Coffee Art

营业中

休息中

今日同A姐放工後，去咗一個平時我哋比較少去嘅地方，就係將軍澳。嚟到將軍澳嘅新都城行吓街，雖然就無咩買到，但A姐話人少少，行吓睇吓都好舒服。而晚餐就隨意搵咗一間，今晚就選擇咗Coffee Art，簡簡單單食意大利粉啦！南瓜忌廉湯是日晚餐可以揀沙律或者是日餐湯，南瓜忌廉湯好Creamy，有淡淡嘅南瓜味，正！炸粗薯條配黑松露醬呢個薯條即叫即炸，夠晒香口又熱辣辣，配上黑松露醬，就更加好味。不過，我哋就唔覺得佢係粗薯條囉。酒香腐乳雞肉意大利粉腐乳配意大利粉？你無聽錯，但真係好好味呀！帶有淡淡嘅酒香，而腐乳真係好香濃，汁完美咁掛晒上意大利粉。係我哋認為必叫之選。辣肉腸墨西哥汁意大利粉呢個辣肉腸意粉其實幾惹味，個汁少少辣又有蕃茄嘅酸甜味，好開胃。但原來辣肉腸即係香腸，呢個位係有少許失望。伯爵紅茶 + 茉莉綠茶最後嘆埋杯熱茶，真係好寫意，好舒服！（記住Like同Share畀朋友）By A姐M佬 玩樂日記

係香港絕大部份除非好貴，如果唔係想食到外國味既西餐真係好難，但估唔到呢間野除左裝修，味道都似外國風味！嗌左個辣肉腸意粉，有南瓜湯同綠茶送，之後再嗌左三隻蜜糖雞翼，安格斯牛堡；個南瓜湯偏淡，作為starter其實好岩，清清地個辣肉腸意粉就唔似港式，主要係靠d汁帶個味道，撈完食岩岩好，唔會太heavy，食完飲番杯綠茶就正(雖然只係茶包)😛雞翼係新鮮炸，唔重油味仲幾甜，可以encore！最大獲係個牛堡，真係細食d都搞唔掂，牛又唔老，岩哂中意burger既人😊

一直都係意大利粉忠實擁躉嘅我，今日就去咗地鐵尾站寶琳嘅一間咖啡店試吓佢哋嘅意大利粉。一到步最欣賞係餐廳嘅裝修，簡潔得來又令人舒服。頭盤有南瓜忌廉湯同埋柚子汁雜菜沙律，我好鍾意個南瓜忌廉湯，好滑好味。我叫咗一個黑松露雜菌忌廉汁意大利粉，我個妹就叫咗一個慢煮紅酒牛尾意大利粉。我個黑松露意粉一嚟到，已經被黑松露嘅香味攻陷左我，水準唔錯。我都有使到個紅酒牛尾意大利粉，幾欣賞個牛尾，入口即溶。餐飲我就叫咗伯爵紅茶，我個妹就叫咗茉莉綠茶。我知道咖啡店嘅咖啡同埋蛋糕都好值得一試，但一個晚餐套餐已經夠飽了。

amazing drink and foodi ordered Art of bowl. its fresh, and the lettuces were cut to small pieces for easy eating, the taste is just right. i had a cappuccino, smooth taste. lastly, i had a tart thats yummy and not too sweet.my wife had a fish, it was fresh, juicy and tender.You have to come and try. Highly recommended.

約左朋友仔食飯，佢好鐘意去cafe所以就試下呢間tko人氣Coffee Art. 環境好日式，比人感覺好Relax,好舒服。同朋友仔相聚係一個好地方👍推薦。首先食左個All day breakfast, 熱辣辣新鮮上到，食材好豐富又新鮮，個炒蛋超級滑，重點係三文魚加左薯蓉係底，口感好特別，覺得食完又有營養又健康。之後再追加個青口，個汁好出色，撈飯真係一流。再加個牛小扒意大利飯，牛扒大概5成熟左右，好正，又滑，配埋距個獨家秘制醬，真係覺得好高質素！意大利飯口感好有層次。

