Elephant Kitchen

营业中

休息中

兩對情侶同行... 預先落訂海鮮拼盤 ...指定時間到餐廳 ， 都要等上一台客人走先有位用餐時間個半鐘...因關店時間9點半餐廳面積唔大 ， 座位距離近 ， 傾計唔方便 ， 較嘈食完一身油煙位...一路食待應係後面不斷倒垃圾...啲碟哼哼聲都幾煩.. 首先上左個海鮮拼盤...螺有沙.... 蠔自己係外面訂既較肥美.. 叫左4個set dinner 有碗湯仔- 黑松露忌廉湯..幾香等左接近30分鐘... 生牛味道可以肉質較銀..忌廉汁較膩...食左半個都有啲濟.. 其他主菜....試左上面個牛柳... 3成熟...食落接近5成熟.. 紫薯蓉...個汁味道okay...塊洋蔥皮破壞美感..跟餐飲品.....正常依餐係朋友揀先會黎..地點離地鐵站都較遠搭巴士先方便 。 係附近住既去食就可以接受。

之前曾經光顧晚餐， 即使我們已訂枱，我們8人， 只給我們6人位再加一張小圓椅在兩枱之間， 而且服務態度十分差， 雖然食物不錯和價格相宜，逼到不得了，一個晚餐加送一肚子氣， 所以已經沒有再光䯪顧很久了， 今天再去光顧， 此店的服務態度訓練得比之前更厲害 😡 如果大家唔介意係40分鐘內，不斷被侍應呼喝叫你即刻落單， 催你食快d， 催你埋單，催你快d快d，可以一試嘅， 雖然食物係平，租金係貴， 所以翻枱要快， 但呼喝催促食客實在接受唔到😡

位於石陰一間西餐廳小店, 唔係好起眼, 但一試之後覺得幾高質.D set $200樓下, 有扒, 飲品, 餐湯, 沙律, 每一樣食物水準都有中上水平. 街坊店好難得有呢D又平又高質既餐廳.塊扒好大塊, 仲跟左個紫薯容, 個薯容好甜, 好好味.意粉就$100 蚊頭, 一樣跟飲品, 餐湯, 沙律. 蝦夠新解, 咬落唔會霉, 夠爽口, 彈牙.整體中上, 會回頭再幫襯.唯一係唔係咁好, 係座位比較細, 如果寬番D就prefect

五個人叫咗一個 蘋果木燒豬意粉，另一個煙三文魚意粉，一個紅酒燴牛膝，一個 德國豬手，一個鱈魚銀鱈魚。 主菜伴碟都好有心思有甘筍， 燒茄子 ，翠玉瓜紫薯蓉燒蒜頭， 非常豐富， 紫薯蓉非常甜 美味， 主菜分量好大。 跟餐另有沙律沙律嘅甜蜜糖芥末醬非常清新， 紅菜頭湯味道濃沃， 只是細細一杯。 餐飲除咗奶茶咖啡檸茶檸水仲有紅莓茶同甘桔茶選擇， 最好係冇加一但要畀現金， 餐廳座位唔多 ，建議晚上嚟要先訂位比較穩陣。 book位時，職員非常詳盡解答， 問清楚人數成人同小童數目，講清楚最低消費80蚊，亦都詳細指示邊度有得泊車。

老闆生日，要在公司附近食餐好的午餐，真的找了很久，幸好找到這間大象餐廳， 門外有報導介紹餐廳，充滿期待， 但真的沒有失望跟餐有餐湯沙律，份量細細， 很適合女仔，湯很creamy 不是金寶，真材實料，有蘑菇粒粒，沙律味道不錯，作為配菜已很高分了個人很好意粉的， 這碟忌廉蝦意合格不算驚喜，意粉底都不隨便，有彈性的Carbonara ,很少會輸，讓你自己下蛋， creamy 紅酒慢煮羊腿，高級賣相茶餐廳的價錢， 真的開心，配菜上已很有心思， 焗香了的原顆大蒜，翠肉瓜，紫薯蓉墊底， 肉質很軟， 慢煮肉類不會差， 個人不好紅酒汁， 但味道不錯牛脊肉很好味重點是平均套餐價是50-90 ， 出奇蛋的感覺食物質素很好當然真的是茶餐廳格局，水都沒有，但有餐飲，小店一間值得支持一下， 旁邊有他們家的手搖飲品，味覺都不錯， 重點是這邊有質素食物很難求

