Double Tree (已結業)

星期四下午想食少少野行經呢間門面幾靚既餐廳 下午茶又好抵喎落單時剛好4點56分被告知 5點既茶餐無晒啦 唔落得 因為我地個鐘已經5點Ok 落其他等食期間見有WiFi 喎 問pw係咩被告知 WiFi 壞左入唔到架同一個金毛男鄉音侍應所以呢，裝修得幾靚都無用 個饀係茶記 就係茶記

買左團購 $ 128 ,不過見佢餐牌既價錢都唔係貴團購好多😬，我地叫左：龍蝦湯 :都唔錯，幾好味😬三文魚凱撒沙律 : D麵包粒好淋呀😂鹹豬手 ,同加左十蚊轉西冷，7成熟，好似有點韌，一般般。不過佢d薯菜好好食，尤其係薯仔😋😋另外散叫左個芝士焗青口 : 青口都唔算大隻，不過幾多芝士，底下仲有一堆薯溶的，配埋黎食好味😁心太軟 : 好食，唔太甜，仲好流心的。火焰雪山：唔錯呀，可以一試😬😬另外叫左任食既甜品，咖啡，綠茶奶凍，焦糖燉蛋好好味呀😋😋而兩款芝士蛋糕我覺得唔好食，無乜芝士味。😶😶😶😶😶不過整體上都係抵食的。😝😝😝

係灣仔區搵平野食好難，搵到勝價比高更難，今日經過船街發現Double Tree既早餐好抵食，早餐選擇也很多，A-J餐各有不同，我就點算了H餐，兩款自選餸，五香肉丁和漢堡扒配米粉，另外這餐包多士、蛋和火腿，再加杯凍檸茶都是$36，CP值頗高，但溫馨提示早餐時段星期一至五早上11:00後暫停供應，星期六、日及假期中午12:00暫停供應，截單時間非常準時。坐在餐單內用餐，已眼見不少客進來想吃早餐，但侍應說已停，他們只好失望離開。

哪沙好食。多料， 湯底ok. d扒份量都ok.個garlic醬好味不過少， 下次要叫佢多汁。d野上齊都要1陣。3個門口都等左陣。 服務就1般因為太多人。 坐位都逼。 灣仔lunch差不多啦。

見呢間新開張，又係公司附近，所以貪平買左團購卷($138位)，咁就煩啦，因為真係好難book，聽電話果位男士仲要粗聲粗氣咁，我無欠你架喎一開始已經印象麻麻啦，去到間餐廳，一半都無坐滿，都覺得伏味濃。我地兩個食果個叫精選五道菜，甜品係任食，不過唔可以一開頭就食甜品，要跟住次序食先得既。湯龍蝦湯同忌廉湯都似係煲，唔係粉開出黎既頭盤煙三文魚凱撒沙律：好好食，菜夠新鮮，煙三文魚夠大塊，個沙律醬酸酸味味好開胃法式田螺薯蓉：正如其他食評咁講，係用原隻薯仔打成薯蓉，唔係粉開出黎已經誠意可嘉啦主菜美國特選西冷：我地叫左三成熟，不過出到黎都係七成咁，韌而無咩肉味蒙古烤羊脾扒：幾好食，烤得夠香口，入味岩岩好，入面都好juicy伴菜薯條：生左小小既粗薯，無咩薯仔味指定甜品心太軟：外脆內熱，好食火焰雪山：燒得唔係好燶岩岩好，入面既雪糕幾好食任食甜品北海道焦糖布甸：幾好味宇治抹茶奶凍：一般，奶味太重，無抹茶味意大利咖啡奶凍：一般我地叫左一round任食甜品已經無再encore，同埋walk-in入去都係每位$158，買團購只係平左$20，但D主菜無$158咁多選擇，仲要兩三星期前book定都幾煩，性價比低既團購

在灣仔合和一帶的上班族，平日用餐要煩的，可能是要到那裡吃，原因是選擇實在太多﹗若多走幾步，去到船街其實也有不少性價比高的選擇。由於船街是一條較窄的街道，走進去尋食時，甚有隱世feel。這次來到的double tree，在午飯時段可以算得上坐無虛席，稍為遲來都找不到位，光顧的主要都是附近的白領。由於取價和裝修等原因，這裡較少藍領，方便OL們或者三五知已到來，一邊食一邊傾計。為避開午飯時間的人潮，這次選擇在下午茶時段來光顧。下午茶的餐牌較便宜，但也有焗飯和即炒品種供選擇，算是不錯。再者，下午餐時間坐位沒午市時緊張，可以坐很久一點，感覺也較優閒。

係Hokobuy買左2張晚餐劵 當初睇D相覺得好靚好似幾好食但去到試過覺得好一般甚至覺得唔好食 ... 龍蝦湯無蝦味 ...總之就唔似平時可以飲到既龍蝦湯咁 ...唔知點解有蟹柳 ... 個沙律太多醬個人認為over左 .. 好"漏" !! 西冷牛扒同豬勒骨都ok 其實本人好中意食心太軟但食左呢個心太軟兩啖已經唔想再食 ... 總括而言 ...食物真係唔好食 ...** 但員工既服務態度係好既 !!不過唔會再去 ...唔會再有下次 ...

