Comfy by Chef's Stage (東廣場)

营业中

休息中

冇錯啦又黎到觀塘開餐啦！今次呢間cafe極高質！性價比極高😍！原隻軟殼蟹牛油果漢堡！落足料架～大大隻炸軟殼蟹💕配埋牛油果、生菜、烘過既包😳滋味十足👍🏻薯條夠多夠脆❤️份量偏多！兩個人食一碟都夠😝甜品叫左伯爵茶焦糖燉蛋💯！每一啖都有伯爵茶既香味！😳平時布甸都係細細碗！估唔到呢間既甜品份量咁大💕燉蛋超滑！燒焦左既焦糖脆脆+入口即溶燉奶簡直每一口都有幸福既味道😍！熱既紫薯鮮奶💜夠晒特別！賣相吸引仲好重奶香！奶味香濃！又有啖啖紫薯香🥰相信其他食品飲品都係咁高質！💕

響觀塘整好相機後，同男朋友響附近搵左間Cafe醫肚，發現東廣場內居然有間文青悠閒Cafe。座位闊落，野食好味&影相打卡都幾靚🥰上菜速度仲要超快👍🏻>雞肉菠菜南瓜蓉意大利飯：入口濃濃南瓜香甜味，雞肉粒份量算多，煮到好軟腍，個飯好creamy，飯粒軟硬度適中。>巴馬火腿辣肉腸薄餅：Param Ham好薄，食落好鹹香，仲有好多芝士+火箭菜鋪面，火箭菜最初食會覺得辛辣微苦，但係會愈食愈順口，重點仲有好多鈣質💕>Tiramisu ：又靚又好味，味道唔太甜，有微微咖啡酒香，cream好滑。>紫薯鮮奶：紫薯味濃，同牛奶味好夾，面頭仲有可愛拉花影相好好睇🥺>牛油果香蕉奶昔：飲落好純天然既feel，應該係用新鮮牛油果即打，牛油果味好重，唔甜既好健康。

觀塘東廣場地下一間木系文青cafe——Comfy by Chef's Stage，地理位置雖然位於細商場內，缺乏左戶外既元素，但室內設計尚算花左唔少心思，打做出猶如鬧市中既小綠洲風格既花園餐廳，大受歡迎🪴 食物方面，素質亦相當唔錯；外國十分流行既Yoghurt Bowl鮮果蜜糖穀物乳酪，味道酸酸甜甜，水果鮮甜好味，加上外觀精緻度高，令人賞心悅目🥭 而另一款熟食；軟殼蟹蕃茄忌廉汁扁意粉，賣相吸引，原隻炸軟殼蟹上碟，略嫌炸得有少少粉，但sauce搭救～ 而咖啡同樣令人眼前一亮，充滿豆香而又唔會過分苦澀☕️ 整體令人幾滿意既寫意cafe🍴

成日經過東廣場都係入去買珍珠奶茶😂次次經過呢間餐廳都想入去試下。今日時間尚早，就入去吃個early dinner😁🔸炸意大利燒烤菇配松露蛋黄醬(💰68)(8/10)燒烤菇炸得好脆！留到最後再食都仲係好脆！但係我覺得隻菇可以juicy d，松露蛋黃醬可以多啲松露味。🔸香煎美國雞胸(💰138)(8.5/10)雞胸已經去除咗大部份嘅雞皮，餘下少少雞皮，煎得好脆！成隻雞煎到金黃色，雞胸好厚，整得好嫩好滑！雞肉係粉紅色嘅，整到啱啱熟，好似係慢煮嘅？一定要讚下佢啲薯餅(薯蓉？)佢係用咗薄薄嘅薯仔一層層做出嚟！我最鍾意係呢個忌廉薯餅(蓉)！佢嘅長柄西蘭花都煎得好香👍🏻👍🏻🔸牛油果香蕉奶昔(💰46)(8.5/10)呢杯飲品好好飲，好滑，好重牛油果味！奶味又夠！甜度剛好，一路飲一啲都唔會滯住，反而越飲越想飲😂由於店舖都幾大，所以都坐得幾鬆動。店員態度親切有禮。有自助水機，包括still water, sparkling water同埋熱水，又幾好喎。sparkling water都任飲。下次約朋友黎呢度食嘢傾計都唔錯。Overall評分: 8/10👍🏻

