Coffee Break (鴻輝大廈)

营业中

休息中

星期六晚7點半嚟到，當時食客唔多，可以直入。比較過餐牌後，覺得二人餐幾抵食，當日幾對情侶同家庭都點佢。落左柯打之後，好快就送上湯同前菜。餐湯質地偏稀，飲落似薯仔加椰菜花蓉湯；男友話麻麻地，但我可以接受。前菜揀左白酒蕃茄青口配香草包呢個有驚喜，賣相比相象中靚，而且份量都唔少，每人有3大隻；青口好滑，唔會死實實，配埋個蕃茄汁，又幾好味喎!!主菜揀左美國安格斯肉眼扒食物擺盤幾用心，配菜排到一排直線😂本身諗住人均$200，牛扒應該又薄又無牛味果D，點知完全出乎預料!! 牛扒上枱陣陣燒香，而且有近1吋厚，又真係煎到5成熟，牛扒肉質鬆軟、有肉汁，呢個質素，真心抵食。意粉我地揀左單價最貴果款龍蝦汁海蝦忌廉意粉配料除左6隻爽彈大蝦外，仲有少見用嚟整意粉嘅鴻喜菇，另外仲有少量車厘茄、同埋趁熱仲拉到細絲嘅芝士片。意粉似用左天使面，好多餐廳都會煮到過淋，但呢度反而煮得生少少。餐廳叫Coffee Break，估計應該對自己整嘅咖啡幾有信心，所以補左$8點左杯Mocha，特別之處更可以加配其他口味，例如焦糖、榛子、夏威夷果仁等。雖然夜晚飲咖啡有機會瞓唔著教，但呢杯咖啡唔會好濃烈、反而夏威夷果仁好香好出😋、甜度適

收工同男朋友食飯，見佢唔使排隊就入去試下，結果食到嬲第一，坐低勁耐都冇俾餐牌，水都冇杯，淨係俾張紙話QRcode落單，唔知點解仲好意思收我加一，問佢先俾兩杯水，但係唔知點解隔離枱係玻璃杯，我哋枱就俾紙杯第二，啲嘢食嚟得超慢，隔離枱遲過我哋好耐落單都早過我哋嚟齊嘢食第三，嗌咗個二人set，份量好細，嘢食上到枱完全唔熱，意大利飯食到生米，豬扒正常味冇特別，feel唔到8成熟偏柴，冇肉汁，嘢飲嗌咗凍檸茶同芒果紅茶，陣味好奇怪，連我男朋友都飲唔晒(平時佢食飯一定飲好多嘢飲)。跟餐個甜品細到笑出聲，一人一粒手指公咁大嘅tiramisu，仲要用一隻碟裝兩人份埋單$425，唔知自己食咗啲咩，食到嬲，完全唔飽，感覺俾人搵咗笨，如果可以俾負分，一粒星都唔想俾佢Ps啲相本身係諗住po story，結果要攞嚟po OpenRice

1）入到嚟坐低餐牌都冇俾2）叫咗個2人set，味道正常但食完完全唔夠飽，我本身食量已經十分少經常食唔曬。3）野食野飲嚟得好慢，每樣野食完都隔10-15分鐘先到。4）我地隔離枱都係叫2人set，但甜品隔離枱就一人一碟，我地就2人一碟5）隔離枱未食完已經有職員問洗唔洗上甜品，但我地枱食完叫咗2次上甜品都冇反應，搞到隔離枱都即刻問返職員轉頭係咪問錯枱，幫我地講話係我地枱要上甜品，隔離啱啱先開始食正餐就俾人問上唔上甜品都feel到有少少嬲好似俾人吹咁，但個職員仲堅持自己冇問錯枱…6）職員次次都俾錯野食去隔離枱，我地啲食客幾次都要自己溝通問返左右枱拎返自己野食…7）叫極職員都扮見唔到，4個樓面1個帶位睇咁細個場都甩曬碌8）有個紅衫哥哥執枱倒瀉野飲淨係抹枱面，直接無視枱角啲水滴下滴下，枱底成灘野飲慢慢流出走廊都冇人理，都唔知轉頭會唔會跣親人成日經過個帶位哥哥都拉客介紹2人set餐，見冇乜人就入去試下，結果中曬伏，終於知點解冇人排隊到要拉客，而家仲好肚餓咁打哩篇食評，第一次嬲到要上嚟報告，大家小心唔好中伏，就算要食都一定要單點，咪叫2人餐

