Cow Cow Café by 東京ミルクチーズ工場 (已結業)

星期日跟老媽子行完街就帶佢食下雪糕 話晒天口咁熱 唔食杯凍野我真係驚返唔到屋企 雖然朗豪坊人山人海 不過好快就有位 快快地點左個 66 蚊 芒果芭菲 再點一個 76 蚊waffle set 加 10 蚊 要杯野飲 - 明明叫左柚子梳打 但係比左杯 藍色野 我 中間仲有個眼球 原來比錯荔枝梳打我 因為比個賣相影響 其他野都冇影相

Milk Cheese Cake with Soft Cream $65幫襯開既milk cheese factory有間café係朗豪坊 當然佢既餅作為平民我只係日本買過 香港貴岩岩一倍其實我之前經已食過佢既雪糕 今次呢份signature cake set有雪糕有餅同埋有我未試過既cake 雪糕要加$3蚊先可以揀牛奶味以外既芝士或者mix 另外加$10起可以跟飲品 左加右加其實都俾左$78講返食物 係有質素既 餅都分唔清食緊咩味既餡 反正食過既蜂蜜同岩鹽都係好食 雖然得一塊咁大把 雪糕我就覺得純牛奶味已經幾好食 今次叫左mix多啲芝士味覺 個人覺得單單芝士同雪糕唔算好夾因為一咸一甜所以prefer mix咁叫 件cake都ok 三選一我揀左最簡單既芝士 蛋糕本身唔係硬身果種 芝士味都叫出 食落令人覺得甜而不膩 飲品跟餐價算幾低無理由唔叫 叫左杯柚子凍飲 算不過不失一分錢一分貨 值唔值個價就見仁見智 相信平民既我只可以一戰 提提大家weekend去要人均消費$70 難為我入座前左望右望都無見有寫最低消費要到俾錢先知 作為飯前甜品稍失預算雜莓乳酪杯 $58話說因為假日要人頭消費所以叫多

小妹行街行到攰攰地, 想搵間cafe坐下抖下先。 但見到處食肆都好多人, 靈機一觸, 不如就到朗豪坊Foodcourt 碰碰一下運氣吧。最終見到呢間cow cow cafe, 仲要是日本出品, 心想必屬佳品啦。Super Berry Yoghurt 雜莓乳酪杯 $58乳酪杯真身與menu的相片一模一樣, 外觀同樣美艷動人, 令小妹急不及代要即時開動喇。我唔客氣喇! 但是, 可怕的事情終於發生。 小妹勢估唔到店家竟然提供的是原味plain乳酪, 丁點甜味或果醬都沒有添加, 單靠生果的甜味確令小妹難以熬下去, 加上放左底部的脆皮都要變成軟淋淋的, 好不滋味。或許是小妹點錯了非常健康的殼麥早餐吧!哈哈 (苦笑中)

這間cafe前身也是一間食甜品的店鋪，半年後，已轉手了。現在就是一間叫Cow Cow Cafe，路經此地，見有點累，於是入座點了一個士多啤梨乳酪，試過後，感覺一般， 乳酪酸味十足，吃了兩口便停下了。感覺十分難吃，不知是否自己點錯了，但真的不會再試。

The weather is getting hot, craving for ice cream. I have chosen the cheese+ milk flavour ice cream, both taste very good and is very creamy. My preference is milk flavour. The cone is full of cheese flavour, strongly recommend to try to cone instead of the cup.

今日放假食完個午餐仲未夠喉所以心郁郁想食雪糕咁我一管最愛芝士啦，咁岩在旺角又知日本好出名既芝士餅開左雪糕店在朗豪坊food court所以就來左食啦因為平日既關係中午2，3點無人食，得1，2個人尼間除左雪糕仲有其他甜品同芝士蛋糕同不同芝士餅售賣，吾夠喉可以買回家吃吧店內環境設計得好靚打卡一流因為食完午餐飽飽地所以揀左個2溝口味芝士🧀vs牛奶🥛《北海道芝士牛奶雪糕》$48可加芝士餅$8除左靚之外，芝士好濃，牛奶好香仲要勁大杯筒裝飽到頂點，仲要$50有找，抵食

