Dark Leaf Cafe & Lounge

营业中

休息中

旺角一間隱世西餐廳，環境好適合傾偈，食物質素高，仲有多款酒類飲品，值得一試！澳洲黑安格斯西冷牛扒 $208超高質主菜💯 牛扒選用高品質黑安格斯牛肉，煎得好有水準，肉質鮮嫩多汁，外焦內嫩，烹調至完美的七成熟，讓肉汁充分釋放，牛肉味香濃😍美國深海黑鱈魚配黑松露意粉 $188有驚喜！黑鱈魚魚肉極鮮嫩，口感滑順，搭配黑松露意粉，帶來獨特的香氣和風味😍 黑松露的濃郁香氣完美襯托出魚肉的鮮美，意粉則吸收了魚的精華，口感豐富Sencha（荔枝煎茶）$128是一款獨特的飲品，將日本茶的清新與荔枝的甜美完美結合，並融合了Grey Goose Vodka的細膩口感，香甜帶微苦澀味，好適合女士飲Mango Shiso（香芒紫蘇葉）$98好特別嘅無酒精飲料💛 將甜美的果香與草本的清新完美結合，好開胃

位於旺角彌敦道的「Dark Leaf Cafe & Lounge」，係一間酒吧西餐廳🍴店內環境昏暗有情調餐牌上供應小食、沙律、肉類、海鮮、意粉及甜品等等。另外仲有酒精及非酒精飲品墨西哥玉米脆片玉米脆片香脆可口，表面加咗少量芝士醬及香草碎，增添香氣黑松露薯條幼薯條炸得金黃香脆，滿口薯香。配上香濃滋味黑松露沙律醬，非常邪惡招牌脆皮燒雞配蘋果汁半隻燒雞皮脆肉嫩，啖啖肉。伴碟有新鮮沙律菜及蘋果汁，健康美味伯爵薰衣草柚子烏龍冰凍可口，味道清甜，帶陣陣柚子及烏龍茶香

今日我去咗旺角一間樓上嘅cafe，環境真係幾舒服，適合朋友聚會。我點咗兩杯手工酒，分別係「藍色海灣」同埋「威士忌燻茶」。藍色海灣飲落去有種清新嘅感覺，酒精味唔算太重，反而有啲水果嘅香味，特別適合夏天飲。而威士忌燻茶就完全唔同，帶有濃厚嘅煙熏味，茶香同威士忌嘅味道融合得非常好，飲完之後令人有種回味無窮嘅感覺。小食方面，我點咗黑松露薯條同大蝦意粉。黑松露薯條外脆內軟，搭配嘅醬汁好香，松露嘅香味濃郁，真係一試成主顧！大蝦意粉嘅份量都幾足，蝦肉鮮嫩，意粉煮得剛好，配上香濃嘅醬汁，整體味道非常好，令人一口接一口。總體嚟講，今次嘅用餐體驗非常滿意，無論係飲品定係食物，都展現出cafe嘅用心。下次有機會一定會再返去試下其他嘢！

旺角都有有情調嘅樓上餐廳🥂呢度嘅氛圍偏浪漫梳化位幾舒服~❤️😉嘢食質素都唔錯，我哋嚟之前有做資料搜集見到都多人推薦佢個招牌脆樣燒雞配蘋果汁係必食，我哋當然都要試吓啦！一嚟到，見到色澤好靚個皮拮落都仲係脆一切開啲肉汁開始慢慢流出嚟食落唔會乾😍肉質仲好嫩口添個人覺得個蘋果汁幾特別，甜甜哋有別於平時偏鹹味嘅炸雞醬，呢款汁都算幾開胃另外，佢個珍寶大蝦明太子三文魚籽意粉🍝都唔錯，個意粉汁好夠 creamy、掛汁❤️三文魚籽同埋明太子帶嚟嘅鹹香味比較九層次，唔係一味得個鹹字，會有少少爆發性嘅鮮甜👍🏻同埋隻大蝦真係好厚肉好大隻（有我手掌咁長）肉質唔會鞋，咬落彈牙🤩好好食！呢個意粉我個人覺得嚟到都係必試✅.飲品方面，因為我哋都唔係點解飲酒，所以都係叫咗兩杯mocktail：蜜桃洋甘菊同埋柚子烏龍🍃都係偏花果茶香嘅飲品~食完嘢飲好refreahing~.下次會再嚟試埋佢嘅其他菜式❤️

好耐未約過我老婆去一間好有氣氛嘅酒吧餐廳約會!咁我網上做咗功課俾我搵到呢一間位於旺角彌敦道726號8樓 #Dark Leaf Cafe & Lounge 呢間係一間好有氣氛嘅酒吧餐廳！幽暗嘅燈光好適合同朋友飲酒🥂環境都唔錯！🍴招牌黑松露脆皮燒春雞半隻即叫即燒雞皮脆香可口雞肉非常嫩多汁🍴醬爆魷魚鹹香惹味送洒真係一流🦐珍寶大蝦配明太子三文魚籽意粉兩隻非常搶眼嘅大蝦肉質緊實又彈牙意粉嘅醬料又唔會太漏幾好食揀咗兩杯酒精嘅飲品🍸利賓納味道甜甜地，酒味唔重適合女仔飲🍸Whiskey sour 酒味比較重少少飲落有淡清香嘅味道📍 Dark Leaf Cafe & Lounge (旺角)旺角彌敦道726號8樓

