Espresso Alchemy (美麗華廣場1期)

营业中

休息中

環境賣相很好的Espresso Alchemy 
美麗華附近好嘅餐廳唔多，想搵個地方 Tea Time 食啲好少少嘅嘢，又坐得舒舒服服，同人傾下計，要chill 嘅謝口Espresso Alchemy 都不失為一個好選擇！

環境唔錯，開放式，但因為係地下一層，人流唔算好多，但就幾舒服，有一種open space 飲杯嘢嘅感覺。
咖啡叫咗 Long Black ，好飲唔錯，Blend 豆黎，如果想飲 SOE (單品Espresso）就可以揀飲 Americano。主要其實都係隻杯好靚，佢地間餐廳個logo 都幾靚！主食就叫咗個 蟹肉茴香意粉，蟹肉好足料，serve 上黎亦都好靚！意粉軟硬度都好適中。埋尾都食咗個 Keto Tiramisu Roll Cake 生酮意式芝士卷 唔係超甜嗰種，同咖啡好夾，食落都冇罪疚感。整體黎講，好岩用黎食嘢，同人傾計，坐底舒舒服服。

自己一個去美麗華食brunch🍽之前食過意粉同沙律今次終於有機會試吓The alchemy all day breakfast分量都幾多，最鍾意食炒蘑菇同焦糖香蕉🤭想試佢哋嘅Keto蛋糕好耐今次試咗Keto peanut choco roll cake花生醬味非常香濃，Keto令蛋糕質感更輕盈清新食晒成個都唔會覺得膩，完全冇飽滯感冇負擔地食甜品，好好食一定要試吓👍🏻好鍾意飲佢哋嘅Milk chocolate 🍫

美麗華嘅隱世咖啡店，環境寧靜舒適，係個慢慢享受早餐嘅好地方☀️早餐選擇大致有all day 🍳 多士🍞意大利三文治panini 🥙附送大杯裝咖啡星期一至五早餐供應至11:30，可以當係early lunch，good good✔️🎈檸檬汁烤雞煙肉芝士意大利三文治熱壓Panini上枱時依然熱烘，口感鬆軟中帶點煙韌🥙簡單以雞肉、蕃茄、芝士做餡料，嫩滑雞肉加上芝士奶香同檸檬清香，層次豐富🎈法式西多士配自家製味噌焦糖醬將甜度拿捏得恰到好處嘅甜品，多士外酥內軟，上面加上焦糖醬同砂糖，味道香甜得嚟唔會膩，比一般法式西多士更輕盈好味🍞🎈Americano咖啡帶點點油脂，口感順滑之餘，同時享受到咖啡嘅香濃

📍Espresso Alchemy 尖沙咀美麗華店📍喺尖沙咀行街，行到攰，同朋友搵個地方坐低食個tea，飲杯咖啡。喺美麗華商場地下一層有呢一間coffee shop，環境幾開揚，Chill，於是就入去坐吓。開心喺呢度係免加一的❤️！☀️Americano $39呢度果然係出名飲咖啡！呢杯Americano唔算好深培，微苦，但有微微果香，好飲😀。☀️法式西多士配自家製味噌焦糖醬 $63好好食嘅西多士，香濃嘅牛油，配上表面有砂糖粒，同埋焦糖醬，口感鬆軟，同時有唔同層次嘅口感和味道，大腿呢個甜品。☀️香蒜忌廉烤雞腿配焗薯塊 $97嫩滑嘅雞腿肉，配上精心調製嘅香蒜忌廉醬，美味😋。焗薯都好食🤤！鍾意呢度嘅環境，食物質素高，咖啡又好飲！行街攰就可以嚟Chill Chill😋。

最鍾意行到邊食到邊，呢個商場行街好舒服，去到B1樓層，見到cafe就坐低，地方寬敞又開揚。All Day Breakfast～美麗華全日早餐得呢間分店有，有我最鍾意嘅巴拿馬火腿夾蜜瓜🍈，蜜瓜很軟滑，和火腿嘅鹹香好夾，牛角包都係即熱，入口脆卜卜。另外配料仲有烤蕃茄、炒菇、炒蛋、羅馬生菜、脆薯餅，最令人驚喜係烤香蕉，加上一層脆卜卜焦糖，香甜軟滑度升呢😍。Carbonara厚切煙肉卡邦尼意粉～煙肉粒達1cm厚，醬汁奶香和忌廉味平衡得很好，每條意粉都很上汁，很高質。