灣仔船街，離地鐵站不遠的一條小街，自從眾多豪宅進駐之後，已搖身一變成為高級餐廳的集中地，附近大都是一些較高質素的貴價食肆，很多外國人在這裏集散飲酒談天，充滿著歡樂悠閒的氣氛，讓人恍如置身外國小街似的感覺。筆者偶然在街中發現一間白色門面，裝修簡約的西餐廳，門外放著餐牌，望一下發覺價錢出奇的貼地，$158元一款晚餐加任食甜品，限時2小時，而其他食品也不過由幾十元至百多元左右，確實十分街坊價，但不知質素又如何呢？逐入內試一下。店內以藍白色為主調，貫徹簡約的設計路線，燈光明亮，座位有卡位亦有長枱，排列整齊有序，有點點似茶餐廳的格局，不過環境比之寬敞舒服，裝潢沒有太多花巧，就是乾淨舒適已很足夠了。這裡的晚餐選擇頗齊全，豬、牛、羊、雞和海鮮一應俱全，三道菜的晚餐價錢由$118-$198不等，當中包括餐湯、主菜和甜品。而更吸引的是這店的甜品，據店員透露是由前Conrad酒店的甜品師傅主理，實在讓人期待！先來兩款頭盤（套餐外加$20一款），法式薯蓉焗田螺，賣相欠奉，4粒沒有殼的田螺肉放在薯蓉上再淋上醬汁，雖好像缺少了點風味，但免卻了剝殼的煩惱，懶人最like。田螺肉軟嫩、薯蓉軟滑加上濃香醬汁，啖啖滋味

之前買了團購快到期早幾天和朋友去吃這餐廳當日早早6點就到，點知都有幾枱客人餐湯～因為是送的，味道來說已經很不錯了西冷是朋友叫的，我偷食過正！D肥膏好香，肉又唔會有渣 肥膏＋肉一齊食好正（不過我見人單點的西冷比較大⋯可能是因為團購？丌口丌） 我叫的是豬手 超正！皮係比較煙韌丶肉又嫩好好食⋯同好大一份另外佢送左火焰雪山同心太軟 各一個重有一堆小甜品任食（焦糖布丁好食）我見佢一個餐都係二百有找，的確又扺食又好食

點解標題會寫當晚表現唔錯呢？係因為我係附近返工 平時偶然會食午餐 餐堂食外賣都試過 呢間嘅水準真係一時時。。。好嘅時候真係幾好味，差嘅時候真係幾離譜。。。當晚係同男朋友兩周年紀念 之前買咗團購 訂左好耐先頂到禮拜六夜晚八點半食到10點半當晚八點半準時去到 見到餐廳入面都冇乜人 我懷疑可能會晚只會留少少枱團購嘅客人訂枱 搞到我咁夜食飯嗰日人少少 俾我哋坐四人卡位 但係啲冷氣好凍 又坐正風口位 吹到啲食物好快凍哂因為我哋有2個餐 前菜食咗凱撒沙律同芒果蝦沙律；主菜叫咗羊髀同埋德國豬手；甜品試曬火焰雪山同埋心太軟任食嘅甜品每人只係食到耐一輪龍蝦湯非常之鹹 鹹到不得了 又冇乜海鮮凱撒沙律唔錯好味芒果蝦沙律真係一般 冇咩驚喜 好鬼多薯仔主菜兩款都唔錯 羊脾好林好滑 德國豬手焗得好香脆到最期待嘅甜品 火焰雪山過火好快熄 影唔切就息左。。。下面個雪糕好難食 但係個心太軟就好正谷到熱辣辣外面好趣入面啲朱古力醬好濃 正到不得了！！！任食甜品都唔錯 焦糖布甸好食 綠茶布甸同咖啡布甸都好濃好味 芝士蛋糕就一般般 三款都冇咩驚喜結論： 團購都幾抵食嘅 正價價錢都唔貴可以接受 但係水準就一時時。。。祝大家好運啦

湯寫是龍蝦湯，但冇龍蝦味，內有幾粒蝦仁😂😂主菜ok!甜品完全唔得，尤其是套餐的🔥雪山及心太軟。雪山勁甜 ；心太軟是局好cut 個洞再倒朱古力醬上去🤦🏽‍♀️🤦🏽‍♀️

