燭既蛋糕比我地講真, 50蚊切餅費, 只係FOR佢地既SERVICE額外有咁既人情味, 係而家既香港, 真係唔係咁易體會到了飲野方面, 我覺得都好抵飲,生啤就一定唔會唔夠味啦COCKTAIL方面都算幾足料, 仲每杯都有粒CHERRY 唔似得太子旺角有D BAR, 根本飲唔到酒味埋單先$183, 4杯野飲, 一兜花生扣左$50餅費, 每人先30幾蚊我懷疑有冇計錯總之真係好抵啦!!

本年黎過呢度不下5次.....  得閒路過就會入黎坐下..超級推介.........  呢個RIBS有分FULL SIZE 同HALF SIZE(半份),呢個係FULL , FULL SIZE有一碗仔薯條跟....... $240但落單時冇人記得有薯條跟, 仲叫左個CHEESE FRIES (芝士薯條)$60,呢度D 女Waiter 竟然唔出聲, 到黎左又唔畀退/換, 真係嬲嬲地! 呢個場有半數人飲 Hoegaarden, 我們1人1杯, $65花生任食, 呢度食花生有特色, 就係花生殼扔地下, 扔花生殼落地下個手感一流....... 有人叫左個唔知乜 pizza............同行人致認同, 初頭幾片幾好吃, 但再吃幾片就覺得唔好味可能香港人食慣左PIZZA HUT個種PIZZA,食唔慣呢種外國人口味PIZZA卦..

平時來這裡只會叫啤酒，但這次有點餓，所以叫了點小食數年前認識了nachos這種食物，以炸脆片點上不同的醬汁，在bar叫這食物需要一點運氣，因為未必會好吃的而這裡的nachos可以說是「交足功課」，濃郁芝士遍佈脆片上，十分惹味，令人不自覺地拿完一塊又一塊（很危險呢XD）唯一不足就是芝士令脆片沾在一起，很難一塊一塊地拿來吃到另一小食了，這個炸魚柳沒什驚喜，反而我很喜歡那個白色的蛋黃醬另外叫了hoegaarden，通常想不到叫什麼就會要這個這地方還有無限花生供應，殼可以掉到地上

一大班朋友..搵間酒吧坐下飲下野花生..係源源不盡..食完d花生殼仲可以掉落地下同cwb既inn side out一樣happy hour一杯hoegardden都唔算太貴反而食物真係好好味pepperoni pizza..好好味..又簿又脆!!nachoa..ok架好多芝士.紅椒,綠椒...點埋d汁黎食唔錯!ribs..最正..好大份量!!仲有薯條跟埋..薯條點sourse又係好好味!good!!

師傅呢期好興閒時約下好友食家"乜都放入窿"飲杯啤酒, 吹下水食下花生, 而呢間食店正係近期常去, 撞啱嗰日師傅野都未食, 於是乎索性邊飲邊食; 柯打左杯啤酒後, 師傅就慢慢睇下有咩好食!究竟揀樣佐酒食品, 還是揀份飽肚食品呢? 諗左一陣師傅決定揀樣佐酒兼飽肚嘅食品, 就係炸魚柳拼炸薯條喇! 落單後就同好友食家"乜都放入窿"繼續吹水, 一息間炸魚柳拼炸薯條就登場!呢個炸魚柳拼炸薯條賣相非常之靚, 三條魚柳好似成條大手指咁, 又粗又長好吸引, 於是師傅第一時間開餐, 先試下炸魚柳, 魚柳炸得好香好脆, 熱辣辣仲一d都唔油, 而魚柳肉身鬆軟, 絕對食唔到任何雪種味, 再點少少沙律醬, 真係好醒晨; 而炸薯條嘅薯條夠粗身, 加上好有薯仔味, 作為佐酒食物真係不錯!總括黎講食物水準不錯, 服務友善, 環境相當舒服, 食下野傾下計真係唔錯, 而且價錢唔貴, 一人一杯啤酒再加一份食物, 野單每人都唔使一舊, 絕對抵玩; 師傅一定會再黎, 能夠同好友食家"乜都放入窿"食下花生飲下酒, 著實暢快; 如果有可能的話一定會再試埋其他野食, 笑臉一定會比!

比賽完畢，因同日是北倫敦打吡，本季都沒有怎看過愛隊的比賽，所以直踩落尖沙咀酒吧觀看直播。選址這裡，是因為她有多款樽裝啤選擇。是夜便點了 victoria bitter 的生啤、holy grial 樽裝啤、hoegardden，另再 order 了roasted chicken burger。victoria bitter 這款澳洲啤，第一次喺雙城吧試飲時覺得不錯，淡淡地，但今次卻完全覺得係有氣o既水，holy grial 依然不俗，以英倫樽裝啤來說，暫時覺得這隻較出色。食物方面，塊烤雞烤得極為出色，雞肉鮮嫰有雞味，配上新鮮清甜的生菜和蕃茄同吃，非常美味，另伴碟大份薯條，一個主菜足夠兩人 share。

香港雖然有好多酒吧也有不少樽裝啤，但因為每次落吧也主觀性點了生啤，所以未認真地試試樽裝啤世界。別過德國吧，來了這間上之與友人暢飲的地方。看勻了餐牌，最後點了一款 ESC CHAMPION 的英國啤和一款 GRIMBERGEN 的比利時啤。兩款麥味都好濃，但後者更醇更苦澀，相當不錯。這裡滿地大堆花生殼依然如是，邊飲邊剝花生邊談天說地，完全係壓力大解放。

友人星期日要離開了，答應昨晚再跟他出來飲過，是夜一行 6 人，選了這間與 hong kong brew 屬同一集團的酒吧，他們早於 7 時許到達，我由於夜放的關係，差不多 9 時 30 才到。因此店生啤選擇不多，所以先要了一杯名 bay breeze 的 cocktail，成份有 vodka、cranberry juice 和 pineapple juice，飲了一啖，真係每種成份都獨立嚐出，又多冰，總括來說就是味淡；一杯過後，再沒信心要 cocktail，改要樽裝啤，分別是 blacksheep 和 holy grail，兩款都來自英國；前者入口較苦，而且好嚡，泡沫又不幼細；反而後者味道苦得來較順喉，不錯。這裡的氣氛極好，感覺開揚，隨地花生殼夠 free，是三五知己暢飲的好地方。

同inn side out一個集團, 又係bar又有食, 細細間, 成地花生殼.burger, 叫burger, 有blue cheese and onion. blue cheese配牛, 都係第一次試. 自己好鍾意blue cheese 種羶味, 配埋塊厚厚漢堡扒, 好滿足. 不過塊牛就煎得過火, 肉質"鞋". 而包皮就烘得唔係太脆, 真係有少少失望. 好彩, 有洋蔥圈同薯條伴碟, 好正.另外叫多焗薯皮, 薯皮好薄好脆, 上面滿佈煙肉粒, 好香口. 加埋d花生啤酒, 都係一個幾好happy hour 地方.feel good but the food could be better.

The shop has been opened for less than a year, around half year maybe. I like their style and the food is great too. My first visit was just a pop-in by chance, they serve a great variety of beer ad provide free peanuts, you can drop the shells onto the floor! and in happy hour a pint of hoeaagarden only costs around $30!In the later visit I tried their burger, each cost $78 with fries and onion ring side dish. The burger is a bit small to me, but with the fries that is absolutely enough for a g