DAY22 STEAK

营业中

休息中

荃灣一間西式高質扒房🤎環境簡約舒適 牛扒色香味俱全🤤$98起就食到靚扒🥩性價比都幾高😆今次叫左鵝肝配安格斯封門柳➕厚切美國平鐵牛扒🐮🐮每份都有8安士，非常大份抵食🙀而且跟set都係$38起就有湯、飲品、薯菜/意粉/沙律❣️餐湯係磨菇忌廉湯🍄‍🟫菇味香濃，飲落食到啖啖磨菇👍🏻跟餐配左薯條🍟、沙律🥗😋 薯條熱辣辣炸起，而且係波浪厚切，非常香脆❣️牛扒用石板燒住上臺🔥🥩可以自行烹調至想要嘅熟度😚今餐最欣賞嘅位係每份牛扒可以自選一款牛油用黎即場烹調牛扒🤩撰左蒜蓉牛油同洋蔥牛油🧈 搽落牛扒上煮好香🤤🤤安格斯封門柳食落牛味極濃郁，而且厚度十足，口感軟腍👍🏻 厚切美國平鐵牛扒肉質帶點厚實但口感軟腍得黎又有點嚼頭👍🏻 鵝肝都唔錯 香煎完後香濃細膩，夾埋牛扒一齊食絕配💛

今日要去荃灣買野,  午餐時間就OPENRICE 下附近有咩好食. 見到有間人氣石燒牛扒, 一於去試下美國牛肩胛扒8安士  - 加38蚊升級有餐湯, 沙律, 熱柚子密 牛肩胛扒揀左蒜蓉味牛油, 勁香 ! 牛肩胛相對肥少少, 油脂多點. 份量足. 美國安格斯封門柳8安 -  加58蚊升級有酥皮湯, 薯條, 青檸梳打. 封門柳牛味重D 無咁肥. 揀加左香草味牛油,又係另一種味道. 酥皮湯個酥皮好酥脆可口, 雜菌忌廉湯好Creamy湯. 薯條係粗身的炸得夠脆, 個人喜好決定塊牛要幾熟，店員上菜時會特別提醒客人可以拎返塊牛落嚟先, 分批喺放上石上燒. 避免 Overcooked.份量足,升級餐湯又好出色. 大件抵食. 讚! 

DAY22 STEAK地址: 荃灣聯仁街28號康睦庭園2座地下3號舖-上次食完之後覺得幾好食，今次帶埋朋友一齊嚟食，店員一如既往貼心又細心🩷-1️⃣ 巨人雞脾肉扒 （$128）+ 酥皮湯&沙律（$58）大個手掌嘅雞髀肉，可能驚我哋自己燒得唔好，純粹嗰時已經係熟咗嘅狀態。雞肉食落去有驚喜，真係超嫩滑，零雪味但又夠味。大推！見跟餐幾平就順便叫埋酥皮同雜菜沙律，好耐冇食過酥皮湯，所以叫咗一份試吓。都幾香。2️⃣ 美國prime肉眼扒 8安士（蒜蓉味牛油）上枱係生肉黎，鍾意熟啲鍾意生啲都可以自己調節～食落去冇A5嗰塊咁肥但都有脂肪，我覺得肉味啱啱好，肉質柔軟、多汁。口感好豐富。我自己就鍾意落埋蒜蓉味牛油，感覺上會再香啲☺️如果係配菜方面，我最推薦都係沙律。一黎意粉既蕃茄醬係偏甜嘅味道，配搭埋牛嘅話成餐就太濃味。二來就係齋食塊牛都夠飽。👻

