Coti (京瑞廣場2期)

营业中

休息中

去開沙田石門～搵咗間Cafe小店坐下食下野🥳點咗一個All Day Breakfast 嘆一下。依間小店座位唔多，一共夾埋唔夠10張枱，旁邊有高腳吧枱，加埋木系裝潢，感覺都幾chill。🔶All Day Breakfast 🔶 $74好經濟親民嘅All Day Breakfast💗賣相都好靚！有炒蛋丶麵包丶沙律菜丶茄汁豆丶煙三文魚丶雞扒丶哈密瓜。食落都幾有驚喜👍🏼尤其係炒蛋好香又滑，同埋雞扒煎得好嫩，最正有埋哈密瓜～清甜多汁。🔶蜜桃茶🔶$36夏天想透心涼D，叫咗杯蜜桃茶，入口唔太甜，好清爽。

京瑞廣場響西鐵石門站一出就見到超方便，行下行下見到一間工業風嘅cafe，地方細細但都坐得好舒服，當然要試下打下咭啦😋😁芝士肉醬千層麵 $74即叫即焗！👍🏻夾層除肉醬外會夾雜咗蔬菜，與平時食開傳統嘅唔同，香濃芝士及茄醬味道濃厚。All day breakfast $74滿足到想食多款式又食得唔多嘢嘅人👍🏻樣樣都有。 即煎嘅雞扒新鮮肉嫩😋味道惹味，超甜嘅哈密瓜作最後結尾， 即時整個感覺好Fresh🌴🌞🌴🌞Tiramisu coffee $48睇得又飲得😍滿足打咭嘅要求仲有超邪惡嘅忌廉😋香濃幼滑，coffee仲會帶有淡淡杏仁香味。Long black $34炎炎夏日飲返柸 Ice Long black消消暑，淡淡嘅咖啡香口感清爽。

all day breakfast不得不大讚哈密瓜好甜好好味，最岩炎炎夏日食，食慾大開！黑椒雞排好入味，煎得都唔錯！其他配菜也整得不錯！好值得推薦！蒜香蜆肉意粉每一啖意粉略帶蜆肉的鮮味，好味不過少辣。可惜的是，簡中會食到碎蜆殻，影響左進食體驗。總的來說，餐廳比較細，係自助形式經營（自己拎餐，自己交還餐盤）而價錢非常公道，食物質素偏高，值得推薦！

石門高質文青咖啡小店餐廳座位雖然唔多但環境感覺好悠閒食物賣相、味道都好有心思值得一試～▫️蒲燒鰻魚滑蛋飯鰻魚大條又厚身唔會烤得太乾滑蛋夠香，口感嫩滑加上紫菜、芝麻同滿滿嘅鰻魚汁味道好夾，好啱送飯 ▫️全日早餐早餐份量十足有煙三文魚花卷、雞扒炒滑蛋、麵包、茄汁豆同沙律雞扒咬落有肉汁、好香濃嘅黑椒味煎得夠香脆，口感不錯煙三文魚正常，麵包烘得外脆內軟再配上原條哈蜜瓜，口感清甜🍈好有特色嘅早餐～ ▫️提拉米蘇咖啡好邪惡嘅提拉米蘇中間嘅mascarpone好香滑甜道剛好底層嘅咖啡香氣十足味道微酸 ▫️紅豆鮮奶🥛奶泡夠濃厚加上好足料嘅紅豆泥增加了口感，味道唔會太甜紅豆控可以試試～

今日同同事去咗沙田石門做嘢，竟然一個上晝可以攪掂晒啲野。即刻同同事去食番個lunch先啦！我同事比較養生飲食好健康。行咗入京瑞廣場見到間餐廳幾舒服COTI同事話就呢間啦！睇吓menu 食咩先 啲set lunch 都好多款燒慢煮雞胸紅菜頭沙律慢煮雞胸食落啖啖肉肉質又夠淋好食呀😋好多紅菜頭健康又有益大愛😍田園藜麥雜菜沙律配煙三文魚同事食咗呢個set 佢都話好食😋擺盆都好有心思仲有朵三文魚花😍Set lunch 仲跟埋杯飲品玫瑰花茶同黑皮冰糖檸檬冷泡茶