隔一段時間就會到東廣場覓食，呢間餐廳每次經過都想試，但每次都無試，今日終於揾到機會一試！平日既八點去食，餐廳已經七八成坐滿，見到其他枱客人既飲品好靚，已經令我地急不及待想order。黑松露雜菌意大利飯($118)一上枱已經聞到黑松露味好香，食落同樣如是。意大利飯煮到粒粒分明，個黑松露醬汁好香濃好入味，所有菇同每啖飯都入哂味，所以即刻成個飯無肉，但仍然唔會覺得太單調太寡，配飯既蒜蓉包亦都好香脆好好食。All day breakfast 全日早餐 ($138)食材包括：露筍、英式香腸、金門火腿、粟米、薯餅、東厘茄、酸種麵包、炒蛋以及乳酪杯。材料豐富，薯餅好香脆，唔會炸得太過火；炒蛋好有驚喜，真係好嫩滑；係酸種麵包同牛角包當中掙扎左好耐，酸種麵包個外皮幾鬆脆，但包身有小小韌，下次可能揀牛角包好啲。最後仲有All day breakfast好少配搭既乳酪杯，酸酸甜甜，入面仲有雜莓，幾開胃。飲品絕對要特別推介，好有驚喜，見到人地枱好多杯都好靚，好多都好想試。紫薯鮮奶($38) (轉杏仁奶+$4)呢杯真係必試，首先個賣相已經好靚，粉紫既顏色好吸睛，仲有薰衣草作點綴，令人少女心爆棚。而佢亦唔係虛有其

Encore 呢間Cafe，因為想食蟹肉炒蛋白多士，估唔到另一款多士都幾正！▪️Egg Benedict：蘭王蛋使用，所以蛋黃呈橙紅色，蛋味濃郁！Sour dough 用牛油煎完又脆又鬆軟，不過煙肉咸左少少🤏🏻。Overall好滿意👍🏻▪️蘭王雞蛋：日本九州高級雞蛋之一，官方指用天然飼料，包括蟹殻、海藻粉、綠茶、人參⋯⋯等等餵飼母雞，所以雞蛋品質好，賣～$54/盒。味道：🔅🔅🔅🔅🔅新鮮：🔅🔅🔅🔅衛生：🔅🔅🔅🔅分量：🔅🔅🔅速度：🔅🔅🔅

星期三夜晚5個女仔食飯，傾下計，㨂左呢間東廣場既cafe。先講環境先，呢度主要用木系裝修，好有溫暖既感覺，長枱既坐位有三腳插頭充電，方便用電腦或者想用插頭手機充電既人呢個都十分欣賞！而其中一邊既牆身有隻大頭八哥做背景，都適合打卡既（聽朋友講餐廳好似係「動物友善」餐廳，可以帶埋寵物來食野，唔知係咪真係既呢）..講返食物我地點左三個主食（意大利飯、意粉、Pizza)，另外再點左一個薯條同埋甜品，主食每份約$120-130幾左右，Pizza有紫菜係上面，都幾特別，第一次見熱辣辣趁熱食，覺得好好食，個pizza底唔會太厚，我個人覺得幾鐘意。意大利飯做到幾creamy，而意粉亦都唔會過稔過硬，味道就正常發揮..甜品我地㨂左意大利蛋糕（應該係Tiramisu?!)，個賣相真係100分，好靚$48來講真係算抵食，味道方面朋友就話都幾有酒味，但我就唔係太覺，係覺得個蛋糕好多奶&creamy，係屬於滑身既cream既款式。飲品方面，唔記得左朋友既選擇，只記得其中一杯係有牛油果既，無咩特別comment~ ..*另外一提，呢度如要飲水要去自助區自己斟，有熱水/still water/sparkling w