食物 (手機落單)(所有食物除飲品，甜品和pizza外都係大約落單後10分鐘內一次過送到，感覺食物一早整好，食落只有微微暖)(落甜品嗰陣，店員話上菜前提早15分鐘通知佢地，結果我地食食下就無啦啦就上咗甜品…)野菌黑松露廉燴意大利飯 $83唔太重口味，個飯口感似普通米，偏濕黑松露薯條 $32 （加購價）普通。薯條唔脆，上菜嘅時候唔熱，但係至少乾身。個醬料係切片黑松露加美乃芝，變成唔係每口都有黑松露味松子仁青醬帶子意粉 $93醬料分布不均，在未攪拌前香草味重，攪拌後就淡了。（佢似香草撈白醬，唔係真正嘅青醬）帶子無感，煎完就算，無調味。精選餐湯（雜菌湯）$18 (加購價)劣食。似雜菌用水烚熟然後擺落攪拌機(題外話，落單之問店員餐湯係咩湯，店員聲稱南瓜湯)蜂蜜芥末烤雞芝士薄餅（走洋蔥、圓椒）$96係薄底，個底同餅乾差唔多。冇蜂蜜芥末味，似千島醬，係普通pizza 味吉士蘇梳乎厘斑戟 不推薦。好有蛋味（甚至太多）。冇鬆軟感，係淋成一Pat。對比其他地方嘅梳乎厘斑戟勁薄。(本身叫提拉米蘇梳乎厘斑戟，但落單後同我哋講賣晒，之後我地轉吉士味，但張單照舊寫提拉米蘇梳乎厘斑戟，收貴咗)飲品朱古力脆脆朱古力

與朋友係下午茶時段前來用餐，叫左辣雞胸肉蒜蓉義粉同埋一個三文魚牛油果wrap，兩個嘅味道都唔錯，而且下午茶時間價錢合理，兩個人買單只係$140左右，鬧市cafe來講性價比很好。野食方面，義粉味道微辣，唔食得辣嘅人應該都可以接受到，麵煮得有小小硬，雞肉唔算好滑不過可接受。三文魚wrap都好大一個，入面三文魚同牛油果嘅份量都十分充足，食落好滿足。食完野如果想hea一陣都可以問餐廳借board game來玩，選擇都幾多。位置下面都有叉電位，可以係到做嘢。環境非繁忙時間都幾安靜。

本人經Open rice訂座，13：04下單，兩杯飲品，一份雞卷，一份Burger。雞卷先上，吃完Burger未到，追問下女店員說無下單（QR code 下的單顯示有），到Burger吃完，第一次追問飲品，當然回覆等等，第二次追（已經13：50）肥仔店員大聲說全店的單都是排隊，第三次追，因為旁邊客人遲我大半小時到，他們的飲品也到了，最終我的Cappuccino 終於在14：20到。然後結帳，給我是單不是我吃的內容。回家再發現Open Rice顯示我無出席。原本明白小店經營不易，但實在一肚氣

2023.2.5 星期日 3:15pm星期日下午茶時間都還好，不會太滿座。枱與枱之間不會太迫，座位都夠闊，兩人可以坐四人枱。不過餐廳的兩邊播著不同的歌，太多聲音重疊。••••••••••••••••••••| 紅酒燴蘋果芝士安格斯牛肉漢堡配薯條 | $118🍎🧀🐂🍔🍟蘋果只有幾小片在牛肉上面，夾著來吃都有清甜味，但略嫌不夠。安格斯牛肉不是很有肉汁但都不會乾，肉質中規中矩，芝士味可以再多一點，蔬菜都算新鮮。薯條不錯，鹽味和脆度都夠。| 水蜜桃果粒茶 | 套餐+$18 (原價$48)(水蜜桃、菠蘿、洋金菊、太陽花瓣、香桃木)🍑🍍🌼🍵夠暖，很清新的水蜜桃香味，但不太帶甜味，比較淡。逐少加上附有的小杯蜜糖後，味道比較好，比較清甜。Tea Set| 雜菌黑松露忌廉燴意大利飯 | $73🍄🥘粒粒意大利飯飽滿有咬口，不會太硬。松露忌廉醬汁量足夠，很有菌香味。| 雜莓乳酪 | 套餐+$18 (原價$48)🍓🫐🍼雜莓味酸酸甜甜，和乳酪味道平衡。服務費 10%••••••••••••••••••••性價比很好，價錢合理，味道不錯的。不過菜式上枱次序怪怪的，飲品都未上，清水也沒有，就先上了意大利飯。而我們進

