Coffee Break (TKO Gateway東翼)

营业中

休息中

裝修擺設所以都好靚，枱凳同餐具都係雲石紋，超級靚，另外位置都坐得比較舒服，位置都比較寬鬆，適合情侶同埋朋友食飯閒聊。坑口終於有間悠閑又多選擇嘅coffee shop啦🥰-🧏🏻‍♀️溫馨提示：有時中午時段可能要等等，或者會出現搭枱情況，不過等候時間吾算耐-▪️溫泉蛋卡邦尼意粉 $62▪️波茶忌廉煙三文魚意粉 $68▪️黑松露班尼狄蛋配巴馬火腿 $58▪️雞蛋沙律卷 $58-#溫泉蛋卡邦尼意粉一擺上枱個溫泉蛋大大隻非常亮眼🤩雖然睇落去好細份，不過對女仔嚟講都好飽肚。意粉非常夠味，不會出現出面會煮到好硬身嘅情況。#波茶忌廉煙三文魚意粉意粉裡面加左好多餸，三文魚、磨菇、青淑等等，不過就味道無禁濃，忌廉味道偏淡。#黑松露班尼狄蛋配巴馬火腿啲個真係我至愛😍少少黑松露嘅味道，雞蛋微微流心，放落口黑松露同巴馬火腿少少咸味非常之夾，有機會過嚟嘅一定要試下。#雞蛋沙律卷我個人認為沙津卷個皮偏乾身，側邊少少沙律薯同埋配菜，個薯仔係明顯食到一舊舊，吾係平時果啲薯仔蓉，反而禁樣更好味。另外我好欣賞卷內吾太多蛋黃係裡面，而係蛋白比例偏多，食落去都無禁油膩。————————————————————-—————-📍Locati

坑口從末來過，今日行完山途經此處，順道午餐才回家。TKO gateway 新開一間咖啡店，似曾相識，原來旺角有分店，我去過，記憶水準不錯。於是乎幫襯了。南瓜海鮮燴意大利飯好香！好香！意大利飯吸盡南瓜精華，清甜濕潤有口感。海鮮有魷魚，蟹柳....每啖都充滿驚喜。巴馬火腿配沙律巴馬火腿整成一朵花的造型好靚。火箭菜份量不少，醋汁略為多了些少，酸味過重。Cappuccino 話明咖啡店，咖啡必選。咖啡味道保持水準，苦中回甘，餘韻持久。

連續兩日今日第二次試呢間嘅菜式。溫泉旦卡邦尼意粉餐＋ 台式奶茶。溫泉旦好味，唔會周圍流，可用叉叉起一半吃，口感幾好。個汁好creamy，唔錯。不過又係意粉略嫌硬身。奶茶就真係未試過咁味，係有茶味，不過係帶酸，個茶底唔得，有啲難飲。本想來讚下，点知發現都係有嘢要改善。

本身幫襯開旺角個間，見到厚德開左都好開心。因為佢啲野價錢質素都ok.今次諗住去食下午茶，但係食到一肚火。可能啲staff各有崗位，而安排入座個條友唔知去左邊，然後有4-5張吉枱（成間鋪都係得廿張），見到有staff 消毒埋枱都無人安排入座。最後要同櫃枱啲人講，佢先識指揮啲staff 去做野。最後一次過入晒人，根本無人要排隊。用半個鐘排隊，可能有一半時間係等緊佢搵人安排你入座。然後亦都係無人俾水你，要自己去拎。希望厚德店啲service 可以跟得上旺角店。

一早來試新餐廳，一坐低感覺環境滿分，我本身好喜歡無印風格，配襯工業風燈飾，雲石紋餐檯同食具，统统都無得彈，坐得十分舒服。我哋食咗兩個早餐，食物合格以上，咖啡香濃，隔離檯飲凍飲🥤個present都好吸引，見佢都點曬頭😆整體餐牌價錢好公道，以呢個環境來說，我諗都算是性價比高的。講返坑口呢頭要坐得舒服啲既飲咖啡餐廳來去兩間，成日要排隊等位，加多呢間叫做多一個好選擇，一定會繼續來支持。話咁快坐到唔捨得埋單，一出門口見到有人龍，我希望呢間做得長，始終個位置不在當眼處有點輸蝕，從來小寫食評的我，都決定幫幫手推一推介，為的是自己繼續有好餐廳飲咖啡🤣

份量少，叫$88漢堡包居然比迷你size係小朋友食嗰啲一口麵包🥯，夾兩個薯餅俾你就算數，最離譜叫過帶子意粉居然走咗帶子，嗰日去人就唔算非常多，但等候食物時間係極之耐，隔離枱等左一粒鐘到扯晒火，但我好好彩，等咗九個字，其實根本就漏單大家可以去社交平台搜尋將軍澳主場大把人都鬧，再唔改善同XO XO一樣下場不過反正我都唔會再幫襯下一次🖕認真呢個價錢去食beans真係好10倍以上如果想中伏大家可以去試吓佢個漢堡包同惡劣嘅意粉

今日咁啱去開坑口TKO Gateway買餸，順便食下平民美食，點知發現呢間新開張既餐廳，一睇，原來係旺角都有分店既Coffee Break!即刻諗都唔諗就排隊食！裝修同旺角分店差唔多，走簡潔舒適路線，坐得好舒服。我哋叫咗兩個lunch set，一個係野菌黑松露忌廉意大利燴飯，另一個係松子仁青醬帶子意粉。燴飯既黑松露味好香，粒粒分明有咬口，做得幾正宗。 而青醬意粉既醬夠濃稠，掛滿在意粉上，兩粒帶子夠晒大粒又厚肉，外面煎得香脆，內裏保持了鮮嫩同爽口，火喉啱啱好！餐飲包價值$30的飲品，但我真係好想飲咖啡，所以加左幾蚊要Cappuccino 同Mocha。 兩杯咖啡都香醇入口唔苦澀，因為我唔嗜甜，所以Mocha我就覺得甜左少少，但可能大家嫌唔夠甜。總括黎講有驚喜，食物質素同價錢吻合，性價比高，而且好難得係將軍澳區呢個咁人口稠密的地方搵到間咁有品味又價格相宜的餐廳chill一下，都幾盞鬼呀！