今日同老公去產檢，睇完之後岩岩好lunch time，就係附近搵間cafe食野，行左過去美麗華地庫見到有間Espresso Alchemy，就入去食個簡單lunch💕呢度係收銀order完就會有店員送上食物，舒服坐低等食就ok👍🤓Iced Milk Chocolate 凍鮮奶巧克力朱古力味香濃，牛奶味亦都突出，飲落口感滑溜，叫咗少甜，飲落唔會太甜岩岩好Lemon Juice Marinated Chicken with Bacon and Mozzarella Cheese Panini 檸檬汁烤雞煙肉芝士意大利三文治平時我好鐘意食Panini，烤過既麵包暖笠笠，質感煙韌，內餡係芝士包住晒煙肉同雞肉，煙肉令成個味道好提升，食落口感豐富，有啖啖肉既感覺😋Pesto Chicken Penne in Pesto Cream Sauce青醬雞肉忌廉長通粉青醬忌廉汁夠晒creamy，意粉好掛汁，食落微微有青醬既清新，而雞肉係用左雞胸部分，肉質非常軟淋，一啲都唔嚡，同長通粉好夾😋整體調味唔會太鹹，感覺輕盈清新😋Keto Peanut Butter Dark Chocolate Roll Cake

尖沙咀想搵個地方飲野輕鬆下同朋友去咗美麗華呢間Cafe除咗多款咖啡之外．仲有主食同甜品搵個座位落單後店員送餐效率好高✨香煎虎蝦配露筍辣蕃茄汁意粉原隻虎蝦大隻爽口配上帶點微辣嘅蕃茄汁即叫即製熱辣辣✨檸檬汁烤雞煙肉芝士意大利三文治烘烤過嘅三文治夾著啖啖肉嘅炸雞．煙肉．芝士足料有份量✨生酮宇治抺茶忌廉卷愛甜又怕肥．一定要試生酮忌廉卷啖啖都充滿香濃抺茶味道✨伯爵茶鮮奶巧克力濃郁嘅朱古力滲出啖啖伯爵茶味道甜而不膩

收工嚟到尖沙咀，今日又唔係好想食打邊爐，想chill chill地食吓西餐，所以今日就過咗嚟美麗華espresso alchemy！呢度食物選擇都好好多，都唔會覺得好Heavy！咁今次我哋就揀咗青醬雞肉意粉！味道都幾好，大大碟，又唔會太鹹，雞肉份量都唔錯，男人食都會夠飽！另外我都再叫咗個青醬雞肉三文治，佢個麵包唔係普通麵包，食落脆邊香口，又有蕃茄片襯托，食落幾fresh!幾健康!之後我哋再叫咗個生酮花生醬蛋糕，比健身或者減肥人士！唔會有太多糖！最後我仲叫咗杯朱古力，每次過嚟飲呢度嘅朱古力都覺得好濃好滑，好快就飲晒一杯，下次要叫大杯啲先得！同埋呢度坐得都幾舒服，啲職員態度都好好，好值得推介大家嚟輕鬆吓！

去完尖沙咀客戶處，剛好趕上早餐時段，坐低慢慢享受我的早餐。可選款式不少，全日早餐，三文治，牛角包…..， 包飲品一杯。呢間咖啡店位於美麗華商場底層，環境不錯。牛油果，蕃茄，芝士 Panini外層烤得脆脆。饀料非常豐富，滿滿的，絕不吝嗇。Cappuccino 呢間咖啡店嘅咖啡我是必飲的，永遠保持到水準。奶泡堅廷，味道濃厚，入口幼滑。生酮花生醬黑巧克力忌亷卷花生醬味道好出，香濃。雖然有朱古力，但又不會太甜膩，好味。

cafe位於商場B1層，環境明亮而舒適，給人一種愉悅感！蜜糖青檸梳打青檸味酸甜，氣泡感輕盈而爽口，帶著淡淡青檸香氣，入口清爽，唔夠蜜糖都可以refill！厚切意大利煙肉配卡邦尼意粉厚實煙肉切片，有鹹香，肉香濃郁，煙燻味道醇厚，意粉很上醬汁，奶味濃郁，口感滑順。全日早餐炒蛋蓬鬆柔軟，搭配著滑滑嘅牛油果醬多士，美觀又健康。煙肉和豬肉腸烤得焦脆，多汁感令人滿足，還有炸薯餅、烤蘑菇和烤番茄，更加入份量充足嘅沙律菜，配搭清新，十分豐盛！

looking for a place to hang out, this is my go to place. It is convenient and easy to get to. Tried earl grey chocolate,with almond milk. The chocolate flavor is strong, with a hint of earl grey, quite special. For the main course, I ordered crab spaghetti, spaghetti was bouncy and chewy, it is the texture I like. The portion of crab was decent, it is so flavourful, I like the condiment and the crab. For the dessert, I ordered french toasts, it is pretty big, I shared it with my friend. It came