今日行完街喺旺角食晚飯，好多人話旺角彌敦道726號好多樓上餐廳揀，加上位置很方便，在旺角與太子交界，近東亞銀行。幢大廈有各式各樣嘅餐廳，啱哂行完街唔知諗去邊度食，因為可以喺樓下大堂慢慢揀。跟住見到呢間餐牌幾吸引加上係西餐就揀咗佢。餐廳氣氛唔錯，合適安靜地聊天不過燈光光猛少少會更好👍🏻首先，小食方面叫咗醬爆魷魚 $88 ，同埋墨西哥粟米脆片 $108。魷魚肉質彈牙，加配的醬汁香甜開胃。而粟米脆片香脆，加配以兩款醬料點綴，牛油果🥑醬同埋另一款甜甜酸酸嘅醬，啱哂夏天嘅時候食！主食方面，咗西班牙黑毛豬柳配蘋果汁 $208，配菜是沙律菜，配有沙律醋味，幾開胃！黑毛豬柳焗製的，外皮幾香脆，如果份量多一點會更好。飲品方面，兩杯都係無酒精飲品，叫咗伯爵薰衣草 $78一杯，茶味香濃，不會太甜，味道剛好🥃埋單大約 $560，加埋一 $616。

本身見openrice咁多好評，諗住去試吓，點知中伏！！點解啲人咁都寫得出好評？啲小食百幾蚊，整得細份又hea。主菜二百幾蚊，份量更加誇張，舊扒細到呢搞到最後要去其他餐廳再食嘢服務態度更加特別，叫餐order嘢食都可以比人串！唉。。。宜家睇返間餐廳嘅comments，真係同其他負評嘅bloggers身同感受其實旺角樓上餐廳好多options 唔駛揀呢間。下次揀餐廳建議大家要正、負評都睇哂先好落決定。以免食餐飯都影響心情！！

呢間嘢啲cm誇張到，成幾板都係啲所謂正評洗板（知嘅就明咩事），但搵開食嘅都會知負評先係真嗰句講返間嘢，一塊得嗰3,4啖嘅所謂黑毛豬，多謝你$208再加一，女仔食完都要落街食多個M記先搞得掂，一盤疑似超市買嘅薯片又多謝你$108，至於食物質素普通到不得了，性價比極低，真係唔知係食緊鋪租定智商稅。老闆待人態度亦非常惡劣。肯定冇下次！咁嘅價錢咁嘅份量質素又咁嘅服務，環境又唔係真係有咩特別，絕對可以有更好選擇，想貼錢買難受嘅即管試下

今次去到旺角嘅酒吧餐廳 , 即刻睇下我哋食咗咩先🤤🤤墨西哥玉米脆片$108🇲🇽🇲🇽墨西哥脆餅新鮮現炸,非常香口😆 , 配搭自家製牛油果醬同埋蕃茄莎莎醬 , 墨西哥脆片上面仲加咗芝士醬 , 配上酸酸嘅莎莎醬😚😚 , 減少油膩感 , 食到停唔到😆黑松露薯條$78🥔🥔炸薯條配黑松露蛋黃醬 😍, 薯條係比較幼身嘅薯條 , 份量都啱啱好 , 可以點到大量嘅黑松露醬 , 非常滿足 😍😍加拿大海膽意粉$188🍝🍝海膽醬真材足料 , 唔單止表面加上一大塊加拿大海膽🥴🥴 , 都會見到用上唔少嘅新鮮海膽 , 意粉質地亦都煮得非常煙韌, 更加掛汁 , 味道豐富😋😋 , 主角嘅加拿大海膽亦都非常大方 , 味道鮮甜 , 唔捨得食曬🤤🤤🤤Peach Chamomile 蜜桃洋甘菊 $78🍸🍸以甜而不膩的蜜桃作為果香主調，接續著洋甘菊的清新淡雅。香草增加甜香十分易入口🤗🤗Mangi Shiso 香芒紫蘇葉 $98🍹🍹味道帶有濃郁芒果味道，及清淡紫蘇香味，豐富果味帶有刺激以新鮮嘅果酸味，飲落口非常開胃 😘😘

Happy hour even Saturday! Must chill with some drinks! Restaurant open at 1900We went a bit earlier still preparing The atmosphere is so romantic Special Cocktail with Chinese tea based 荔枝煎茶柚子菊花Not sweet We were a bit tipsy when we left but we love that feeling Snacks and food quite match for drinks

