cookedDeli by city'super (已結業)

琴日去左apm睇戲, 睇戲前去左food court到醫肚先! 逛唒成個food court, 近收銀處見到有間賣韓國料理的, 有部隊鍋, 好似幾好味。 點左一個小部隊鍋set, 有跟紫菜飯同飲品。雖然叫"小"部隊鍋, 但份量都幾多, 有洋蔥、金菇、雜菜、腸仔、午餐肉、薯粉...都足料同新鮮！但個湯係偏淡的泡菜味, 可以濃返少少！同埋紫菜飯, 無唸過得幾條紫菜係面感簡單😂！ 本身算大食, 但e個set 真係好多, 一個人食唔唒, 最後淨左小小飯。😂 整體個set 份量好多，係湯底同紫菜飯到扣左分!

揀咗好耐先揀到食邊間之後仲要揀想食咩😣最後試咗依間叫 relax station 既野叫咗個鐵板手撕雞飯有3隻大雞脾 多雞肉啲雞肉都好淋同埋咸咸地個白飯就好大唔好睇少佢 張相睇落少啲 但係佢cup出黎個碗比較大個半隻滴滷水蛋就一般

去完party room後已晚上十時多，apm剩下可吃的只有food court，所以我和朋友們在food court各自覓食。其中一位朋友吃泡菜豆腐湯飯，另一位則吃章魚小子，我就吃餃子和炸雞塊。朋友所吃的泡菜豆腐湯飯我沒有多加拍照，不過她就說這湯飯不過不失，可以接受其味道。至於章魚小丸子外有點怪怪的，看起來像是炸的，不是烤的，而且乾巴巴，但輕輕咀嚼一口還好吧，內裡粉漿細滑度尚可，八爪魚粒不算超大顆。炸雞塊整體都不俗，炸得金黃酥香，雞肉嫩嫩的，也有絲絲肉汁在口腔中洋溢著，唯美中不足之處味道些微小鹹，如減低鹹度更好。餃子不是我想像中的煎餃子，而是炸餃子，儘管餃子皮頗有脆度，無奈內裡肉餡綿綿，嚐不到肉的質感。

好震驚晏晝1點半係搵到空位架，不過呢個現象似乎好多觀塘食肆都出現，即係大部分人1點半已經過左lunch time啦所有選項都好普通，想食魚就叫左鯖魚定食，72蚊都唔平，仲要係food court好快就有得攞，食品外貌唔錯，不過碗碟就好求其，係咪覺得food court就可以當快餐店看待呢？d碗邊崩晒口咁... 如果係自己屋企食飯就話冇所謂啫，對客都咁...面豉湯典形普通貨式，野菜沙律都普通，好在d沙律醬唔算少，至於條魚算有點咸，但都有些少魚味，加埋檸檬汁尚可吊番出味道。不過最離譜係好多骨，要係咁吐骨，咬唔斷價錢唔算平但質素係平平無奇甚至中下，唔值囉，高檔商場舖租貴累事。

觀塘apm food court 有不少選擇，平日晚飯時間尚算容易找到位置，這次品嚐了Karayama的滑蛋炸雞丼，盛惠$55m元，在food court吃算是較便宜，醬汁是普通甜甜的燒汁，炸雞都算大件，但表面已軟，不夠脆身，但雞肉很滑，滑蛋就煎得不錯，但沾了不少汁，味道較咸，至於飯就相當不錯，好像是珍珠米，很有咬口，配合燒汁一起吃很不錯，但非常愛好多汁的我，就覺得汁可以多一些，因為吃到最尾不太夠汁⋯⋯

約咗朋友行街～一齊去咗話貴唔貴，話平唔平嘅APM food court，野食種類都好多，但就好難搵位🤦🏻‍♀️🤦🏻‍♀️買完野就得部機再震就有得拎～一係餐有湯有飯有啲細前菜（今次揀嘅係最細個款饅魚饅）饅魚汁有啲太多，相反啲飯又有啲乾得濟饅魚會食到骨！ 所以唔可以好貪心咁大啖食～～～整體呢個價錢唔可能要求咁多，啲饅魚唔臭都已經接受到～饅魚汁重手咗，魚唔算多因為我揀細份，細啖啲食配飯都可以有餸食飯～～

去得大商場的food court大概都不敢太有要求，但是這個炸雞值得我一來再來。成個套餐有四件炸，一大碗飯一碗麵豉湯同一杯特色飲品。炸雞大大件好抵食。配合濃濃的沙律醬後放在熱辣辣的鐵板上，絕對是冷靜與熱情之間。炸雞的炸漿不厚，而且炸得香脆酥軟，內裏的雞肉依然保持嫩滑多汁不油膩。73蚊在foodcourt來講不算平，但絕對值得這個價錢喔！！順帶一提，我個人覺得成個foodcourt祇有這個炸雞是可以的，其餘的食物都不好吃。

老公想去食food court中另一間炸雞，所以就去food court吧！結果我揀左豬軟骨烏冬配豬骨湯底。嘩！！！D湯多到好似水浸咁有蔥都唔止，仲有白色果d大蔥切絲，如果係好似我這種不喜歡蔥的朋友，請記得叫佢走蔥。湯底，味精的朋友豬軟骨有兩舊大一舊小。70幾蚊個麵我會期望致小有三舊大的。不過重點係唔好食，肉很鞋。烏冬毫無口感，一d都唔彈牙。仲有杯茶做餐飲不另收費，不過都係用茶粉開既亦唔好飲。74蚊食垃圾，主張唔大嘥既我全部都食淨一半或以上，very bad

