影片
以上资料只供参考，请与餐厅确认详情
相关文章
好日都唔写食评，但今次真系要报告一下。本身都无乜特别期望，叫左个三文鱼饭升级套餐。个饭好快就黎左，三文鱼系正常既，但伴饭既西兰花同椰菜花系泛黄色既！谂住佢摆得耐都系样衰je, 顶你咬落去酸既, 仲衰过无味……个卖相仲要好似𩠌尾咁样样，咁都够姜上碟，不如skip左佢当无配菜算吧啦。个店员反映，佢话，系今日煮架㖞…..到差不多食完准备埋单，侍应突然拎返升级套餐既沙律同汤+餐包黎，争d忘记左佢…..d次序错哂🤪…………………………………🙄🙄
继续阅读
虽然呢间系荤素餐厅，但素食选择都唔少。餐牌上有清楚标示素别，例如蛋、奶、五辛。除咗咸食，亦有甜品提供，例如密瓜刨冰、芋圆仙草、豆腐花等。J. 素超厚猪扒饭 配温泉蛋 (蛋奶素) ($98)转白面豉豆乳汤面素猪扒外皮香脆，夹起嚟中间嘅素肉有少少散，味道比较咸，自己一个人食哂都几腻。面豉汤面几好食，汤底面豉味香浓、豆乳味比较淡，面条弹牙，配料有木耳同粟米粒。+$38 是日餐汤 (纯素) + 沙律 + 多士 + 茶或咖啡是日餐汤系杂菜汤，味道酸酸甜甜，配料有西芹、番茄、椰菜、甘笋。饮品我哋拣咗冻柠茶。沙嗲素串烧 ($32/ 4串)串烧用上大豆纤维嘅素肉，沙嗲汁辣辣哋，几惹味。
继续阅读
十世冇写过食评 但今次真系唔写唔得好嬲 俾咗百六蚊食个咁求其既炸猪扒去骆驼漆拎嘢 顺路食饭是日六月五日 闲日傍晚五点几入面得我一个想试个炸猪扒饭$108 加咗$38转套餐嚟咗个红汤 偏水 味道还可以但块多士硬过饼干 都算个沙律 唔知系咪沙律醋就到期淋咗劲多 条条狗牙都系包裹住醋汁酸到痴孖辫都唔紧要 毕竟我系嚟食猪扒可惜一上枱就知出事见到一块飞起咗既炸皮切开咗既猪扒都明显皮肉分离一睇啲炸皮呈深啡色 都心知不妙一咬落去师兄 唔好话松 脆都唔脆㗎㖞炸猪扒用粉加蛋加炸粉系基本大佬 你炸𠮶个部份都未搅得掂仲学人厚切 4cm? 我俾你块猪扒40cm都冇用啦自问食过唔少相近价位既炸猪扒 唔好话贵到Porker𠮶种就算系宴美豚 抑或系とん吉都已经diao打佢块所谓炸猪扒千万倍未讲完 个饭配𠮶啲椰菜丝 都唔系 应该叫椰菜碎（利申冇叫碎上）唔知系洗唔干净 定来货太差 有好明显既苦味假使你系收我七八十蚊 我都可以收嗲 当我唔好彩但当你收过百蚊仲要咁样hea9人真系搅唔掂㖞我都想支持下小店 但你比啲咁既嘢出嚟 点撑得落希望我出呢个po可以避免其他人中伏第样嘢食唔知但 千。祈。唔。好。食炸猪扒
继续阅读
叫左𠮶炸猪排面同要求后上个泰奶芒果紫米豆腐花先俾左个炸猪排「饭」我 咁我叫侍应换一换 换左个面之后 侍应同我讲 下次落单讲清楚啲要饭定面嘛 咁我立即回应返佢 个时落单已经讲左系要面 但个侍应依然觉得系我讲错。。。。。。。我心谂你个个系块炸猪排都唔会特登换个新一块俾我嫁啦 咁点解都要想换个面？ 系我 真系唔想食白饭嘛! 你个餐厅又唔用QR code落order 之后 后上个个泰奶芒果紫米豆腐花个时 你个侍应工作好有想法 同我confirm个甜品啱唔啱^^ 记个客食咩 都咁困难嘅?btw你个泰奶芒果紫米豆腐花 堆芒果好酸
继续阅读
入到去坐低8:00得一台客，都觉得少少伏，坐低咗好耐侍应都冇过嚟落单，走咗入去厨房好耐，大声嗌咗一声落单，都等咗一阵先出嚟，出到嚟仲要走去收银度整一轮嘢先过嚟落单，落单期间侍应个好似皮笑肉不笑，个眼神好似鄙视人咁，仲要连一杯水都冇送过嚟。叫咗三个主菜加两个$38要咗两个set连沙律餐汤饮品，等咗差唔多半个钟先嚟咗一份主菜厚切猪扒，问佢要沙律酱，侍应问返我我哋要乜嘢沙律酱，最尾食晒啲主菜，沙律餐汤饮品一样都冇上过，主菜味道都系麻麻哋，份量唔多，唔值呢个价钱。到走𠮶一刻沙律餐汤饮品依然冇。直接埋单走人。埋单时完全冇print单俾我哋睇，直接就话收几钱，我哋叫佢print单，睇单𠮶阵时，照收咗我哋两个$38套餐，同佢讲前菜全部冇嚟，先话扣返俾我哋。临走时先见到收银后边原来有一大堆水杯同水系供应比食客。总结嚟讲，食物质素麻麻，侍应态度麻麻，嘢食等好耐，成件事感觉好差。仲要收咗+1服务费。全程其实个侍应都走左入个厨房度，因为成间餐厅得一个侍应，所以其实等于冇服务。
继续阅读