Curry Bee

营业中

休息中

由南亞人主理的日式咖喱吉列餐廳，店內裝潢充滿日式懷舊和洋Feel，味道是正宗日式咖喱味道，必試吉列牡蠣套餐！吉列蠔：外表炸得金黃，口感鬆脆，內裡的蠔新鮮嫩滑晚市套餐包括5隻吉列蠔、麵豉湯、沙律、甜品，性價比冠絕大部份日式吉列餐廳吉列豬扒咖喱飯：豬扒比一般吉列豬扒專門店較為薄身，但不失滋味，反而少一份油膩的感覺‼️因為試過吃其他專門店的吉列豬扒，吃兩三件就已經很膩。再加上味道濃郁的日式咖喱配上珍珠米，一個字「」題外話：雖然係懷舊小店，但洗手間寬敞而且乾淨整潔，抵讚

今日再次同🐻仔去食dinner，🐻仔話想去食日本野🇯🇵，所以最後揀咗依間餐廳😋。餐廳裝修唔會話新，但都係正正常常，店員態度好nice😚，成個用餐時間都幾開心😊。我哋兩個一人叫咗一個dinner set，晚巿套餐會包埋麵豉湯、醃蘿蔔之類嘅物體🤣、飲品同埋自家製北海道牛乳布甸🥛。-🍴吉列豬扒套餐🐖($88) - 吉列豬扒炸得好鬆脆，外層嘅炸衣唔會甩開件豬扒，豬扒口感紮實😋，店家仲提供左一種豬扒醬，可以將磨碎咗嘅芝麻混入豬扒醬，會多咗芝麻香。隔離嘅椰菜絲🥬口感爽脆、味道鮮甜，配埋個沙律醬一齊食都非常之好食，而且好清新😝！-🍴鐵板牛肉套餐🥩($98) - 依個係🐻仔嘅晚餐，不過為食嘅也米😍都試咗一舊，牛肉好入味🤤，肥瘦適中，牛味好香，而且唔會好韌，容易咬開，好好食😋！-🍴凍/熱檸檬茶(跟餐)

呢間野賣日本咖喱，但入到去店員係菲律賓人初初聽到唔純正廣東話以為係日本人，望一望先知唔係，店員都好有禮貌叫左碟咖哩牛肉蛋包飯，份量岩岩好，不過選擇不多，價錢唔算好抵食，個蛋包飯有少少失望，因為只係將塊蛋放上飯面，咖哩味算唔錯

睇完戲八點幾散場遇上傾盆大雨，吾知邊度食好🥲？無意中入左呢間Curry Bee, 店員都係菲律賓人，沒留意餐牌，入左去我仲懵盛盛以為係東南亞野🤣，原來係日本咖哩😅。店員姐姐個個都笑容滿臉好有禮貌👍一睇餐牌我就😱炸牡蠣都係$88蚊，立即叫😍。。😍5分鐘立即有熱辣辣吉列炸日本牡蠣飯，有5隻❤️，成個set連麵豉湯都不求其👍好juicy，個炸漿都吾厚可以點埋芝麻同豬排醬試下🤤好好味，呢個set $88真好抵食👍另一半叫既咖喱吉列豬扒（$98）個樣好流呀🤣🤣，我試左舊豬排，我覺得有d 瘦，豬排真係要肥先好食🤪埋單$205，個餐仲包埋飲品，我覺得再去可以繼續食牡蠣同試其他炸物🤤

1996年開業，很早期已幫襯過，味道亦可以，沒再去的原因，選擇不多，價錢不是大眾化，可能是sogo後面租金較貴吧！今天經過此店仍在，便進了去幫襯，依舊外籍人士招呼，以咖喱為主。叫了吉列豬扒奄烈咖哩飯88元，加了10元多一杯檸檬茶但吉列豬扒較（鞋），原來奄烈飯就是加了一塊煎蛋在面，裹面是白飯，好彩白飯用的米都幾好，咖喱汁味道都可以，但是沒配料，以前有無已忘記了。但杯檸檬茶是不合格再加一合共107. 80，如果以此質素此價就貴了些。