今次喺觀塘啲工廈度上完workshop好餓好餓所以喺附近嘅東廣場搵野食😋本來以為東廣場係比較地踎啲點知俾我地見到呢間田園風嘅文青cafe📍𝐂𝐨𝐦𝐟𝐲 𝐛𝐲 𝐂𝐡𝐞𝐟'𝐬 𝐒𝐭𝐚𝐠𝐞好鍾意佢成間店都係水泥牆🤩加埋淺色木嘅傢俬同埋成間店都有好多大大盆嘅植物🪴真係坐得好舒服仲要唔洗等位！😎✅黑松露薯條 𝙏𝙧𝙪𝙛𝙛𝙡𝙚 𝙁𝙧𝙞𝙚𝙨💰$68🍟✅軟殼蟹蕃茄忌廉汁焗意粉 𝙎𝙤𝙛𝙩 𝙎𝙝𝙚𝙡𝙡 𝘾𝙧𝙖𝙗 𝙋𝙞𝙣𝙠 𝙎𝙖𝙪𝙘𝙚 𝙇𝙞𝙣𝙜𝙪𝙞𝙣𝙚💰$128🍅呢個蕃茄汁好濃郁，美美唔鍾意食蕃茄都覺得好食✅雞肉菠菜南瓜蓉燴意大利飯 𝙋𝙪𝙢𝙥𝙠𝙞𝙣 𝙋𝙪𝙧𝙚𝙚 𝙍𝙞𝙨𝙤𝙩𝙩𝙤 𝙬𝙞𝙩𝙝 𝘾𝙝𝙞𝙘𝙠𝙚𝙣💰$118🥘南瓜蓉好香，好鍾意佢加埋南瓜籽增加個口感✅紐西蘭肉眼扒 𝙉𝙚𝙬 𝙕𝙚𝙖𝙡𝙖𝙣𝙙 𝘽𝙚𝙚𝙛 𝙍𝙞𝙗 𝙀𝙮𝙚 𝙎𝙩𝙚𝙖𝙠💰$178🥩牛扒以呢個價錢黎講都算唔錯，薯蓉同伴菜好有驚喜有自助bar可以自己斟水有still同sparkling揀仲係好似斟生啤咁樣拉杆🍻成件事高級左Overall我地都食得好開心😌

呢一年呢大大話話幫襯過都有🧤十數次，正因為環境🌳舒適，又chill🦥，而且食物🍝大部分都是非常美味，所以我的朋友們之間有任何喜慶或者生日慶祝，我都提議嚟呢度食，所有朋友都讚我好介紹。食店裝修簡單、舒服、自然兩幅牆畫🐈和🐕都是必定要打卡的地方日本豚腩肉🐖，日本蘭王溫泉蛋🥚生薑燒飯配泡菜蘿蔔🥕牛蒡漬麵豉湯 $148今次有新餐牌，所以試下新嘢，蘭王蛋🥚絕對是拌飯🍚的必屬佳品，蛋黃呈橙紅色，蛋香濃郁，加上已調味的薄切豚肉撈飯，啖啖齒頰留香，令人心思思想快啲再食多次。🥕泡菜蘿蔔爽口唔會太辣非常開胃。烤南瓜🎃，藜麥沙律🥗配蜜糖🍯黑醋汁 $98沙律🥗賣相一流，撈勻後仍然色彩豐富增加食慾，而味道整體配合得非常好，是一個非常不錯的主菜。朋友話這款白色的芝士連蔬菜一起咬下，感覺非常特別，而且出奇的好味，藜麥非常多，啖啖沙律均有很多藜麥在內，口感很特別。炸意大利燒烤菇🍄配松露蛋黃🥚醬 $98這個烤菇必定要試外脆內juicy，同出面的唔同，唔會炸到🍄乾爭爭，亦唔會🍄太多水份流出，導致外皮淋晒。不過，上枱就要立即食曬，熱辣辣咁食一定令你回味無窮。凍咗之後味道會差一倍。蜂蜜水果台灣阿里山金萱烏龍茶&牛油果香蕉奶