朋友介紹這間餐廳，地點位於女人街附近，雖然不太就腳，但一班朋友一齊去食飯，都算係方便，坐低嗌咗烤雞一隻，兩個唔同味道嘅漢堡包，一個係芝士蘑菇另一個係雙重漢堡，仲有松子意大利粉，沙律等等。食物到比想像中好食，最欣賞佢個松子意大利粉，意大利粉嘅質地好爽口，而且個汁好好味，有奶香味同埋好幼滑，其次係佢個原隻烤雞，外脆內軟，而且裏面係好滑嘅，比一般出邊嘅烤雞好食，而漢堡包應該係水準之作，芝士蘑菇或者係雙重漢堡都係好食嘅，最後杯咖啡就正常，唔算係會返飲，整體以呢個價錢嚟講都係好食嘅，可以再食😌可惜係好食嘅嘢唔記得影相😆

之前都係朋友介紹所以就識得去呢間餐廳餐廳雖然細細間但入左既裝修都幾有氣氛慢慢買埋第二間鋪打通埋Keep住都會幫襯最仲意係個炸魚薯條但今日明明唔忙坐低張枱係未抺仲有朱古力碎同水漬係到叫左侍應抺枱等左超過10分鐘結果一抺就拎走哂d餐具、水等到野食黎冇餐具叫個侍應拎佢轉過頭就帶位加俾埋餐具人然後完全冇左回事炸魚薯條 薯條係凍既炸魚就冇以前咁脆咁好味有d失望

☑️是日餐湯 - 南瓜湯 - $18轉套餐個碟好大，南瓜湯好杰身，幾濃郁，幾好飲。除咗餐湯也可以選沙律。☑️ 松子仁青醬帶子意粉 - $93意粉軟硬度適中，而青醬係我最愛嘅醬汁，呢到嘅青醬都算濃郁，帶子有2粒，煎香左，都好好食，仲搭配左大量脆口嘅松子仁，口感不錯。🆗櫻花蝦明太子忌廉汁意粉- $83上面搭配左大量紫菜絲，而入面就有櫻花蝦，如果櫻花蝦可以再比多D會更好。醬汁吾係好食到明太子味，忌廉味較重。但意粉都幾掛汁。☑️法式香草烤雞 (半隻) 配薯條及沙律-$148烤雞做得吾錯。雞皮烤得香脆，充滿香草味，而雞肉仲滑。薯條都好好食，新鮮炸起，香熱又脆口。沙律都吾錯，沙律菜新鮮，搭配酸酸的黑醋汁，十分健康。🆗熱抹茶拿鐵 - 跟套價加$8拉花好靚，泡沬幼滑，但較重奶味，抹茶味不夠濃。☑️熱朱古力 - 跟套價加$8同樣有拉花，朋友飲覺得吾錯。☑️菊花茶 - 跟套價加$18有另上蜜糖，想滋潤D甜D嘅可以落多D，變菊花蜜。菊花茶有一大壼，可以沖到好多小杯。☑️法式焦糖燉蛋 - $58面頭層薄薄嘅焦糖好脆口，而燉蛋好滑，亦好都重奶味同蛋味，十分出色，伴碟仲有D CREAM同少量藍莓同士多啤梨，外表十分吸睛。

整體不錯的餐廳 價錢唔算貴 平均一個set lunch 都係$90 包$30 飲品一杯😌🍝 溫泉蛋卡邦尼意粉份量足 好香既奶油香 🍛 酥炸雞球蕃茄意大利飯呢個我覺得超好味 入口酸酸地 用鮮蕃茄煮成既意大利飯 會食唔停口🍗 法式香草烤雞 配薯條正常水準 雞肉唔會好鞋口 香草味未算突出