石蔭除咗雲南米線，呢間elephant kitchen都係會再光臨嘅一間西式餐廳。我今日係喺平日嘅lunch hour去，幸好直接有位，但坐低2分鐘後，餐廳外已推滿人群 (好彩行得快。呀！係跑得快)🏃🏻‍♀️佢地嘅Lunch set都夠多元化，又扒類、意粉、沙律、三文治等。我今次揀咗香煎胡椒雞扒，雞皮煎得好香脆，雞肉既嫩滑又juicy。唯一比較失色係個伴菜，利用紫薯做伴碟有似食緊甜品多啲。總結來講: 會再去！

朋友推介呢間大象餐廳門口好香呀～～價錢十分相宜呀選擇亦好豐富雞羊牛豬魚齊哂前菜係沙律同湯唔好睇佢細細兜呀～沙律d菜好新鮮同d沙律醬分量落得岩岩好而個湯亦好杰身非常非常非常足料 啖啖都有一粒粒既材料送到入口架好少可飲餐湯牙齒既參與度係咁高主菜我羊lover就揀左羊柳🐏有羊味但唔羶的又大大件好抵食店員非常細心逐個問我地要唔要mustard需要先落落我地碟邊咁就唔會浪費醬汁另外值得一讚既係配菜！！！蔬菜例如蘿蔔個d就好新鮮另外係跟一舊薯仔非常美味啊！！！生熟程度岩岩好唔會太淋太硬撈埋牛油同d汁perfect池呢個係朋友既西冷牛我試左啖都好味啊

次次經過都好香有幾次星期一收工過來都無開🤣原來星期一休息架佢地食肉獸今次終於据到扒啦🥩叫左炭燒安格斯肉眼🤩每個餐都會跟個沙律，餐湯同餐飲跟餐沙律，都ok幾好味，個汁甜甜地都幾好食！🥗餐湯超細杯🤣🤣🤣但都好嘅，唔會太飽！是日餐湯係周打蜆湯，雖然細細杯但係都好足料，但如果有海鮮敏感嘅，建議事前問一問是日餐湯係咩先🤗同行友人嘅炭燒安格斯西冷扒我嘅炭燒安格斯肉眼😁好厚身，但食落好多筋😣成塊都好多筋，不過肉質好好味，唔係鬆肉扒啲friend😂同行友人嘅炭燒紐西蘭羊柳店入面嘅位唔算多，如果事前預咗要來嘅朋友，可以事先打黎book左位先，同埋門口寫住人齊入坐，大家可以安排下😁同埋食完個身會有陣油煙味，如果有下場嘅朋友要帶定嘢噴下😂

呢間餐廳已經開左好耐，但一直無意慾試。但之前係某間飲食雜誌見到介紹呢間餐廳，賣相唔錯，就的起心肝試一試佢。我叫左一個燒春雞的set dinner外賣，盛惠110。係呢個屋邨地方黎講，呢個價錢係貴。返到屋企，打開個外賣盒見到隻雞既賣相真係好吸引，香味都好濃。以為好好味。但....食第一口，已經講緊係雞脾位的肉，係完全無味。已經唔理肉質鞋唔鞋，係連味都無。望落好似好脆身，但係淋既。可能我叫外賣關係。🤷🏻‍♀️然後，諗住d肉無味，咁就點下汁一齊食。係連d汁都無味。完全係無味。。我連咸味都食唔到。110蚊得半件雞，係完全唔抵食。亦都唔值得試。

之前食過好幾次，以周邊西餐黎講，呢間可以話係無得彈。今日午餐再去，水準依然keep到，入到去都見到幾個外國人。基本上餐牌上既大部分野食都唔差，當然我無可能樣樣食齊，但我每次食唔同既野，例如意粉，salad都好好食如果唔怕熱氣既，可以試下佢地既香煎鷄扒，好大塊，脆卜卜; 平時出街食都唔會點叫salad，因為未必夠飽，但試過一次都覺得好好食，佢仲要有幾款比你揀。不過建議早少少到，有時外面都有幾多人排隊。