本身好鐘意食Tokyo Cheese Factory嘅芝士餅，知道佢開咗cafe同有雪糕賣，已經係完全雙眼發光，呢日終於有機會嚟試下。原來佢嘅裝修都好特別，中間嘅幾張枱仲有牛奶桶做櫈，同買餅乾送嘅牛奶桶好似，寧願旁邊嘅梳化櫈都要坐佢。連牆上嘅鏡子都印咗佢嘅logo!!飲品有唔少選擇，有凍有熱，有咖啡有唔係咖啡嘅，但兩款熱咖啡類會有佢嘅牛牛logo，咁就當然揀哂佢吔。飲落去都唔錯，都比得上連鎖店嘅質素。食物方面有鹹點，有芭菲杯，但只有cake set 有牛牛圖案，我又畀佢吸引咗，兩款都揀cake，仲配埋軟雪糕。本身係跟牛奶雪糕，可以加錢轉Milk Cheese或者Cheese味雪糕，超鐘意芝士嘅我就揀咗轉芝士味，芝士味冇想像中咁濃，唔會太滯。牛奶味就好日本feel，好濃味。而兩者都好滑好好味!!抹茶芝士蛋糕嘅抹茶同芝士味配合得剛剛好，唔會其中一樣太濃，食落又夠清新，細細件，試小小，份量啱啱好。Tiramisu roll真係第一次見，其實就係將平時tiramisu嘅配料變成蛋卷狀，最欣賞係佢中間嘅忌廉，雪得有點硬，滑之餘口感好特別。下次可以外賣佢嘅雪糕食

行街行到攰，想食d甜野，就揀左呢間cow cow cafe食窩夫。未剛餐已經聞到好香嘅窩夫味，令我地急不及待要叫個窩夫餐啦。最後我地點左個甜窩夫餐share食，另揀左北海道忌廉鮮果窩夫配藍莓醬。等左一陣就已經有得食啦。窩夫熱辣辣，加上好香，而且有勁多藍莓醬淋左係窩夫上，非常好食。另外，有d雜果配埋都多左不同味道，令食起上黎嘅味道變得更加豐富。飲品方面，我地就叫熱情果柚子特飲同埋超級雜莓果茶，兩款都好好飲。

我終於搵到機會食呢一杯仔雪糕啦~真係要用「呢一杯仔雪糕」嚟形容，因為真係幾細杯😂59蚊仲要咁細杯，真係豪食㗎💸😂之前一出嘅時候，見到大家評價都係又貴又細杯，我都有咗心理準備，但見到實物都係不禁感嘆咗一下😂其實味道上係ok，北海道牛奶雪糕好幼滑。芝士曲奇 就唔洗多講，以前我每次經過都一定拎試食😂😂牛奶芝士餅本身我以為真係一舊cheesecake，但原來食落係一舊芝士牛奶味、雪到好硬嘅雪糕咁，唔係想像中嘅芝士蛋糕。.不過真係唔值成60蚊一杯，所以我試過一次、滿足咗好奇心就ok啦😂同行朋友知道呢一杯仔要成60蚊都嚇親，話60蚊食個lunch都得啦🙈🤔

平日最鍾意試新野，見到有間新餐廳就黎試吓！有三款鹹味嘅窩夫我揀咗，忌廉雞肉窩夫！另外加＄15可以點咖啡，我要左杯 Latte. 咖啡先上，上邊有個好精美嘅牛牛圖案，影相呃 like 一流不過咖啡味道就唔係咁啱我口味! 我只係飲咗半杯姐！之後上嘅窩夫同餐牌裏面嘅圖都好近似！伴碟嘅生菜係冇沙律汁，窩夫第一口係脆嘅，有淡淡的香蔥味！個醬汁係幾香嘅！有少少雞肉同蘑菇！ 可能我選咗個有醬汁嘅窩夫,咁中間部份就冧咗啦! 不是成個都脆！ 牛油果只有三舊仔，生熟度剛剛好！如果多幾舊就好啦！（貪心 mode) 總括而言，可以一試！但唔係超有驚喜!

