Coti (京瑞廣場2期)

营业中

休息中

今次嚟到沙田石門嘅COTI估唔到呢間西餐廳，而家好多分店，今次就試吓佢嘅意粉主食。 店舖唔算好大，設計有啲文清風格，坐得都幾舒服，餐牌上有兩款意粉，一紅一白我哋都叫咗試吓。蕃茄醬蝦肉意粉番茄醬有蕃茄肉，味道酸酸甜甜唔錯，蝦肉都算多，都有啲海鮮嘅甜味。意粉煮得幾爽口，整體味道幾好。賣相都OK。卡邦尼意粉我最愛嘅白汁意粉，個汁幾有忌廉嘅香味，配上少少火腿同洋蔥，一個好味嘅意粉。加啲芝士粉味道更好。冰凍桃茶$36 ，都幾大杯，如果桃味重啲會更好。提拉米蘇咖啡幾特別嘅咖啡，本身已經有提拉米蘇嘅甜味，所以唔使落堂，入口幾幼滑唔錯。

第一次搭屯馬綫搵野食😆真的很興奮～呢個地方比較舊 一出站直情有一刻懷疑自己係咪仲係香港🤣估唔到呢個小商場入面 都有間唔錯既cafe😍舖頭大約得四、五張兩人桌 所以都大機會要等位～先落單比錢買野食 然後自助形式拎餐具同斟水🚰有d可惜 竟然all day breakfast 既材料唔齊～唯有試住d飯同意粉先啦😂1️⃣卡邦尼意粉＄72呢個意粉好creamy～💛 d煙肉非常之多！食晒d意粉都仲有煙肉剩🥓2️⃣蒲燒鰻魚飯 $88鰻魚好大舊好肥美🐟夠晒好味～配埋d汁送飯一流！仲有三舊長方形既蛋😆 instagrammable又抵食啊！3️⃣ Rose latte $38本身其實order熱既🤣想幫靚靚拉花影相呀！🌹但係凍既都唔錯～記得要用飲管搞一搞🤪 底部玫瑰花味好香🥰 撈埋一齊口感好好 亦都中和到咖啡既苦味 仲要都幾大杯 好襟飲😍有舊細細舊麵包仔送咖啡好可愛😍4️⃣ Brûlée cappucino $38呢杯係熱飲 面頭有焦糖烤過下😆有三粒咖啡豆係中間當裝飾～甜度適中😋焦糖層脆脆地好有口感👍🏻

位於沙田石門安群街1號京瑞廣場二期二樓228A號舖的Coti，主打coffee shop美食。餐廳採用自助形式，餐具和水也是可以自由取用的。筆者和朋友二人來到，先找了位置，之後再落單點食物。是日lunch set包一杯餐牌內的咖啡或茶。食物是即點即製的，約需等候十五分鐘，兩款美食的賣相都頗為吸引。。蒲燒鰻魚飯Grilled Eel with Rice - $88筆者很想念日本，所以點了一客鰻魚飯。鰻魚肉質不會太霉，肉質爽口。如果鰻魚肉的份量再多少許，便更好了。珍珠米飯的份量充足，適合勤勞的上班族當作午飯。鰻魚飯還會有三塊玉子，表面用火槍略燒。還有大量的蔬菜作伴菜，感覺健康清新。全日早餐All Day Breakfast - $74朋友則點了一客賣相相當吸引的All Day Breakfast。這款全日早餐包括有脆皮腸、烤雞扒、炒滑蛋、牛油配麵包、沙律、茄汁豆和哈蜜瓜。炒滑蛋的質感相當嫩滑，烤雞和脆皮腸也煮得相當香口。麵包的外皮略韌，但裡面鬆軟。令人頗有驚喜的，就是哈蜜瓜件頗為清甜，令整個All Day Breakfast的感覺更加清新更加fresh。飲品則點了一杯熱Latte和凍巧克力

今次黎到石門一間Cafe，Cafe細細間但環境都幾舒適，今次就叫咗一個全日早餐，同埋一個原條鰻魚滑蛋飯。😋😋全日早餐都幾豐富，有哈密瓜🍈、炒滑蛋同煙三文魚等等，而鰻魚滑蛋飯味道都唔錯，兩款份量都幾多同埋賣相都幾靚。飲品叫咗杯抹茶鮮奶，綠茶味夠香濃，同埋好欣賞店員咁有心機整咗一個咁得意嘅公仔，等咁耐都值得㗎，好可愛啊！🤣🤣今次午餐嚟咗呢度食，整體嘢食做得唔錯，而且環境都OK，坐得都幾舒適。