招牌脆皮燒雞配蘋果汁（半隻）Signature Crispy Roast Chicken With Apple Juice (half) 🔥即叫即焗，雞皮焦香，脆口，🐤而且裡面嘅雞肉都幾嫩，配上蘋果汁酸甜可口。醬爆魷魚 $88 Pan-Fried Squid鹹香惹味，👍🏻醬汁校得剛剛好，搭配魷魚，用來配酒不錯。墨西哥玉米脆片 $108 Mexican Nachos小食香脆，😋墨西哥脆片有口感。環境舒服，難得係旺角都可以找到一間可以和朋友靜靜地傾計嘅餐廳。佢哋除咗有多款調酒可以選擇之外，食物同樣唔錯😉

🪩自從阿妹做咗熊妹隻飯腳之後，都會揀啲靚啲嘅餐廳同佢出嚟食，因為阿妹好著重環境架！📌彌敦道726成棟都係食肆，揾間夠高檔格調的，當然係西餐廳。《Dark Leaf Cafe & Lounge》係間bar and restaurant，佔據8樓全層，以暗黑的格調營造浪漫氛圍💕，一排梳化枱🛋️，仲有拱形梳化包廂，好岩一大顆兒來把酒歡聚🍻。📌話明酒吧餐廳梗係有一連串酒精飲品啦，cocktails，手工酒，啤酒，咁有氣氛當然要飲返杯🍺！📌除咗酒類，緊係有可以食埋晚飯啦！有小食🥡、肉類🥩、意粉🍝同甜品🍩，款式唔算太多，勝在夠精緻✨！醬爆魷魚，$88先點了個餐前小食過下口癮先！用醬油炒香的魷魚鬚🦑一上枱芬香撲鼻，條條魷魚鬚都撈滿醬油，口感彈牙有嚼勁，滋味無窮！美國野生龍蝦配明太子三文魚籽意粉，$2285oz 牌的美國野生龍蝦🦞放在碟中央，隻龍蝦好似想跳出來咁，伴碟有花辦🌸豆苗🌱襯托，成件事五顏六色好吸睛👀！龍蝦肉肉質厚實好彈牙！海鮮味重，無雪藏味，絕對係高質貨！意粉撈上明太子醬汁，再配合粒粒爆汁三文魚籽，味道濃郁，整個材料配撘很不錯！西班牙黑毛豬柳配蘋果汁，$208阿妹大讚黑毛豬柳有驚喜🤩！一大舊黑

位於旺角的 Dark Leaf Cafe & Lounge以全黑色的裝潢營造出神秘感十足的氛圍，是一家與眾不同的餐廳。昏暗的燈光配極簡風格的黑色設計，讓人猶如置身於另一個世界，充滿神秘又時尚的感覺。醬爆魷魚魷魚鮮嫩，配上醬料的香濃，令人食指大動。澳洲黑安格斯西冷牛扒肉質鮮美，牛肉脂肪分佈平址，牛味香濃，火候掌握得宜，外焦內嫩。珍寶大蝦配明太子三文魚籽意粉珍寶大蝦鮮味十足，明太子的鹹香與大蝦的鮮甜相輔相成，整道菜肴層次豐富。Mango Shiso非常驚喜，芒果汁的甜潤與紫蘇葉的清香完美結合，既清新又解渴。Lavender Earl Grey則以伯爵茶為基底，加入淡淡的薰衣草香氣，茶味濃郁而不膩。

此餐廳服務態度是劣質的榜首。首先，假日已經不滿場，全場只有40%左右客人，要求加水，沒有任何回應。另外，想找侍應幫忙影合照留念，竟遭黑臉被拒絕，指太忙碌無法協助，甚感無奈。從未試過在餐廳用餐竟遭受如此般服務。另外，用餐時間夠90分鐘，即使未有其他客人等候（仍有60%空桌），已催你埋單，再警告「你哋過晒時㗎啦，如果要繼續坐，你地叫多杯嘢飲先可以繼續坐㗎」，之後不時留意你究竟走未，趕客咁，買難受。我明白餐廳可以有自己的規則，但坊間有些酒吧都不會有咁嚴謹規定，況且我們已有叫主食，不是淨飲幾杯飲品，仲要在無客等情況下如此警示你。離開嗰陣，感覺幾位服務員都係等緊你走未，完全唔會有任何「多謝晒，歡迎下次光臨」之類嘅說話，感覺去呢間餐廳度食飯就好似打擾緊佢哋。我實在不明此餐廳的服務仲衰過澳牛。我希望考慮訂呢間餐廳食飯嘅朋友，好好考慮清楚自己係咪需要貼錢買難受。如果你想去到食飯俾人趕，俾人催，想要杯水冇人理，想影張合照都黑晒面拒絕你，你可以去！

係呀，係好有型格呀啲裝修同埋啲態度，一入到去嗰浸油煙味已經唔得啦，你咁嘅價位，俾啲衰過花園餐廳嘅環境我？算，坐低睇餐牌，咦，搵唔到之前喺open rice 睇到嘅dinner set 嘅？我問一問waiter(係waiter 掛...)請問有冇dinner set 嘅menu，點知嗰條友掉低一句"冇dinner set 喎"就轉身走！咁冇辦法啦，唯有我都轉身走！去花園鋸個兩舊水扒都唔會成身油煙味兼受你呢啲咁嘅態度囉