Crostini Bakery & Cafe (已結業)

一直都好想試Crostini 既cake 今次終於有機會喇😍😍今日就約咗朋友去觀塘既Crostini cafe 食tea 我地首先點左 一份all day breakfast 同西班牙辣肉腸pizza 份量適中 兩個人食啱啱好😊pizza既餅底又薄又脆 味道不錯 最想推介嘅係all day breakfast 既芝士腸 咬嘅時候有濃濃嘅芝士流出 😋😋身為朱古力控嘅我飲品叫左香蕉朱古力 甜品都一樣叫朱古力❤係紅橙特濃朱古力脆脆 口感香滑而且味道濃郁 甜得黎又唔會太溜 絕對係今日至愛👍🏻👍🏻👍🏻 最後當然要叫番個南瓜cake應一應節 萬聖節快樂👻🎃

假日冇節目，要勤力做運動希望bye bye 肉, 鬼崇肉快快遠離我朝早跳完slim dance , 出左一身汗開始有d 肚餓去左泓富依間cafe坐低食個意大利蔬菜麵包，飲杯green tea latte (荳奶少甜）雖然做完運動最好隔兩小時先開始食野不過等陣仲有堂高溫yoga 要上點都要食少少野先依間cafe 有sofa 坐得很舒服，環境亦很寧靜乾淨，唔駛同人迫職員服務都好好麵包還會幫你整番熱個麵包好軟熟好香口綠茶latte 係我至愛好寫意好滿足休息大約個幾鐘後，又要再努力做瑜珈了💪🏼

是日同事生日老細秘密地叫我安排一個蛋糕送俾佢觀塘咁多間cake Shop揀咗好耐我就揀咗呢一間cake Shop啦我就選擇左一個士多啤梨拿破崙我就早一日去咗佢哋觀塘其中一間分店到落order咁就可以寫上同事嘅名稱同一啲祝福字句同事收到蛋糕之後非常高興拿破崙蛋糕面層除咗有朱古力圍住士多啤梨外底下分別有五層其中三層係拿破崙另外兩層係有士多啤梨餡嘅吉士拿破崙非常鬆脆牛油味重吉士不是太甜口感亦好軟滑吉士內亦塞滿士多啤梨粒士多啤梨非常新鮮同鮮甜呢一個蛋糕＄248出邊大家熟悉嘅品牌都要＄200一個嘅時候我會選擇喺呢度買😉又靚又好食👍🏻

不斷的工作又工作，難得有少許時間來個短暫休息，讓心靈充一充電⚡⚡后再繼續工作，果然事半工倍，提高效率💯crostini就在大廈的大堂，抬頭一望便看見一幅寬闊的人造草牆壁，令人置身於綠洲中🌿🌱🍀🌴在收銀處旁邊便有個很大的展示櫃放著多款精美的小蛋糕，也標示著價錢今次我買了抹茶紅豆，賣相非常吸引，蛋糕頂部的那只朱古力蝴蝶(我叫你玉蝴蝶🎶🎵😂)蛋糕中是滿滿的紅豆蓉及抹茶慕絲，甜甜的，但不膩👍最底部是塊像消化餅質感的餅底還有販賣朱古力粒粒手工曲奇 - 可以試食👍👍下次有時間再來便可試下麵包😆

呢晚本來想去食台灣野嘅，可惜餐廳太多人又坐得唔舒服，係街諗緊轉食乜好次時，行經呢間我差唔多日日都經過嘅Cafe，好吧~就去食個包吧！我地來到廚窗，店員即時介紹有乜三文治，咁我地唔想食得太快，所以都問一問閂門時間，知道有足夠時間，就左以下食品叮喇，見到都係即叫即製，而唔係係雪櫃包裝好嘅貨品。而且呢到係自助形式，店員態度都幾好，叫我地坐沙發舒服D添。① 蘑菇芝士三文治 Mushroom & Cheese Panini ($26) ② 蟹肉法包 Crab Meat Baguette ($33) ③ 美式咖啡 American (Large $24) ④ Ginger Latte (Large $32) ⑤ 香草杏仁燉蛋 ($42) Total $157蘑菇芝士三文治：材料有蘑菇、芝士、黑椒及牛油，拖鞋包烘得夠熱，菇芝士都好食嘅，只略嫌餡料真係少左D啫。蟹肉法包：材料有法包、蟹肉醬(蟹肉、沙律醬、洋蔥、車厘茄、黑椒、芥辣)、九芽菜及牛油，法包烘得唔太熱，材料比另一個包豐富得多喇，蟹肉醬仲調得好好食，九芽菜好新鮮，Good！香草杏仁燉蛋：我因為見佢係個精緻的半圓體而揀嘅，整個半圓體都係雲尼拿燉蛋

離睇戲仲有成個鐘,諗住去間CAFE坐下休息下,點知AMP太多人,好彩我諗起行落去泓富廣場有間Crostini Bakery & Cafe,去到原本諗住食件CAKE,但因為我地太飽,所以改左飲野,食佢地既面包同蛋糕就多,飲品都係第一次試.叫左一杯ICED LATTE:飲落好多奶,無咩咖啡味,但好夠涷,而且份量同價錢都好合理,另外叫左杯ICED SEA SALT CHOCOLATE:第一啖飲落好重海鹽味,朱古力味唔太重,不過同樣好夠凍,搞埋D CREAM一2飲,更加滑同順口,味道無咁咸了,可惜既係枝飲筒有D幼,吸唔到面頭既朱古力碎同脆脆,不過份量同價錢都好合理.

