Cocolo Tokyo Cake Factory (形點 I) (已結業)

早前Cocolo新開張時大排長龍，店內堂食位一直一位難求，之前食過一次蘋果批覺得好正，是日經過見新出爐，咁香又買一個食下先。外賣返到屋企先食，拎上手仲暖㗎，真係超級香，牛油味同甜甜嘅蘋果味，批皮鬆脆有咬口，蘋果餡甜美不造作，size仲幾大個下，分左一半比屋企人試下。同行者話要試佢地個芝士蛋糕，呢件原味芝士蛋糕黎，芝味都幾濃，蛋糕口感幼滑，微甜，食晒全件都不覺膩。疫情下生活枯燥，間中嘗一點甜何樂而不為。

呢間舖頭主打青森直送蘋果批🍎，由西貢開到利東街同旺角，今次終於開到入黎元朗yoho ，大西北朋友想食都唔使專登出去喇！店舖環境好乾淨企理，走日系木調清新風格，有幾張木枱木凳係度，點餐後可以堂食坐低慢慢傾吓計🥰 食物方面呢度有齊放批既熱櫃同排列左唔同切件蛋糕既凍櫃，雖然見到Menu上有幾個item都sold out，但仍然有好多選擇！青森蘋果批($35)第一次到訪一定要試吓佢哋既皇牌！唔知好彩定唔好彩，店員比我既係一件有少少奇型怪狀既蘋果批😅不過好彩冇影響到味道酥皮每一層都好鬆化，牛油味香，加埋入面香甜蘋果餡同埋吉士醬，唔會太甜而且味道好夾！北海道忌廉芒果蛋糕($28)另外揀咗件切件芒果蛋糕，芒果忌廉打得好軟滑，配埋柔軟既海綿蛋糕，酸酸甜甜唔怕膩！

面對訊息、安排萬變嘅日子，極之需要甜品去調劑。Yoho開咗個新嘅日式甜品，一於買返屋企食。除咗有最出名嘅青森蘋果批之外，仲有唔同蛋糕選擇。果然係日本直送嘅蘋果批。金黃色嘅酥皮有層次，多層到數都數唔晒，咬落好鬆化，帶牛油香而不膩。蘋果餡唔會死甜，有粒粒嘅蘋果果肉，清新香甜。好事成雙，買咗同樣黎自日本嘅三層抹茶蛋糕。聞落已經有淡淡的茶味。忌廉甜度、厚度適中，蛋糕鬆軟。絕對係冇得去旅行，但又想食到日本甜品嘅好選擇。

Cocolo開到嚟元朗Yoho Mall，大西北嘅朋友以後唔使出去買啦👏🏻 呢度堂食嘅位置好充足，環境又乾淨光猛👍🏻 外賣嘅包裝都好精緻🥰青森蘋果批 $35人氣No.1，都幾大份。買完之後去到欣澳海傍先食，keep到好酥脆，入面嘅蘋果餡香甜、帶少少天然果酸味，正😋三層抹茶蛋糕 $28比阿爸幾啖鯨吞咗😂 佢話蛋糕比較甜，有淡淡嘅抹茶香味，唔會有太多cream，所以唔膩👍🏻 佢覺得值呢個價～見到蒙布朗蛋糕都好吸引，一於下次試吓～

我一向唔多欣賞蘋果批，見每日行過附近就聞倒勁香。 好得意，鋪頭門口又反而聞唔倒。😂 終於買蘋果批試吓，真心好味！如果做倒臨收工前有折就仲好！值得推介，雖然價錢有啲貴。

此店終於進駐新界，落腳於元朗，行過路過唔好錯過，外賣咗個青森蘋果批做晚飯後甜品🤤我有用焗爐翻熱佢，一出爐就好香😌！酥皮層次分明十分鬆脆，只係我覺得脆過頭，食到散落一地😅個蘋果內餡就好啱我口味，用青森蘋果本身都應該唔會太差，調味上落咗蘋果個best friend 肉桂，應該唔係落好多，而就同個蘋果融為一體，相依為命，成個味道昇華晒。內餡無煮過龍變爛溶溶，果粒算分明，大愛🥰。加上本人唔喜歡太甜，佢就酸甜適中，感覺接近翻個原材料，無過份整色整水浪費咗個食材。仲有其他黎自日本嘅蘋果批未試，試完再作比較。整體來講今次經驗唔錯！