COSY

营业中

休息中

由新開嘅都變到唔係新開😂新開無耐去咗食一次係唔錯，高檔版嘅越南嘢生牛肉係高質，湯底清甜牛油雞翼即叫即整，夠鬆脆春卷都唔錯可以一試裝修又modern坐得舒服#黃

偶然一次帶狗狗到附近散步時看到這間小店，小店環境真如店名 “Cozy” (Cosy)，很舒服溫馨！最初小店開鋪時，是一對夫婦在店舖打理。丈夫在廚房準備，妻子在外幫忙接見客人，有時還見到女兒在做功課。生牛肉湯粉湯底清澈不油膩，配菜（洋蔥、芽菜、香蔥、薄荷葉）也不少。生牛肉片的肉質嫩滑，不太多肥膏，份量不少。 蕃茄蝦頭膏海鮮湯粉價錢雖略貴，但是值得的！能吃得出店主用新鮮蕃茄、蝦頭淆製湯底，當然應加入了茄膏，湯底尚算天然，酸酸甜甜的很開胃。配料有蜆、青口、鮮蝦、魷魚，非常真材實料。後期再訪店鋪，我想小店多人幫襯了，請了新店員幫忙呢。今次試了不同的菜式。班蘭咖哩雞飯意外地好食！好香的咖哩味，小小辣，雞非常滑！還有其他雜菇做配料，好岩送飯～蔥油豬扒飯正正常常～小食方面好唔錯的越式春卷，跟餐加錢又唔太貴，可以一試。碳燒豬頸肉大約有4-5舊，豬頸肉好厚身，整得好香口。

長沙灣的越南小店 內裡都系以白色為主調 有啲位什至有差電位 幾貼心☺️lunchset價錢親民 我地分別叫左一個牛肉牛丸湯粉 一個泰式船河 再加左份扎肉米紙卷😋 牛肉牛丸個碗個湯都吾錯 湯頭甜得來有淡淡牛味 飲完吾會好口渴🤓 呢啲最緊要系湯底嘛😚 牛肉就正常味 有啲老所以就會韌🤔 但最中意反而系牛丸 佢入面有濃濃的牛汁 仲有小小筋咁 應該系用啲好小小的牛丸😀 最尾個粉都滑的不過就有啲太碎所以好難夾😂 另外的船河我覺得同平時專做船河的鋪頭有啲分別🧐 呢碗個湯系甜同清 吾似平時個啲有用豬血系入面所以會系杰啲同實色🤭 佢系清澈的 同頭先個款的分別就系我覺得多種香料同濃小小 如果重口味的人建議點呢款😌 入面的餸基本差吾多 所以吾多講了🤙🏻 最尾的米紙卷都系咁啦 入面好多菜同蘿蔔咁 所以好爽口🥳 但佢地冇咩味就一定的 所以點埋個汁就酸酸甜甜咁🥳 整體吾差 最緊要系抵食！大家經過都不妨試下

朋友剛剛搬去 蘇屋邨， 去探佢自然要喺附近搵埋食。 然而新商場全部都係連鎖食店， 千篇一律了無新意。 好彩對面仍然有一列舊式街舖， 租金相宜，造就咗好多小店喺嗰度 服務街坊。 今日就去咗一間新開嘅越南小店叫做cosy, 家庭式經營充滿人情味。 小店不大，一室溫暖色系裝修， 簡單舒服。 今日叫咗一客越式豬扒三文治， 以及牙車快沙律。 雖然已經係12月，但係有陣時都想食啲清新涼快的食物， 牙車快沙律正正是好選擇。 手撕雞肉，青瓜絲， 再加埋甘筍及椰菜絲 ，並以九層塔、薄荷及 越南魚露調味， 加埋花生碎要及炸蒜頭， 讓整到沙律 口感十足， 層次也十分豐富。 在不得不提的是店家自己醃的蒜頭， 更顯店家的心思。 越式豬扒三文治 呢道平民美食， 材料雖然簡單，但係要整得好食卻不是容易。 尤其是長發麵包要先烘過， 讓麵包外脆內鬆軟。 而豬扒也炸得好味， 鬆脆金黃肉汁多。 配搭的生菜番茄以及甘筍絲也十分新鮮。 整到三文治配搭得非常不錯。 最後叫了凍檸茶。 不得不提的是雖然星期六日沒有下午茶套餐，但是飲品價錢也相宜，單叫也不會太貴呢。

