Diff. Cafe (已結業)

今日又來到荃灣搵食，記得之前同一個位都係一間靚Cafe，見呢一間裝修都小幾清新就俾個機會試吓啦😚我哋叫咗一個all day breakfast ($73) ,軟殼蟹漢堡($88), 玫瑰蜜糖雞翼($40), 嘢飲就叫咗一杯蜜桃茶($+4)，同埋一杯特飲Baileys Mocha (+$33)🤩🤩首先想讚下佢用完嘅餐具碗碟都好靚好啱影相👍🏻餐湯同沙律都正常不過不失，All day breakfast 嘅牛角包係烘熱過咬落仲係外脆內軟 加分🥳軟殼蟹漢堡足足有一大隻軟殼蟹 但我覺得炸得有少少過火比較硬🙈反而個漢堡包皮有驚喜喎 入面查咗牛油焗過好香💛餐飲就有進步空間👍🏻蜜桃茶完全冇茶味得糖漿味道🙈Baileys mocha 亦都唔係好飲得出層次～希望下次黎會有進步喔😗

作為一個荃灣友，有新開既黃店緊係第一時間衝去食😈 雖然果日等左差唔多45分鐘位，但我地一致認同呢間係好好食！（同行朋友第日再encore 🤣 真係好誇張）🔸Easter Set ($298)呢個套餐本身係復活節限定，唔知宜家仲有無，不過如果小店繼續出我諗我會翻兜再翻兜🤤套餐包左一隻大大隻咸豬手，皮脆肉嫩，好食！仲包一款意粉，我地揀左墨汁海鮮意粉，海鮮唔算多但都大份，好食！小食3揀1，我地揀左薯條，仲要跟3款醬，有無搞錯又係好好食！跟餐仲送野飲，真係搞手但求打個和... 我地加錢換左咖啡，見到有Bailey Mocha 試下🤪 預左會好甜但飲落仲帶有Bailey 酒香同咖啡既香濃❤️我地3個人所以再叫多個帶子明太子忌廉意粉，個汁岩岩好，而且都多帶子同蟹子🥰 雖然等位等左好耐，但上菜速度都算好快，好值得一讚💛

讚1. 點左南瓜湯同千層麵，相當足料，南瓜湯幾甜身，同埋唔會成口忌廉咁；千層麵都焗得幾有心機，甘筍、西芹同牛肉分佈得好好，焗得香口2. 環境幾舒服，雖然咁既時勢仲坐對街吧檯係有啲淆，但撇除呢點，係幾舒服既彈1. 咖啡好難飲呢，啲豆太太太焦啦

睇到食評介紹，感覺不錯，一於去試吓，估唔到有驚喜，性價比真係好高，首先跟餐嘅沙律菜10分新鮮，再來一個70幾蚊嘅軟殼蟹漢堡連薯條，漢堡入邊好細心咁放咗芝士片，加埋新鮮牛油果醬，再配搭紫洋蔥，味道好清新，同熱辣辣脆卜卜嘅軟殼蟹好夾，非常能夠感受到料理人嘅細心設計，感受到希望食客食得開心嘅心意。飲品要左Baileys Latto，欣賞餐廳提供呢啲比較有特色嘅口味，唔使次次去親Cafe都飲差唔多嘅嘢👍🏻亦喜歡佢唔會偏甜，真正飲到Baileys香味，如咖啡味再加多少少更完美。服務態度非常親切，年輕的侍應小姐服務非常周到，處處為客人細心着想，最微細處亦照顧到客人需要，食完呢餐飯，除咗帶着滿足的胃和味蕾外，更讚的是能帶着愉快的心情離開。一定會再會常常會來幫襯！😋

約左好耐無見既朋友食飯搵到一間荃灣新加盟的黃店 Diff. Cafe裝修簡約舒適，有半開既窗日頭黎影相有feel嫁🤤 Dinner set 有沙律/湯+主菜+飲品🍹另外小食每款都只係$30-50 真係性價比高🍴沙律新鮮用上油醋汁酸甜開胃🤤 而是日餐飯係洋蔥湯🍲 跟餐+$4就可以叫埋Iced Peach Tea/Apple Tea👍🏻 如果中意飲咖啡都係+$16☕️軟殼蟹配香草蛋黃汁米形粉 $88軟殼蟹好大隻啖啖肉😍而且肉質嫩唔會梅好驚喜😍唧埋青檸汁落pasta到更惹味上枱時米形粉睇落好似risotto😂第一次試新野😛千島海鮮薄餅 (蜆、墨魚、帶子、菠蘿) 10’ $88最中意就係新鮮焗出黎既脆脆薄批，材料豐富調味都好夠☺️ 千島醬好好食～薯條 (配茄汁、牛油果醬、蜜糖芥末醬) $32薯條係新鮮熱辣炸好，牛油果醬同honey mustard 無令我失望 食到無停手🥰Menu

▪️帶子明太子忌廉意粉 ( $78 ) 跟餐送沙律▪️墨魚汁蟹子意粉( $88) 跟餐送餐湯.食完佢哋都差唔多落場，同老細傾咗陣計，我話係咪開咗成個月都keep住咁靜，你哋有無申請入黃藍地圖。佢話有但到依家都未審批到，就算比哂source（聘請手足、捐錢等）都無用，連google都未比佢哋add location。我話咁你會唔會po多啲文宣呀，佢話有手足員工覺得咁樣會好做作，希望遲啲會好啲捱到啦。我話咁點幫你呀🤦🏼‍♀️ .講翻呢兩碟嘢，可能因為無乜人所以個廚都比心機炒，真係好足料好好食，70幾蚊食明太子意粉，以為得個色㗎喳，點知真係每一條都可以沾滿明太子，撈埋忌廉一啲都唔漏，有成十幾廿粒帶子，意粉軟硬度剛好，加埋紫洋蔥嘅爽甜，好好食🤤.墨魚汁意粉落足海鮮，墨魚仔好可愛！仲有帶子、蟹籽同蜆肉！加入蒜粒、紫洋蔥一齊炒，勁香，好有鑊氣咁🤣

啲野食真係極抵食 賣相靚又好味‼️-🍝經典千層麵 ($78‼️)1️⃣表面烤焗到超香脆，剩係焦脆既芝士已經夠哂邪惡！2️⃣然後疊住一層層醬汁同芝士，夾住足料又酸甜既蕃茄肉醬，味道岩岩好，完全唔會覺得飽濟。3️⃣一百蚊都唔洗，剩係價錢同外表都贏哂！仲包超出色忌廉蘑菇濃湯，絕對對得住價錢！👍🏻8.5/10-🥘忌廉蘑菇濃湯/沙律(跟餐送)超推薦揀湯，夠哂傳統同正宗，內有粒粒極幼細既蘑菇，做足細節位，濃郁鮮甜，仲超幼滑。-🍹飲品叫左水果茶同特濃朱古力，好鍾意個朱古力，又濃又幼滑，而且啲cream打得靚！-💛岩岩新開人流唔多 絕對要支持‼️