今日黎石門睇下d bb play谷, 順便坐低食個lunch, 咁啱電梯口li間Coti有位🥳, 有lunch set+飲返杯實在perfect, 記得之前食過店家ADB係高質, 今次一於食飯.🍴蒲燒鰻魚滑蛋飯Cafe之所以係cafe, 我覺得賣相同味道一樣咁重要, 店家嘅鰻魚滑蛋飯賣相已先呃個like: 勁大條鰻魚閃令令, 望落夠唒厚身唔乾柴, 而滑蛋更加有瀑布感⛲️, 鰻魚汁好味唔會過鹹, 沙律菜又新鮮, 大碟抵食.🍴香蒜蜆肉意粉🍝連殼一齊炒嘅蜆好味, 無沙又大粒絕對係bonus. 條條意粉都索滿唒蒜汁, 最緊要係口感爽彈, 非常豐富蒜香🧄份量夠, cafe鹹食值得推介.☕️抹茶鮮奶🍵凍同熱嘅糾結係: 靚靚拉花🌸定係厚厚奶泡？一番掙扎之後我揀左熱飲, 心心GreenT latte抹茶味道超濃厚🍵.🐝天然蜂巢咖啡有一件真•蜜糖•蜂巢🐝夠唒特別, 第一次飲, 係多奶嘅咖啡, 咖啡☕️味好香濃, 甜味來自蜜糖, 推介!

今日下午茶時間有啲肚餓，所以就捉埋公司個同事一齊去 Tea 😌 近近地係公司附近揾間 Coffee Shop 坐低嘆下咖啡。下午茶時間都有 Set Lunch 食都真係估佢唔到，同同事可能 Lunch 都食唔飽，所以一人一個蒲燒鰻魚滑蛋飯加飲品。😝蒲燒鰻魚滑蛋飯 ($88) : 賣相相當吸引，估唔到小小地一間 Coffee Shop 都可以做到咁嘅水準 😍 滑蛋整得唔錯，炒嘅時間控制得啱啱好，而最驚喜嘅係鰻魚竟然可以成條上 😍 係出面食鰻魚飯通常都係得一至兩件，但呢度係整條上相當闊綽，對顧客嚟講係開心事 🤤 旁邊重有車厘茄同沙律菜做伴碟。天然蜂巢咖啡 (跟餐 $24/ 原價 $48) : 先將蜂蜜放入咖啡撈勻再加入鮮奶，簡單得嚟又有玩味嘅咖啡。

石門呢區真係好多嘢食，每次上扶手電梯就見到呢間餐廳。雖然座位唔多，但飲品同食物嘅質素都超高。全部都係即叫即製，賣相同味道都超乎所想。「香蒜蜆肉意粉」蜆肉飽滿，都幾多隻，同蒜香味好夾，意粉口感恰好。唔錯唔錯「全日早餐」見到好多人都叫All Day Breakfast，最鍾意樣樣都有啲，仲有好爽甜嘅哈密瓜，份量剛剛好。「Tiramisu Coffee」呢杯真係正...賣相同味道都滿分，個Cream好幼滑，感覺食緊甜品一樣。「抹茶鮮奶」抺茶味好香，用鮮奶沖調比奶粉更香滑，而且唔會太甜。

每隔兩星期都要去第一城一轉，但行過去置富食晏又遠又熱，寧願搭一個站去石門食晏仲方便！今日喺 2 期行咗個圈，見到呢間工業風嘅cafe，水泥牆嘅裝修都幾舒服㗎，不過舖位唔大，如果喺正Lunch Time嚟，都可能要等多陣！.已經睇啱食咩嘅豬太郎見到有位，即刻行埋去落單等食啦！舖頭嘅兩位同事，一個煮一個沖飲品，即叫即做，都好快手，食物到咗就可以去返吧台位置自取。.➜ 芝士肉醬千層麵 & 棉花糖朱古力（ HK$98 ）平時食千層麵都係一個焗盤上，呢度又有啲唔同噃～千層麵入面好足料，啖啖滋味，味道比較濃，有埋旁邊嘅沙律配菜，就balance返晒啦！暫時都仲未飲得咖啡嘅豬太郎就揀咗杯棉花糖朱古力嚟歎，唔算太多Cream，所以都唔會太膩，topping嘅棉花糖可以食咗先又得，撈埋落朱古力度慢慢飲都得！ .食物款式雖然唔多，但出品都有心機，下次可以再嚟食過！