收工即興約左朋友嚟銅鑼灣食飯，就走左入嚟Curry Bee，係世貿中心對面既地舖，以熟食為主既日式餐廳，牛乳布甸真係好出色！生薑炒豬肉晚市套餐配埋麵豉湯同白飯，仲有切絲既醃黃蘿蔔等配枓，好鐘意日式料理有咁豐富既配菜。豬肉片都幾入味，略嫌薑味唔夠出，配埋椰菜絲同少少沙律醬送飯，都幾唔錯。豬肉片炒野菜拉麵炒過既野菜配豬肉片，拉麵麵身偏淋。鹽味豬骨拉麵湯底略嫌鹽左少少，不過整體都唔錯。蟹肉沙律其實係蟹柳嚟，青瓜絲幾爽口但可以切得再幼細啲，味道中規中距。自家製北海道牛乳布甸雖然份量得好細件，但入口嫩滑，牛乳既味道好濃郁，每次食完都總會覺得唔夠喉。

🐝 Curry bee (cwb)Follow my ig @ jast.eatt for more reviews!! ♥️♥️♥️This place is honestly a hidden gem. Although it’s only a small restaurant with only one location in cwb, they serve high quality 🇯🇵Japanese food such as don, curry, and udon. My favourite is their set meal of cutlet pork 🐽katsudon with udon. Best to order when you’re extra hungry. Only $88 for two big bowls of rice and udon. It even comes with some small dishes such as radish and Hokkaido milk pudding!! 🍮The pudding is so good as w

Lunchtime唔知食咩好，一路沿住四寶食堂， 龍城冰室，壽司，行到黎呢間咖喱蜜蜂🐝見佢寫咖喱專門店，又幾多人食應該唔差掛。點知完全大失所望😭😭叫左lunch set 滑蛋豬扒飯🐷滑蛋唔見左，變左老蛋，完全冇滑同蛋汁出現，好似煎蛋咁😥豬排一望已經出事，個層炸粉好似濕左水咁冧曬，食落亦唔脆，一定擺左好耐😥烏冬普通，自己屋企煮既味道。前菜有茄子，算係成個set入面有調味又ok既食物。menu話到明有牛奶布甸，估唔到得一小片？？😑 價錢已經唔係平，又難食，仲敢收堂食加一？？

Curry Bee - 完全唔值呢個價嘅咖喱飯😟今晚喺銅鑼灣覓食，好耐無食咖哩，見到呢間餐廳專食咖哩，又開喺Jaffe Road呢啲旺位到，而且價錢都唔便，應該都有番咁上下水準嘅，所以就嗌咗個吉列豬扒奄列咖喱飯外賣，唔包任何野飲，要88蚊。嘩，番到屋企一打番，第一下已經呆咗。咁細分嘅，仲以為係啲下午茶時段嘅輕量版。食落好普通，無論咖喱定豬排都無特別，同預期落差有啲大。完全唔值$88！總結就係，又貴又細又普通！味道😋：5.5/10價錢💰：3.5/10服務💁🏻‍♂️：5/10環境🪑：6.5/10

行過呢間鋪頭都好幾次，今次終於可以試到，入到去都幾是正，日式飯堂feel，不過比較驚訝係由菲律賓人開的日式飯堂😂😂😂都幾得意價錢係銅鑼灣唔算貴，如果唔想捱貴野食，又想食下日式飯/烏冬，可以試下呢間滑蛋豬扒飯嘅豬扒炸得幾鬆軟，無雪味都無豬羶味，滑蛋都幾痴係啲豬扒度，飯係珍珠米飯，不錯👍日本蘑菇烏冬有驚喜，烏冬似打打烏冬，又無酸味，菇又有好多，不錯不錯燒八爪魚丸就一般般，同坊間的多粉漿八爪魚丸差不多煎餃子都係一般，無特別，醬汁都係無咩特別味道: 8/10味精: 7/10價錢: 8/10環境: 7/10服務: 7/10