同朋友行完街之後，大家都諗唔到食咩好😩咁啱見到有間扒房既門口大排長龍，我地就決定跟隊睇下系咪真係咁好食😋入到去之後，我地食左：⬇️⬇️🌟鵝肝配安格斯封門柳🌟既二人餐$498個餐包括左：⬇️⬇️✨鵝肝配安格斯封門柳✨12安士甘香軟滑既鵝肝入口即溶，size仲成隻手掌咁大塊，入口個下，我呢個鵝肝控即時心心眼，正丫😍格斯封門柳上枱既時候仲跟左塊有火坐熱既大鐵版，想要咩熟度都可以自己控制🥰塊扒個肉嫩唔韌牛味重，冇筋鬆化有厚度，我同朋友都覺得將佢燒到五成熟仲有d血水，再加少少鹽就最好食🤤✨酥皮湯✨X2金黃色既酥脆酥皮肥嘟嘟又脹卜卜，睇到就已經充滿食慾🤩撈埋菇味好重既忌廉湯一齊食真係十級滿足‼️✨花蜜雞翼✨皮脆肉嫩又多汁，甜蜜蜜咁啱晒我口味👍🏻👍🏻✨炒意粉／雜菜沙律／薯條✨3揀2我哋揀咗炒意粉同薯條，兩樣份量都超級多😆3個人食都仲得❗️意粉🍝茄味濃厚，甜香彈牙超開胃，咁大碗都俾我哋勁快清晒💕薯條外脆內軟又夠咸，好味😋✨大杯裝飲品✨X2可以揀嘅飲品都算幾多選擇，除咗大路既汽水、烏龍茶．．最估唔到連雜果賓治、花蜜水、青檸梳打都有🤟🏻我同朋友都揀左清新酸爽又解膩既青檸梳打，好飲之餘仲要勁大杯❣️🛑DAY22 STEA

我地坐低左叫左一塊肉眼扒，仲可以自選牛油，我揀左洋蔥牛油，牛油會雪凍好，之後等鐵板上碟之後就可以將牛油放落扒度東溶慢慢食，我地叫左另一份係厚切平鐵牛扒，呢塊揀左香草牛油，牛扒重12安士，切成一片片客人可以自己慢慢燒熟d牛扒按自己喜好熟成度去燒再加入適量既鹽同胡椒調味，肉質好厚身，肉味香濃，香草牛油香草味同牛扒好夾。呢度仲有得加$48跟餐叫一杯巨型大飲品，我叫左一杯青檸soda，我地揀左薯條份量好大，仲要即炸好香脆

撘巴士經過見到呢間餐廳發現又轉咗手上OpenRice睇依家原來係做緊牛扒就同個食肉獸朋友去試吓😍🥩餐廳有唔同嘅肉類同唔同部位揀加錢跟餐就有湯有配料同嘢飲❤️美國安格斯封門柳8安士加58蚊升級有酥皮湯+沙律+雜果賓治❤️美國牛肩胛扒8安士加38蚊升級有餐湯+薯條+凍伯爵茶 成個餐嘅品質都比我想像中好同有驚喜除咗可以自行調節生熟度之外亦可以拎起放開慢慢食隨意再放上去加熱調味加咗香草味牛油同蒜蓉味牛油🧈個牛味同肉質都算係最好狀態下嘅味道所以食完覺得兩個牛都係正嘅👍🏻個人比較喜歡都推介有啲肥嘅牛肩胛😍薯條係曲條炸得夠脆冇雪味沙律係每塊菜都已經預先撈咗沙律醬最後提返大家兩杯嘢飲嘅份量差成倍容易口渴或者鍾意食住飲嘅人記得留意返🤣

壽星成日提起美國燒大塊牛扒好正🥩🎉趁生日就帶佢去荃灣人氣石燒牛扒實現願望啦 雖然離荃灣2個地鐵站少遠 餐廳近plaza 88對面 但一樣有咁人氣同有爐氣🔥二人餐有兩種選擇$468 prime柚子味牛板腱10安士$498 鵝肝配安格斯封門柳12安士🌕酥皮湯黃金漲卜卜脆皮入面係雜菌忌廉湯奶白Creamy湯內有幾款新鮮菇類切片而唔係碎粒🍄🥤飲品杯雜果濱治上到檯真係哇一聲😮超大杯🍋除咗汽水比較多人叫青檸梳打叫熱飲就正常size嘅🐔花蜜雞翼一碟4隻香甜花蜜糖沾滿香脆雞翼外皮 煎到熟度剛剛好🥗配菜炒意粉🍝雜菜沙律🥗炒薯條🍟3款選2款🍅香草蕃茄味濃炒意粉都幾大碗 好飽肚另一款當然揀香口又熱辣辣波浪薯條 🥩牛扒主角石板燒超厚切封門柳🐮肉質嫩滑紅潤鎖實肉汁好juicy 煎香鵝肝入口即溶🪿火力時間控制剛好 全程夠熱唔駛換火單點扒類仲有更多豬牛羊其他部位嫁🐷🐏

