Comfy by Chef's Stage (東廣場)

营业中

休息中

今天Lunch安排坐在偏廳位置，環境尚算舒適。等待15分鐘送上炸豬排意大利飯，飯入口香味十足，但豬排炸得乾身。朋友食大蝦意粉，好味道，薄荷朱古力增多些薄荷就好，較醒神！整體好味。

個吉列豬扒明太子飯幾出息，如果冇青豆更佳大份得嚟唔會漏，啲飯兩個人都食得晒，反而豬扒太多食唔晒🥩可惜牛扒普普通通，叫咗五成熟碟上都過熟咗反而跟餐追加小食雞翼薯條唔錯，份量都多最滿意係個甜品，伯爵茶焦糖布甸超正原本都好飽都食得晒，個布丁都幾大份 2-3個人share都得為咗個甜品我會再嚟milkshake都好飲冷泡茶好大支仲方便拎走

鄰近觀塘地鐵站B出口大概5分鐘內路程由於早到（5:30pm)所以好容易就有位不過目測大概7:00pm已經坐滿曬如果想搵舒服靚仔cafe呢間都唔錯因為餐廳面積都大較容易有位***OMNI Fish Fillet And Avocado egg benedict $118***呢個dish超級推介真係好好食佢個hollandaise sauce做得好出色好夾酸種麵包、蛋、同素魚柳***Tiger Prawn linguine with tomato sauce $166******sweet potato fries $48***Yummy 😋 好香好脆***Chicken pineapple burger in Korean style $118***份量大雞肉鮮嫩配上菠蘿同甜甜地嘅醬汁好食👍Dessert***士多啤梨開心果waffle***

今日放工攰攰地，朋友話帶去一間唔錯既餐廳食飯chill一chill。 就係黎觀塘東廣場既Comfy by Chef's Stage。 第一次黎呢個廣場，竟然有間咁雅緻既餐廳，好靚，而且坐得好舒服，真係一個唔錯既地方。 坐底朋友發板，先黎左個炸大啡菇，黎到賣相好似炸生蠔，食落口感唔錯，唔會好多炸粉既味，夠香口但又因為係啡菇又覺得幾健康。 然後係Roasted chicken breast, 佢用發包做底，雞胸中間再用半熟蛋係面，成個感覺唔太漏，又好夾，呢個配搭好過食burger 。然後係(spicy) Sichuan pepper Bacon & Banger sausage ，因為有少少辣更野味用開胃。 而佢地既飲品都好有特色，我地叫左Espresso Ice Cube milk tea, Banana & Avocado milkshake, 真係好好味，唔會太甜得黎個milkshake 仲好似雪糕咁香滑。 呢度真係一個好地方。

香港唔多可以俾狗狗坐室內又抵食既餐廳，呢間係其中一間，地點又好方便。狗狗可以坐係背向鋪外既位置，天氣熱既日子可以嘆住冷氣開餐好爽。今次叫左芒果蟹肉開心果沙律，芒果好甜，蟹肉味香，整體好夾。仲有炸軟殼蟹冬陰功意大利飯，一食落口好香冬陰功味，香而不辣，係好好食，炸軟殼蟹有些少蟹膏，香口好味。 另外叫左個牛肉漢堡，好多肉汁，另外伴碟既薯條原來都好多，如果唔係多人食既就千析唔好再加個黑松露薯條，如果唔係會食唔晒。甜品要讚既伯爵茶焦糖燉蛋，份量夠大，四個人分黎食都夠食，伯爵茶味夠香而唔太甜，味道岩岩好。最後既係士多啤梨窩夫配雪糕，雪糕係一盒movenpick雪糕，而士多啤梨醬同窩夫，味道配合得啱啱好，真係好好食。每碟野食並唔係平時西餐細細碟既分量，加埋download佢個app做會員可以即時$600減$100，都真係幾抵食。埋單仲送多兩張平日用既$200 coupon，一定會再去食。

Comfy by Chef‘s Stage (東廣場) (觀塘)觀塘成業街7號東廣場地下G25-31 & G59號舖 最近非常之忙 今日去咗Comfy by Chef‘s Stage進餐，係做運動前同朋友鬆一鬆，傾下計同埋試吓呢間西餐廳，第一次試，感覺良好❤️👍煙三文魚凱撒沙律味道可以，麵包略嫌唔夠脆, 煙三文魚同蔬菜都新鮮明太子薯條薯條味道唔錯，夠熱夠脆，明太子醬味道適中冬陰功軟殼蟹意大利飯味道唔錯，唔太辣，軟殼蟹香脆，值得推介伯爵茶焦糖燉蛋呢個甜品值得推介，有好香嘅伯爵茶味，焦糖亦都做得啱啱好有趣又唔太甜，非常非常推薦兩個人食咗嘅價錢係$386 ，食得非常飽👍👍

