Eden (已結業)

朋友請食飯，介紹這兒，環境果然不錯，很開揚；午餐叫了羊扒餐，海鮮湯幾正，麵包亦很熱，不過略為硬，羊扒幾嫩，個汁都幾好味，飲品就唔得啦，凍奶茶完全冇味，甜品亦都麻麻，只是賣相不錯，若果想嘆個舒適的午餐，都可以考慮．

03/06/2005 (Friday) lunch食物就中上, 但係環境就一流, 個海景唔錯, 可以望到會展山頂同九龍果面. 我去果日係下晝, 果陣天朗氣清, 個景真係好靚. 相信夜晚0黎會仲迷人.不過都幾難搵到個侍應, 好似唔多夠人手, 服務係一般啦.

今個星期二去食, 個環境都唔錯, 服務ok, 不過只有set dinner, 冇乜選擇.

我今日與朋友兩個人各自叫一個set dinner, 用恆生卡找數有85折, 但都要差不多每位400元.食品質素一般, 但賣相及環境真係好靚, 全海景, 今晚天雨關係, 望得唔多清楚, 相信在中午去食會好一點, 好適合情侶在窗口位去食. 好鬼正. (這兒有好多明星幫襯, 關心妍也曾在這兒拍music video), 拍拖來此處食是會好d, 服務都算不錯由於我是第一次來這裏, 在晚上大廈門口已落閘, 找這裏比較困難, 加上大廈的保安人員十分無禮貌, 差點兒便離開

同男友兩個人食, 各自叫一個set dinner.食品質素一般, 但賣相頗佳, 明顯廚師有花過心思.環境真係好靚(全海景, 可惜因天雨關係, 望得唔多清楚), 好適合情侶去食. window side既位有限, 最好訂檯時講明.因為識人, 所以有30% off, 埋單$600有找... 老實說, 去到真係淨食環境同氣氛, 唔係有折就真係好唔抵食...

我都係星期六黎o既!o個日我同爸爸媽媽一齊黎, 佢set lunch有3個選擇, 我地一人點一個! 我叫左酥皮海鮮意粉, 爸爸要減肥, 所以佢要煎魚...媽咪就要左個肉眼扒!首先有碗蘑菇忌廉湯, 好creamy好正...之後個main course, 我個意粉好似個面盤咁大!!!同埋裡面好似乾得滯! 我媽咪同爸爸個牛扒同魚就唔錯!之後就有甜品, 係blueberry puff, 不過不失咁啦...最後有杯咖啡作結...total $98. 咁豐富o既lunch再加埋無敵靚景, 雖然食物質素唔係好超卓, 但係真係值得黎一黎!!!

上個星期六原本想去佢地集團係31/F 個間食, 點知原來lunch 只開1-5, 所以就去左係38/F 呢間, 如果大家睇過"俗世情真"成日都影住一間好靚既落地餐廳,就係佢啦.食物方面一般,賣相都唔錯啦,但勝在環境搭夠,地方比想像中小,可以包場,周圍都係白色佈置,都幾舒服,又可居高臨下,夠晒煞食! 價錢都唔算太貴, lunch - HK$98 per head (Sat), 比同區上樓食品就貴少少

睇過佢個website覺得環境好靚所以去試下, 地方比想像中小, 如果包場用作gathering大概可以容納30-40人左右(洗手間男女格各一咋), 周圍都係白色佈置, 都幾舒服& romantic, 做結婚派對幾不俗, 同埋望到個維港景都夠晒煞! 不過食物方面就真係一般, 分量都唔夠男仔食, 可以改進下! 既然食方面一般, dinner menu 做平D會比較合理囉, $380 per head 淨食環境就奢侈o左D o勒!! 咁o既價錢可以去cova食龍蝦佢仲有找添啦!! 一句講晒, 去呢度淨係可以食環境囉!!