觀塘等人時, 在這裡坐低飲左杯焦糖咖啡, 令我驚喜是有拉花, 細杯只需28元, 幾抵飲wor! 甜度適中, 焦糖味出, 亦很香濃。 而且這裡環境舒適, 在大厦lobby 內, 樓底高又夠開揚, 性價比高。

一座觀塘商業中心的電梯大堂 有的不只管理員 還有一家寬敞寧靜的連鎖cafe 門外是車水馬龍的街道 只隔了一道玻璃門 就是天堂 小妹買了白酒青蘋果慕斯蛋糕 $36一個 是很「中產」的價錢 但環境挺值這個價的 蛋糕外面是一層薄薄的啫喱 裡面的慕斯不是很creamy那種 texture像cheesecake 最中心的位置有青蘋果果肉 整個蛋糕的味道很清新 但白酒味淡了點 最喜歡是底部的「皮」 是果撻那種軟軟的 很香卻不會甜到漏

曾經不至一次講過工廈區星期天,每每最舒服、人棄我取情訪下空氣也好像多了,踏步也好像大些、城市空間識得找寫意任我行。。。今日落腳正正是平日忙到立腳也得左閃右避之成業街內,進駐入泓富商場地下,一進內堂大大幅商場連身壁牆人做草皮已很奪目,店子亦清浙立見,假日真的好、差點兒可包場食物種類其實也不弱,麵包、蛋糕、支裝飲品以至咖啡,大小兼顧.都算全面,最喜歡就是有坐位,最初之Crostini只得外賣、加設堂食舒服好多以購票自助形式,乖乖等待食物,從雪柜內揀上目標很快已經到手,咖啡果仁蛋糕$40.軟軟麾絲入口很綿咖啡味道亦見特出,底層以脆脆米加上朱古力漿做成,感覺較硬實一點,丞托如此輕鬆麾絲,師傅可否再做得鬆一點哦另一個比agxxx b. Café LPG還要經濟,只用以$28.以有等同或可能份量仲多之Rose latte, 一如同出用上法國Monin玫瑰糖水, 入口全無分別, 分別可能就是少了數片花辦裝飾,絕對值得女生們喜愛下次星期天去開apm,不要在死守於商廈內、一條馬路之隔,別有洞天。

閒日10点幾去觀塘工廠區換禮品,路過見到Crostini環境幾靚,反正未食早餐,入去食啲嘢,歇一歇都好,這兒環境有如置身中環甲級寫字樓附近的coffee shop,而且時間尚早,冇客,只有我一人即刻好有包全場既感覺Crostini一向賣靚cake同麵包,呢間仲有其他即製麵包最後揀咗煙三文魚牛角包再配杯朱古力奶煙三文魚牛角包$33:淡淡的沙律醬再加少許黑椒配上煙三文魚,還有新鮮爽脆既紫生菜,清新美味,而且牛角包好寬鬆化帶有微微牛油味,好味到追住黎食可能係我餓熱朱古力奶$20:唔會好似M記既朱古力奶咁得個甜字,呢杯有濃濃朱古力味又不會太甜點,始終一份錢一份貨,真係值得坐喺梳化位好寧靜咁嘆個美味早餐真係好爽

人在中年時時慢，我與靚太也浪漫。行商場丶行超市，可說是假期或周未不可少的活動。觀塘區有大商場，但人流也十分繁忙，要搵個安樂窩休息吓，舒緩行街街的辛勞，總是困難萬分。從前區內的工業大厦已轉營或重建為商業大厦，新景象多的是，也配合時代的步伐。泓富廣場毗鄰apm，而地下的是忙碌活動中帶着寧靜休憩感的好地方。位於寬敞的大堂，樓底高且光線足，睇書或處理文件，甚至玩電話都得。好耐無送花畀靚太，襯機會大獻殷勤，點杯咖啡之餘，又有朶白色鬱金香，真是一舉兩得，要點是不加糖，已經甜度充足。用青蘋果霧絲配搭一杯不花巧的Americano，望住身旁的靚太，心中産生如瓊漿似詩的味兒。青蘋有點點酸，但只要圍着是甜，人生心中如何，多大是身旁所影響，咀中的丶心內的，不用探救。其他食品有包類丶蛋糕類丶曲奇及三文治，都未能在此時此刻嚐到，有機會就找個合適時候再次到訪吧！