今日經過長沙灣想食粉麵，但係又唔想食四周圍都有嘅魚蛋粉牛雜牛腩河，發現長沙灣開咗間新嘅越南粉小店就入去試下，我哋叫咗火車頭湯粉 ，入面有牛丸，生牛肉，熟牛肉，蘿蔔，個湯底有好濃嘅牛味，飲得出餚咗好耐，總括嚟講成碗牛肉粉都好好味，仲點咗蕃茄蝦頭膏海鮮湯粉，有好濃嘅蕃茄味仲有蝦膏味，又係邊必食之選。小食點咗蒜香油菜，上面啲炸蒜片好好味，撈埋個新鮮油菜食味道一流，我哋仲點咗小食拼盤，有春捲兩件，牛油雞翼兩件，同埋香煎魚餅兩件，全部都係order咗後先煮，所以樣樣嘢都熱辣辣咬落出煙，樣樣都好好味。

一去到成間舖頭都好有文青feel，好舒服，老闆娘超級好人，所以成個飲食體驗都好舒服、好開心☺呢個餐廳係主要食越南菜，大部分都係湯麵、仲有D特色飯，同埋小食，都幾多選擇～因為唔太肚餓，所以我叫左一個生牛肉湯粉 ($40)，但都幾驚喜!! 個湯底好夠味，而D生牛肉都係好淋，唔肥，個麵既份量都好多🤩 所以食完成碗都幾飽～ 🍅蕃茄蝦頭膏海鮮湯粉 ($50)呢個既蝦膏味好香、好濃味😍 有好多海鮮，所以都好好食!!  呢個麵叫左檬粉，好彈牙同埋都係份量好多，湯底又好正🤩最後我地坐左4個鐘，老闆娘都冇催過，走果陣老闆娘仲話坐耐D啦🤣 所以覺得呢間餐廳係好舒服，好值得去呢❤

在報紙上看到話小店，已經一直很想試，今日午飯有幸一試，推介！點了店員誠意推介班蘭咖哩雞飯， 咖哩味香，小小辣，雞（超滑）。 詢問後，原來有slow cook 原理在內，每日雞隻限定，食完就無。 朋友點左順化湯河，粉底滑，湯底正。 另外試了小食：魚餅（超惹味，推介） 及 米卷 絕對食出越南風味配上一杯越式滴漏咖啡，為呢一餐更添色彩~~Have a wonderful lunch~店員細心，體貼，好有人情味既小店~一定會一去再去既食店~~

得悉開咗間越南菜小店決定同屋企人夜晚一試。舖仔細細，裝修似cafe咁淺色為主，單邊對牆位仲有usb插頭，店員親切有禮。入正題先😂點咗順化湯檬粉同雜錦撈檬（因為撈檬唔係我點所以唔記得影相📸），跟餐係包普通熱飲，而我加咗$8改特飲點咗越式熱咖啡同熱奶茶，小食點咗蒜香牛油雞翼同網絲春卷。主食：順化湯粉落單時候店員已經提醒係會有啲啲辣，我係唔食得好辣嘅人（參考：譚仔十小程度）但個個辣對我係絕對Ok，輕描淡寫嘅辣嚟，湯唔算濃，微微酸，有啲啲香料嘅味，如果要具體講可以講係一個有啲啲酸嘅紅燒牛肉湯咁，檬粉冇特別唔係好幼個種，芽菜唔係粗短個種（係會理會啲），扣肉ok又唔會切到好薄（唔係有軟骨），牛肉ok，👍🏻牛丸好食有香嘅牛味同有汁🐮。檬粉偷咗啲試😂冇特別，上面配有網春卷、串燒同魚餅，串燒冇特別，唔係真燒個種，所以冇啲啲燶邊嘅香口，個人不嬲唔太鍾意食魚餅，但呢可接受。小食：想一讚嘅係我叫兩個小食都係炸物👍🏻，而呢兩種都炸得唔錯，外身夠乾身好脆，唔會流到成碟油，同就算放一陣又唔會變淋。佢有網絲對我嚟講幾難得，而家出面好似少咗餐廳整，鬆脆味道適中；牛油雞翼又熱又脆，但蒜同牛油味不足（本人搵緊錦麗牛油雞翼替

