CoCo壹番屋 (希慎廣場)

营业中

休息中

疫情下想同朋友食下重口味既野 就想到食咖哩飯了 來到希慎既food court 就選擇了coco而家要減少聚集 所以都要等下位先可以開餐 大概15分鐘後由店員幫手量好體溫同消毒雙手後 就可以入座了 發現左新既餐單所以就決定試下 叫左芝士漢堡扒咖哩飯 咖哩汁要1甜1辣 飯要200g 加21蚊要左是日例湯同沙律配走油沙律醬餐湯是清爽的質地 入面有洋蔥同海帶 微咸可以在食正餐前清下腸胃先沙律既菜食落好清甜 但個走油沙律醬就幾咸下 感覺有點似豉油膏 下次還是選回芝麻醬比較好食左兩個前菜後 幸好自己叫左減量既200g飯 不然大概會浪費左食物飯是珍珠米 食落煙韌咁 好好咬牙 個汁少少甜少少辣 惹味得來又唔會太辣 好開胃牙 個漢堡扒入面既芝士是流心架 食落就可以一啖肉一啖芝士 好享受牙

Weekend 我同朋友睇戲前醫下肚，就㨂咗呢間日式咖哩連鎖店。我選了忌廉雞肉奄列飯，咖哩味道選不辣，上菜時間大約10-15分鐘。這裏的咖哩飯都是出名多汁，日式咖哩汁混合忌廉汁撈飯食，味道不錯的。奄列蛋煎得軟度適中，剛剛好包得住所有飯，賣相精美。可是雞肉只有兩、三小塊，對於想多吃肉的朋友，這款飯未必會是閣下的選擇。另外想表揚一位說英語的男職員，他非常細心，主動為我同朋友調校窗簾，而當時陽光比較猛烈。👍🏻👍🏻👍🏻

一貫水準的日本甜咖喱🍛如果有更多不同種類食材可以選擇就更好👍🏻咖喱汁可以的話 選擇小辣會比較有層次雪糕夠凍👍🏻可能因為是樓上店 所以用餐時段也不用等位薯條未夠水準 沒有什麼味道 要努力

行經希慎想食咖哩，就試下Coco，見到有牌寫住佢係最多分店嘅咖哩，所以都幾有期望🌟食物炸忌廉咖哩飯炸忌廉幾滑，不過忌廉中間較淡味。炸物掂到咖哩嘅部分會淋左少少，美中不足牛肉片咖哩飯牛肉有四大片，有牛肉香味，有咬口但唔會太韌可以加錢轉唔同款嘅套餐，但覺得唔太抵冇加到枱面有七味粉同醃蘿蔔，可加到咖哩調味同增加口感每枱都有一壺水，幾方便🌟服務員工都好有禮貌，感覺到佢地有活力，喺香港好少見枱面亦放左意見收集紙，可見佢地好注重服務以一碟咖哩飯嚟講唔平，如果中意香料，應該選擇印度咖哩，日式咖哩係甜甜地嘅~

如果忽然掛住日本咖喱，去COCO 食返個咖喱可以頂住先。日本咖喱係甜甜地唔辣既，配埋蛋就最好食。忌廉雞肉庵列咖喱我覺得最好食，首先佢係個蛋包飯，其次忌廉夾日本咖喱幾好食。我仲叫咗小辣，為甜甜既咖喱再加啲味道。

日本咖哩快餐店，明碼實價專賣日式咖哩，配合不同餸菜，但都以碟頭飯為主，有併餐飲湯或沙葎甜品，米飯多少和辣度等都有得自己選擇。不過千祈唔好少看他的辣度，都十分厲害！咖哩燒牛肉飯都算是其中一個喜好，燒牛肉配洋葱香口，加上少辣度的咖哩汁，非常野味！

