Ebeneezer's Kebabs & Pizzeria (D’Deck)

营业中

休息中

嗌左「香濃咖喱雞」😋啲飯唔係平時個啲泰國米比平時食開既更長同香粒粒好分明🤩🤩🤩好食又好得意🤩唔食飯可以轉配烤餅架🙂由於當時肚餓程度係100既我就選擇左飯 只不過冇諗到個份量多到成座山咁😂咖哩好香奶香味🤪 小小辣～唔錯唔錯可以一試😌

第一次去愉景灣 有去左外國渡假的感覺呢間第二次食 上次係尖沙咀食呢個必吃 燒雞+薯條 加左呢3隻醬料 將味道再升華😍印度芝士咖喱🤩十分傳統的味道有很多種類可以選擇，下次會再試其他😋⚠️唯一缺點店內會有麻雀出現😟

係疫症期間，想呼吸下都唔易 就搵日去放肆下，去咗愉景灣。 去到真係好relax, 呢度既太太唔會圍埋講是非，呢度d青年人唔會嘻嘻哈哈咁， 細聲講大聲笑，公共洗手間都好乾淨。最後揀咗呢間因為好少食呢類食物，上到餐廳，唔多人， 就叫咗咖喱羊肉飯、咖喱雞肉飯同一份Naan. 估唔到食物係熱辣辣，同埋味道唔錯，以為快餐會比較馬虎。佢呢度既選擇其實好多， 而且有辣有唔辣，如份量大可食沙律， 我食餐時都見好多人買外賣，我相信其他食物都有一定既水準。

最近疫情關係，放假都係鍾意去吓離島區，呢日就去咗愉景灣。因為天氣太熱，所以一到達愉景灣第一件事就想搵個地方坐低食吓野飲番杯凍飲，呢度都幾多選擇，不過好多都類似酒吧形式嘅餐廳，我帶住小朋友似乎唔太方便入去，所以最後就揀咗Ebeneezer’s。呢間餐廳其實喺市區都好多分店，而且主力係喺各大院校開業經營，所以分店一般都有少少似學校canteen嘅模式，而愉景灣呢間餐廳相對地環境就舒適relax好多，而且服務仲特別好。因為熱到都唔係太好胃口，所以就叫咗一份烤雞沙律，烤雞肉切成小粒，配合生菜、青瓜、蕃茄、紫椰菜、蘿蔔絲等，仲有水牛芝士，真係好啱夏天食。店員仲特別介紹枱面上的三支沙律醬，綠色的係薄荷味，橙色的帶點辣味，白色的係蒜蓉味。用嚟配沙律特別清新！大人小朋友都最愛嘅Pizza，而且就係最簡單嘅菠蘿加火腿， Pizza只要夠新鮮，唔使太多材料都已經超級好味道！小朋友話想食薯條，就叫一份俾佢啦，估唔到份量有咁多，我哋一家三口都食唔晒。再嚟兩杯凍飲，真係透心涼，叉滿電就可以出去玩喇😜

難得放假，就黎左愉景灣行下吸收下新鮮空氣。諗左好耐最終決定黎ebeneezer食🙈首先係烤雞沙律，真心唔錢，個烤雞烤得岩岩好，香料夠哂濃，令到個沙律唔洗落sause都好夠味好好食。之後就係一個咖喱蝦同咖哩羊，咁依間舖既咖哩真係出色既，好香，但唔辣，入口個陣好有層次！本身諗住跟飯既，諗諗下都係跟左兩個印度薄餅，唔會好厚，點咖喱黎食真係perfect match!🥳環境好闊落，唔會好迫，現場仲有好強烈既香草味！真心抵讚！🤤

I had 2 day staycation with my wife in Discovery Bay, and this was the last day, so we decided to eat something good but special for lunch.We ordered below to share:1. Mix Kebab (Lamb and Chicken)$89Tasted wonderful, two meat also appropriately  tender and juicy, and the pitta breads were crispy.2. Fish Biryani Salad $72The fish meat was appropriately tender and salty, the rice was chewy.3. Mango Lassi $35Quite creamy and sweet, and  we love that.The view was good, we can look outside the street

Good food, good service and perfectly cold beer - perfect after a hot hike from Mui Wo. Highly recommended

耐唔耐會入愉景灣行下 一落船 ，多數會去 z字頭 的西餐廳， 因為夠曬近， 望住個海景， 望住個海旁， 飲下酒，食下pizza。今次入咗去市中心，周圍睇下有咩其他野食。見到呢間連鎖店，雖然見就見得多，但今次第一次去食中東菜。叫咗個 kebab 仲有個咖哩羊肉飯, 超乎我想像中極好食 個咖哩羊肉 一啲都唔騷, 佢仲有大中小辣畀你揀, 香料好香, 但一啲都唔會抗拒 另外個雞肉kebab, 包住個皮烤得好鬆脆食落脆卜卜, 包住入面啲雞肉一啖一啖咬落去唔想停! 真係一次意外嘅發現 其實去任何地方, 唔一定要食指定嘅嘢, 都可以從中找到樂趣

