Crossover Kitchen (已結業)

我對呢個網站的評語一向都係得啖笑, ( 好似一個專開比一些無聊人發瀾渣的地方...之前睇咗上兩個留言, 似係人生攻擊多過正面提示...所以今日我約咗幾個同事一齊去體驗呢間餐廳有幾"咁差"... 大約十二點半, 商場尚未有人, 這店有三四枱客, 可能佢地做緊九折掛, 我們一行五人點了五款野食, 因為我減緊肥, 所以叫咗個波菜汁野菌意粉,我朋友簡咗個焗豬扒飯, 牛尾燴飯,同埋一個叫與牛同舞的焗飯...講真, d波菜汁幾特別,午餐叫牛尾又幾有創意, 最經典係個與牛共舞的焗飯有牛仔骨, 有牛扒同有舌, 我d同事, 個個都話正^_^, 佢地又有意大利什菜湯同西蘭花肉碎忌廉湯簡, 加埋餐飲都係$32 免加一仲有九折,相比呢個商場內其他的食肆, 我諗唔到有咩令我唔會再返來食多幾次咯!唯一不足的係d杯同义好似唔太乾淨...又或者可能其他人鐘意同人迫, 同係大排檔搭枱食飯, 但係, 呢度又舒服, 服務又好, 每個店員都會好殷勤咁介紹有咩好食給我們....(好似去咗個朋友家度食野咁, 抵讚!)一定會再來!

開張頭幾日去過一次,啲嘢食真係好唔掂!餐湯係橙香忌廉湯,味道怪到難以形容!!!有創意係好,但係唔係唔理味道夾唔夾亂溝一通就叫fusion菜囉!!!諗住叫個海鮮焗飯呢啲大路嘢,應該冇乜意外啦,點知......所謂嘅海鮮淨係得啲八爪魚仔,搵隻雪藏蝦同(假)蟹柳都冇,我樓下間茶餐廳仲足料呀!!!仲夠膽收我$58!!!哼......成餐飯得個宮保雞丁意粉比較入得口,餐廳裝修得幾靚都冇用啦,等執笠啦!!!

我同6個同事尋日lunch諗住食煮館, 點知冇位, 米諗住試下新野, 食呢間新開嘅fusion cafe.7 個人叫左佢地好幾款唔同嘅焗飯焗意粉,碟碟都用同一個紅汁焗(好冇特色). 2 碟吞拿魚焗意粉居然一碟用紅汁, 另一碟遲黎嘅係紅汁溝白汁(唔通呢D就係特色?), 你估鴛鴦炒飯咩! 我個焗豬扒飯外暖內凍, 真係好有特色, 好fusion!我本人食野不嬲唔算好麻煩, 不過呢間野我真係以後都唔想再去. 呀, 仲有, 佢咁嘅水準同慢吞吞嘅服務, 四十幾蚊真係唔值. 祝佢地好運啦, 香港地做生意唔容易, 我都唔想佢地咁快就關門大吉嘅...

今日上去橫町, 發現原先的仙x林消失了, 換上的是一間叫crossover kitchen的玩樂餐\廰, 無論係裝修, 感覺以至食物, 都比前者有心機得多, 雖然我們未能坐上我心儀的座位, 但能有得食有得玩又有雜誌看, 食物又好過一般cafe 的水準,我叫咗個白菌忌廉汁煙三文魚意粉, 汁夠濃又滑, 三文魚大大舊, 我朋友叫咗個焗飯, 個汁好有創意, 雖然味道怪怪地, 整體來說令我對\"橫町\"改觀, 我真係找不到理由不次唔黎!

坐做好耐叫極都沒人理服務態度完全不ok 野食完全不好食超貴One time only不會再去

個日閒日11pm去"橫丁"得返佢未close, 一心見佢以為好食......點知點咩都話無~ d餐來到碟碟都勁細而且唔好食，d drink又勁甜.....下次點都唔會再去!!