荃灣創新餐廳，牛扒工作坊Day22Steak，有平鐵煎爐呀！美國牛柳Striploin, Prime rib, Flat iron,等多款牛部位選，快啲排隊試下啦。鵝肝配美國安格斯牛柳2人套餐($498)：美國安格斯牛柳(12oz): 冇嘢醃過，只有迷失香（迷失香有木質香，帶出西餐的靈魂香草）。可以自加玫瑰鹽或胡椒，又劃乜都唔加。反煎過又換過個爐，煮到牛扒啱啱好。絕對係自己煮扒嘅工作坊。鵝肝：要煎到佢外面柴柴哋，保存入面肝本身嘅油先好食。多謝服務員哥哥教導🙇‍♂️。食落去有少少肝嘅甜味，同鵝肝味。酥皮湯：熱度十足，多得酥皮同個碗夠保持著温度。湯係忌廉磨菇。雜菜沙律，薯條：大大份，啱晒大食漬🫃。叫意粉就會更飽了。大杯裝飲品：大大杯，大方得體。飲落就自然好味啲啦。不要害怕去番煎，尋找你的牛扒味道。Day22steak係間牛扒工作坊，除咗有靚美國牛扒同埋熱煎鐵，仲有友善嘅員工協助，煎出咗完美靚靚牛扒。佢哋仲有平鐵牛扒，肉眼扒；這兩樣的食法完全唔同，你試過晒未？

趁今日放假食個豐富啲嘅午餐，選擇有牛/豬/雞/羊，有d仲可以配蝦/鵝肝/三文魚。餐廳仲有特別推介，我就叫咗Prime 牛肩胛牛扒，跟黑松露牛油，加$58有酥皮湯、薯條同特大杯裝飲品，難得嘅係冷熱飲品係同價！酥皮湯係忌廉蘑菇湯，忌廉湯好Creamy唔會係水汪汪，同酥皮一齊食好夾。牛扒一上枱石燒嘅熱力好澎湃，未食已經聞到好香，煎到差唔多就將牛油搽上表面等佢溶透，店員亦好細心幫手整，按自己鍾意嘅生熟程度調教。牛肩胛牛扒油脂感較重，牛味比較濃，鍾意牛味濃嘅我岩哂。薯條香脆，就算墊底嘅薯條都冇淋晒。特大杯裝凍朱古力真係超大杯，好抵飲！朋友叫咗美國平鐵牛扒，上菜時已經切件，更方便控制每件嘅生熟度，食落質感比牛肩胛牛扒瘦啲，但味道都唔錯！加$38有忌廉湯、揀咗意粉同青檸梳打。意粉質感唔會煮過龍，蕃茄醬係偏甜嘅味道，幾好食。青檸梳打帶酸味，解油膩感一流！