好耐冇食過架呢，呢間食咗第二次，咖喱汁係唔錯嘅，但係啲餸真係少到冇朋友。今次我哋叫咗一個茄子菠菜咖喱焗飯，同埋咖喱海鮮飯。個焗飯係幾好食嘅，但係個人就唔係好鍾意佢面頭嘅白汁，太杰，冇乜味道，總之就係唔知加黎做乜。呢個焗飯就冇得揀咖喱嘅辣度，淨係得小辣，唔明點解。咖喱海鮮飯，我哋就揀咗三辛，已經係非常辣，下次都係揀二辛算。飯入面嘅海鮮真係少得可憐，下蝦兩三隻，魷魚又得個小小，真係貴夾唔抵食。下次都係食咖喱豬扒飯算啦。

星期五先黎完銅鑼灣，星期六晚又再黎銅鑼灣，到處都係人，遊客、行花市既，黎拍拖既，想唔逼爆都難！ 同honey因係灣仔辦完正經事（😂去格價厠所用品），honey 話佢想幫襯耐冇食既咖哩飯！一去到11/f 希慎，即刻去攞位，又好彩地，有張二人空枱咁岩可俾到照舊叫我地食開既，honey叫左咖哩吉列豬扒飯，我就叫咖哩芝士漢堡飯！吉列豬，咖哩香味濃!我最鐘意叫芝士漢堡另加炒蛋，但係留意另加炒蛋就要加多18蚊！但呢間既炒蛋都好食，又無理由唔加！食到中間，都仲keep住有芝士出黎（證明塊扒幾夠熱），漢堡芝士也是coco既人氣飯之一最後，其實想講，銅鑼灣coco，唔止一間既，但呢間細細地，環境都不差！

喺銅鑼灣希慎行緊食咩好見到有CoCo好耐冇食咖哩真係一定要配飯先好味我冇特別去選擇都係食返招牌吉烈豬扒蛋咖喱飯，其實我選辣只係選2號，但其實都已經好辣，我算係食到但如果唔食得辣嘅朋友算普通辣就好了

一個人黎 hysan 飯堂 late lunch ，對自己好啲於是決定食 coco。因為已經兩點半，所以唔駛等位。入去時剛好有幾位客人在埋單檔住門口但侍應哥哥都好醒見到我入去叫人招呼我😅 叫了個鮮菇忌廉奄列咖喱飯，加$20 配沙律同凍咖啡。沙律要了芝麻醬，細細份，有菜有粟米青瓜番茄，味道不錯。送凍咖啡上黎時的侍應姐姐也很細心特別話奶同糖不夠可以再問佢地攞。應該是日式餐廳的特色吧糖漿及同奶都係獨立包裝，不過現在鼓勵環保，餐廳是否也應該改變一吓？好快送了餐來，點知發現竟然落錯單，變了雞肉... 好彩發現到有舊雞係面！明明我係指住個menu落架喎，不過侍應哥哥無覆單... 即時同侍應反映番，即刻同我換..終於有得食！coco 的咖喱可以選辣度，今次叫了「普通」試一試（平常都叫不辣），ok 啦係有啲辣 ，配埋啲忌廉其實不錯👍🏻 蛋夠滑夠香，個人幾鐘意哩個配搭服務其實不錯，埋單時都一再核對之前落錯單要改番，侍應哥哥姐姐態度很好！美中不足的就是落錯了單吧！

Coco家的咖喱饭在国内和日本吃过多次，印象一直很好，长居香港多年竟然一次没有尝试过，这次在铜锣湾溜达正好点评搜到就来试试。来的时候已经晚上将近歇业的时间，希慎广场11楼的美食广场还是挺多的。不过这家咖喱饭人不算多。店内环境还算宽敞明亮，桌子坐着也挺舒服的。点了喜欢的咖喱猪扒饭，价位么跟香港其他的一些日式咖喱饭店差不太多，一份咖喱饭如果加饮品的话百元左右。但是味道有点不敢恭维，感觉有点淡，料也偏少。服务态度还是很不错的，非常好。在香港比较少见。