放假嚟咗石門新開了一間Cafe，以灰色水泥簡約風為主，半開放式嘅座位，空間感大。雖然位置不多，但已經坐滿了客人，都要等一會，先可以嘗試到佢哋嘅午餐。🧡蒲燒鰻魚飯鰻魚係我嘅最愛🥰🥰🥰首先擺盤好靚，又有兩片鰻魚，上面鋪滿紫菜，配菜仲有玉子和沙律菜🥗超級豐富。鰻魚入口好肥美，啖啖內，仲有玉子和沙律菜，超級豐富，性價比高，值得再食👍🏻👍🏻👍🏻🧡照燒雞扒飯雞扒同平時食開嘅唔同，平時多數係好厚好大份，呢間煮法係薄煎。我幾鍾意呢種煮法，感覺上唔會太多肉，煮法令雞肉更加香口和滑身。配上沙律菜，有種健康嘅感覺👍🏻👍🏻👍🏻💛焦糖布甸咖啡呢杯飲品一拎到已經覺得好似焦糖布甸🍮入口有一層薄薄的焦糖口感，再加埋香濃的咖啡，好sweet嘅口感，高質👍🏻👍🏻👍🏻💛鮮忌廉朱古力杯上面鋪滿可可粉，超級濃郁嘅朱古力味。朱古力🍫迷必飲

時間過得真係好快回想起對上一次嚟石門食呢間Cafe都已經係半年前上次我來食嘅時候 都已經見到好多人叫全日早餐心入邊已經諗緊下次嚟嘅時候一定要試試佢👀隔咗半年之後再次嚟到 即刻叫番個 #alldaybreakfast 佢嘅全日早餐 有菜有肉 更加有生果沙律菜 茄汁豆 多士 炒滑蛋 腸仔 雞扒 煙三文魚 哈密瓜咪講笑😍佢嘅炒滑蛋真係炒得好滑 腸仔食得出唔係廉價嘅味道雞扒應該係用多士機夾出嚟 系有少少坑紋果種呢P.S 不得不讚佢嘅哈密瓜十級甜👀😍👍🏼👍🏼👍🏼叫多咗個 #卡邦尼意粉 同朋友share食⋯雖然賣相比較普通 亦都唔係正宗嗰種味道🍝但係的確係一個好食嘅意粉👍🏼好足料好多煙肉⋯仲有本菇同雞髀菇朋友好少女心⋯叫咗杯棉花糖朱古力🥤佢話好好味😋我自己就叫左杯 #icedmocha 咖啡味比較濃郁兩杯飲品都附上一粒咖啡豆形狀既咖啡蛋糕😍味道都唔錯係你飲完一杯苦嘅咖啡之後😌送上一點甜

石門區近年發展得快，以前寸草不生得啲工業大廈，但新起咗2座商業大廈令呢區多咗好多優質餐廳，住附近嘅我都受惠到。今次食嘅Coti之前係九龍灣食過，原來石門都有，近近地就去試吓午市時段都幾多人，餐廳係商場一個開放式嘅位置，疫情期間略嫌太open。先搵位置然後埋counter點餐，只有2個員工，要做水吧、廚房同埋收銀工作，所以都排隊等咗一陣落單，嘢食都要等，建議預留鬆動少少時間蕃茄醬蝦肉意粉茄汁調味唔錯，唔會太酸亦唔會太甜，酸酸地幾開胃。意粉夠彈牙有咬口。蝦肉略略細咗啲，但係新鮮有口感。蒲燒鰻魚飯醬汁偏甜，鰻魚份量都幾多，日本珍珠米夠彈牙。伴碟的燒玉子蛋幾有驚喜。有汽檸檬咖啡幾新鮮的配搭，一shot expresso配上一杯檸檬梳打。飲嘅時侯將特濃咖啡倒入梳打中，梳打嘅氣泡同咖啡嘅苦澀味成咗好大對比，但又出奇地夾！而且檸檬嘅酸亦同咖啡中淡淡的咖啡酸配搭咗，令咖啡變成有趣嘅特飲。玫瑰鮮奶咖啡花香味唔算太濃，但以鮮奶咖啡嚟講算幾好。咖啡味香濃，鮮奶泡泡幼滑，奶與咖啡比較剛剛好