觀塘東廣場內有好多餐廳，唯獨喱間嘅裝修別樹一格。餐廳設計有格調，木色做主調，簡約嘅裝修，用上灰色水泥牆身，環境舒適，令人有休閒嘅感覺。餐廳食物選擇多；意粉、Pizza、意大利飯、日式丼飯、扒類、沙律、Burger、小食等等…飲品除左咖啡、奶昔、沙冰、冷泡茶仲有鮮榨果汁。店內採用半自助形式，客人可以用QR code落單及自助式斟水。斟水方式估唔到好似斟啤酒咁樣拉扞操作so interesting。芒果蟹肉牛油果沙律賣相吸引，上層牛油果蓉，中層厚厚嘅蟹肉，底層芒果肉，入口三樣食材mix埋一齊，口感好有層次，既健康又好味！芝士茄汁焗素肉丸大大粒素肉丸，食落口同普通肉丸無分別，完全唔覺得食緊素，芝士配茄汁好夾，味道唔錯。燒美國安格斯牛腹柳、日本蘭王溫泉蛋飯份量十足，牛腹柳薄片用醬汁燒過，帶有燒烤嘅香氣，配上蘭王嘅蛋汁去撈飯令飯粒充滿蛋香，味道更昇華。叫咗兩杯特色飲品，味道非常好。前者牛油果香蕉奶昔，果味香濃，入口綿滑，好fresh。後者武夷岩鮮奶，茶同牛奶之間取得很好嘅平衡，口感順滑，唔太甜，飲落帶有陣陣茶香似珍珠奶茶口味。

最近聽朋友講觀塘開左一間好靚既cafe，食物質素好好，今日終於有時間去一試。餐廳環境既設計望落去簡約時尚，比人一種好舒服既感覺，真係好適合打卡📷，而且食物質素亦都非常高👍👍👍新豬肉芫荽羅勒青醬長通粉——意料之外既好味😋，本身不愛吃芫荽既我都覺得值得一試，長通粉煮得好有口感，配合青醬以及豬肉碎，食落去更有好香既芫荽味道，整個菜色既材料配合得好好，真係好好味，好有驚喜既一碟菜色👏🏻👏🏻👏🏻炸義大利燒烤菇配黑松露蛋黃醬———炸得好靚，外層好酥脆，一咬落去好juicy，好香既菇味，下次必定會再食👍😋雙層安格斯牛肉漢堡———份量好充足，牛肉好厚，食落去好濃既牛肉味👍，薯條份量亦都非常多，外脆內軟，炸得好好味😋而餐廳既飲品種類好多，而且味道都非常唔錯👍曲奇奶昔 以及 雜莓乳酪沙冰 賣相相當吸引🥰，而且飲落去亦都唔會太甜👍

今日去觀塘食西餐，Comfy by Chef’s Stage，餐廳裝修走木系路線，感覺非常舒適，猶如置身現代化的大自然當中。餐牌選擇眾多，特別要提的是餐廳雞蛋菜式都用上日文高級品牌，蘭王，對食品有要求，非常好。另外餐廳有一個角落，提供still / sparkling water tap，俾客人自助飲用。-甜薯條甜番薯薯條即叫即炸熱騰騰，內裏係綿綿的番薯，味道香甜，又香又酥，想吃薯條又怕有罪惡感，食甜番薯薯條係唔錯的選擇。-煙肉及意大利豬肉腸花椒忌廉汁扁意粉呢個意粉非常有驚喜，冇諗過花椒同忌廉汁可以咁合拍，扁意粉時間控制得啱啱好，煮得軟硬適中，一般卡邦尼意粉只會有煙肉，呢個意粉另外加咗意大利豬肉腸，更加增加食材上嘅豐富感。-明太子海鮮薄餅薄餅形狀係長方形，好特別，用料非常充足，明太子，芝士，海鮮完全填滿左整個薄餅，薄餅上面加滿左紫菜絲，大大增加一份香口既味道，薄餅整體十分出色。-評分 :7/10