之前中午放飯都會不時來到哩度買外賣返公司, 是因這裡的焗飯真係好好食, 每種焗飯都係落足料, 芝士十足｡ 有次去食就打算試一試其他餐, 於是就外賣叫個陳皮冬瓜鴨湯飯, 點知阿姨就好賣曬, 哩個每日都要好早去買先有, 是因好多人食｡ 於是今次再早d打試下, 點知好好彩仲有, 我就叫左個｡  唸住感到幸福喇事實上, 打開個湯盒個時, 聞到好香花椒八角味, 但係食落口就真係麻麻地, 燒鴨淋曬而且超肥, 大大肥糕, d湯睇落去好似肉骨茶胡椒湯咁, 但係飲落口好似怪怪地咁, 認真麻麻, 有少少失望｡  始終下次都係食返焗飯算了!!!

焗豬扒飯是港式茶餐廳和快餐店的經典美食, 不時都耐人尋味｡ 這家餐廳絕對做到應有的水準, 差不多每星期我也特意走來外賣一次｡先說飯底, 跟普遍快餐店一樣也是炒蛋飯底, 既乾爽又煙韌, 吃下去更不油膩｡而豬排數量適中, 肉質都很滑很鬆軟, 配上多重濃厚的芝士，簡直美味得讓人一口接一口停不下來｡價錢方面十分合理, 芝士量十足, 絕對是午餐之選｡

前排連續買左幾張團購，呢張遲遲都未用，諗住用果陣又咁岩十號風球，結果拖到今日買之前已經做哂功課，呢度正評算多，大部分都稱呢間係灣仔平價西餐，既然講咁好，更係要試下係米真係咁抵啦團購係用另一款餐牌，主菜選擇都唔算少，有7款；包餐湯、頭盤、主菜、甜品、餐飲 不過計番條數，團購($128+$13加一)同非團購($158+1)既價錢其實唔係差好遠餐湯 – 3個都揀左干邑龍蝦湯有無龍蝦我就食唔出啦，只係見到有雜錦海鮮，重蕃茄味；我估加左粟粉去煮，因為食到少少粉漿頭盤 – 鮮蝦芒果沙律大大隻蝦，樣子幾靚，爽口彈牙，似係蝦餃入面D蝦，不過蝦味唔夠重；芒果甜；最底係薯仔罐頭雜果沙律頭盤 – 煙三文魚凱撒沙律煙三文魚大塊，有煙燻味，又唔會太鹹；菜又唔會濕笠笠，整體唔錯，但麵包粒唔脆，係放左好耐果D麵包粒黎頭盤 – 法式田螺薯蓉朋友們都話食落唔似田螺，話似食梗菇….但我食開都係咁既樣同味，我又覺得正常；驚喜係薯蓉用真既薯仔壓成，而唔係用粉加水，仲保留D細薯粒增加口感添主菜 – 蒙古烤羊脾扒配薯菜呢個送上枱果陣傳出陣陣飄香~~食慾大增!! 完全無騷味、多汁、唔韌，係三個主菜中最好食主菜 – 慢烤蒜香功封鴨配

今晚約咗個老朋友食飯吹水, 位於船街的 DOUBLE TREE 清清靜靜, 是個不錯的選擇。餐廳裝修走簡約路線, 簡簡單單。1.5小時晚餐加任食甜品 ($158), 睇落好吸引, 甜品有六~七款之多, 同朋友商量過後......佢對甜品既自制能力比較弱, 還是叫SET DINNER了。DOUBLE TREE 的晚餐真係包羅萬有, 晚餐包餐湯、前菜、主菜、甜品及飲品各一款, 由數十元至$198不等, 價錢合理, 我今晚就揀咗炭燒安格斯肉眼扒晚餐 ($198)。餐飲 ~ 椰汁紅豆涼粉冰 (餐飲轉+$8)朋友遲到, 行到興合合, 所以就叫咗呢個涼粉冰下一下火, 椰汁味好香, 紅豆煮得腍腍的, 綿綿的, 唔太甜。餐湯 ~ 干邑龍蝦湯除左干邑龍蝦湯, 還可選雜菜湯OR忌廉湯。干邑龍蝦湯頭比較濃杰, 飲唔到龍蝦的鮮香, 湯內有啲洋蔥及蟹柳粒等增口感, 個人覺得鹹咗少少。前菜 ~ 煙三文魚芒果沙沙香甜腍滑的芒果加埋其他果肉粒沙律, 酸酸甜甜就不在話下, 仲有少許新鮮芒果肉喺裏面, 不錯的開胃前菜。炭燒安格斯肉眼扒配薯菜好大塊的肉眼扒, 廚師只係簡單用海鹽及黑椒碎咯醃, 表面燒得焦香惹味。我叫了五成熟