哩排成日去長沙灣做野，都會俾Cosy吸引住，因為成日都好多人，所以無食到😩😩今日決定點都要食到您😍😍餐廳裝修係走簡約風既，入到去真係做到一種令人放鬆舒適既感覺🤩🤩而餐廳係食越南野既，選擇都唔少喔😜😜我地嗌左咖哩炸牛腩金邊粉😍😍聽説好多人都會嗌哩嗰食😛😛炸牛腩用左薄薄既一浸炸粉，牛腩半肥瘦，食落去好香口，而咖哩唔會好辣，最緊要香😚😚金邊粉既香料好足，做到正宗越南粉既味道❤️火車頭湯河又係必嗌☺️牛丸有驚喜，夠彈牙而且牛味好重，真係好出色；牛腩好夠淋，牛味濃郁，牛肉片上枱既時候慢慢由紅變熟，牛既肉香就喺口腔度浮哂出黎，抵讚😊❤️海南雞好嫩滑，唔會油膩，雞味好重，加埋佢既特式醬汁同海南雞好夾，好適合海南雞愛好者😊😊❤️另外加左個蒜香油菜，蒜既份量好足夠，菜既蒜味好重，而且菜夠新鮮！重要係跟餐黎加唔貴😝😝飲品我就一定係試越南咖啡，咖啡味好香濃，睇住佢慢慢咁滴落去好治療呀，我唔鍾意太甜，老闆都好配合落少左煉奶，完全做到我心目中既味道😋😋😋

長沙灣蘇屋邨附近嘅COSY，座位唔多，小店格局，好家庭式感覺。主打越南湯河，即叫即製。招牌湯河係番茄蝦頭膏海鮮湯粉（$50，可轉金邊粉），湯頭充滿蝦味，非常鮮甜；加上番茄的微酸，以及唔同海鮮，例如青口、蝦肉、蜆肉、魷魚肉等等，鮮味十足。金邊粉較河粉幼身，入口又滑，所以通常都會叫金邊粉食。小食都唔錯，蒜香牛油雞翼（$20）及串燒牛肉（$12），雞翼充滿牛油蒜香，非常脆口；牛肉串有沙爹香，而且可以逐串叫，啱晒鍾意樣樣食少少嘅我。

呢個係最新既餐牌本身想食E但又忽然改變主意一入去係個姨姨招呼我地 好有禮貌落完單又會叫我地對下張單望落似家庭式經營 而且好用心咁去煮❣️火車頭湯粉個湯好清，係自己煲出黎的無味精，飲完唔會口渴生牛肉 熟牛肉 牛丸 蘿蔔生牛肉即淥即食😋唔會太韌熟牛肉 係半肥瘦一啖放落口！超重牛味🐮煮得夠冧 唔會太硬牛丸 一咬就爆汁🤤 雖然有少少硬 但都好彈牙 蘿蔔 都甜 但有少少渣 椰香雞湯粉一上枱就聞到好香好濃既棷子味個湯有少少辣 加埋勁豐富既香料惹味之選😋仲叫左個雞絲米紙卷好清新既感覺 又好爽口 食材都係新鮮既😛