本來諗住係通菜街食日本嘢，但係見到超多人排隊就去咗食隔籬嗰間cafe。呢間舖頭空間幾大，座位又闊落，又有吧枱同梳化位俾你揀。唯一一樣嘢，覺得唔係幾好嘅係張圓枱太細，如果叫二人套餐，可能唔係好夠位。今次我叫咗2人set，湯、頭盤、主菜、意粉、甜品、野飲樣樣都齊，仲要連埋加一400蚊左右！我同女友人share食都食唔曬，有淨勁多。唔講咁多，即刻睇吓啲相先！仲有個南瓜湯唔記得影，但係我就唔係好鍾意飲南瓜湯嘅🤣🤣🤣主菜同意粉，其實我哋都食唔完，兩樣都食淨一半！但係我覺得牛扒，我哋已經叫咗七成熟，但係個人感覺好似九成熟咁😂不過意粉真係超好食🥰🥰🥰本來staff話我哋今日甜品係疏乎厘，我哋由頭到尾都好期待咁頭，點知嚟到嗰陣疏乎厘去咗隔離張枱度😭😭我地食嘅係士多啤梨窩夫，連我呢個唔鍾意食士多啤梨嘅人，我都覺得幾好食！窩夫應該係新鮮出爐又脆口又鬆軟！嘢飲有咖啡花茶沙冰乳酪揀，最後我叫咗杯朱古力沙冰，點知我太睇得起自己，飲咗一啖之後真係覺得超甜就無飲到😂唔鍾意飲甜野嘅人，唔好好似我咁傻飲朱古力沙冰🤣🤣可以揀返花茶飲架🙈🙈

路經這間餐廳，見有位就入去試試。雖然已經2:45pm，但大部份人仍在食緊lunch。我和朋友已經食咗，所以主要是坐低喝杯咖啡。我們點了一杯Americano和一杯 Cappuccino，另外今天的是日蛋糕有藍莓芝士蛋糕，是我喜歡的，所以點了一客。咖啡味道不錯，不淡也不會太濃，個人覺得恰到好處。cheese cake賣相很不錯，味道方面，芝士味不算濃，有點偏甜，如果可以減點甜會更好，不過質感方面，很特別，是我從沒試過的感覺，似雪糕，整體來講也不錯，大家不防一試。

性價比高的cafe小店，環境舒適休閒👍🏻👍🏻係情侶拍拖、兩三人小聚聯誼的既地方✔️ 自家製芝士牛肉漢堡〔真心推介😋〕$108Mera Cheese Burger - Beef patty. onion, cheddar cheese, tomato, lettuce👍🏻 麵包鬆軟👍🏻 juicy👍🏻肉味香濃👍🏻蔬菜新鮮✔️ 櫻花蝦明太子忌廉汁煮粉〔推介😋〕$72Mentaiko Spaghetti with Seaweed - Fish egg, sakura shrimp, seaweed, cheese, cream sauce👍🏻 掛汁👍🏻creamy👍🏻 配紫菜味道好夾👍🏻好香，蝦味濃✔️朱古力咖啡 Mocha 跟餐 + $8👍🏻拉花靚👍🏻正常朱古力味咖啡➕/➖ 抹茶拿鐵Latte 跟餐 + $8👍🏻拉花靚只有濃濃的抹茶味

每次去旺角首選嘅西餐廳 Coffee Break 絕對係平靚正嘅Cafe ☕️🔸西班牙辣肉腸蕃茄芝士薄餅 HKD98熱辣辣焗起嘅餅乾批底 加上滿滿嘅芝士味道一般般 略厭少咸🔹酥炸雞球蕃茄意大利飯 HKD88雞球外脆仲保留到肉汁 加入菇菌嘅意大利飯軟硬適中 蕃茄醬汁味道酸甜開胃🔸黑松露薯條 HKD38平時出去食一碟都要五六十蚊見只要$38就可以追加 諗都冇諗就叫咗😂🔹菠菜三文魚忌廉意粉 HKD78賣相精緻 忌廉汁 好Creamy欣賞佢嘅意粉唔會太淋 仲有啲咬口👍🏻♦️另外仲有飲品包括咖啡/朱古力/花茶甜品都有好多唔同選揀 💰人均消費約$110/位 🚩Coffee Break 旺角通菜街2Q-2Z號鴻輝大廈地下4號舖