尋日做完Facial，搭電梯搭左好耐終於想l上到希慎11樓嘅food court 。威姿對於我來講唔太方便，但係如果你平時喺希慎行街, 行咗咁多層上到去都應該啱鐘數食飯。行咗一round food court 之後，都係會揀返食Coco嘅。睇完佢嘅Menu，就發現佢其實冇下午茶嘅。咁坐低之後服務員就會比一杯水and Menu你。選擇都好多嘅呢間咖喱屋，有沙律, 其他主要都係咖喱飯，食過咁多次，都係覺得食有肉嘅咖喱飯會比較飽肚。咁我就通常都會叫牛肉咖喱飯嘅呢個配搭啦，咁今次就試咗牛肉洋蔥咖喱飯，咁我咁我叫waitress 來嗰時夠佢都有問我駛唔駛減份量,因為可以減$5蚊或者你可以加返飯量就加$10啦。咁我就叫左標準份量，唔使加錢，即係有時300 g 嘅。咁你減返飯量就係有200 g咁樣囉。咁佢都有問我食幾辣，我都係叫落標準就得。咁我等左10分鐘左右，但係啲肉片得四塊左右，咖喱汁就好多嘅。呢個餐你原本就$68啦，但係佢會收+1服務費嘅，咁就收成70幾蚊啦咁我都覺得幾唔抵嘅。

是日跟老婆行街街吃咖喱，老婆是一個超級沈迷咖哩及蛋包飯的傻瓜，她特別鍾情於日式咖哩，所以我們在這家用餐。附近是商業區居多，很少人會揀選這家店，所以不用排隊便可入座。⭐️炸魚菠菜蝦仁咖哩飯老婆愛吃魚，她貪得意點了小辣，吃得她不斷爬飯解辣。普通飯量其實對一般女生來說是吃不完的，但她吃光光⋯除了辣了一點之外，這是超正，炸魚外脆內軟。⭐️炸魷魚蝦仁咖喱飯這個炸魷魚沒有太多的炸粉，也沒有把它炸得太硬或太乾，剛剛好，不錯👍🏻老婆點了套餐，附送了湯及雪糕，曲奇雪糕是粒粒大大粒的曲奇，正！

自己一個，銅鑼灣，下午茶時間，搵間靜靜地既餐廳食個飯。見希慎間coco咁自成一角，就佢啦！店員見我自己一條友，細心安排我坐係比較靜既位置享受me time。【炸三文魚扒庵列咖哩飯（加芝士）】個咖喱唔算係我食過咁多日式咖喱中最好味既，但因為個咖喱可以自選辣度，所以都夠惹味～個三文魚都okay，炸皮都薄，唔會太油，入面既三文魚扒都滑，不錯。最大問題係我自己加咗芝士，啲芝士搞到成碟飯好油好油，加咗又無好食到，記得加芝士都唔平，真係唔加好過加。總結，中規中舉，想食就去試，反正多分店，食日式咖喱都幾方便。同埋千萬唔好加芝士啊！

今天好有誠意由天后山長水遠跑去銅鑼灣陪個靚女食飯，熱辣辣又吾想週圍逛，係正希慎門口落車，梗係入去嘆下冷氣，條友又有選擇困難症🙄又要我決定，甘就食咖哩啦前两日食左個麻麻地既咖哩，希望今天吾會出事一入門口見到得两位客人，可能過左lunch time比較少人D，叫完各自既食物後，由於我們想臨尾飲咖啡，叫個侍應比隻杯我們飲水先，但等了很久(相信他已經忘記要比杯我們)，再崔一次，先拿杯來里個咖哩very骨，仲可以選辣度，我選左3倍辣，好好味，豬扒炸得脆之餘又下，除左curry bee外，它都算好味到我們食諗住order咖啡既時候，問另一位侍應咖啡有無跟餐？她竟然同我溝:"随你鐘意"🙄 拗曬頭!咩叫随你鐘意?有就有，無就無，問你問題，你有比返個問題我。最後她拿份menu黎，嗱加$2O有咖啡及雪糕;有咖啡及沙律;有$26蚊既單點咖啡，甘就随你鐘意啦，我讀書少下次吾好甘考我啦，正常D講有或者無，吾好簡單複雜化里杯咖啡不得了只可以講比水濃味如果吾飲咖啡，可以再來