今日約左朋友黎將軍澳行街，晚上食飯就周圍行下睇下有咩食，見到呢間cafe都好多人，所以就決定食呢間試下。dinner set連湯/沙律仲有野飲好抵食，我同朋友都叫左呢個餐食。沙律菜好新鮮，而且柚子醬汁酸酸地令到好開胃。而餐湯就係南瓜忌廉湯，打到溶哂好杰身，好好味😋同朋友決定叫兩個唔同意粉一齊share食。首先個慢煮紅酒牛尾意粉牛尾忟到好林，入口即溶嗰隻，而個意粉就用左蒜香味炒香佢，好香口。另外個黑松露雜菌忌廉汁意粉好creamy，黑松露味好重，而且份量都好多，真係好抵食。

週末去咗將軍澳探阿妹，同佢去咗寶琳行新都城商場，晚飯時間經過一間coffee Art,門前有多人等位，見到餐牌的晚餐都有多款選擇，阿妹都想試吓，我們也加入等位行列入座。黑松露雜菌忌廉汁意大利粉：雜菌和意大利粉加入香滑的忌廉汁和香氣撲鼻的黑松露一起煮，意粉吸收左兩者的味道，質感滑溜可口。餐湯是南瓜湯，濃郁有甜味。奉送茉莉綠茶，清香解喝。溫泉蛋日本黑豚肉醬意大利粉：用黑豚肉做肉醬，豬肉味香濃有口感，配香甜的蕃茄醬汁，再加上一隻滑溜的溫泉蛋，每條意粉都掛上溫泉蛋汁、肉醬和醬汁，多重口感好好味！可樂

師傅約左小黃人食飯，為方便小黃人所以揀左喺呢個地區食，當時外面都幾大雨，但又冇話特別想食d乜，所以最後行左一陣就揀左呢間食店。入到去又冇乜人，但感覺好似就收工咁，其實當時只係晚上8點鬆少少，不過伙計照樣招呼入座，所以就入左去坐。坐底睇下有乜野食，見個晚餐都幾抵食，有前菜，有主菜，有飲品都係70蚊左右。於是師傅揀左辣肉腸墨西哥汁意粉同南瓜忌廉湯，而小黃人就揀左柚子汁雜菜沙律同慢煮紅酒牛尾意大利粉，再配上兩支果汁，另外再加左炸薯條配黑松露醬。落完單等一陣就有得食，前菜先上柚子汁雜菜沙律同南瓜忌廉湯，先講下個沙律，柚子汁幾清爽香甜，入口舒服，而南瓜忌廉湯就普普通通，未算吸引。再講炸薯條配黑松露醬，炸薯條堪稱失敗，薯條屬於粗身但完全冇味道，連基本嘅薯味都冇，就算點黑松露醬也不見突出，感覺比老麥的還要差，令人失望。再講下個辣肉腸墨西哥汁意粉，意粉爽口汁底唔算太辣，加啲辣椒仔就額外惹味，至於慢煮紅酒牛尾意大利粉師傅就試左個牛尾，都煮得幾腍幾入味，聽小黃人講都收貨，應該不俗。最後兩支果汁係樽裝，味道冇特別，但就感覺特別衞生。總括而言，食物質素屬中上，環境舒服，衞生乾淨價錢相宜，由於師傅並不喜咖啡，所

周末在新都城閒逛時發現這間cafe 輕食店，門外掛起的poster 看起來不錯，而且價錢也不貴。中午時段輪侯數分鐘後，店員就為我們安排了座位。Egg Benedict屬早餐系列，伴有爆谷頗具創意。法包如果烘得更久一點，應該會更香脆。煙三文魚以原個牛油果和沙律菜墊著，口感豐富;刺穿雞蛋後，蛋汁充沛。友人點的茉莉綠菜是跟餐的，不用額外加錢。喝完後，亦可向店員多取熱水自行加添。熱Latte有拉花，咖啡濃度適中。三重蟹肉意大利粉堆得高高的，蟹肉和蟹籽與意大利粉攪拌後，能均勻沾在意粉上。意粉根根分明，食起來不會有膩感。