DAY22 STEAK 📍荃灣聯仁街28號康睦庭園2座地下3號舖每次去到餐廳唔知食乜啲好就會揀佢哋嘅二人餐🤣 set好晒唔使諗好方便！鵝肝配美國安格斯牛柳2人餐 $498⭐️酥皮湯（2人份）就算係嗌其他餐都建議大家轉酥皮湯！佢嘅蘑菇味好岀，係超經典同香濃酥皮湯✨ ⭐️花蜜雞翼總共有四隻，全部都包裹咗滿滿嘅蜜糖，食得好香口同開胃🤤⭐️美國安格斯牛柳12安士 配鵝肝一開始擺咗少少牛油係火山石上先再燒牛。塊牛真係好厚實同埋好粉嫩，而且份量好多！可以根據個人喜好決定塊牛要幾熟，店員都好細心咁提醒客人可以打卡後拎返塊牛落嚟先，以免Overcooked🤣 配上煎完之後油香四溢嘅鵝肝，完全係大滿足✨不過手殘黨如我就切得有啲醜😂 如果想再難啲嘅話可以揀切好晒嘅Flat iron steak 🥩 ⭐️雜菜沙律+炸薯條🍟好大兜薯條同沙律😂 完全係比想像中多好多，本身以為係細細碟嘅配菜，超實在！⭐️大杯裝飲品2杯又係勁大杯，大過部電話，真係可以飲全晚😂平時飲一罐可樂唔夠嘅朋友仔一定會超鍾意呢個size🤣有得食有得玩嘅石燒牛🤣 而且每樣嘢都好大份，食到超飽，個氣氛好啱朋友聚會✨#fookdie荃灣 #fookdie荃灣

放工同老公鋁扒, 8:30pm左右裡面竟然full哂, 出面有幾個排緊隊, 可能星期日嘅關係,排左一陣就入得😛我地都各自+58跟餐有酥皮湯, (薯條/意粉/沙律）3選1,同埋Jumbo size飲品💫酥皮湯外層金黃酥脆, 酥皮會略微吸收湯汁, 入口非常濃郁, 好香, 味道層次豐富, 個胃頓時感到一絲溫暖舒適感💫美國安格斯牛柳 (蒜蓉牛油🧈)美國安格斯牛柳肉質鮮嫩, 口感滑順, 有彈性, 有肉香, 加少少海鹽和黑胡椒調味, 令肉質更加提升風味💫三文魚配美國牛柳 (黑松露牛油🧈)三文魚肉質軟嫩, 充滿油脂, 外皮煎到酥脆焦香, 而牛柳都依然有濃郁嘅肉香, 肉質緊實又多汁, 煎至最後加黑松露牛油煎溶mix埋, 充滿香噴噴黑松露味嘅牛柳, 好惹味🤤🤤雜菜沙律菜好新鮮, 好爽脆, 調味and份量都剛剛好, 好開胃👍值得一提係今晚餐廳都幾乎坐滿, 眼見除左廚房, 樓面得一位店員跑完場, 佢仍然好悉心照顧每一枱客, 問下有否需要幫忙, 提點進食步驟等等….非常非常值得一讚👍👍👍

❤️厚切美國平鐵牛扒（12安士） ** 蒜蓉牛油+$58 轉套餐套餐有：酥皮湯、雜菜沙律/薯條/意粉(3選1) 和一杯特大杯裝飲品(冷熱同價)。酥皮湯酥皮酥脆～揀左意粉🍝和雜果賓治(嗌左少甜)。意粉份量多👍🏻唔會過腍，口感爽滑～特大杯裝飲品雜果賓治真係勁大杯啊！😱好誇張，打卡一流！📸❤️美國牛柳（8安士） ** 蒜蓉牛油 +$38 轉套餐 套餐有：是日餐湯、雜菜沙律/薯條/意粉(3選1) 和餐飲(冷熱同價)。揀左雜菜沙律🥗和青檸梳打。是日餐湯是蘑菇湯，入面真係有蘑菇架！蘑菇脹鼓鼓很有口感。食完鐵板牛覺得熱氣？食完沙律立刻熱氣全消！👏🏻牛扒和牛柳已預先切好一片片，燒同食起黎都好方便呀！👍🏻兩者皆牛味香濃～😋肉質鮮嫩易咬～肉汁鎖在肉裏，唔會燒到乾爭爭～有調味料如甜燒汁、黑椒等。黑椒配牛扒同吃份外滋味～😋加$48追加小食花蜜雞翼。落左大量花蜜🍯，純天然夠清甜。雞翼皮脆肉嫩，咬開重冒煙夠晒熱！