觀塘區不起眼商場內的文青店❤️用半開放式設計空間感大增，木系為主感覺舒服，牆身有不同品種狗狗繪圖所以吸引了一些愛狗之人帶同心愛狗狗一齊到店用餐😊Comfy by Chef's Stage Kitchen🥛Yoghurt Bowl 鮮果蜜糖穀物乳酪（蜂蜜醬） 用不同顏色生果🍊🍌🍓🫐做擺盤，色彩繽紛令食慾大增，加上蜂蜜又美味又健康😊🥗Smoked Salmon Caesar Salad 煙三文魚凱撒沙律 蔬菜新鮮，煙三文魚份量都多，唔會太咸👍🏼🍖BBQ Pork Rib 燒烤醬豬肋骨配薯條豬肋骨燒到恰到好處，保留肉汁又嫩口。炸薯條🍟非常脆就算過咗一段時間亦都唔會變淋😊🍵OolanTea Latte 桂花烏龍茶鮮奶$ 46清新桂花味配上烏龍茶味道清新配埋鮮奶入口順滑。☕️Ice Mint Chocolate 薄荷朱古力鮮奶 $ 46濃郁朱古力味配上薄荷做到兩者平衡，唔會太膩。

位於觀塘東廣場嘅Comfy係出名高質嘅西餐廳Chef's Stage Kitchen嘅副線，之前已經食過將軍澳嘅分店，食物非常有水準，而Comfy 走文青風Cafe 路線，咖啡做非常之出名，另外環境非常一流，設計木系風，牆上有好多唔同狗狗嘅壁畫，當然呢度都係寵物友善餐廳🐶🥙▪️Yoghurt Bowl $ 98全日早餐系列之鮮果蜜糖穀物乳酪 ，雖然今日食晚餐但係見到個賣相就好想食，原味乳酪加上大量新鮮水果，紅肉火龍果，橙，奇異果，紅莓，士多啤梨，藍莓，原條香蕉，蜜糖穀物，配合蜜糖健康又好食😋🥗▪️Smoked Salmon Caesar Salad $ 118煙三文魚凱撒沙律，三文魚卷成玫瑰花形狀，賣相靚靚，打開朵玫瑰花原來超多三文魚，非常慷慨，味道鹹香又肥美，沙律菜亦都好新鮮，配上芝士塊和煙肉，好食🐷▪️BBQ Pork Rib $ 168豬肋骨非常入味，BBQ燒烤醬非常濃厚，豬肋骨口感剛好，唔會太淋仍然保持豬肉有彈性嘅咬口，好食，而且好大份，有成三大件，好抵食，薯條非常香脆，而且仲係我最愛嘅粗薯條，另外仲有焗蔬菜，爽脆又鮮甜🍯▪️Oolang Tea Latte $ 46店員介紹最新推出

我平時好少去觀塘區搵食，因為實在太多人喇！但係今次約咗好朋友收工食飯，就試咗呢間係東廣場角落頭嘅西餐廳。佢嘅裝修，可以話係鶴立雞群，同旁邊嘅小店形成強烈對比。綠油油嘅草，再加上水泥色嘅牆同木製嘅coffee menu，可以睇得出佢係裝修上面都落咗好重功夫～食得我賞心悅目🤣🤣烤南瓜藜麥沙律配蜜糖黑醋汁除咗餐牌列嘅材料之外，佢入面仲有車厘茄、南瓜子、洋蔥，個蜜糖黑醋汁分量剛剛好，食落去好輕盈，做前菜一啲都冇罪惡感！芝士茄汁焗素肉丸平時唔會主動叫素肉嘅，但係朋友話想試吓，咁咪試吓囉～本身都冇抱咩太大期望，以為啲肉會好散。點知，食落去同普通肉丸冇乜分別，肉質都係實的的！啲芝士仲有拉絲，有驚喜！底下放咗啲zucchini，成個小食都好似好健康咁🤣🤣🤣黑松露雜菌薄餅是日嘅碳水化合物出現了！遠處我已經聞到浸黑松露味😍送到上枱，發現佢上面有我最愛嘅火箭菜！嗰刻嘅心情已經跟住啲火箭飛咗上太空🥰佢嘅薄餅，厚度適中，啲邊好脆口😋😋凍薄荷朱古力、曲奇奶昔罪惡感滿分！兩杯嘢飲上面都有忌廉，咁打卡able，我點捨得走忌廉呢～順帶一提，呢度係用qr code點餐，都幾方便👍🏼