Domon 札幌拉麵 (已結業)

约左两个朋友食晚饭, 行下行下见札幌拉面唔洗等位又好似几有名气就去试下, 点知搞到餐饭食得唔系几开心. 先讲食物质素, 我地三个一人叫左一个定食, 鲭鱼, 炒牛柳粒同吉列猪扒定食. 卖相唔错, 但味道就好普通. 所有野包括面豉汤同个主食都偏咸. 吉列猪扒较厚同硬. 不过总括$100一份的定食, 食物质素都可以接受. 只不过最激气系员工嘅服务态度 我朋友问待应要鱼生豉油, 个待应答:「枱面个支咪系啰!」但枱面个樽写坐饺子汁但用涂改液涂左少少字又遮唔晒咁. 之后我朋友拎起「饺子汁」问系咪依支, 待应语气唔太好咁答:「呢支系鱼生豉油呀!」依次冇咩礼貌都算, 之后待应走来加茶, 问都冇问就加左坐出面嘅人嘅茶, 仲要差D整泻碗面豉汤. 之后个待应同坐入面嘅人讲:「加茶!」完全系命令句! 咁嘅服务态度都有....绝对系赶客! 我地冇出声只系想快D走! 真系好失望, 希望下次去员工嘅服务态度有所改善.…查看更多

黎到黄埔紧系要黎食札幌拉面啦。我今次叫左牛油拉面食，走荀。我本人比较唔钟意荀嘅味。牛油拉面真系有一樽方形牛油，捞哂系成碗拉面度，真系成个汤都香好多。另外再叫多左客煎饺子食，皮薄，少d油会更好！…查看更多

我上年去过呢间嘢，重记得食都火都黎，简直三无，服务无。食物质素无，卖相无，不过最近睇到D食评好似几好，咁啱我男友又想食拉面咪去试下啰！果晩8点未够去到出面已经有人等位我地入去即刻有侍应超好礼貌问:唔好意思请问几多位？之后比左张等位纸我，我同男友系出面等位果阵再望入面的确同我一年前黎果时差好远，等左十五分钟到有枱，坐底后感觉好热闹，点餐时侍应重会问使吾使转其它汤底重问埋使吾使浓D或淡D，虽然当时坐满人但个侍应都好有耐性听我讲完，呢D咪叫服务态度啰我男友叫左个札榥冷面同饺子，我就紧系食新嘢啦！鉄板和牛定食！！上餐时间都OK十分钟冷面到，本来想开口要只碗，佢已经话等等转头比只碗你！跟住饺子黎到，冷面OK架面唔淋啱啱好够冻！饺子够味Good！不过个和牛要追2次先有，和牛上枱时劲大烟重睇到D汁弹弹下，其它客都望过来，未食都闻到香味个侍应重好细心放低纸巾添埋单重有雪糕添！今餐劲满足！有进步有改善！…查看更多

果晩同老婆行经黄埔米睇下有咩好食啰，本来都吾系好为意有间咁既餐厅，不过我老婆行行下停左系度重以为做乜，原来企左系度望D餐牌，而我紧系做下工课睇食评啦，不过D食评认真麻麻，所以我同老婆都打算去第二度食之际。。。有个类似经理既人开门重好主动介绍餐厅有咩好食，见佢咁有礼貌我老婆就拉左我入去，入去环境OK架，当时都有八，九枱客，之后点餐叫左个2人餐有牛油拉面同香葱拉面跟四个小食有饺子，刺身，杂锦串烧，海鲜沙律，价钱尚可接受，个侍应重好细心问使吾使出哂小食先上拉面？估吾到一间咁吾起眼既餐厅有咁既服务质素，呢个系其一惊喜，饺子就好快呀，不过D剌身同沙侓就真系耐喇最过份系串烧半个钟都未有！个经理都醒水行埋黎问系咪有咩未到？见佢咁有礼貌讲左就由佢唯有食住拉面等，个拉面卖相OK，味道不过不失，食完个面串烧重未到，老婆忍吾住揾个经理埋呢问究竟系漏单定厨房无人？跟住就见佢追厨房，等左5分钟先到。。到埋单果时个侍应送返2客自家制雪糕，我老婆最爱我食左一匙都未试清，我老婆就食埋我果份， 不过评心而论真系吾错，算系第二惊喜，2百几有甜品送都OK既！总括黎讲服务真系吾错，不过食物品质同卖相认真麻麻！…查看更多

话说今日同班朋友约左一齐食lunch，有朋友话想食日本野...谂谂下黄埔食日本野既，黎黎去去咪个几间。咁岩谂起有间札幌拉面，之前又食过，都觉得唔错既，于是就推介左比我班朋友啦。一去到唔洗等位，good！入面都唔系话太多客,环境都还ok既。我地坐低左唔系好耐就点餐啦，咁我地就叫左拉面同定食。因为我之前同朋友黎食试过拉面，而我朋友食左定食。我见我朋友上次个定食好似好吸引，所以今次就决定试下定食啦...我又好中意食刺身啦，所以就叫左个鱼生定食......好啦，我地order完野食就吹左阵水啦。说时迟那时快，几碗拉面好快就出现左系我地面前啦。大家都话真系有效率啦，但系原来有d野真系唔赞得架！！食拉面既朋友都差唔得食左一半啦，d定食都未出现过......我都知d定食要煮可能系要耐小小时间，但系我个个系鱼生定食黎嫁wo，唔使煮啦呱！！咁我地只好再等下啦。又再等左阵，终于有定食黎啦，但无一个系我既鱼生定食！仲以为终于有得食，点知原来个个有得食，但系我就得个吉。我以为等多两、三分钟就会有啦......点知等左成七、八分钟都未有！！于是我就叫侍应帮我睇下有未啦，行过来既系一个女既著裇衫既，我谂应该系经理啦。我同佢讲左之后，佢就话帮我去睇睇得未啦，跟住佢就走左入厨房啦。如是者，我又等左阵。我食拉面d fd都食完碗面啦，我个定食都仲系未到！！有无搞错！！我当然又再叫个个女经理过来啦！！都唔知系个经理无帮我吹厨房呀(不过个女经理都几有礼貌既，系咁我讲唔好意思，我都唔想难为佢)，定系厨房做野真系咁啦！我一共吹左成五、六次先至比到个鱼生定食我！！我d朋友都食哂咁济啦！！真系离谱呀！一个鱼生定食居然要等咁耐，仲要吹咁多次先出！真系等到天都黑啦！我上次黎食都唔使等咁耐既，都唔知搞乜鬼既！！！今次去食真系好失望，等到我都无哂心情食野啦！！希望佢d可以加快d佢地整野食既速度啦:(真系等到我喊呀！！！…查看更多