蕃茄醬蝦肉意粉 $74味道幾好雖然唔係啖啖肉既大蝦但蝦肉份量都多意粉份量都好足飽肚感十足棉花糖朱古力 $42估唔到朱古力都會有拉花見到呢隻靚靚熊仔就勁開心配有咖啡蛋糕All Day Breakfast $74一黎到見到隔離食呢個一定要嗌呀！一好大份既蛋牛油多士、茄汁焗豆、煎雞扒、沙律、煎雙腸、煙三文魚最特別係有哈密瓜整碟All Day Breakfast除左顏色配搭夠吸睛就係好balance肉類蔬果乜都有抹茶鮮奶 $42完全唔甜啱晒我呀！抹茶味道好濃Very good

屯馬線開通 真的很興奮🎶  今日難得放假一於搭屯馬線去新界一日石門呢個站 聽聞都有唔少好食嘅餐廳 揀左呢間叫coti 去到小店有3個staff 間餐廳係半開放式坐位 座位唔多 但係又唔會覺得迫👍 All day breakfast每逢放假都會好喜歡去搵全日早餐食 因為基本上一訓醒已經午餐時間呢個all day breakfast入面有腸仔 茄汁焗豆 沙律 麵包 配牛油 煙三文魚花花 最特別嘅係佢竟然有哈密瓜 個滑蛋口感好soft又夠蛋香以呢個價錢食到咁多份量嘅all day breakfast真係好超值 食完好滿足 蒲燒鰻魚飯蒲燒鰻魚飯上到枱 上面啲木魚仲喐喐下㗎 配襯喺碟邊嘅玉子燒有輕輕火灼過 口感柔軟有蛋香 鰻魚軟滑多汁 每啖飯都有鰻魚醬汁襯托 錦上添花 飲品 焦糖布甸咖啡焦糖與咖啡的味道非常平衡擁有焦糖香又不會太甜 啖啖咖啡香 忌廉特濃咖啡滿滿忌廉香配以濃郁既coti house blend豆唔會酸澀 有濃香味道 鍾意飲expresso既我表示好欣賞 自己好鍾意呢度咖啡香味 今日見到格離枱飲latte有靚靚拉花 下次再黎encore先 食物：8/10價錢：9/10 環境：7/10

**COTI-石門店**第2次到訪,認真不錯話說第一次黎飲杯咖啡等接放學,印象幾好今次就約朋友黎傾下計,食個LATE LUNCH平日既15:00左右黎到唔洗等位,只得一位客人但全部枱都有未收拾既杯碟,問下店員係自己搵位定等安排店員就話自己搵位坐,咁我指左張枱話佢知我就坐呢張啦其實係示意一下要收拾好杯碟,但佢哦完一聲就做佢自己既PAPER WORK我見佢無反應,我就請店員出黎幫我清一清張枱先落單同取食物都係要去Counter既.但我一路落單,詢問咖啡既問題店員一直無抬過頭,一邊寫緊佢既Request day off申請表我覺得自己好似阻住佢咁...er....食物的確唔錯既,All day 都幾有心思,同平時食開既有少少分別好吸引眼球另外鮮蝦蕃茄意粉,份量都好足,味道唔錯朋友既焦糖咖啡聞到好香而我就要左杯蜂蜜咖啡,蜂蜜同咖啡都係自己倒入杯奶度我就嫌個蜂蜜有渣,蜂蜜味有少少薄弱

我哋住沙田，間唔中都會行去石門食嘢，今日經過呢間coffee shop，店舖好開揚，雖然得幾張枱，但坐喺度飲咖啡都幾寫意，睇到OpenRice見到個All day breakfast 好正，於是就坐低試吓啦！因為座位少，都等咗15分鐘，但食完之後，都覺得值得嘅🙈朋友好肚餓所以叫咗個照燒雞扒飯，兩塊照燒雞扒外層煎得幾香脆，入面又唔會太乾，味道亦不錯，配埋沙律🥗，好味道！我就緊係叫個all day breakfast 啦💪🏻果然係推介👍🏻👍🏻特別係個蛋夠嫰滑，好creamy!!!然後又有塊麵包，上面嗰啲牛油🧈好好味😋。其他仲有沙律菜、茄汁豆、照燒雞扒同腸仔，非常豐富。然後最特別最特別竟然係有條哈密瓜食，好fresh 好得意☺️我好鍾意呢個我哋all day breakfast 另外我同朋友各自叫咗杯熱麥茶同Iced Mocha,都係不錯嘅選擇！如果經過開嘅朋友就可以試吓呢一間coffee shop啦😉

