Crostini Bakery & Cafe (已結業)

諗住同朋友去睇戲，等緊之際，仲有少少時間，所以就同左佢過嚟Crostini 訂月餅Crostini係我同朋友都好鍾意嘅蛋糕餅乾brand~ 因為貪佢清新同埋影得靚，最緊要幾好味，雖然價錢就貴左少少之前喺其他分店都會識開！最鍾意就係芒果拿破崙同埋蜜瓜mousse cake(唔知仲有冇生產)。拿破崙就係我細細個已經好鍾意食，食層次感，一啖有呢種口感其實都好爽，crostini既芒果拿破崙係超級有芒果味，脆皮又整得好食，又幾重牛油味不過就細件得滯，通常四五啖就食完 意猶未盡~ 而蜜瓜mousse cake，其實都唔係好記得全名係咩，我第一次試佢嘅時候，第一啖就覺得佢超級清新，仲係嘩咗岀黎，佢個清新感覺令本身覺得好流既cake變得唔流好正我朋友就想訂法式月餅同柚子奶黃月餅！到時試過再同大家分享

朋友經常推介Crostini嘅cake，但位置對於我泥講最方便就享皇室堡。由於地方比較細，好多時都無緣入座。今日外出CWB做野，咁啱又過左放飯時間，終於可以試下。蛋糕款色多而且色彩繽紛，食邊款好？整杯green tea latte先！抹茶粉濃郁，同時飲到奶香味，唔錯！芒果芝士慕絲。組合係cream cheese，百香果同芒果奶油丶芒果忌廉同vanilla sponge！圍住個蛋糕係芒果但比較硬身，食到層次感但味道略淡。對於包控嘅我冇放過機會，即使好飽都要整個黑豆核桃包試下。一路行一路食，面包好香再加上芝麻，好有囗感，正！佢仲有好多款麵包，下次要再泥試下。

食完生日飯，當然唔少得個cake 啦～ 本來打算係餐樓樓下間 Cxva 買d細細件嘅cake，點知去到只剩番3個大蛋糕，兩公食完晚飯又點會食得晒，唯有轉戰其他。行過皇室堡，望下水牌，見呢度有間 Crostini，都係賣d細細件嘅cake，於是試下。可能都成九點，所以有d cake都賣晒，有d款仲得番件。件件蛋糕都好精緻，賣相非常吸引，而價錢平均$36-$43。精緻嘅生日蛋糕～　紅橙特濃朱古力脆脆 $36  - 薄薄一層紅橙啫喱，下面係朱古力再包住朱古力慕絲。慕絲係用64%比利時朱古力製造，所以特別香濃，啱晒我呢啲朱古力控。而且慕絲非常香滑，最特別係蛋糕加入朱古力脆珠，令蛋糕口感更加提升。白桃楊甘菊慕絲 $42 - 這款比較清新~ 外層係海綿蛋糕，上面放咗隻朱古力整成嘅蝴蝶，賣相吸引。幼滑嘅洋甘菊慕絲散發出淡淡清香味，內再配上甜甜嘅白桃啫喱，同樣唔錯。黑加倫子海鹽芝士 $43 - 粉紅少女色，已吸引老婆要買黎試，味道亦有驚喜~軟綿綿海綿蛋糕散發出淡淡海鹽同忌廉芝士嘅味道，係老婆喜愛嘅芝士味道。中間係紫色嘅甜甜嘅黑加倫子慕絲，而最驚喜係個餅底，脆脆的，一試難忘。

一向喜歡 Crostini Bakery & Cafe 的貴族藍主色調設計，感覺優雅沉靜，有貴族氣息😜。開在銅鑼灣＂皇室堡＂的這間分店，店堂不大，臨街的大玻璃窗前設有 5 個吧櫈，可以邊食嘢邊望街景，每逢在附近等人，這個地方是我的首选😊。出品的咖啡雖然用紙杯裝，但是一點也不敷衍，賣相好得，味道香醇美味😍。所有店員都待客周到禮貌👍。

最近的一月，在一次銅鑼灣法式生日飯局上，壽星仔食友實在太客氣，他專程走到 Crostini Bakery & Cafe 買曲奇來送給大家！ 怎樣也要多謝他！Crostini Bakery & Cafe 出品的曲奇在香港製造，為期兩個月的有效期！松子仁南瓜籽曲奇簡約藍色紙袋設計，以鐵線繫緊，內有一個密封膠袋包裝，打開包裝袋，滿載大約 30 塊曲奇！ 散發牛油香氣，曲奇呈長方型，餅身厚度適中，入口鬆脆，混合松子仁及南瓜籽的曲奇，還帶來一點嚼感！甜度剛好！不錯吃！ 令人忍不住口，食完一塊接一塊！

其實好耐之前已經聽過呢間bakery, 但一直都冇機會試。有一次喺同事嘅大力推介下買咗個cranberry cream cheese bun試試，一個字，正！連爸媽都like所以次次經過都會必定會買呢個cheese bun！$16一個，size幾大，麵包好軟熟，有d dried cranberry喺面。入面嘅cream cheese好香滑，而家俾得好大方，唔會大大個包得少少餡Blueberry crumble bun，$18一個，同樣係大大個，麵包軟熟。呢個包冇餡嘅，上面d crumble就好似菠蘿包上面嗰層咁，好味！

是日在銅鑼灣行街，放工經常路過皇室堡呢間crostini，每次路過都會望一望，可能鍾意佢地裝修有一種優雅風格，有時好感冇辦法解釋太多，今次懶懶閒終於忍唔住入去麵包好多都好吸引，我最後選擇左鵝肝法包酥脆的麵包，塗上薄薄一層奶油，鵝肝普通，唔夠香濃，不過$38，已經係好合理，食完先見到原來仲有最愛牛角包系列，相信下次光臨不遠朋友點左 番茄芝士軟法包，試左少少好鐘意麵包有濃香的芝士味，口感較鬆，烘過皮脆有靱勁,配番茄絕對不會愈吃愈膩，凍左都好好食一個下午，一杯咖啡，一個麵包，一個朋友......." it's what you need"