同朋友星期六難得放假入咗愉景灣行下吸收新鮮空氣，難得見到一間中東餐廳，我倆本身都喜好食卡巴卷就去試一試卡巴既肉料十分夠，仲可配選醬汁食落味道好好，好岩我地既口味，加上配埋醬就令到卡巴肉汁更加豐富👍🏻個皮一般比較厚d，口感一流🤤🤤🤤價錢又合理，值得推介😃

難得嚟到遠離繁囂嘅愉景灣，當然要輕鬆下，食埋個lunch先走啦。不過呢度嘅餐廳大部分都係露天，酒吧居多，而且價值不菲。但係去到啲咁西式嘅地方，食中菜韓菜有好似格格不入。所以呢度就啱啱好幫到你嘞。講真其實我都幾鍾意食中東菜，因為佢哋醬汁比較濃烈，亦帶清新。講起嚟好似好矛盾噉，就例如食kebab，好多蔬菜喺入邊清新之餘，串燒肉同埋醬料都係好野味嘅。不過今次就冇食到kebab，叫咗三個另外嘅菜。印式咖哩羊肉炒飯。相比起咖喱飯，我更加喜歡食印度式嘅咖喱炒飯，因為佢哋嘅咖喱汁都非常均勻，而且啲飯係比較煙韌同幼身，感覺有鑊氣之餘仲有濃濃嘅咖喱味。當然，有我最喜歡嘅羊肉做餸，成件事就更加完美。仲有，通常咖喱炒飯都會伴有沙律，感覺略帶清新。Supreme Pizza呢個就同我哋普通食到嘅披薩差唔多，有辣肉腸，火腿，芝士等材料，食落都唔錯。雞肉芝士薯條。唔知點解每次見到啲碟餸上菜嘅時候就好興奮，因為佢鋪滿曬好多千島醬，沙律醬同埋薄荷醬，成碟薯條搞到好誇張噉，非常juicy。而且雞肉分量都足夠，伴住薯條食一流。當然，如要說缺點的話，餐廳的裝修都係麻麻地，好似一間快餐店，不過佢而家都提供到咁有風味嘅食物，同

唸起中東料理, 第一樣出現喺腦海係成個肉tower切d肉出黎整嘅kabab- 薄餅包住雞/羊肉嘅卷, 好耐無食過了🤤咁啱約舊同事愉景灣lunch, 係Ebeneezer‘s啦! 今次捨棄set lunch, 有三個人可以散叫黎share✌🏻·燒羊肉 (HKD78)燒羊肉唔羶的, 好香好juicy. 配長身印度Basmati米, 推介.·Chicken Masala (HKD53), Roti (HKD12)原來Masala味道比普能雞濃啲, 雞肉好大件, 汁又入味, 跟Masala原本係普通Roti但好快清左, 所以我地order多一個有味嘅Roti繼續點唒d醬.·咖哩角中東style咖哩角好大件呢🤩, 內裡包滿薯仔同咖哩, 比平時食開嘅更惹味.·Lassi貪得意嗌左黎飲, 係酸酸地, 好稀嘅yogurt drink.

昨日一個人去大嶼山同愉景灣遊巴士河同影巴士，之後就想食晚飯。幾經尋覓，終於搵到依間賣中東菜同咖喱既餐廳。我叫左個濃咖喱羊肉配白飯，啲咖喱汁夠哂香濃，用黎送飯一流。至於羊肉，食落口既口感都幾煙韌。餐飲方面，我就點了鮮奶咖啡，無甚特別。

黎到愉景灣依個咁有異國風情既地方緊係要試返有異國風情既食物啦所以就揀左呢間本身食左少少野諗住食個小食就叫左個chicken kebab味道方面都唔錯不過雞肉有少少硬份量方面好大一個人食唔哂仲要送埋汽水飽到上心口真係好抵食絕對值回票價復刻版既百事同行既朋友叫左7喜都係復刻版好靚靚而且服務方面都唔錯Staffs都好有禮貌同好主動環境方面都唔錯好大好舒服去果陣因爲無咩人所以可以揀位坐總括黎講係值得一試既餐廳

入到愉景灣食lunch，打算揾間未食過又特別嘅試下，就去左Ebeneezer's Kebabs & Pizzeria試中東菜。由於店員唔識講中文，所以唯有睇餐牌上嘅翻譯理解有啲咩食。叫左個Biryani(炒飯)同Roasted Chicken黎試下，感覺上岩我地港人口味。上菜時發現份量都幾足，賣相不錯。Chicken上有3種唔同醬汁，好有特色。至於炒飯嘅質地較硬，但炒得乾身唔會黏口，正！值得推薦！

Today is public holiday and DB almost every where very busy . We try to find a place for quick lunch and we went there . My friend order roastLamb with Rice and I order chicken Kabab but sadly there was a no chicken I felt very surprised 😳 .I look a around but there was no any Custmember And I realised No wonder why this place is so empty.