Elephant kitchen之前介紹過一次⋯份量大又抵食！最重要係味道100分！😍😍最鍾意絕對係佢既餐湯🥣南瓜湯(每次唔同）好濃好creamy ，仲有一粒蜆係入面😋久唔久都想黎飲！🍝黑椒半熟牛肉意粉（$95）呢個價錢真係唔貴⋯份量好多！好鍾意成個口都係意粉既澎湃感覺😂😂雖然佢既意粉唔算好creamy好多sauce，但都好好食！🐟香煎鱸魚柳（$138）略嫌煎得乾左d...但鋪底既紫薯好好食！甜甜地😋次次黎都食到捧住個肚走🤰🏼

放工後，8點幾到呢間餐廳用餐。我地到達門口時，見到有人等緊台，剛好有兩台離開，我地可以立即入座。雖然呢間舖頭也不大，但也算坐得舒適。入座後，我同男朋友點了兩份晚餐，一份炭燒紐西蘭羊柳 及 德國咸豬手。等左一陣先上餐湯及沙津個湯好香濃，如果可以大碗D 就好喇，而沙津也好好味。未到主菜已充滿期待食完後前菜，等多十至十五分鐘，主菜上喇。個豬手燒到個皮脆卜卜，好好味，而且肉也很香口。另外，羊柳食落口不羶也不韌。兩個主菜也配上紫薯泥，香甜又飽肚。而主菜也配上香蒜，將香蒜切小小分與肉一齊食更香口，而且蒜的味道不是很濃很臭的果種味。這一餐沒有期待太多，但意想不到食物質素不錯及價錢不貴，值得去多次試下其他菜式。

相信如果唔係住係附近都好難會發掘到呢間餐廳如果唔係黎朋友Workshop學整皮 我諗我都唔會識到呢間餐廳不過呢間餐廳真係一試難忘食過一次就會不停想再黎自從食過呢間之後都冇再幫襯過其他餐廳食過扒類近幾年都比較鐘意幫襯小店黎多次 店員都認得你既時候就好有親切感以往幾次都黎到先叫野食好多時扒類都冇哂所以今次學醒左一早打黎預留想食既扒!不過除左扒之後 都有意粉可以選擇晚餐都會有餐湯同沙律食水準如往 沙律菜好新鮮!第一次見到呢碗餐湯既時候心諗點解得咁少?不過原來飲落又唔係想像中咁少雖然賣相細細碗但係一D都唔兒戲架飲落好濃海鮮湯味最估唔到竟然會真係有蜆係入面我地今次叫左個西冷扒 7成熟本身我自己好怕咁咁生因為好驚好難咬得爛9成又覺得太熟一如既往 賣相非常吸引有心思一切 嘩D肉汁就流哂出黎喇估唔到7成熟既肉都可以咁易咬得爛調味得岩岩好下次再可以再試下其他扒類既7成熟呢到仲有即磨咖啡如果鐘意飲咖啡既朋友可以試下我地驚訓唔著所以就無叫喇

超級好味嘅燒牛肉意粉😋😋之前食過配沙律，今次想食意粉，估唔到兩種口味同感覺都好唔同。但係次次都好好味，牛肉每次都係咁鮮嫩、滑口，而伴上的黑椒同埋香草令到個牛肉鮮味更加突出，絕對好味👍至於沙律比你既感覺係清新，而煙韌既意粉就放咗濃濃嘅芝士喺上面，混合得非常可口! 男士宜選擇意粉，因份量比較飽肚，女士可選擇沙律！如果必須要lunch時間去，請預早啲，同埋呢到有個唔好處就係唔可以坐得太耐，因為呢間餐廳門口會有小人龍，所以到時到候你都唔好意思坐太耐!

同同事都常去Elephant食lunch，因為佢真係做得好，款式又多，餐牌都經常轉換，一定唔覺悶。今次叫咗個刺身級三文魚配薯菜，好覺得廚師功夫真係超得! 煎三文魚其實唔難，但煎得外脆內juicy就係難，而且覺得佢煎得有層次既仲難。一用义吉落去塊魚到，真係心裏嘩咗一聲，塊薄薄嘅脆魚皮(超脆先啱)同魚肉即時分開咗，見到輕微嘅脂肪，唔通就係佢個名既由來? 唔只魚皮，魚既表面煎得夠乾身，而魚肉仍能保存油分，不失三文魚油既香味。我覺得廚師嘅手藝真係超水準。另外，紫薯泥好甜，就連脆肉瓜都煎過的，一D都唔偷懶!