Corner Garden Crepes & Drinks

营业中

休息中

今日入黎長洲食下野，見到有新店，當然要試下啦，唔洗淨係食魚旦、糯米糍咁悶行左一陣，終於揾到佢啦！小店位於冇咁起眼嘅巷仔間……一黎就揀左“榛子香蕉班㦸”+“原橙梳打”，老闆見我地黎到身水身汗，好醒目地話：“沖左杯野飲俾你地先！”觀察入微！（個人影相技術有待進步……）梳打一黎到，即刻將個冰涼又 juicy 嘅橙肉放入口啦（有差唔多半個橙肉……重點係：橙肉已起，一叉就食得，非常鮮甜嘅橙…… 透心涼！）……入面嘅冰係用橙汁製成，咁就唔會愈飲愈淡跟住就係班㦸登場！……榛子醬+香蕉味道好夾，唔會甜到食唔到，份量好足由頭到尾每一啖都食到榛子香蕉，非常闊綽每一口都好幸福(*¯︶¯*)…………（老闆仲好細心調好燈光，等我地打卡影相可以靚d ~）…………讚完老闆d野好食，就閃左人lu~係長洲行完一輪，最後都係想試埋佢嘅皇牌“火焰牛油果班㦸”……一入到舖，就俾老闆認出，哈哈！……今次揀左“牛油果班㦸 + $15食 MOVENPICK 雪糕”（草莓雪糕好好人地俾我地分開上）……一邊欣賞老闆專注整班㦸嘅過程（有少許12道鋒味嘅感覺，哈哈……），仲聞到火槍燒牛油果+蛋黃醬嘅香味 Ｏ(≧▽≦)Ｏ …… 係岩鹽嘅襯

我們又入長洲玩玩食食啦~ 今次去試一間剛剛開業的班戟 店!! SY:「我要食朱古力雪糕班戟」 吸引我的並不是普通班戟 , 而是火焰牛油果班戟 $42 ...所以, 今次還是不要吃雪糕有火焰是常識吧！可是雪糕控的SY不停嚷著要食雪糕, 於是我問店員:「火焰牛油可唔可以加雪糕?」, 店員:「味道唔係好夾...不如你加$15, 我另外畀一杯雪糕你?」(SY:好呀! 好呀) 店員先製作班戟皮, 之後切出牛油果, 並逐一舖在 班戟皮上, 再放蛋黃醬 店員一邊燒蛋黃醬一邊問我:「你想唔想食香D? (我:想呀) 咁我燒燶D畀你...」 其實, 他一邊燒, 已經有陣陣的香味傳來我這邊, 阿太接過班戟, 試了一口大叫:「嘩! 好食喎, 原來燒咗嘅蛋黃醬咁香」 我:「我第一次食鹹味班戟, 佢又有少少甜, 班戟皮又有少少焦香, 好夾好好食喎」 SY:「我覺得我個雪糕好食D」(Mövenpick嚟架喎, 唔會差得去邊啦...細路) 我問店員Kelvin:「你又會諗到火燒班戟?」, Kelvin:「香港人鍾意食蛋黃醬, 我哋又想試少少新嘢, 所以就試吓夾生果, 原來火燒蛋黃醬同牛油果好夾, 所以就做咗E款 班戟

長洲新開既清新小店Corner Garden，環境很舒服，擺設也很別緻。另外有動物座椅，十分可愛。有小綿羊，大笨象和三角龍，大人細路都坐得，好正!呢度既crepes有很多選擇，個人極力推介nutella香蕉crepe 和很特別的火焰牛油果crepe。如果選擇雪糕，居然是movenpick雪糕，加15蚊就有，真係好抵!!!!!!老闆係有禮貌又親切既後生仔，服務很好，給不同客人用心推薦各種口味既crepe，又可以俾客人選擇不同醬料，值得加分!!呢度絕對係長洲又一打卡新地方^^

由市區入長洲，大多數人都會食大魚蛋。我同朋友去到長洲，第一件事就係搵呢間舖頭，因為朋友都係由朋友介紹而知道呢間舖頭。一入到去，裝修同附近環境唔同，一種現代休閒嘅感覺。店內只有一個男仔一腳踢，負責收錢同整嘢食。近門口兩邊都擺咗櫈，啲櫈係動物造型，十分有趣。睇睇menu，都係決定食返經典crêpe口味：Nutella香蕉。（本人去到邊都會叫呢款口味）而朋友就食火炙牛油果。一拎上手，嘩！好脹好重，仲要新鮮滾熱辣。之前食過其他班戟，望落好多料，但食食下就開始無乜料，鬼死咁失望。但呢次真係唔同，每一啖都好多Nutella，而且香蕉分佈嘅範圍好廣，由頭食到尾都仲有！所以我食得好開心。而朋友話佢嘅火炙牛油果都唔差，親眼望住廚師用火槍噴，食落啲牛油果似日本牛油果啲感覺。（雖然我唔太明，但朋友就讚不絕口）而班戟個紙套外型設計好有趣，為咗方便食客，紙套有虛線等人容易“meet”開嚟食。廚師都好貼心，由於店內仲有其他食客，佢哋食流心朱古力，廚師驚我哋食到周身都係，就問我哋要唔要紙巾。果然長洲係充滿人情味的～！

這間小店在街市附近的一條小街道，有時侯在店外已聞到煎班戟的味道，就是雞蛋麵粉的香味。店內乾淨企理，煎班戟的男生也是乾淨清爽的樣子。進了店，點了兩份班戟，一份芒果班戟，另一份士多啤梨班戟加雪糕，雪糕一球加十五蚊，用上movenpick，比哈根達斯的更棒吧！芒果班戟的內涵很豐滿吧。。就是忌廉加上芒果，再配上芒果醬。。重點是真的很多芒果。。。而士多啤梨班戟，我的選擇是士多啤梨配上士多啤梨醬以及士多啤梨雪糕，味精對得很！！畢竟全是士多啤梨，哄女孩子一流！！哈哈！

今日難得放假特登來長洲 點知天陰陰 又落雨 心情唔太好想食啲甜品，好彩比我搵到呢一個角落有間小店。肥仔老闆推薦左個mango crepe，原本無話特別期待，食完之後喜出望外。 之後同老闆傾計，原來佢細個嘅時候住喺長洲，好鍾意呢個地方所以大個之後翻來開舖。feel到老闆好有heart, 繼續加油👍