約咗朋友想坐低一齊傾一傾計，就嚟到呢間野飲杯咖啡。😁😁😁今次叫咗一杯flat white，味道唔錯。呢間分店比起觀塘嗰間分店望落光猛好多，而且坐得舒服😊😊😊

將軍澳黃店，lunch time大排長龍， 等咗大約大半個鐘先入到坐。試咗牛肉漢堡同埋牛肉意大利飯。 個漢堡牛肉好正，大約八成熟 ，好juicy ，牛味好香 ，個包 煎到脆脆地 ，仲熱， 伴碟有爆谷同生菜， 爆谷係焦糖味， 出奇地夾 個漢堡，好似係$128，抵食。個牛肉意大利飯啲牛肉 大約五成熟，煎到啱啱好，好嫩滑 ，牛味突出香濃， 一啲都唔騷，呢個 一定要試，必食推介，$158性價比高。走嘅時候聽到隔離枱話，呢度嘅咖啡係全將軍澳最好飲， 下次都想試下。一定會回頭！

店舖在新都城中心一期內，另一邊係落地大玻璃，如中午日照時間，坐在玻璃旁，感覺會有點熱。中間位置是收銀及水吧的位置，旁邊有少量高枱的座位，適合打卡。三重蟹肉意粉，上枱已經十分吸引，中間放了蟹肉及蟹籽，還有三條大大的蟹棒，將呢三重同意粉拌勻，每一啖都有唔止三重口感，意粉同醬汁都好夾，值得推介。黑松露忌廉帶子手工薯粉，薯粉一粒一粒，感覺好似食緊硬身的年糕，淡淡的黑松露，加上忌廉汁，食食下會覺得到好膩。Art of bowl，呢個真心抵食，份量超級足，大量新鮮蔬果，藜麥，羽衣甘藍，士多啤梨，車厘茄，果仁，提子乾，還有薄薄的多士，食極都食唔完。

Coffee Art💛 難得嘅商場內的黃店cafe😍-🔍 Dinner set: 辣肉腸辣意粉 🍝 $68🔍 Dinner set 加配小食：黑松露薯條 🍟 $30辣肉腸辣意粉好入味！😍 少辣但又唔太辣最正😋 雖然本來佢寫辣肉腸意粉，令我以為真係平時食Pizza上面嘅「辣肉腸」，但點知嚟到嘅時候係辣汁加香腸意粉😂 令我有少少失望。黑松露薯條個醬好cream😋 薯條都夠脆，如果係粗薯條仲正🤭-📍 將軍澳貿業路8號新都城中心1期地下G95號舖

想去 Coffee Art 很久了! 適逢朋友想去新地方 同我吃生日飯，我就建議Coffee Art。我們大約12:05入座，選了窗邊靠牆的四人座位。 同隔離枱其實都幾近，還好有塊白板隔著😅。邊吃邊欣賞窗外樹上的紅花、橙花，心情愉快、舒暢!我們兩人都要set lunch。頭盤 柚子汁雜菜沙律或香草牛油法包二選一。我們都要沙律。沙律菜新鮮，配柚子汁挺好味!朋友叫煙三文魚蟹籽忌廉汁意大利粉。很多蟹籽，要分些給我😂。意大利粉很多👍。 朋友說煙三文魚太鹹，忌廉汁也太少😅。喜歡吃魚的我就叫香煎龍脷柳南瓜汁意大利飯。賣相都挺吸引，飯有南瓜味，龍脷柳份量適中 ，味道不錯。飲品 熱伯爵紅茶或茉莉綠茶二選一。朋友加$10要熱情果樽裝果汁，我加$28要熱朱古力。 以為要了其他飲品就沒有茶送，原來都有茶送給我們，真好! 伯爵紅茶味道不錯。我杯熱朱古力上的拉花竟然是海馬! 很特別! 第一次見! 有驚喜☺! 朱古力甜度適中。在門外等候時已選了我們想吃的甜品😁。朋友要紅桑子慕絲朱古力撻。帶點酸的紅桑子中和了朱古力的甜味，這個配搭很不錯。喜歡朱古力的我就要70%黑朱古力拖肥撻。黑朱古力不苦，拖肥又不太甜，整體來說甜

看了上篇為海鹽朱古力再來，也決定來一試。整體食物賣相精緻、吸引，等入座已預揀定甜品。餐湯南瓜味香滑清甜，沙律乾身、爽脆。主菜海鮮意大利飯用料新鮮，牛小扒軟身亦有肉汁。不得不提兩杯飲品拉花極美，海鹽朱古力好好飲，鮮奶咖啡亦香濃。惟一扣分係檸檬撻，個人認為餡醬太多，亦偏甜。建議大家可跟套餐點，會較優惠。