石門係我最近經常嚟嘅地方之一，呢頭其實有好多食肆餐廳，但我通常喺地舖搵食，今日實在太熱，就走左入商場涼冷氣，竟然俾我見到COTI，之前喺觀塘已食過一次，覺得唔錯，原來石門呢度都有分店，一於要再幫襯。上次無留意，今次先發覺原來COTI 個名幾有意思，係COffee TIme 嘅縮寫。所以呢度主打係好多唔同嘅咖啡，雖然呢度食物選擇唔多，但係款款都做得非常靚，做到cafe比人影相打卡嘅擺盤。今日唔係好肚餓，所以叫左個沙律，另外當然唔少得嘅，緊係要叫返杯野飲啦，我就揀左忌廉朱古力，因為真係太熱啦，好需要飲d凍飲嚟降下溫。🥗田園藜麥雜菜沙律配煙三文魚 $74擺盤好似成幅畫咁靚，似喺草原之中有朵盛放嘅玫瑰一樣，我忍唔住影相都影左好多張😅。今日揀食呢個沙律，真係明智嘅選擇，少少酸嘅沙律汁，喺炎熱天氣之下入口，食落真係特別醒胃，沙律菜又夠新鮮爽脆，仲要有灑喺面嘅花生碎，令蔬菜咬起上嚟特別有口感之外，亦更香。煙三文魚亦唔錯，好怕食d 又鹹又梅嘅煙三文魚，呢度絕對唔係，煙三文魚非常挺身，所以先可以擺出一朵好靚嘅玫瑰，而鹹度亦都非常適中｡🥛鮮忌廉朱古力 $24 (原價$42，跟餐可以特價+$24)上次都係飲

今日難得放假瞓到自己醒，就過去石門行吓，搵吓嘢食，京瑞二期間間鋪位都唔算大，好多小店， 呢間cafe 電梯一上到二樓對住就搵到，得十多個座位的cafe,自助式點餐、送餐和收餐，所以價錢相對會便宜啲，無收加一！香蒜蜆肉意粉($78)午餐連飲品賣相幾好，多蜆肉，無沙，粒粒新鮮，意粉韌度不錯Flat white (跟餐不用加錢)雖然無拉花，但咖啡味幾濃，唔苦唔酸！幾好座位唔多，企理、舒服，繁忙時段想食的朋友都要耐心等一下。

餐廳細細 但五臟俱全可以供應到煎炒飯食蛋糕同咖啡花茶由落order到出餐都非常之快🍽蒲燒鰻魚滑蛋炒蛋夠嫩滑 幾重奶味原條鰻魚蓋上珍珠飯上無骨，油脂亦唔會過重加埋醬汁好好送飯🍽全日早餐 早餐份量非常多有炒蛋、麵包、沙律、茄汁豆、哈密瓜、煙三文魚、雞扒鹹甜有致，口感層次更豐富☕️Mocha有好香濃ge朱古力味帶有咖啡香夏天飲夠消暑甜度剛好☕️Caffe Latte咖啡配埋拉花朋友唔飲得太濃就揀左呢杯咖啡唔苦兼好易入口

今日去到石門辦証，呢度咁隔涉竟然都搵到間幾似樣cafe 。 雖然cafe 開喺商場2樓，但就正正係搭電梯上辦工大樓必經地方。 cafe 唔算大只得4張桌，但過咗lunch 時間也全full ，而且更有人等緊外賣。 見到啲人食緊lunch set ,都幾靚好似幾好味。 再看看價錢又唔貴喎，一於試試。蒲燒鰻魚滑蛋飯鰻魚十分大條，味道香濃，滑蛋炒得十分細嫩，份量十足，味道配搭十分美味。芝士肉醬千層麵層層疊疊千層麵，外型看似一般，但味道就十分正，麵層之間夾有大量肉醬同芝士餡料，口感十分豐富。朱古力咖啡及抹茶鮮奶雖然好多客等緊外賣，十分忙碌，但食物及飲品仍保持水準。

今日去開石門果邊做身分證..整完後就想搵間Cafe 慢慢嘆下..見到COTI係採半開放式設計..雖然枱數唔多..但位置都好寬躺..仲有張Bra枱Tim😊Lunch Menu都好多選擇見到好多客人都有點呢個鰻魚飯..決定一試賣相好靚..最估唔到係鰻魚既Size’同隻碟差唔多長..蓋過哂D飯..鰻魚汁味道剛好..唔會太甜太咸..鰻魚亦夠厚肉..有焦香味道👍而最讚既係個滑蛋..好香滑..生熟度處理得好好將D蛋汁配埋鰻魚一齊食..不知不覺間已經食晒成碟飯。另外再點左杯Flat White雖然黎到時已經冇左個拉花..不過味道都好好..濃濃既咖啡香就咁就渡過了一個休閒嘅下午❤️

All day breakfast 又靚又抵食，但咖啡就算吧啦😅😅😅🅐🅛🅛 🅓🅐🅨 🅑🅡🅔🅐🅚🅕🅐🅢🅣 全日早餐連飲品 HK$74🅢🅟🅐🅡🅚🅘🅝🅖 🅛🅔🅜🅞🅝 🅒🅞🅕🅕🅔🅔 有汽檸檬咖啡 + HK$24食物💛💛💛💜💜 環境💛💛💛💜💜服務💛💛💜💜💜 打咭指數💛💛💛💜💜 回頭指數💛💛💛💜💜