Delicious Eatery

营业中

休息中

喺附近有野做 諗住食個快lunch 入到餐廳無人招呼自己搵位 叫咗個燴牛肉飯 menu寫左有白酒 咁就要求走白酒因為小朋友唔食得 負責落單嘅侍應就入去問廚房 點知聽到廚房話「冇喎冇白酒Menu有寫咩？」好似講到我有問題咁 但明明你份menu自己寫住有白酒？？？牛肉飯嚟到 全部牛肉都係筋 咬唔到 即使我有小朋友較剪都剪唔開 待應話係咁架wo 因為就快有巴士到 咁就快快脆脆食埋最後嗰啖即刻執野走 然後有待應追出嚟問我係咪未賣單？？ 我落單既時候已經俾咗錢啦wo??成間餐廳不知所謂 永遠唔會再幫襯

今日朋友生日，又想搵間餐廳可以傾吓偈， 就揀呢間美餐廳，裝飾好好feel， 好環境幾好，仲有打卡位，食物唔錯，我地一行10人，都食得好飽，朋友已經諗定下次聚會會再黎，招呼幾好😌👍🏻

上一次同班朋友一齊嚟，帶埋狗狗，好滿意。今日特登同老公一齊嚟，午餐選擇好多，平均80至100蚊，已經包嘢飲，嘢食種類多，包括我pizza，意粉，扒同埋飯。我今日叫咗個意粉同埋pizza。黑松露蘑菇pizza薄餅底，好脆，芝士有拉絲效果。黑松露汁令到成個pizza都好香，同蘑菇一齊，拎到成個pizza都好好味🤤脆脆蝦燴意粉呢個相對地就普通，份量唔算多，啱曬細食嘅人。餐飲我揀咗咖啡，飲得出唔係普通貨。好飲，咖啡味好香。☺️平日午市都差唔多full. 提議預約先去。😝

I recently visited Delicious Eatery, a fantastic pet-friendly restaurant, and I couldn't be happier with my experience! Upon arrival with my furry friends, the staff had thoughtfully set up a welcoming space for us. The food was absolutely delicious, featuring a variety of options that catered to all tastes. From creamy pasta to perfectly cooked eggs and fresh salads, every dish was a delight. My friends and I had a wonderful morning filled with great food and good company. If you're looking for

無意中行過. 覺得環境唔錯，加上有侍應生介紹menu, 　於是入去食晚飯，食咗肉醬意粉同煎三文魚。食物質素非常高質素. 物超所值！服務態度非常好，絕對會回頭的一間餐廳。

本人於何文田返工其實一係就行返出去旺角一係就勝利道食lunch, 有意無意間有一次行咗梭椏道沿途都有幾間小店食肆…… 咁今日試下依一間，同埋見人又唔係太多，啲裝修又幾田園relax feel.叫咗個lunch set , 橄欖油雞肉意粉同杯凍檸茶，一向我心態返工食下午飯通常都舒服relax為主, 當然又唔好太太難食啦😂😂咁呢度就已經係啱晒我口味….食物方面都算OK啦，但杯嘢飲就比較差啲，淡茂茂得少少茶味，呢個要改善！雞肉意粉大份會好飽，味道都唔差，熱辣辣….坐喺度望出面好多人放狗🐶 如果一個人靜靜地lunch 可以來一試吖！埋單$91 （ 加埋一）走人⋯⋯

之前經過見餐廳有露天座位，所以特登打電話去問可否帶埋鸚鵡坐露天座位用膳。店員非常好，最後仲安排左室內座位俾我地等我地可以涼冷氣，餐枱隔籬咁岩仲有個窗台等我地可以放雀籠俾🐥🐥🐥睇下風景食物方面是日餐湯洋蔥牛肉湯好有驚喜！！味道好濃郁黑松露餐湯就好Creamy！兩款湯都有跟蒜蓉包德國鹹豬手炸到卜卜脆好好食配菜薯蓉亦都好出色焙茶latte我特別要求唔再額外加糖，但咁樣不但冇令latte味道遜色，反而令到茶味更加突出

晚餐諗唔到去邊喥食嘢，朋友話不如問搵小店食，我第一時間諗起呢喥。呢間鋪喺區內都好多年，雖然唔會成日嚟幫襯(因為外出食飯主要去商場嘅餐廳)，但佢哋食物一直都好有水準，我帶親嚟食嘢嘅人都話鍾意。尋日叫咗是日餐湯，ribs同pizza。Pepperoni pizza個面鋪滿濃厚嘅芝士，啱嗮我呢個芝士愛好者。咬落去就有好豐富嘅辣肉腸，口感非常好。個ribs亦都好正，味道好之餘，肉感亦好軟。同朋友一邊食一邊傾偈，坐坐下店內其他客都走嗮，但店員完全無俾任何壓力我哋。當我哋想走嘅時候，外面正落大雨，我哋同店員講想等細雨少少先走，店哥哥好有禮貌好nice，話梗係無問題，叫我哋慢慢坐，最後我哋又坐咗15分鐘先走。如果想喺何文田區搵間食物同服務都嘅西餐廳，Delicious Eatery絕對係好選擇。

早晨😊真心推介位於梭椏道的cafe🥰很有田園feel，環境舒服。位置在街角，90度的落地窗，陽光直接照射入店👍🏻一進入店的店員叔叔（可能係老闆🤣）就親切地迎接我。呢個早晨全餐真係好豐富，絕對材料十足：煎蛋x2，火腿x2，煙肉x2，茄汁豆，蕃茄，香腸，牛油蒜蓉包，沙律菜及粟米。焦糖牛奶咖啡，唔甜，合我味道。店內環境寧靜，適合朋友chill吓，睇吓書。那幅粉紅色樹牆很立體，如身在其中，打咭一流