而家觀塘工廈多咗好多嘢玩，VR game、釣蝦場 ，都幾有趣，玩完一個下午最好揾個地方坐抵食晚飯! 吖也，冇book位，點好，咁近近哋去apm食嘢啦! 但係apm嘅嘢就有dd貴, 大家不防走去佢個Cooked Deli by City Super揾食，價錢抵，環境舒服，而且原來都好好食😜。  我哋揀咗泰式同埋日式拉麵 ，叫咗麻辣雞飯同埋海南雞飯，再叫多兩個豬軟骨拉麵 ，之後再叫埋滿記甜品榴槤班戟同埋芒果西米露， 四個人夾埋都只係三百零蚊 ，已經好飽 。 佢既海南雞飯好食，要推介，因為個飯味好好，而且再比咗一碟仔泰國醬汁比你點雞，再加杯珍多冰，直頭好似去咗泰國咁。另外，拉麵都好正。我哋叫咗豬骨湯底叉燒拉麵， 一行埋去攞食物嘅時候已經聞到豬骨湯底嘅味道， 香氣撲鼻，而叉燒肉都好林，麵亦係好彈牙呢! 份量都夠一個大人食嘅， 之後再係滿記加個濃香榴槤班戟同芒果西米露 ，超級無敵正 !其實仲有睇到佢好多韓式嘅食物，但係因為已經好足夠啦，唯有留返下次再試喇!

其實去得foodcourt都唔期望會有乜驚世美食，但今次係apm food court中點左炸雞套餐，竟然又比我想像中好食！！點左炸雞套餐，居然索價79元，價錢上的確唔平。但幸好有6件都唔算細件的炸雞，所以我覺得價錢合理有雞有麵豉湯同三款醬汁，我一個大男人食都夠飽！炸雞外表炸得好香炸乾爽，脆漿不厚，而且味道好香口惹味內裡的肉質亦保持到嫩滑多汁，亦有雞味而不是雪藏味，算是food court中的一點小驚喜

由於唔想諗去邊間餐廳食飯結果就去咗APM food court 食依家變咗好多，食物少咗選擇主要得三間提供熱食服務叫了一個吉列豬扒滑蛋定食，上枱是非常失望見到吉列的位置都是變得淋哂，沒有鬆脆感價錢雖然比商場其他的餐廳便宜但質素實在很低，沒有下次了

叫左個韓式部隊鍋連紫菜飯同罐裝飲品韓式部隊鍋有腸仔，牛餐肉，椰菜，泡菜，粉絲，節瓜，材料方面還好湯底有辣味但不濃紫菜飯以為是紫菜卷飯但原來自己諗多左,其實係一碗白飯加少少量紫菜係飯面,不過個白飯真係好難又凍，完全食唔落好彩部隊鍋有少少粉絲所以都夠飽價錢$66一個餐，係商場到己屬平價

遲了收工, 想輕鬆地食個晚餐,睇到個泡菜飯幾靚, 應該幾好味,但到手時, 發覺D食物不太熱,原來黑色盤不是鐵板.(黑色盤好似鐵板, 不過餐牌無寫明 , 只是我自己覺得似鐵板餐)見也不太新鮮炒的.牛肉色水也開始變深色,入口後, .蛋-是全熟的, 好細片, 蛋白也開始變色似的,牛-似橡筋, 粉絲 ok , 但只是暖暖的, 熱D好D.這餐令我一食難忘.其實以前很多人來食, 但我見 這裡越來越少人食,食物質素可能是其中一個原因,其次是這裡衛生也差了.因我手上的托盤內是濕濕的,筷子, 匙羹也是濕濕的.雖然APM 有冷氣, 收拾餐盤的姐姐也很清潔快手.但不知何解也見有D蚊蟲飛飛下.如果不努力改進, 我估好快又有食店走!

整個food court 質素不大如前，不同快餐，都很多人光顧，因飌塘人多。雖則如此，味道已比之前差了。越南湯蒙，冇乜味道，焗豬扒飯，豬扒勁鬆，完全冇焗嘅香味。呢個food court 要improve 一下

今次介紹下食街(其實即係food court，但好聽啲嘛)走到上黎係因為放工都成九點，好多正常餐廳都last 晒order了所以就貢左上黎，拿拿臨食完就又番屋企瞓覺聽朝開工了，香港人…其實我同男朋友都上過黎幾次了次次都食唔同嘢今次我就叫左個越式豬頸肉撈檬男朋友就叫左個雪菜肉絲炒年糕我嗰個撈檬普普通通的個汁係唔錯的但啲粉碎左少少塊豬頸肉 (定豬扒)係幾大塊，但有少少老，同唔多新鮮咁不過五十五蚊仲有嘢飲黎講都算ok啦至於個炒年糕就有啲hea好阿媽炒嘅感覺幾重麻油，都算開胃的不過有一兩舊年糕未熟，仲係硬的雖然碟嘢望落唔算大碟，但都飽的總括黎講，放工hea食、平食就算叫做ok啦