今次去咗一間非常舒適嘅餐廳「Comfy by Chef's Stage Kitchen」，呢度有多款精緻嘅美食，真係一個讓你享受美食體驗同放鬆心情嘅好地方！🍽️🍕🍝🍨🍇薄燒鰻魚薄餅，薄餅底烤得酥脆，上面鋪滿了燒鰻魚片同其他配料，每一口都有獨特嘅燒烤風味，絕對係一個令人喜愛的美食！🍕🍣煙肉及意大利豬肉腸花椒忌廉汁扁意粉，意粉煮得彈牙，配上煙肉同豬肉腸，味道豐富又香濃！花椒忌廉汁增添咗微辣同香氣，令味道更加層次豐富！每一口都帶來意想不到嘅驚喜！🍝🌶️香烤美國雞翼配青檸蜂蜜柚子醬配薯條，雞翼烤得鮮嫩多汁，香氣四溢！配上清新嘅青檸蜂蜜柚子醬，帶出一種酸甜爽口嘅風味！再加埋脆口嘅薯條，絕對係一個讓你垂涎欲滴嘅組合！🍗🍟🍋斑斕椰子雪糕奶昔，奶昔結合咗椰子雪糕，味道鮮甜香濃，每一口都帶來清新滋味🍨🥥巨峰提子梳打，清新帶有微酸🍇🥤Comfyby Chef's Stage Kitchen係一間令人感到舒適嘅餐廳！食物精緻美味，每一道菜都展現創意同用心！餐廳環境舒適，令人放鬆心情，加上友善嘅服務，絕對係一個適合享受美食同聚會嘅好地方！

手機點餐，但menu內的lunch set是不包任何飲品的，連最基本的coffee or tea都冇包。問經理佢話set就係這樣的要不是單點吧，我問那set跟單點有甚麼分別，佢話我們是這樣的就走開了。完全冇招呼冇禮貌。我不會再去。 我未見過set lunch是不包任何飲品的，如果是不包飲品就不應說是set lunch。做生意是要賺錢的，但這樣魚目混珠地做生意就不老實了。大家都係在觀塘工作，收入有限，只想找個安靜一點的地方食飯，但他們這樣做就對公眾不公了。

一家三口夜晚去呢間餐廳食飯先生叫左個牛肉飯定食我就叫左個明太子帶子意粉同3歲女女share食食吓男職員隻腳kick到high chair櫈腳（係ikea嗰隻high chair, 餐廳提供）撞到我女成碗意粉跌咗落地事後一句道歉都冇聽到男職員過嚟話「幫我掃返撻地」咩呀？係你撞到我女碗意粉先跌落地係幫我？幫你自己咋話然後諗住就咁算嗰度差唔多1/3碟份量我問佢你係會賠返啲食物比我？佢先走去話問吓經理之後係就係比返碟意粉我但一粒帶子都冇Cheap到呢你又知你整跌嗰碗野入面冇帶子重點係而家道個歉好難呀？

觀塘有唔少cafe，今日聽朋友介紹黎左東廣場呢邊食呢間under chef’s stage既cafe呢個brand食物質素一向有保證🫶🏻平日晚上人流都幾多，建議可以book位先～😍煙肉及意大利豬肉腸花椒忌廉汁扁意粉中西fusion，本身諗味道會唔會好怪，但點知好有驚喜，花椒既麻帶點微辣，同忌廉汁好夾，非常惹味開胃，意粉汁夠多同稠，可以掛到意粉！素魚柳牛油果benedict egg酸種麵包😎第一次食素魚柳，炸得香脆，食落帶點大豆既味道，同真魚柳味道都有幾分相似！酸種麵包焗得香脆，上面有滿滿既牛油果，Benedict egg 夠流心，熟度岩岩好，成個dish既感覺唔會覺得好油膩！甜薯條炸得香脆既蕃薯薯條🍟鐵觀音latte☕️呢度有平時cafe少見既鐵觀音latte，茶味香濃，奶泡綿滑！而且可以選甜度，非常窩心朋友話伯爵茶latte都好好飲