係香港食到好食既越南野好多時都要付出較貴既價值,今日經過長沙灣估唔到誤打誤撞去左間價錢最接近越南價既餐廳而且仲好正😍生牛肉金邊粉有齊芽菜,香葉,青檸同洋蔥做配料湯底香牛骨味得黎唔濁飲完都唔會口乾,金邊粉十分足料麵質彈牙又滑.生牛肉呈半生熟用底場浸熟後湯底加重左陣牛脂香味,肉質彈牙食落唔會靭.燒牛肉撈檬大家唔好好似我咁一開頭望落以為燒牛肉會好乾,其實食落一d都唔乾之餘仲好易咬開,好欣賞牛肉醃得夠食落好香沙嗲味.撈檬加上青瓜紅蘿蔔絲同炸蒜花生粒食落好清新爽脆,撈檬魚露汁又唔會太咸.小食拼盤以$42呢個價錢呢份小食拼盤既質素真係無得輸.牛油雞翼炸得好鬆脆咬落脆卜卜而且內裏雞翼既肉好厚身而且內裏雞翼無雪藏味得黎仲好香醃得好夠味.越式春卷網絲更脆唔油膩,內餡帶芋頭香.札肉米紙卷米紙卷皮薄帶點煙靭感內裏清新爽脆,沾上少少魚露已經好夠味.越南出名滴漏咖啡,咖啡飲落甘香帶好香烘焙味而且飲落唔會酸,加上煉奶飲落更香滑濃郁,望住佢慢慢滴漏感覺好治癒.

又一間隱世好店！呢間野座落於長沙灣既住宅區，雖然唔近地鐵站，但性價比非常值得大家一試！先講下間店既環境，雖然地方唔大，細鋪黎，但明亮乾淨，裝修好有風格，黃燈比人好舒服溫暖既感覺，令人食得好放心。我地兩個人叫左一碗生牛肉湯河，一碗海南雞湯河。一開始望落個碗好似唔係好大，仲怕自己食唔飽，點知內有乾坤，超級足料，女仔可能食唔曬成碗咁濟。值得一讚係，湯底鮮甜，食完唔會覺得口渴，無論係牛肉定個雞肉都好有味道，而且肉質鮮甜！另外追加左三份小食，包括一碟菜，泰式魚餅，泰式豬頸肉。全部十蚊一份，好適合想咩都試下但又怕食得太飽既你地。先講下魚餅，十蚊就有三塊，熱辣辣，相當抵食！味道同平時食既泰國菜差唔多，但又唔會太過濃烈。至於碟菜，千其唔好以為佢係一碟普通既菜，面頭落左一堆類似花生既物體，將一碟平淡既菜昇華到另一個層次，勁香勁難忘。豬頸肉都好入味，唔會太肥，點落旁邊既酸甜醬簡直一流！不得不提既係，店員超級nice，係香港食肆黎講，算係買少見少啦！

今日長沙灣見到一間新開食越南野既，就入左去試！入到去一邊已經坐滿晒人，我地坐低左面向牆既位置。我地叫左一個火車頭🚆湯河粉，一個碳燒豬頸肉湯金邊粉，一個小食拼盤，仲叫左杯青檸檬薄荷梳打😋火車頭湯河粉入面有牛丸、有生牛肉、有熟牛肉仲有蘿蔔。好大碗！香料亦都好多！牛丸好多汁好彈牙！蘿蔔煮得好入味！牛肉一樣好出色！河粉份量超多呀👍🏽👍🏽👍🏽碳燒豬頸肉湯金邊粉，好大碗！豬頸肉好厚身！小食拼盤入面有春卷、牛油雞翼，香煎魚餅各，賣相同埋味道都唔錯👍🏿👍🏿👍🏿👍🏿👍🏿總括而言，佢嘅價錢好大眾化，食物嘅份量多，而且又好味！我下次會再試食下佢其他既野食👍🏿👍🏿👍🏿👍🏿

這是一個非常愉快的經歷。跟姨媽在長沙環這間新開張的越南餐廳,睇完戲之後去食越南嘢。首先非常最愛佢哋嘅下午茶。選擇唔太多但係整咗啲嘢好食。有牛肉雞翼兩隻加埋 一碗正宗越南撈檬，本身我自己最愛嘅凍檸茶。這個配得非常之實惠。姨媽仔話佢哋嘅迷你拼盤，可以做到色香味俱全。配料有春捲兩隻香煎魚餅，我有雞翼串燒pig..加上凍檸茶真係唔錯。裏邊另外留意嘅係裝修,加上暖暖人情味。會同你逐一介紹菜單裏面嘅奧妙之處。我自己覺得真係唔錯。