中意食日式咖喱既，一定會聽過Curry Bee!但佢地個鋪面一D都唔起眼，如果唔係朋友介紹，完全行過左都唔知原來開係呢度! 佢地個店面比較細，入面坐得有D逼！我地八點令鐘黎食，門口竟然要排隊，但都係等一兩張枱，所以都照等，等左五分鐘左右就有位！.我地今日叫左兩個Dinner Set! 套餐會跟味噌湯、沙律，甜品(一小片牛乳布丁)同飲品! 味道都係正正常常！嗌完等左一陣就有得食 。都算快手👍🏾.📌炸日本牡蠣🦪Dinner Set $88視覺效果非常好🤭竟然仲有芝麻磨同漬蘿蔔甘有heart💕吉列蠔炸得剛剛好，金黃色! 幾新鮮,外脆內嫩,有蠔汁，唔會炸到乾哂👍🏾 白飯用左珍珠米！呢個Set幾好食，反而無人介紹過🤭.📌 吉列豬扒咖喱飯Dinner Set $98吉列豬扒幾厚身，但肉質孩，做唔到外脆內軟！但勝在炸粉唔厚！炸得幾脆身！咖哩方面，因為係日式咖喱，所以帶甜身，唔辣🌶 不過味道就好普通， 似日本超級市場現成買一盒盒既咖喱磚🥺 咖哩味偏淡！咖喱質地係偏稠身！咖喱只可以用”普通”黎形容.整體黎講，Dinner Set份量好夠，但不算好食。以呢個價錢同口碑黎講，有點失望！唔似啲人講到咁正, 咁

獨食晚餐。套餐無想食嘅飯，所以只散嗌咗一碟炸豬扒咖喱奄列飯。當日店內客人唔多，嗌完之後等一陣間就有得食 。份量很足夠。咖喱好吃，比我食晒d汁，哈哈。豬扒炸得好好，層衣無甩！至於個奄列，其實係一塊蛋皮鋪上個飯度，唔係好多蛋液流出嚟嗰種。堂食要加一，埋單$100左右。最近外賣飯盒有特價，$50就搞掂一餐，下次再試~

銅鑼灣專食咖哩嘅餐廳唔係好多，想食咖哩應該都會諗起呢度。但鋪面一d都唔起眼，如果唔係去開銅鑼灣都未必會行過黎呢個位置。由於我喺銅鑼灣返工，經同事介紹，我幫襯過呢度兩次了。侍應大部分都唔係本地人，但總有一個係識廣東話，就算唔識廣東話都唔會驚叫唔到野食！😂兩次我都係叫左咖哩烏冬套餐，再加左個小食炸魷魚鬚。咖哩湯底係最出色，吉列豬扒幾厚身，炸蝦同豬都幾脆身，而且d粉唔會好厚，加上烏冬麵都算滑，再配埋咖哩湯，係幾好食。以一碗麵黎講算少少貴，但勝在好食！薄牛肉咖哩烏冬吉列豬扒咖哩烏冬炸蝦咖哩烏冬Curry Bee地址📍: 銅鑼灣謝斐道524號地下.............................. 味道😋: ⭐️⭐️⭐️⭐️ 環境👀: ⭐️⭐️⭐️💫服務👨🏻‍🍳: ⭐️⭐️⭐️抵食💰: ⭐️⭐️⭐️💫

【牛肉奄列咖哩飯】 HKD73咖哩帶點甜，唔算辣🌶而且偏稠身，不過味道就好普通，亦都唔係好香，唔似啲人講到咁正。而且牛肉粒🐮有啲鞋，最緊要係冇乜肉味。整體黎講，個人覺得只係一個平平無奇嘅咖哩飯🍛分分鐘茶記嘅咖哩仲正。舔舔脷指數：🌕🌕🌑🌑🌑抵到爛指數：🌕🌕🌑🌑🌑(純屬個人意見👫，並不代表全香港人立場😄)

【吉烈豬扒咖哩湯鳥冬🍜】相信鍾意食咖哩🍛嘅都會識呢間 — 咖啡專門店🍛今次叫左吉列豬扒烏冬🍥 個人覺得咖哩湯底係最出色，夠曬濃夠曬稠👍🏻 不過吉烈豬扒🐷就好差，炸粉唔算厚嘅，但係做唔到外脆內軟嘅效果，因為豬扒整得唔多淋，肉質好鞋，豬扒嘅頭尾部分可以用硬黎形容😐