之前睇食評見佢咁多劣評有啲驚。但由於係附近工作見都唔小人食。即管博一博。點知一食就有驚喜。又幾好食喎。價錢都唔算貴。人均一百蚊跟埋杯咖啡。以佢既質素黎講就好高性價比。依個係白酒蜆肉意粉，佢用既意粉偏幼，但夠彈牙、剛剛好、唔會淋哂，保持到口感。有小小酒味。個味調得幾好，料又夠。另外食左個蒜片雞肉意，平時食果啲蒜片意粉都係冇色，佢紅紅地。唔知係咪落左茄膏呢。但又唔覺佢係茄汁意粉。個味幾好。賣相又靚。所以有時都唔可以比啲劣評嚇親。依間野值得番食。

其實已經唔係第一次黎食了有試過外賣 有堂食食lunch 有食過晚餐set dinner🍽️ 今日係OpenRice搵下附近食咩好 見到依間餐廳本身食評有好多相似既劣評 心想E~唔同差左 本住依個心態 今日晚上再黎食一次先！！😆Spaghetti set 有湯同飲品🍽️洋蔥湯今日係上洋蔥湯 有一塊蒜蓉包 由於我真係麻麻地洋蔥湯 我都係飲左一半左右 🍽️三文魚菠菜意粉個意粉質地好彈口 又掛到cream sauce 真係唔錯🍽️white coffee 跟餐既~都可以啊🍽️夏威夷pizza係薄身脆pizza 片片上面既菠蘿大大粒好juicy 要趁熱食 芝士拉絲 好美味🍽️雪糕waffle 係一大亮點！ 本身都飽 但都忍唔住要叫睇個擺盤就知好有心機 個窩夫蛋味重 係偏向脆口既 加埋朱古力醬 yum yum最後兩位服務員都好禮貌造就了今晚愉快的晚餐 thank you

朋友說，這間近排換左個廚師，食物質素提高左不少。今日終於有時間食晚餐，真係好ok，不單坐得舒服，食物又高質而價錢合理。我們一行8人去食，試了多款美食同甜品，食物方面，有黑松露薯條，薯條已有黑松露味，配埋特製黑松露醬，食到停唔到口。到主菜，我們點了風乾火腿pizza, 法式焗bb豬，豬肋條骨，每樣都超超超好吃呀，全部食物即叫即整，超juicy 超入味。。無得頂。另外，甜品又係好吃，擺設又靚。。配合牆上既打咭wallpaper.. 全部都好完美。。下次出開旺角一定再來。。好完美 ❤️❤️😋😋

話你知，我今日行過一間唔起眼嘅餐廳，心諗試下新野唄！店內裝潢係咁簡約，坐落街角，啱晒想靜靜咁享受食物嘅我。我點咗個卡邦尼意粉，意粉夾帶咗啲鬆軟又QQ嘅口感，醬汁啱嘴到我差啲想直接舔盤！🤤 另一邊門，我跟手又有個拿破崙海鮮意粉，每啖嗰啲海鮮呀，新鮮到彈彈哋，配上嗰啲蕃茄醬，鮮味直撲鼻尖嚟。只係嗰份量小少少，呢方面就有少少嘢要諗吓。至於環境，店內舒服得黎，無話特別突出，但對於想慢慢品嚐嘅人嚟講，簡直正啦！🥳 總括下嚟，食物同環境都算係抵讚，只係下次可能會希望個碟可以有多啲，令人食到滿足啲！無論如何，呢次經驗算係個幾滿意嘅探險，值得同大家分享吓。

何文田🇭🇰 歐陸風cafe☕️.好近旺角東站嘅cafe，lunch menu都算多選擇 有意粉/飯/pizza🍕 都幾好食😋 去過旺角想避開人群就可以黎呢邊試下😆 但價錢就唔算平 lunch set都要around $100 up🤔 如果比同樣價錢我覺得有更加多好啲嘅選擇～.🔸南瓜汁雞肉燴飯 $𝟗𝟖南瓜汁🎃好味！好多汁 但雞肉份量較少 建議同朋友share 因為一個人食應該有啲膩～.🔸羅勒青醬海鮮意粉 $𝟏𝟎𝟖見到枱枱都有order呢碟意粉🍝 真係唔錯😎 青醬掛滿晒全部意粉 蝦肉同菇都幾足料.📍Delicious Eatery🗺️何文田梭椏道8號地舖..#mytaste_旺角 #mytaste_何文田#mytaste_西餐

今日同朋友見到呢間野裝修幾靚，就入咗去食，我嗌咗個三文魚dinner set一開頭嘅三文魚他他一般，不過不失之後嘅餐包同蕃茄忌廉湯都唔錯，令我開始期待主菜點知主菜嘅三文魚扒一上就出晒事我未見過三文魚扒可以煎到咁燶食落去係韌，完全唔係果回事退而求其次諗住食配菜頂下胃得幾嚿冇味嘅西蘭花同嚿毫無誠意嘅烚薯仔同勁酸嘅蕃茄仔越食越谷氣食過一次唔會再食亦都強烈不建議朋友同有緣睇到呢篇野嘅你去食同價位嘅選擇有好多唔需要俾呢個價錢食垃圾