見openrice comment唔錯就諗住佢試下啦 咁我地就叫咗兩杯野飲加兩碟意粉。點知有碟意粉真係比到”驚嚇”我地，就係”蟹肉茴香忌廉意粉”。當我地打算食嘅時候發現冇蟹肉，我地都睇返人地係openrice啲相係有蟹肉嘅，就同個侍應講啦。點知佢話嘅廚師話 “係咁㗎啦！材料係咁多就得咁多！”咁都比咗錢，點都食下啦。點知選擇錯誤，係難食到爆炸！！！老實講 未食過咁難食嘅意粉，仲要油到反光！你想趕客咪講囉，比啲咁難食嘅野食人 仲要大條道理話”係咁㗎啦！” 圖片如下，大家自行判斷啦，我就唔會再食呢間野架啦🤮

雞胸幾嫩 味道都ok 其他員工服務都好好系臨尾去問佢地有冇外賣盒做咖啡位個女仔黑晒面用一個十分不討好既語氣同我講 外賣盒要收現金3蚊然後我問佢可吾可以睇下個外賣盒咩樣佢就很惡同不耐煩甘講 外賣盒要收現金3蚊呀！3蚊是無問題的 但真的需要呢個態度嗎定系我個樣吾似有3蚊吾配睇下個外賣盒咩樣剛睇了其他的評價 亦看到有不少人投訴服務態度但睇黎仍無改善 是否工作壓力太大？其實$92雞胸沙律不算便宜 餐廳應該要有點質素吧香港飲食已經好難經營 貴店員真的幫公司趕客

尖沙咀打卡悠閑 cafe🤎 每次嚟美麗華分店都要排隊，好受歡迎🤩 食物質素高有特色，行健康路線，仲有素食選擇，所有人都啱食～Pesto Chicken Panini (青醬烤雞蕃茄芝士意大利三文治)高質三文治🫶🏻 使用新鮮的雞肉、香濃的青醬和融化的芝士，搭配多汁的蕃茄，外層烤至金黃酥脆，內裡柔軟多汁，口感超豐富！Keto Peanut Choco Rollcake (生酮花生醬黑巧克力忌廉卷)好適合追求健康飲食的朋友😍 低碳水化合物的配方，結合濃郁的花生醬和黑巧克力，口感香滑，食完一整個都不會有罪惡感🫶🏻桂花龍井手沖茶選用優質的龍井茶，搭配淡淡的桂花香氣，茶湯清澈透明，口感鮮爽。這款茶不僅能解渴，還能讓人感受到清新的香氣Honey Earl Grey Latte推薦！將濃郁的伯爵茶與甜美的蜂蜜結合，口感滑順且香氣撲鼻，鮮奶味濃😋

今日黎到美麗華食espresso alchemy，想試呢間好耐！成日都聽朋友講呢度嘢食份量好多！性價比好高！所以即刻要嚟試吓！呢度好似Cafe咁，半自助服務，可以自己斟水攞碟攞餐具！完全唔會有人催你交檯！職員嘅服務又幾好，仲會主動俾Menu俾你揀嘢食！所以我就揀咗個大蝦蘆筍意粉，啲蝦都好大隻，爽口彈牙，食得出係勁新鮮！口感好好！而家意粉調味得幾足！唔會太鹹仲好夠味添！朋友就揀咗個雞肉芝士三文治，份量都唔算好細，當lunch食都夠飽！大食嘅男士就可能要叫多啲嘢食！另外我仲叫咗杯薄荷朱古力，因為佢新鮮薄荷葉嚟沖調，好好飲，味道一啲都唔假！仲要冇冰添，擺耐咗都唔會溝淡咗個味！呢度都幾值得推介，不過咁啱呢度商場裝修，所以就為咗好多白色布，但都冇咗我會再理其他嘢嘅決心！推介大家黎試下！