今晚約同朋友去食西餐，book咗觀塘地鐵站附近嘅Comfy by Chef’s Stage。Menu有唔少選項，飲品都多種類。我哋最後一齊試咗主食黑松露雜菌Risotto同埋安格斯牛肉漢堡。另外都叫咗個烤南瓜藜麥沙律，一杯楓糖玉桂泡沫咖啡及一杯雜莓乳酪沙冰。先上枱嘅係沙律，沙律顏色鮮艷，南瓜有啲質地，唔係「林」到溶個種，沙律菜新鮮爽脆。好快burger出現啦，好厚身，蔬菜好新鮮, 漢堡牛肉暖笠笠又juicy! 整體口感口味都好好😋。接住risotto出場， 當然香黑松露味，有香濃芝士味，飯嘅軟硬度剛好，有嚼口，唔錯👍🏻。最後飲品到，雜莓乳酪沙冰，天時熱，啱晒！夏楓糖泡沫咖啡上面有兩枝玉桂，唔算好甜，好飲！食完好滿足😌

今日放工約了朋友在觀塘Dinner, 去了東廣場的 Comfy by Chef's Stage，地鐵行過來都係幾分鐘，好方便。環境感覺都幾清幽舒適，特色打卡位是有狗仔壁畫，超級可愛。食物方面，點了“輕煎吞拿魚螺絲粉雜菜沙律” 睇賣相已經好吸引，有半熟蛋，羽衣甘藍，青瓜，蕃茄，好健康，而且份量都唔少，以為沙律是前菜，但食完都有d飽肚感（如果食量不大的人，真係可以當一餐🤭）另外點咗一個小食 “炸意大利燒烤菇配松露蛋黃醬” （初時食落以為係炸蠔，仲諗住佢俾錯左，食真啲原來真係菇黎😆）好香口鬆脆，點埋松露醬食更美味😋。仲有“日式吉烈豬扒明太子意大利飯” 吉烈豬扒炸得恰到好處，不會’乾真真’，外脆內嫩，肉汁完全鎖住。最後點了兩杯值得推介的飲品，“雜莓乳酪沙冰” 好清新酸酸地又唔甜，食完嘢飲返杯酸酸地飲品好正，另一杯紫薯鮮奶 , 仲可以選擇全脂奶、脫脂奶、燕麥奶或杏仁奶，我就選我至愛燕麥奶，紫薯味道極度濃郁，因為叫左走甜，所以唔甜，加上奶加紫薯真係好夾，好好飲。

平日夜晚同朋友食飯貪佢位置夠近地鐵站重點要好食!只要講起明太子一定會諗起呢間Comfy​明太子珍寶鮮帶子扁意粉 $138🌕🌕🌕🌕🌕份量岩岩好啖啖都有明太子粒粒係口入面爆開🤤帶子超大粒 好新鮮 唔會過老​日式吉列豬排明太子意大利飯 $138🌕🌕🌕🌕🌑估唔到意大利飯份量咁多(差小小食唔晒)豬排炸粉夠薄同扁意粉一樣有海量明太子意大利飯唔會好硬朋友都話好好食​不過相比之下明太子扁意粉都係我最愛😚

觀塘有間性價比好高噶西餐廳，環境好好，服務又好，好合我心意噶一間餐廳。一定要試噶肯定系日式吉列豬扒形態子義大利飯啦，真系正到不得掂，超級大份，抵食，而且豬扒炸得好香脆，肉質雖然唔系好嫩，但系勝在夠大份，仲有一份小食，黑松露薯條，好脆口，薯條裏面薯蓉好多，真系好好味。會再去吃多幾次噶。

Address:Shop G25-31 & G59, G/F, E Plaza, 7 Shing Yip Street, Kwun Tong經過好多次依間餐廳,畀佢既裝修吸引...上星期六,終於walk in入去試下...特別揀下午茶時段去食:Around 14:00pm起...唔會同任何人迫同爭位....心目中,本想食扒類..可惜,打開個Menu,實在太少選擇...就揀海鮮配意大利粉作為下午茶醫肚...Afternoon Tea:Tiger Prawn Linguine With Tomato Sauce$128個蝦好爽,新鮮既,有幾粒,如果大D,會更好~擺盤都幾靚~面包條夠脆,蕃茄汁好濃,中意蕃茄或酸甜既食家,食依款夾口味!Drink:Hot Yuzu Citrus Oolong Tea$38好香些茶,有埋碟裝好上枱,一流擺盤,可以放餐具係邊位,又唔會辣親!熱水可以不斷refill,又係好抵既熱飲,值得自己me time係度歎,或同三五知己,係度慢慢歎,又得!Total: $166+$16.6(10% service charge)= $182.6有電子付款有得join membe