Coffee Question (已搬遷) 新店位置

一直好想試呢間咖啡店既野食，趁今日中秋節可以早放就黎左試：牛油果醬炒滑蛋配多士開頭以為係用攪碎左既牛油果整成既醬再搽係多士上，點知原來係半隻牛油果切片！好足料！整體上都可以，不過不失。如果牛油果可以落少少鹽同黑胡椒，再加檸檬汁調味會好好多，因為本身牛油果味道係唔濃，而炒蛋味道都係偏淡。又如果沙律菜唔好落醬或者用黑醋，成件事會好好多，因為食左半個牛油果同炒蛋都覺得幾滯。伴碟有幾粒紅提子，有生果食係好，但唔太夾咖啡ok，如果可以用瓷杯上更好。總括黎講，價錢唔算貴，店子細細但幾舒服，食物有進步空間，希望將來有多d食物種類。

好一個工作日星期三，我走到這家寧靜的咖啡小店享受午餐。食物還未到，我從附近的桌上取了本可愛的書看看。終於，我點的full breakfast $45來了，賣相好看，真的是怎麼拍都好看。而且它內、外在美兼備，味道也不錯。煙肉、煎蛋和薯餅也是香脆可口而油膩的。幸好蕃茄仔、沙律菜，還有那兩顆不明果子為整份午餐帶來清新的感覺，達致平衡。再喝一口入口細滑的Rose latte，感覺真是個悠然的工作天、美好的一天。

真係好鐘意見到陽光呀，個人都精神一點！放假啦，食好野先可以填補番我一至五番工既空虛！呢間小店book mark左好耐啦，今日自己一人都要去食番神個靚lunch, 雖然長沙灣確實唔係我經常去的地方，一D都唔熟，但是好易揾，原來係車房之間的coffee? 有意思， 但是店原來真的很小啊，七個座位，本來坐窗邊的我見到兩位客人，唯有自己調比佢地坐吧， 大家都是捧場客，我好樂意的，店員很nice, 我唔知揀carbonara (本人少吃）同喇沙海鮮意大利粉，問下店員推介邊款，佢話唔怕辣可以試吓喇沙，我心目中都想試呢個，因為出面少食到，另外再叫左杯有要求的green tea latte (就係濃D不要太甜）佢都好nice話ok, 貼心服務小店先有架！意粉夠熱，份量頗多對女孩子來說，喇沙味可以再香D再濃D再辣D就very good! 材料豐富，有7-8隻蝦，有D菇，兩粒細的桃仔，意粉又不會太淋，幾有咬口，而個杯latte, 都濃既，唔甜，奶泡細而滑，拉花好精緻，飲落就係少左份回甘味，但是我欣賞煮的人同沖latte比我既人， 感受到佢地好用心同態度很好！假如坐得舒服D，我都會繼續黎支持架。

在長沙灣被這間蚊型咖啡店「Coffee?」的名字吸引，反正約了朋友在附近，等待期間便入去嘗嘗。地方很細，只有幾個高櫈位，食物種類也不多，可看得出這是主力想做好咖啡的地方。先喝了用危地馬拉咖啡豆泡製的手沖咖啡，咖啡師手勢唔錯，感覺淡口但乾淨，果酸不強，但卻是愈喝愈有味之作。跟住喝了比較少咖啡店做、也就是espresso底撞凍奶的Dirty，這裏撞的比例精準，甚有層次，從玻璃杯中看到咖啡與凍奶慢慢溶合，而且夠滑身，是我在香港喝過弄得最好的Dirty也！配一個夠酥脆的朱古力酥，好夾杯Dirty，感覺甚佳，等朋友的這個空檔頓變樂事呢。