難得星期五有半天假，同仔仔食番個 late lunch 先 ，要嘆番杯咖啡，享受一個悠閒的下午。吾想去太遠，最後近近地去咗沙田石門。呢間 cafe 係京瑞廣場二期二樓，好易搵到。坐位不多，之前幾次經過都冇位，所以冇機會試。今日好好彩，等了一會就有位了。難得放假吾趕時間，當然要來一份All day breakfast 先 啦。介绍番呢份ADB 真係正，$74 分量十足，仲要包一杯飲品。如果加$24 可升级選 Signature Coffee 。先數下份ADB 有啲乜先，有一大條水果哈密瓜、牛油麵包、沙律菜、三文魚、炒蛋、2條腸仔、雞扒同埋茄汁焗豆共八款食物，雖然冇我最愛大啡菇，但真係相當不錯。飲品我最後決定試吓杯 Tiramisu Coffee ， 因為見到隔離枱點了，望落去好鬼靚，心思思要試下。其實我本身都好鍾意食Tiramisu ，至於Tiramisu Coffee 係第一次飲，入口香滑不算太甜，低層係咖啡，咖啡味不算大濃郁，大家值得一試。不過我本人較喜歡濃味咖啡，如果咖啡味更濃就更啱我了。另外，我們再加多份蕃茄醬蝦肉意粉，有五、六隻大蝦咁多。至於意粉比較粗身，食落幾得意。蕃茄醬甜酸

Lunch hour 同同事去咗石門食嘢，我哋揀咗食西餐，去咗京瑞廣場2期2樓Coti 食！開放式的店舖細細哋，都係得幾張枱，上到去剛好有人走，唔使等好耐就有位啦！在收銀處落單比錢，坐一陣就有可以取餐！我叫咗All day breakfast、Flat White，同事叫咗卡邦尼意粉、Cappuccino，食物賣相真係好靚，適合打卡呃like! All day breakfast 沙律菜夠新鮮，哈密瓜清甜，炒蛋香滑與麵包牛油很配搭，雞扒煎得外脆內軟！Flat White 啡與奶比例剛剛好，好Chill！卡邦尼意粉醬汁口感比較rich及creamy，配料有火腿，茶樹菇，意粉軟硬度適中，配上熊仔拉花的Cappuccino，好吸睛！

放假又喺慢活嘅日子訓到自然醒，梳洗一下再出門口食個Brunch 🌤星期六嘅石門原來好熱鬧好有葵涌廣場嘅感覺Coti Cafe 位於京瑞廣場2期二樓半開放式嘅設計，簡約裝潢擺放咗幾張枱椅，零壓迫感Lunch Set 款式唔多，但好吸引👅Drinks 選擇較多，coffee 喺呢到主打🍱蒲燒鰻魚飯鰻魚肥美肉滑，口感軟綿綿鰻魚汁撈飯喺絕配玉子煎得香口，外脆內嫩仲有沙律配菜，夠晒清新健康🍝蕃茄醬蝦肉意粉蝦肉爽口彈牙份量多捲起意粉掛上滿滿嘅蕃茄醬啖啖茄醬酸甜開胃🍯天然蜂巢咖啡牛奶、咖啡、蜂巢分開送上將咖啡倒入奶中，再加入蜂巢攪拌沖調成一杯蜂巢咖啡香濃嘅咖啡充滿淡淡嘅蜂蜜味為忙碌嘅生活加點趣味🍫棉花糖朱古力朱古力特飲香甜濃稠仲有滿滿嘅綿花糖，好有滿足感！

因為屋企人住喺馬鞍山嘅關係，所以間唔中都會去石門同屋企人食飯。有次經過發現有間咖啡店幾吸引，所以就嚟試吓。後來發現係富臨集團既。我哋叫咗個鰻魚飯同埋All day Breakfast, 首先講吓鰻魚飯，鰻魚份量好多， 汁既味道都好好，唔過鹹。飯係珍珠米，軟硬適中。另外All day Breakfast, 有哈密瓜，腸， 煙三文魚，雞扒，茄汁豆，沙律菜同多士，分量豐富。咖啡方面，試下新野，叫左奶醬啡同蜂巢咖啡。 奶醬啡，咖啡味唔算濃不過真係似食緊奶醬多既味道，幾有趣。蜂巢咖啡就付上一粒蜂巢比客人自己放入咖啡入面，配埋一齊都唔錯。