享樂餐室

晏昼自己食饭，经过见到呢间餐厅，都好近图书馆，12点半已经差唔多满座。入面有几张卡位同枱，都几宽敞，就算搭枱都有好多位置。嗌左个西炒饭，热辣辣上枱，好重获气但唔油。直径接近 30cm大圆碟，饭堆如山，绝对够两个女仔一齐食，虾仁有好多只，只只都饱满弹牙，仲有肠仔粒同蕃茄，食落好开胃！茄汁炒饭干爽粒粒分明✨酸酸甜甜几好味！饮品都好多可以拣，最后都系拣返冻柠茶，茶底系自己冲，放几片新鲜柠檬，浸耐左都唔会苦涩。 …查看更多

今日带住女女试吓呢间茶餐厅 见佢环境都干净企理坐得舒服住咗喺元朗咁耐都系第一次嚟职员亦都好有礼貌亦会照顾我小朋友 问下要唔要饮水咁❤️❤️❤️❤️❤️❤️❤️❤️我哋两个人叫咗一个福建炒饭 因为佢真系超级大碟 有菜有肉有海鲜有菌类营养又够晒均衡面头嘅𩠌同埋汁超级超级多 啱晒小朋友口味 送饭一流再加一杯小朋友最爱嘅冰冻阿华田浓度不错 最怕有啲茶餐厅系淡到死价钱都对得住食物质素既 会有下一次！🫶🏻🫶🏻🫶🏻…查看更多

元朗镬气炒粉面饭餐室突然好想食镬气小炒，今日经开元朗工作就去揾间餐厅开餐。豉椒斑腩炒面：个面系炸面底，香脆可口，斑腩新鲜，和豉椒玻璃芡汁混合一起非常好吃！红豆奶茶：奶茶香滑美味，红豆香腍够晒味是日例汤：花生鸡脚汤，家的味道餐厅空间都大，设有卡位，有下午茶（2:00开始），下午茶时段都有镬气炒粉面，包热饮，下次有机会可以再来。…查看更多

每个月都会到呢间享乐餐室，简单舒服，食物稳定又好味、服务唔错嘅茶记！沙嗲牛肉面汤底浓郁香滑，牛肉嫩滑，配上弹牙嘅面，简单又满足 🥢🍜。火腿奄列煎得金黄，内里滑嫩，搭配牛油多士，外脆内软，香气扑鼻 🍞🧈。豉椒牛肉炒河镬气十足，牛肉鲜嫩，豉椒味浓郁，配料丰富，炒得好有水准 🍛🐂。最后试埋西多士，外脆内软，花生酱香滑甜美，再加红豆冰，成个餐更圆满 🧊🍹。呢间餐室价钱合理，食物款式多，难怪每次都想返嚟！😋…查看更多

太想食西多士，路过见到呢间茶记下午茶时间都差唔多满座，都决定入去碰碰运气。一坐低已经听到厨房传来阵阵嘅镬铲声，睇嚟佢嘅炒嘢一定有啲料到。望住佢嘅餐单，平均一个下午茶4-50蚊已经有炒粉面饭，难怪有咁多客人。生炸鸡脾配沙律 $39 - 鸡脾都好大只，而且炸到个皮好脆，啖啖肉，朋友都话唔错。干炒猪扒公仔面 $50 - 认真镬气十足一上枱就闻到好香，好怕平时出去食嘢会太咸，但呢到炒得好香之余，味道亦都岩岩好，够味而且唔会太咸，岩哂我口味，猪扒亦都唔会干争争，赞！！经典西多士 $33 - 好怕啲餐厅会一早帮你落埋糖浆，呢到系成支比你可以自己倒，呢点好欣赏，西多士入面搽满花生酱，可以食到少少花生粒，口感丰富左好多。…查看更多