晨早流流食個靚早, 新鮮SOURDOUGH上一層厚厚的牛油果沙律, 再一層黃金 SCRUMBLED EGG, 灑上香草,  切一件放入口, 三層口味真豐盈得黎又唔膩, 超夾, 伴碟沙律唔止有菜, 還伴有柚子車厘子一起, 伴上香濃咖啡,  最大件事係 --- 唔記得影相囉~~旁邊一位客人叫了同樣的款式, 唔要SOURDOUGH要牛角酥, 看她吃得超香, 不過我覺得SOURDOUGH個配搭夾啲, 牛角酥多了脆口感但少了澱粉質那質感及那獨特的微酸, 而且難以三層一起入口.這次只要了REGULAR COFFEE, 之前喝LATTE, 咖啡師說是用兩個SHOT的, 豆應該是較淺焙的一種, 淺焙的話我個人較愛齋飲, 但見旁邊那位客人的LATTE拉花鬼咁靚, 又覺得好羨慕, 視覺上還是LATTE好~~平日早餐都有過來吃, 食物設計越來越好, 這次很有驚喜, 中午也試過想來吃, 但人多到插針都入唔到, 加上店面很小, 不得不放棄.又多左個早餐點啦~~ 

第一次來時是剛開業，當時還未有很多客人，三位店主還在構思如何改善裝潢擺設咖啡食物，那時候跟他們淺談已感到其熱誠。今次再來，覺得小店真的成熟了不少，客人愈來愈多，而且跟咖啡師有說有笑，氣氛很舒服。我點了flat white和cheers breakfast, 咖啡奶泡恰如其分，沒有搶過咖啡豆的烘焙香。而breakfast因為有些食材未能及時供應，店主不斷update我什麼時候會煮好，又加了其他食材，怕我等得太久會餓，實在令我不好意思。這份心思和禮貌不是必然，卻為小店加分，也是小店和客人的互相尊重。Coffee ? 要繼續加油啊，令更多人愛上咖啡！

今晚在家附近逛一圈找吃，在漆黑的車房街中唯獨在街尾有一個光亮的問號燈箱，好奇心驅使我探頭進去了解，原來是一間文青風格咖啡店終於有機會做文青)地方雖細但都有不少選擇的食品(有意粉，All day breakfast, Salad)由於不想吃太飽所以只點了一客香橙芝士烤菇SaladP吃貨就是吃貨，我眼睛一直被甜品櫃裏的Brownie吸引:，所以忍不住點了一:還有花茶呢杯花茶真係要推介一下，充滿水果味非常香的綠茶，而且茶味夠濃，配上甜品絕對完:其實仲有好其款幾款都好吸引，決定留下次再來試結脹只需86元?o100元也不用!原來salad是套餐會送飲品，真的超抵呢今晚有絕對意想不到滿足，對加上店主每種東西都會仔細地講解及介紹，給人感覺非常專業，去了很高級的地方呢

平日lunch time多人，冇位坐……今日遲左食lunch,終於可以試一試堂食order左兩個chef's special set同同事share,“ 烤菇意粉“同“喇沙意粉“, 加錢轉左flat white...喇沙同意粉既配搭幾新鮮 flat white又唔會太苦，啱晒我長沙灣又多一個hea既好地方...

話説miss monster生日mr monster話同我去迪迪尼玩番日玩之前食個早餐醫肚先 話曬生日唔想求其食茶餐廳揀左間有All day breakfast食既cafe 嘆完先出發！其實呢間？coffee裝修其間我已經有留意見佢地係成班年輕人 初創業既追夢者 我同mr monster都十分欣賞 但一路未有機會黎食！我地今次一人點左一份all day breakfast!價錢黎講算係好平($28!!) 平時出去食個All day breakfast $70-100係走唔甩～有磨菇炒滑旦薯餅仲有沙律 份量唔多但味道唔錯～好fresh好健康哈哈！令女店員知我生日仲係薯餅上整d花神 好有心思！而令仔店員就係我杯玫瑰咖啡度拉左個好可愛既花～好開心牙！小小心思已經令我生日增添暖意呢♡然后令仔店員仲同mr monster傾咖啡經 研究手沖咖啡 水既温度 咖啡粉既份量 樣樣都一絲不苟 非常專業！當然我就一竅不通 不過聽完覺得又學到野了！佢地傾計之際令女店員送上甘荀蛋糕1件 我未食過甘荀蛋糕 覺得味道好特别 果仁好有咬口 令蛋糕層次感提升！好正～好窩心好感動！有時候揾食未必下下去出名既食店 新嘗試果