家人生日， 當然要食好啲啦😂。最後經過一番篩選之後，決定定到荃灣的扒房慶祝🥳⋯⋯因為同傳統扒房不一樣， 這裡可按個人喜好，決定牛扒的生熟。 （5⭐️最高）厚切美國平鐵牛扒 （12安士）配香草牛油跟薯條（5⭐️）因為有明火加熱，所以鐵板可以保持住相對應的溫度。 我哋先煎咗一邊，然後加入少少海鹽😋。我老公比較喜歡熟少少， 當差不多時， 就加入牛油， 食入口香嫩幼滑😚蘑菇湯（5⭐️）忌廉味唔算好濃，但10分足料薯條🍟（5⭐️）入口食得出是用新鮮初榨油炸，入口外脆內軟⋯⋯鹽份適中🤩。三文魚配美國牛柳（8安士）配蒜蓉牛油跟意粉（5⭐️）牛柳比牛扒更香幼滑😋，入口更有細味，但因為切得比較厚身， 需要煎的時間較為長，而我喜歡比較熟啲， 但都不影響其質素🥰。 蒜蓉牛油的香味更可以令牛柳的鮮味提升。因為要同時控制牛柳同三文魚所以三文魚有少少過了火候😅，但肉質及香味仍然保持甘香、幼滑。意粉🍝（5⭐️）跟餐的份量雖然唔會好大，但係味道非常適中，而且加入了少少香草😛， 入口份外滋味

依間於荃灣嘅隱世扒房經常大排長龍，非常有人氣，於是今日就專程去荃灣試一試！今次同朋友叫咗兩個扒餐，分別係安格斯牛仔骨同鵝肝配美國安格斯牛柳餐。花蜜水份量超大杯，味道充滿蜜糖香味，唔會太甜，感覺好潤喉啱晒秋冬嘅季節飲！青檸梳打味道充滿青檸嘅酸味夠晒開胃，感覺非常清爽又非常解膩，啱晒配埋牛扒一齊食！酥皮湯酥皮外層超鬆軟香脆，一篤落去，酥皮已經自然咁碎開，冒出騰騰嘅蒸氣，入面裝住熱辣辣嘅忌廉湯。酥皮同埋忌廉湯一齊飲，為酥皮增加咗味道好好食，同時令忌廉湯湯口感更豐富！鵝肝配美國安格斯牛柳(8安士)鵝肝外脆內軟，入口即溶，質感幼滑真係令人回味無窮！安格斯牛柳牛味濃郁，又非常Juicy😋只係落咗鹽同牛油呢啲簡單嘅調味料就已經好好食👍🏻安格斯牛仔骨牛仔骨牛肉非常嫩，一啲都唔會靭，同樣Juice多汁👍🏻份量都唔少有兩大塊。同樣都係加咗少少鹽同牛油就已經好好味😋意粉套餐加配嘅意粉係茄汁意粉，有超濃郁嘅茄汁味😋味道酸酸甜甜，啱晒配牛扒一齊食。花蜜雞翼雞翼有四隻，每隻雞翼外皮都包滿住蜜糖令味道甜甜地，而且外皮香脆，內裏就肉質鮮嫩好食😋

今晚同朋友搵食荃灣，吾係去大型商場，而係去咗聯仁街嘅人氣小店 準時入座已差不多全滿，厚切美國平鐵牛扒（12安士），雖然厚切但完全吾韌，大塊鐵板咁上枱超有霸氣，牛扒中間非常嫩滑，每一口都有濃郁牛肉香味，咬落肉汁充盈，層次豐富。美國牛柳（8安士），油花較少，結實有嚼勁，曬上海鹽同黑胡椒已經好好食，呢度仲比埋三款（黑松露、蒜蓉、香草）牛油揀，好體貼🥹花蜜雞翼炸得恰到好處～外皮脆卜卜，又吾會油淋淋，雞肉味濃而香！呢度環境衛生又闊落，冷氣充足，價錢合理，性價比好高，會再回頭👍🏻