每次去日本，ᴛᴏᴋʏᴏ ᴍɪʟᴋ ᴄʜᴇᴇsᴇ既芝士餅係必買的手信。🤟🏼芝士餅太好食了，令人很回味！佢地係香港開設全球首家ᴄᴀғᴇ，一定要黎來潮聖下🤟🏼ᴄᴀғᴇ 有➁個區域一邊係坐底堂食區有啲櫈係牛奶瓶🥛ɪs sᴏ ᴄᴜᴛᴇ☺︎另一邊就係賣ᴛᴏᴋʏᴏ ᴍɪʟᴋ ᴄʜᴇᴇsᴇ ᴄᴀᴄғᴏʀʏ產品有香港限定既意大利芝士卷同期間限定既草莓牛奶卷。當然一定會有芝士餅啦😍店員會遞上芝士餅俾人試食，店員態度良好👍🏼#草莓牛奶卷配軟雪糕 $74 🐮strawberry milk roll with soft cream 用日本福岡草莓製作，ᴘɪɴᴋ ᴘɪɴᴋ的好少女👱🏼‍♀️▪︎軟淋淋既草莓海綿🍰，入面係牛奶﹢草莓既忌廉慕斯，好ᴄʀєαму，又唔會覺得好肥#北海道忌廉鮮果窩夫配軟雪糕　$76▪︎窩夫舖滿滿滿的生果🍓🥝🍍同ᴄʀᴇᴀᴍ😍，好搶眼同繽紛💕▪︎窩夫夠脆配搭藍莓醬同雪糕🍦，一啖窩夫一啖🍦一啖藍莓醬 好滋味🤤仲可以加配飲料我簡左超級雜莓果茶，只需要加$10，好抵飲呀！有士多啤梨、野苺同藍莓，好清新👍🏼

北海道牛奶芝士雪糕可以試到兩隻味道有得揀芝士同埋牛奶北海道牛奶味都幾香滑濃加埋芝士嘅配搭 唔係我所愛但係個人都係喜歡純牛奶多啲下次有機會再試吓去啲其他甜點先見到有啲係好似煙肉窩夫配沙律都係＄60到都算唔錯但係佢呢度食雪糕一杯杯係冇得坐喺度食架

之前食過佢既芝士味白之戀人，覺得好好味，好有芝士味，所以對佢既芝士味雪糕好大期望，但愈期望愈失望，只系得好淡好淡既芝士味，反而個雪糕筒仲重芝士味！試過一次就算了

由當年未登陸香港，係同事由日本帶返嚟做手信個刻開始，佢已經係我心目中留下咗不能磨滅嘅記憶。厚重又帶點騷味嘅芝士曲奇可以話係我嘅至愛，直至其後到係香港上環專門店出現，更可以一試佢嘅蛋糕，都一樣係咁出色。不過係香港買無論曲奇定蛋糕都係偏貴，所以都唔捨得成日食，但依家Cafe開左就可以淺嘗去滿足一下。必食推介一定有佢，可以一次過食晒皇牌嘅曲奇同埋芝士蛋糕，可以話係幸福到極點。芝士蛋糕味道無曲奇咁濃烈嘅芝士騷味，面層嘅蛋糕係牛奶mousses，好輕身嘅口感同質感，就算要自己食晒一件都無問題。 至於曲奇方面係海鹽芝士曲奇，如果可以揀轉做蜂蜜味就一流。不話，配合住軟雪糕食，將平日個份厚重，過份油膩嘅口感減輕左，食完會想再Encore😋😋😋另外不得不提嘅係哩一杯果茶，平日對叫果茶有點抗拒嘅我都好滿意佢。因為平日怕果茶會落好多糖漿，好似飲糖水咁，不過哩一杯嘅甜度適中，茶味亦很配合，有助調和芝士嘅飽濟感。👍🏻👍🏻日式現代甜品其中一個標誌性嘅食物一定係芭菲，日本哩個地方係明冶維新嘅時期就一直深受西方文代影響，所以有好多西化嘅食品用和風包裝過，然後變成現代極具特色嘅日式食品，芭菲就係其中一種。係長身杯入面一

身為同牌芝士曲奇既老主顧，自然對雪糕出品有一定期待。雪糕有北海道牛奶、北海道芝士同北海道牛奶芝士三款選擇，單買雪糕冇得入座堂食。北海道芝士雪糕 ($48)特登唔揀牛奶芝士兩溝，期望有甘香濃郁既芝士味，但雪糕以甜味奶味為主，芝士香味微乎其微，味道毫無記憶點。芝士脆筒香口酥脆，類似車打芝士焗成窿邊脆片既咸香味道，如果獨立製成零食可能都有人買，但餘味微苦，試一次就夠喇。誠心勸奉各位唔洗試，定價太高，賣$28我都要諗諗先，難怪係日本當地完全紅唔起，冇下次。