多得友人嘅介紹，令我發現呢間咖啡小店。咖啡我like，但小店嘅咖啡我更加like。向小店飲咖啡，總會向飲完後，使你快樂滿足😌荔枝角區沒有一間令我飲完後，會有覺得好飲又回味嘅咖啡。但當我試過coffee question 嘅咖啡後。。。就終於找到了店子雖小，但也放了幾個座位俾客人堂食。店內貼滿了咖啡豆袋，和相片。整個環境使你感覺很舒服。呢度有意粉，沙律俾你選擇。價錢還很合理！ 加10蚊，就可以有杯令你滿意嘅咖啡。如果你不喜歡咖啡，這裡咖花茶也是不錯嘅選擇香草番茄醬雞肉意大利麵蕃茄怪嘅我，見到有蕃茄嘅意粉，梗係要叫黎食。蕃茄醬味都算濃，但意大利麵如果可以再煙韌一點點，那就更perfect。對我來說，一杯好味嘅咖啡真的很重要。因當我飲過一杯好味嘅咖啡後，心情真的會很快樂🌞。但如果難飲，就會有點咀喪🌧平時我只飲black coffee, 但店員介紹我飲一杯叫 Dirty 的東西。係由兩shots 嘅 espresso 加落凍奶入面。飲嘅時候，又暖又凍的，很有不同嘅層次感。這裡嘅咖啡真係很香，咖啡是帶著一點點果酸味。是我最中意嘅味道😍正！一定keep住黎👍🏻

喺以免夏日嘅天氣，竟然係工商大廈嘅街道上搵到一間咖啡店，入到去員工第一件事會同你say hi.感覺好似識左好耐咁，仲要毫不客氣咁向您介紹今日有咩好食，當然佢完全唔會催促你，你可以諗清楚自己鍾意食咩先叫。之後決定叫咗杯Lattee同香草意粉，意粉份量啱啱好唔算太大份，杯咖啡真係好有啡味，由於比嗰陣咖啡味吸引住，結果唔覺意飲咗幾啖先記得要影相。除咗咖啡之外，聽完供港佢哋嘅冰茶都好好飲，如果鍾意飲花茶嘅都有選擇，下次嚟真係可以試吓！

開完會唔知食乜好，近近哋就行過嚟試吓新嘢先，新到連檯都未有，哈哈！有早餐、午餐set，跟餐送$35嘅飲品，+$10有甜品或沙律。今日嘅甜品係小麥或蜜瓜奶凍，有趣喎！拿破崙雞肉意粉 ($45)以一個幾靚嘅盒仔咁承載，一見到佢即刻諗起以前喺英國，買盒意粉坐喺街邊食嘅感覺.... 如果而家係冬天，我都會慎重考慮坐喺街邊食，重拾年輕嘅歲月... 不過發夢啦，夏天嚟緊喇，我坐喺風扇隔離食開心得多！有4舊雞肉，煎得幾入味，不過先幫我搣走塊雞皮我就更開心了；扁意粉煮得偏硬及乾身，好有口感；醬汁有好多番茄及蘿蔔，唔會好鹹，反而酸酸哋感覺清新Green tea latte好怕喺外面飲，中伏過太多次，每次都係甜到好似倒咗成樽糖落去咁！今日唔知點解挑起條筋想飲，於是鼓起勇氣問店員 “你哋嘅green tea latte濃唔濃㗎？” 好在佢話，“濃㗎！”一開蓋已經聞到好香濃嘅抹茶味，仲有個靚靚撒滿抹茶粉嘅心型拉花，泡沫綿密；飲落去奶味唔重，抹茶味極香濃有回甘，冇澀味不過有腥味，好變態不過我好鍾意，感覺上佢好似落咗好少糖甚至乎係無糖，好正呀，終於冇中伏喇小麥奶凍味道好似麥精奶凍，哈哈，都係唔甜趁人少少坐喺度食嘅